ਮੁੱਖ ਖਬਰਾਂ
Home / ਭਾਰਤ (page 8)

ਭਾਰਤ

ਕਾਂਗਰਸ ‘ਤੁਗਲਕ ਰੋਡ ਘੁਟਾਲੇ’ ’ਚ ਸ਼ਾਮਲ: ਮੋਦੀ

ਜੂਨਾਗੜ੍ਹ-ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ‘ਤੁਗਲਕ ਰੋਡ ਚੋਣ ਘੁਟਾਲੇ’ ਲਈ ਕਾਂਗਰਸ ’ਤੇ ਅਸਿੱਧਾ ਹਮਲਾ ਕਰਦਿਆਂ ਕਿਹਾ ਕਿ ਪਿਛਲੇ ਪੰਜ ਸਾਲਾਂ ਵਿੱਚ ਉਹ ਕਈ ਆਗੂਆਂ ਨੂੰ ਜੇਲ੍ਹ ਦੀਆਂ ਬਰੂਹਾਂ ਤਕ ਲੈ ਆਏ ਹਨ ਤੇ ਜੇਕਰ ਉਹ (ਮੋਦੀ) ਮੁੜ ਚੁਣ ਕੇ ਆਉਂਦੇ ਹਨ ਤਾਂ ਇਹ ਸਾਰੇ ਜੇਲ੍ਹਾਂ ਅੰਦਰ ਹੋਣਗੇ। ਉਨ੍ਹਾਂ ਕਿਹਾ ਕਿ ਵਿਰੋਧੀ ਖੇਮਾ ਪਾਕਿਸਤਾਨ ਦੀਆਂ ਮੰਗਾਂ ਨੂੰ ਪੂਰਾ ਕਰਨ ’ਚ ਲੱਗਾ ਹੈ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਦਾ ਇਕੋ ਇਕ ਕੰਮ ਦਹਿਸ਼ਤਗਰਦੀ ਦੀ ਬਰਾਮਦ ਹੈ।
ਇਥੇ ਗੁਜਰਾਤ ਦੇ ਜੂਨਾਗੜ੍ਹ ਵਿੱਚ ਚੋਣ ਰੈਲੀ ਨੂੰ ਸੰਬੋਧਨ ਕਰਦਿਆਂ ਸ੍ਰੀ ਮੋਦੀ ਨੇ ਕਿਹਾ ਵਿਰੋਧੀ ਪਾਰਟੀ ਦਾ ਨਾਂ ਕਈ ਘੁਟਾਲਿਆਂ ਨਾਲ ਜੁੜਦਾ ਰਿਹਾ ਹੈ। ਹੁਣ ਇਸ ਨੂੰ ਨਵਾਂ ਨਾਂ ਮਿਲਿਆ ਹੈ, ਉਹ ਵੀ ਸਬੂਤ ਦੇ ਨਾਲ। ਉਨ੍ਹਾਂ ਕਿਹਾ, ‘ਕਾਂਗਰਸ ‘ਤੁਗਲਕ ਰੋਡ ਚੋਣ ਘੁਟਾਲੇ’ ਵਿੱਚ ਸ਼ਾਮਲ ਹੈ। ਗਰੀਬ ਤੇ ਗਰਭਵਤੀ ਔਰਤਾਂ ਲਈ ਆਇਆ ਪੈਸਾ ‘ਲੁੱਟ’ ਕੇ ਆਪਣੇ ਹੀ ਆਗੂਆਂ ਦੀ ਜੇਬ੍ਹਾਂ ਵਿੱਚ ਪਾਇਆ ਜਾ ਰਿਹਾ ਹੈ।’ ਸ੍ਰੀ ਮੋਦੀ ਨੇ ਪਹਿਲਾਂ ਕਰਨਾਟਕ ਕਾਂਗਰਸ ਦਾ ਏਟੀਐਮ ਸੀ ਤੋਂ ਹੁਣ ਮੱਧ ਪ੍ਰਦੇਸ਼ ਨਵਾਂ ਏਟੀਐਮ ਬਣ ਗਿਆ ਹੈ।’

ਅਦਾਕਾਰ ਨਵਤੇਜ ਹੁੰਦਲ ਦਾ ਦਿਹਾਂਤ

ਮੁੰਬਈ-ਉੜੀ-ਦ ਸਰਜੀਕਲ ਸਟ੍ਰਾਈਕ’ ਵਿਚ ਗ੍ਰਹਿ ਮੰਤਰੀ ਦੀ ਭੂਮਿਕਾ ਨਿਭਾਅ ਚੁੱਕੇ ਅਦਾਕਾਰ ਨਵਤੇਜ ਹੰੁਦਲ ਦਾ ਸੋਮਵਾਰ ਨੂੰ ਦਿਹਾਂਤ ਹੋ ਗਿਆ | ਫਿਲਹਾਲ ਉਨ੍ਹਾਂ ਦੇ ਦਿਹਾਂਤ ਦੇ ਅਸਲ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ | ਜਾਣਕਾਰੀ ਅਨੁਸਾਰ ਹੁੰਦਲ ਨੇ ਆਖੀਰ ਸਾਹ ਮੁੰਬਈ ਵਿਚ ਲਿਆ | ਨਵਤੇਜ ਹੁੰਦਲ ਸੰਜੇ ਦੱਤ ਨਾਲ ਖਲਨਾਇਕ ਵਿਚ ਵੀ ਕੰਮ ਕਰ ਚੁੱਕੇ ਸਨ |

ਨਨ ਜਬਰ-ਜਨਾਹ ਮਾਮਲੇ ‘ਚ ਮੁਲੱਕਲ ਿਖ਼ਲਾਫ਼ ਦੋਸ਼ ਪੱਤਰ

ਕੋਟਾਯਮ (ਕੇਰਲ)-ਕੇਰਲਾ ਪੁਲਿਸ ਦੀ ਵਿਸ਼ੇਸ਼ ਜਾਂਚ ਟੀਮ ਨੇ ਨਨ ਜਬਰ ਜਨਾਹ ਦੇ ਮਾਮਲੇ ਵਿਚ ਗਿ੍ਫ਼ਤਾਰੀ ਤੋਂ 7 ਮਹੀਨੇ ਬਾਅਦ ਬਿਸ਼ਪ ਫ੍ਰੈਂਕੋ ਮੁਲੱਕਲ ਿਖ਼ਲਾਫ਼ ਦੋਸ਼ ਪੱਤਰ ਦਾਖ਼ਲ ਕੀਤਾ ਹੈ | ਇਹ ਦੋਸ਼ ਪੱਤਰ ਪਾਲਾ ਦੀ ਮੈਜਿਸਟੇ੍ਰਟ ਅਦਾਲਤ ਵਿਚ ਦਾਇਰ ਕੀਤਾ ਗਿਆ ਹੈ | 80 ਪੰਨਿਆਂ ਦੇ ਦੋਸ਼ ਪੱਤਰ ਦੇ ਨਾਲ ਹੀ ਜਾਂਚ ਟੀਮ ਨੇ ਇਸ ਕੇਸ ਵਿਚ 83 ਗਵਾਹਾਂ ਦੇ ਬਿਆਨ ਦਰਜ ਕੀਤੇ ਹਨ, ਉੱਥੇ ਲੈਪਟਾਪ, ਮੋਬਾਈਲ ਫ਼ੋਨ ਅਤੇ ਮੈਡੀਕਲ ਟੈਸਟ ਸਮੇਤ ਕੁੱਲ 30 ਸਬੂਤ ਇਕੱਠੇ ਕੀਤੇ ਗਏ ਹਨ | ਹਾਲਾਂਕਿ ਮੁਲੱਕਲ ਨੇ ਲੈਪਟਾਪ ਸੌਾਪਣ ਤੋਂ ਇਨਕਾਰ ਕਰ ਦਿੱਤਾ ਸੀ ਪਰ ਬਾਵਜੂਦ ਇਸ ਦੇ ਉਨ੍ਹਾਂ ਿਖ਼ਲਾਫ਼ ਸਬੂਤ ਮਿਟਾਉਣ ਦੇ ਦੋਸ਼ ‘ਚ ਕੋਈ ਕੇਸ ਦਰਜ ਨਹੀਂ ਕੀਤਾ ਗਿਆ | ਜ਼ਿਕਰਯੋਗ ਹੈ ਕਿ ਜੂਨ 2018 ‘ਚ ਕੇਰਲ ਦੀ ਇਕ ਨਨ ਨੇ ਰੋਮਨ ਕੈਥੋਲਿਕ ਦੇ ਜਲੰਧਰ ਡਾਯੋਸਿਸ ਦੇ ਤਤਕਾਲੀ ਪਾਦਰੀ ਫ੍ਰੈਂਕੋ ਮੁਲੱਕਲ ‘ਤੇ ਸਰੀਰਕ ਸ਼ੋਸ਼ਣ ਦਾ ਦੋਸ਼ ਲਗਾਇਆ ਸੀ | ਕੇਰਲ ਪੁਲਿਸ ਕੋਲ ਦਰਜ ਕਰਵਾਈ ਸ਼ਿਕਾਇਤ ਅਨੁਸਾਰ ਫ੍ਰੈਂਕੋ ਨੇ 2014 ਵਿਚ ਹਿਮਾਚਲ ਪ੍ਰਦੇਸ਼ ਦੇ ਇਕ ਗੈੱਸਟ ਹਾਊਸ ਵਿਚ ਉਸ ਨਾਲ ਜਬਰ ਜਨਾਹ ਕੀਤਾ ਸੀ | ਇਸ ਤੋਂ ਬਾਅਦ ਕਰੀਬ ਦੋ ਸਾਲ ਵਿਚ ਉਸ ਦਾ 14 ਵਾਰ ਸਰੀਰਕ ਸ਼ੋਸ਼ਣ ਕੀਤਾ ਗਿਆ | ਜ਼ਿਕਰਯੋਗ ਹੈ ਕਿ ਇਸ ਕੇਸ ਦੀ ਪੜਤਾਲ ਲਈ ਕੇਰਲ ਪੁਲਿਸ ਕਈ ਵਾਰ ਜਲੰਧਰ ਆ ਕੇ ਫ੍ਰੈਂਕੋ ਤੋਂ ਪੁੱਛਗਿੱਛ ਕਰ ਚੁੱਕੀ ਹੈ |

ਵਾਈਸ ਐਡਮਿਰਲ ਵਰਮਾ ਨੇ ਜਲ ਸੈਨਾ ਮੁਖੀ ਦੀ ਨਿਯੁਕਤੀ ਖ਼ਿਲਾਫ਼ ਪਟੀਸ਼ਨ ਵਾਪਸ ਲਈ

ਨਵੀਂ ਦਿੱਲੀ-ਵਾਈਸ ਐਡਮਿਰਲ ਬਿਮਲ ਵਰਮਾ ਨੇ ਅਗਲੇ ਜਲ ਸੈਨਾ ਮੁਖੀ ਦੇ ਤੌਰ ’ਤੇ ਵਾਈਸ ਐਡਮਿਰਲ ਕਰਮਬੀਰ ਸਿੰਘ ਦੀ ਨਿਯੁਕਤੀ ਨੂੰ ਚੁਣੌਤੀ ਦੇਣ ਵਾਲੀ ਆਪਣੀ ਅਰਜ਼ੀ ਆਰਮਡ ਫੋਰਸਜ਼ ਟ੍ਰਿਬਿਊਨਲ ਦੀ ਸਲਾਹ ਤੋਂ ਬਾਅਦ ਵਾਪਸ ਲੈ ਲਈ ਹੈ। ਅੰਡੇਮਾਨ ਨਿਕੋਬਾਰ ਕਮਾਂਡ ਦੇ ਮੁਖੀ ਵਰਮਾ ਨੇ ਸੋਮਵਾਰ ਨੂੰ ਆਰਮਡ ਫੋਰਸਜ਼ ਟ੍ਰਿਬਿਊਨਲ (ਏਐਫਟੀ) ਦਾ ਦਰਵਾਜ਼ਾ ਖੜਕਾਇਆ ਸੀ ਤੇ ਪੁੱਛਿਆ ਸੀ ਕਿ ਸਭ ਤੋਂ ਸੀਨੀਅਰ ਹੋਣ ਦੇ ਬਾਵਜੂਦ ਅਗਲੇ ਜਲ ਸੈਨਾ ਪ੍ਰਮੁੱਖ ਵਜੋਂ ਉਨ੍ਹਾਂ ਦਾ ਨਾਂ ਕਿਉਂ ਨਹੀਂ ਵਿਚਾਰਿਆ ਗਿਆ। ਸੂਤਰਾਂ ਮੁਤਾਬਕ ਏਐਫਟੀ ਨੇ ਵਰਮਾ ਨੂੰ ਕਿਹਾ ਕਿ ਉਨ੍ਹਾਂ ਨੂੰ ਆਪਣੀ ਸ਼ਿਕਾਇਤ ਦੇ ਨਿਬੇੜੇ ਲਈ ਅੰਦਰੂਨੀ ਹੱਲ ਤਲਾਸ਼ਣਾ ਚਾਹੀਦਾ ਹੈ। ਇਸ ਤੋਂ ਬਾਅਦ ਉਨ੍ਹਾਂ ਆਪਣੀ ਅਰਜ਼ੀ ਵਾਪਸ ਲੈ ਲਈ। ਏਐਫਟੀ ਨੇ ਕਿਹਾ ਕਿ ਜੇ ਉਹ ਅੰਦਰੂਨੀ ਉਪਾਅ ਤੋਂ ਸੰਤੁਸ਼ਟ ਨਹੀਂ ਹੁੰਦੇ ਤਾਂ ਫਿਰ ਟ੍ਰਿਬਿਊਨਲ ਦਾ ਰੁਖ਼ ਕਰ ਸਕਦੇ ਹਨ। ਵਰਮਾ ਨੇ ਸੋਮਵਾਰ ਨੂੰ ਇੱਥੇ ਏਐਫਟੀ ਵਿਚ ਆਪਣੀ ਅਰਜ਼ੀ ਵਿਚ ਜਾਣਨਾ ਚਾਹਿਆ ਸੀ ਕਿ ਸਰਕਾਰ ਨੇ ਉਨ੍ਹਾਂ ਦੀ ਸੀਨੀਆਰਤਾ ਦੀ ਅਣਦੇਖੀ ਕਿਉਂ ਕੀਤੀ ਤੇ ਵਾਈਸ ਐਡਮਿਰਲ ਕਰਮਬੀਰ ਸਿੰਘ ਨੂੰ ਅਗਲਾ ਜਲ ਸੈਨਾ ਮੁਖੀ ਕਿਉਂ ਚੁਣਿਆ ਗਿਆ ਹੈ। ਸਰਕਾਰ ਨੇ ਲੰਘੇ ਮਹੀਨੇ ਸਿੰਘ ਨੂੰ ਅਗਲਾ ਜਲ ਸੈਨਾ ਮੁਖੀ ਥਾਪਿਆ ਸੀ ਤੇ ਉਹ 30 ਮਈ ਨੂੰ ਸੇਵਾਮੁਕਤ ਹੋ ਰਹੇ ਐਡਮਿਰਲ ਸੁਨੀਲ ਲਾਂਬਾ ਦੀ ਥਾਂ ਲੈਣਗੇ।
ਸਰਕਾਰ ਨੇ ਉਨ੍ਹਾਂ ਦੀ ਚੋਣ ਮੈਰਿਟ ਦੇ ਆਧਾਰ ’ਤੇ ਕੀਤੀ ਸੀ ਤੇ ਸੀਨੀਆਰਤਾ ਨੂੰ ਆਧਾਰ ਨਹੀਂ ਬਣਾਇਆ ਗਿਆ ਸੀ। ਬਿਮਲ ਵਰਮਾ ਕਰਮਬੀਰ ਸਿੰਘ ਤੋਂ ਸੀਨੀਅਰ ਹਨ ਤੇ ਉਹ ਦਾਅਵੇਦਾਰਾਂ ਵਿਚੋਂ ਸਨ।

ਏਡਮਿਰਲ ਕਰਮਬੀਰ ਸਿੰਘ ਨੂੰ ਜਲ ਫ਼ੌਜ ਪ੍ਰਮੁੱਖ ਲਾਉਣ ‘ਚ ਆਈ ਦਿੱਕਤ, ਮਾਮਲਾ ਪੁੱਜਾ ਅਦਾਲਤ

ਨਵੀਂ ਦਿੱਲੀ-ਜਲ ਫ਼ੌਜ ਪ੍ਰਮੁੱਖ ਦੀ ਨਿਯੁਕਤੀ ਵਿੱਚ ਸੀਨੀਆਰਟੀ ਨੂੰ ਨਜ਼ਰਅੰਦਾਜ਼ ਕੀਤੇ ਜਾਣ ਨੂੰ ਲੈ ਕੇ ਵਿਵਾਦ ਹੋ ਗਿਆ ਹੈ। ਵਾਇਸ ਏਡਮਿਰਲ ਵਿਮਲ ਵਰਮਾ ਨੇ ਇਸ ਮਾਮਲੇ ਵਿੱਚ ਹਥਿਆਰਬੰਦ ਜੋਰ ਕਮੇਟੀ ‘ਚ ਅਰਜ਼ੀ ਦਿੱਤੀ ਹੈ। ਜ਼ਿਕਰਯੋਗ ਹੈ ਕਿ ਸਰਕਾਰ ਨੇ ਪਿਛਲੀ 23 ਮਾਰਚ ਨੂੰ ਜਲੰਧਰ ਵਾਸੀ ਵਾਇਸ ਏਡਮਿਰਲ ਕਰਮਬੀਰ ਸਿੰਘ ਨੂੰ ਨਵਾਂ ਜਲ ਫ਼ੌਜ ਪ੍ਰਮੁੱਖ ਨਿਯੁਕਤ ਕਰਨ ਦਾ ਐਲਾਨ ਕੀਤਾ ਸੀ। ਉਹ ਏਡਮਿਰਲ ਸੁਨੀਲ ਲਾਂਬਾ ਦਾ ਸਥਾਨ ਲੈਣਗੇ ਜੋ 31 ਮਈ ਨੂੰ ਸੇਵਾਮੁਕਤ ਹੋ ਰਹੇ ਹਨ।
ਵਾਇਸ ਏਡਮਿਰਲ ਵਰਮਾ ਦੇ ਇਸ ਨਿਯੁਕਤੀ ਨੂੰ ਲੈ ਕੇ ਕੋਰਟ ਪੁੱਜਣ ‘ਤੇ 3 ਸਾਲ ਪਹਿਲਾਂ ਫੌਜ ਪ੍ਰਮੁੱਖ ਦੀ ਨਿਯੁਕਤੀ ‘ਤੇ ਹੋਇਆ ਵਿਵਾਦ ਇੱਕ ਵਾਰ ਫਿਰ ਤਾਜ਼ਾ ਹੋ ਗਿਆ ਹੈ। ਉਸ ਸਮੇਂ ਵੀ ਸਰਕਾਰ ਨੇ 2 ਸੀਨੀਅਰ ਜਨਰਲਾਂ ਦੀ ਸੀਨੀਆਰਟੀ ਨੂੰ ਨਜ਼ਰਅੰਦਾਜ਼ ਕਰ ਜਨਰਲ ਬਿਪਿਨ ਰਾਵਤ ਨੂੰ ਫੌਜ ਪ੍ਰਮੁੱਖ ਨਿਯੁਕਤ ਕੀਤਾ ਸੀ। ਵਾਇਸ ਏਡਮਿਰਲ ਵਰਮਾ ਸਾਬਕਾ ਏਡਮਿਰਲ ਨਿਰਮਲ ਵਰਮਾ ਦੇ ਭਰਾ ਹਨ। ਏਡਮਿਰਲ ਨਿਰਮਲ ਵਰਮਾ 2009 ਤੋਂ 2012 ਵਿੱਚ ਜਲ ਫ਼ੌਜ ਪ੍ਰਮੁੱਖ ਸਨ। ਵਾਇਸ ਏਡਮਿਰਲ ਵਰਮਾ ਨੂੰ 1979 ਵਿੱਚ ਜਲ ਫ਼ੌਜ ਵਿੱਚ ਕਮਿਸ਼ਨ ਮਿਲਿਆ ਸੀ।
ਜਦੋਂ ਕਿ ਵਾਇਸ ਏਡਮਿਰਲ ਸਿੰਘ ਨੂੰ 1980 ਵਿੱਚ ਕਮਿਸ਼ਨ ਮਿਲਿਆ ਸੀ ਅਤੇ ਉਹ ਲੱਗਭੱਗ 6 ਮਹੀਨੇ ਸੀਨੀਅਰ ਹਨ। ਵਾਇਸ ਏਡਮਿਰਲ ਸਿੰਘ ਜਲ ਫ਼ੌਜ ਦੀ ਪੂਰਵੀ ਕਮਾਨ ਦੇ ਪ੍ਰਮੁੱਖ ਹਨ ਅਤੇ ਉਹ ਜਲ ਫ਼ੌਜ ਪ੍ਰਮੁੱਖ ਬਣਨ ਵਾਲੇ ਪਹਿਲੇ ਹੈਲੀਕਾਪਟਰ ਪਾਇਲਟ ਹਨ। ਵਾਇਸ ਏਡਮਿਰਲ ਵਰਮਾ ਨੇ ਆਪਣੀ ਮੰਗ ਵਿੱਚ ਉਨ੍ਹਾਂ ਨੂੰ ਜੂਨੀਅਰ ਅਧਿਕਾਰੀ ਨੂੰ ਜਲ ਫ਼ੌਜ ਪ੍ਰਮੁੱਖ ਬਣਾਏ ਜਾਣ ਦੇ ਕਾਰਨ ਦੇ ਬਾਰੇ ਵਿੱਚ ਜਾਨਣਾ ਚਾਹਿਆ ਹੈ। ਸੂਤਰਾਂ ਨੇ ਕਿਹਾ ਕਿ ਉਨ੍ਹਾਂ ਦੀ ਮੰਗ ‘ਤੇ ਮੰਗਲਵਾਰ ਨੂੰ ਸੁਣਵਾਈ ਹੋਣ ਦੀ ਉਮੀਦ ਹੈ।

ਰਾਹੁਲ ਗਾਂਧੀ ਦਾ ਬੀਜੇਪੀ ਦੇ ਮੈਨੀਫੈਸਟੋ ‘ਤੇ ਹਮਲਾ

ਨਵੀਂ ਦਿੱਲੀ-ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਮੈਨੀਫੈਸਟੋ ਨੂੰ ਲੈ ਕੇ ਬੀਜੇਪੀ ਅਤੇ ਪ੍ਰਧਾਨਮੰਤਰੀ ਨਰੇਂਦਰ ਮੋਦੀ ‘ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਨੇ ਟਵੀਟ ਕਰਕੇ ਕਿਹਾ ਕਿ ਕਾਂਗਰਸ ਦਾ ਮੈਨੀਫੈਸਟੋ ਲੋਕਾਂ ਦੀ ਸਲਾਹ ਅਤੇ ਉਸ ‘ਤੇ ਵਿਚਾਰ ਕਰਨ ਤੋਂ ਬਾਅਦ ਤਿਆਰ ਕੀਤਾ ਗਿਆ ਹੈ। ਜਦਕਿ ਬੀਜੇਪੀ ਨੇ ਬੰਦ ਕਮਰੇ ‘ਚ ਮੈਨੀਫੈਸਟੋ ਤਿਆਰ ਕੀਤਾ, ਜਿਸ ‘ਚ ਇੱਕੋ ਵਿਅਕਤੀ ਦੀ ਗੱਲ ਹੈ। ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ, ਬੀਜੇਪੀ ਪ੍ਰਧਾਨ ਅਮਿਤ ਸ਼ਾਹ, ਰਾਜਨਾਥ ਸਿੰਘ, ਅਰੁਣ ਜੇਟਲੀ, ਸੁਸ਼ਮਾ ਸਵਰਾਜ ਦੀ ਮੌਜੂਦਗੀ ‘ਚ ਬੀਜੇਪੀ ਨੇ ਆਪਣਾ ਮੈਨੀਫੈਸਟੋ ਰਿਲੀਜ਼ ਕੀਤਾ ਸੀ।
ਜਿਸ ‘ਚ ਕਿਸਾਨਾਂ ਲਈ ਪੈਂਸ਼ਨ ਯੋਜਨਾ, ਐਨਆਰਸੀ ਲਾਗੂ ਕਰਨ, ਜੰਮੂ ਕਸ਼ਮੀਰ ਨੂੰ ਖਾਸ ਦਰਜਾ ਦੇਣ ਸੰਬੰਧੀ ਧਾਰਾ 370, 35 ਏ ਖ਼ਤਮ ਕਰਨ ਅਤੇ ਅਯੋਧਿਆ ‘ਚ ਰਾਮ ਮੰਦਰ ਦੇ ਨਿਰਮਾਣ ਸੰਬੰਧੀ ਕਈ ਅਜਿਹੇ ਵਾਅਦੇ ਕੀਤੇ ਗਏ। ਇਸ ਮੈਨੀਫੈਸਟੋ ‘ਤੇ ਕਾਂਗਰਸ ਦਾ ਕਹਿਣਾ ਹੈ ਕਿ ਅਸਲ ‘ਚ ਤਾਂ ਇਨ੍ਹਾਂ ਨੂੰ 5 ਸਾਲ ਦੇ ਬਾਅਦ ਹਿਸਾਬ ਦੇਣਾ ਚਾਹੀਦਾ ਸੀ ਕਿ ਇਨ੍ਹਾਂ ਨੇ ਕੀ-ਕੀ ਕੀਤਾ? ਕਿਸਾਨਾਂ ਨੂੰ ਕੀਤੇ ਵਾਅਦਿਆਂ ਦਾ ਕੀ ਹੋਇਆ ਅਤੇ ਵਪਾਰੀਆਂ ਨੂੰ ਜੋ ਵਾਅਦੇ ਕੀਤੇ ਉਨ੍ਹਾਂ ਦਾ ਕੀ ਹੋਇਆ?

ਧਾਰਾ 370 ਖ਼ਤਮ ਹੋਣ ਨਾਲ ‘ਆਜ਼ਾਦੀ’ ਦਾ ਰਾਹ ਪੱਧਰਾ ਹੋਵੇਗਾ : ਫਾਰੂਕ ਅਬਦੁੱਲਾ

ਸ੍ਰੀਨਗਰ-ਕਸ਼ਮੀਰ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਨੈਸ਼ਨਲ ਕਾਨਫ਼ਰੰਸ ਦੇ ਮੁਖੀ ਫ਼ਾਰੂਕ ਅਬਦੁੱਲਾ ਨੇ ਕਿਹਾ ਕਿ ਧਾਰਾ 370 ਦੇ ਖ਼ਾਤਮੇ ਨਾਲ ਜੰਮੂ-ਕਸ਼ਮੀਰ ਦੇ ਲੋਕਾਂ ਲਈ ‘ਆਜ਼ਾਦੀ’ ਦਾ ਰਾਹ ਪੱਧਰਾ ਹੋ ਜਾਵੇਗਾ ਅਤੇ ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਭਾਜਪਾ ਨੂੰ ਲੋਕਾਂ ਦੇ ਦਿਲਾਂ ਨੂੰ ਜੋੜਨ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ ਨਾ ਕਿ ਤੋੜਨ ਦੀ। ਅਬਦੁੱਲਾ ਦਾ ਬਿਆਨ ਇਸੇ ਸਮੇਂ ਦੌਰਾਨ ਸਾਹਮਣੇ ਆਇਆ ਹੈ ਜਦੋਂ ਭਾਜਪਾ ਨੇ ਸੋਮਵਾਰ ਨੂੰ ਲੋਕ ਸਭਾ ਚੋਣਾਂ ਲਈ ਆਪਣਾ ਚੋਣ ਮਨੋਰਥ ਪੱਤਰ ਜਾਰੀ ਕੀਤਾ ਅਤੇ ਧਾਰਾ 370 ਸਮਾਪਤ ਕਰਨ ਦੀ ਆਪਣੀ ਪ੍ਰਤੀਬਧਤਾ ਦੁਹਰਾਈ। ਇਹ ਧਾਰਾ ਜੰਮੂ-ਕਸ਼ਮੀਰ ਨੂੰ ਵਿਸ਼ੇਸ਼ ਦਰਜਾ ਪ੍ਰਦਾਨ ਕਰਦੀ ਹੈ। ਸ੍ਰੀਨਗਰ ਲੋਕ ਸਭਾ ਸੀਟ ਤੋਂ ਚੋਣ ਲੜ ਰਹੇ ਅਬਦੁੱਲਾ ਨੇ ਇੱਥੇ ਇਕ ਚੋਣ ਰੈਲੀ ਵਿਚ ਕਿਹਾ ਕਿ ਉਹ (ਭਾਜਪਾ) ਧਾਰਾ 370 ਸਮਾਪਤ ਕਰਨ ਦੀ ਗੱਲ ਕਰਦੇ ਹਨ। ਜੇਕਰ ਉਹ ਇਸ ਤਰ੍ਹਾਂ ਕਰਦੇ ਹਨ ਤਾਂ ਇਹ ਰਲੇਵਾਂ ਵੀ ਨਹੀਂ ਰਹੇਗਾ ਅਤੇ ਸਾਨੂੰ ਉਨ੍ਹਾਂ ਤੋਂ ‘ਆਜ਼ਾਦੀ’ ਮਿਲ ਜਾਵੇਗੀ। ਅਬਦੁੱਲਾ ਨੇ ਕਿਹਾ ਕਿ ਜੇਕਰ ਧਾਰਾ 370 ਖ਼ਤਮ ਹੁੰਦੀ ਹੈ ਤਾਂ ਕਸ਼ਮੀਰ ਵਿਚ ਕੋਈ ਰਾਸ਼ਟਰੀ ਝੰਡਾ ਲਹਿਰਾਉਣ ਵਾਲਾ ਨਹੀਂ ਹੋਵੇਗਾ।

ਅਜੀਤ ਸਿੰਘ ਤੇ ਤਿੰਨ ਕੇਂਦਰੀ ਮੰਤਰੀਆਂ ਦਾ ਭਵਿੱਖ ਦਾਅ ’ਤੇ

ਨਵੀਂ ਦਿੱਲੀ-ਪੱਛਮੀ ਉੱਤਰ ਪ੍ਰਦੇਸ਼ ਤੇ ਬਿਹਾਰ ਦੇ ਦਸ ਲੋਕ ਸਭਾ ਹਲਕਿਆਂ ਵਿਚ 11 ਅਪਰੈਲ ਨੂੰ ਹੋਣ ਵਾਲੀਆਂ ਪਹਿਲੇ ਗੇੜ ਦੀਆਂ ਚੋਣਾਂ ਵੱਡੇ ਸਿਆਸਤਦਾਨ ਅਜੀਤ ਸਿੰਘ, ਕੇਂਦਰੀ ਮੰਤਰੀ ਵੀ.ਕੇ. ਸਿੰਘ ਤੇ ਮਹੇਸ਼ ਸ਼ਰਮਾ ਦੀ ਕਿਸਮਤ ਦਾ ਫ਼ੈਸਲਾ ਕਰਨਗੀਆਂ। ਮੁਲਕ ਵਿਚ ਸਭ ਤੋਂ ਵੱਧ ਆਬਾਦੀ ਵਾਲੇ ਸੂਬੇ ਯੂਪੀ ਦੇ ਪੱਛਮੀ ਇਲਾਕੇ ਵਿਚ ਕਿਸੇ ਵੀ ਤਰ੍ਹਾਂ ਦਾ ਧਰੁਵੀਕਰਨ ਭਾਰਤੀ ਜਨਤਾ ਪਾਰਟੀ ਲਈ ਮਦਦਗਾਰ ਸਾਬਿਤ ਹੋ ਸਕਦਾ ਹੈ। ਅਜਿਹਾ 2014 ਦੀਆਂ ਲੋਕ ਸਭਾ ਚੋਣਾਂ ਦੌਰਾਨ ਵੀ ਦੇਖਿਆ ਗਿਆ ਹੈ। ਮੁਜ਼ੱਫ਼ਰਨਗਰ ਤੋਂ ਰਾਸ਼ਟਰੀ ਲੋਕ ਦਲ ਦੇ ਉਮੀਦਵਾਰ ਅਜੀਤ ਸਿੰਘ ਐੱਸਪੀ-ਬਸਪਾ-ਰਾਸ਼ਟਰੀ ਲੋਕ ਦਲ ਦੇ ਸਾਂਝੇ ਉਮੀਦਵਾਰ ਹਨ ਤੇ ਉਹ ਸਾਬਕਾ ਕੇਂਦਰੀ ਮੰਤਰੀ ਸੰਜੀਵ ਬਾਲਿਅਨ ਖ਼ਿਲਾਫ਼ ਚੋਣ ਲੜਨਗੇ। ਇਸ ਹਲਕੇ ਦੇ ਸਾਰੇ ਪੰਜ ਵਿਧਾਨ ਸਭਾ ਹਲਕਿਆਂ ਵਿਚ ਮੁਸਲਿਮ ਵੋਟਰ ਅਹਿਮ ਭੂਮਿਕਾ ਨਿਭਾਉਂਦੇ ਹਨ। ਹਲਕੇ ਦੇ ਕਰੀਬ 17 ਲੱਖ ਵੋਟਰ ਹਨ, ਜਿਨ੍ਹਾਂ ਵਿਚ 26 ਫੀਸਦ ਮੁਸਲਿਮ, 15 ਫੀਸਦ ਜਾਟਵ ਤੇ ਅੱਠ ਫੀਸਦ ਜਾਟ ਹਨ। ਗੰਨੇ ਦਾ ਬਕਾਇਆ, ਕਾਨੂੰਨ-ਵਿਵਸਥਾ ਤੇ ਕਿਸਾਨ ਮੁੱਦੇ ਇਸ ਹਲਕੇ ਵਿਚ ਅਹਿਮ ਹਨ।
ਇਲਾਕੇ ਦੇ ਲੋਕਾਂ ਮੁਤਾਬਕ ਮੁਕਾਬਲਾ ਕਾਫ਼ੀ ਸਖ਼ਤ ਹੈ। ਕੇਂਦਰੀ ਮੰਤਰੀ ਵੀ.ਕੇ. ਸਿੰਘ ਗਾਜ਼ੀਆਬਾਦ ਤੋਂ ਮੁੜ ਚੁਣੇ ਜਾਣ ਦੇ ਆਸਵੰਦ ਹਨ। ਉਨ੍ਹਾਂ ਦਾ ਮੁਕਾਬਲਾ ਸਪਾ-ਬਸਪਾ-ਆਰਐੱਲਡੀ ਉਮੀਦਵਾਰ ਸੁਰੇਸ਼ ਬਾਂਸਲ ਤੇ ਕਾਂਗਰਸੀ ਉਮੀਦਵਾਰ ਡੌਲੀ ਸ਼ਰਮਾ ਨਾਲ ਹੈ। ਇਲਾਕੇ ਵਿਚ 27.26 ਲੱਖ ਵੋਟਰ ਹਨ। ਹਲਕੇ ਵਿਚ ਮੁਸਲਿਮ, ਗੁੱਜਰ, ਵੈਸ਼ਿਆ, ਬ੍ਰਾਹਮਣ ਅਹਿਮ ਭੂਮਿਕਾ ਨਿਭਾਉਂਦੇ ਆ ਰਹੇ ਹਨ।
ਗੌਤਮ ਬੁੱਧ ਨਗਰ (ਨੌਇਡਾ) ਤੋਂ ਕੇਂਦਰੀ ਮੰਤਰੀ ਮਹੇਸ਼ ਸ਼ਰਮਾ ਦੀ ਕਿਸਮਤ ਦਾਅ ’ਤੇ ਲੱਗੀ ਹੋਈ ਹੈ।
ਹਲਕੇ ਤੋਂ ਅਰਵਿੰਦ ਕੁਮਾਰ ਸਿੰਘ ਕਾਂਗਰਸੀ ਉਮੀਦਵਾਰ ਤੇ ਬਸਪਾ ਦੇ ਸਤਵੀਰ ਸਿੰਘ ਸਪਾ-ਬਸਪਾ-ਆਰਐੱਲਡੀ ਦੇ ਉਮੀਦਵਾਰ ਹਨ। ਸ਼ਰਮਾ ਗੌਤਮ ਬੁੱਧ ਨਗਰ ਤੋਂ 2009 ਵਿਚ ਚੋਣ ਲੜੇ ਸਨ ਤੇ ਦੂਜੇ ਨੰਬਰ ’ਤੇ ਰਹੇ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਨੋਇਡਾ ਵਿਧਾਨ ਸਭਾ ਹਲਕੇ ਤੋਂ 2012 ਵਿਚ ਚੋਣ ਲੜੀ ਤੇ ਜੇਤੂ ਰਹੇ। 2014 ਦੀਆਂ ਲੋਕ ਸਭਾ ਚੋਣਾਂ ਵਿਚ ਉਹ 599,702 ਵੋਟਾਂ ਲੈ ਕੇ ਜੇਤੂ ਰਹੇ।

‘ਫ਼ਰਜ਼ੀ ਚੌਕੀਦਾਰ’ ਸਰਕਾਰੀ ਮਸ਼ੀਨਰੀ ਦੀ ਦੁਰਵਰਤੋਂ ਕਰ ਰਿਹੈ: ਮਮਤਾ

ਜਲਪਾਈਗੁੜੀ-ਤ੍ਰਿਣਮੂਲ ਕਾਂਗਰਸ ਮੁਖੀ ਅਤੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ’ਤੇ ਸਰਕਾਰੀ ਮਸ਼ੀਨਰੀ ਤੇ ਸੰਸਥਾਵਾਂ ਦੀ ਵਰਤੋਂ ਕਰ ਕੇ ਵਿਰੋਧੀ ਧਿਰਾਂ ਨੂੰ ਡਰਾਉਣ-ਧਮਕਾਉਣ ਦਾ ਦੋਸ਼ ਲਾਇਆ ਹੈ। ਨਰਿੰਦਰ ਮੋਦੀ ਨੂੰ ‘ਫ਼ਰਜ਼ੀ ਚੌਕੀਦਾਰ’ ਦੱਸਦਿਆਂ ਉਨ੍ਹਾਂ ਕਿਹਾ ਕਿ ਉਹ ਨਹੀਂ ਬਲਕਿ ਮੋਦੀ ਉਨ੍ਹਾਂ ਤੋਂ ਖੌਫ਼ ਖਾ ਰਹੇ ਹਨ। ਮਮਤਾ ਨੇ ਕੇਂਦਰ ਸਰਕਾਰ ’ਤੇ ਸੂਬਾਈ ਮਾਮਲਿਆਂ ਵਿਚ ਦਖ਼ਲ ਦੇਣ ਦਾ ਦੋਸ਼ ਲਾਉਂਦਿਆਂ ਆਂਧਰਾ ਪ੍ਰਦੇਸ਼ ਦੇ ਮੁੱਖ ਸਕੱਤਰ ਅਨਿਲ ਚੰਦਰ ਪੁਨੇਥਾ ਨੂੰ ਹਟਾਉਣ ’ਤੇ ਸਵਾਲ ਉਠਾਇਆ ਹੈ। ਮੁੱਖ ਸਕੱਤਰ ਨੂੰ ਚੋਣ ਕਮਿਸ਼ਨ ਨੇ ਹਟਾਇਆ ਹੈ। ਮਮਤਾ ਨੇ ਕਿਹਾ ਕਿ ਜੇ ਪ੍ਰਧਾਨ ਮੰਤਰੀ ਨੂੰ ‘ਆਖ਼ਰੀ ਪਲਾਂ ’ਚ ਤਬਦੀਲੀ ਦਾ ਐਨਾ ਹੀ ਸ਼ੌਕ ਹੈ’ ਤਾਂ ਉਹ ਆਪਣੇ ਕੈਬਨਿਟ ਸਕੱਤਰ ਜਾਂ ਕੇਂਦਰੀ ਗ੍ਰਹਿ ਸਕੱਤਰ ਨੂੰ ਕਿਉਂ ਨਹੀਂ ਹਟਾਉਂਦੇ। ਮਮਤਾ ਨੇ ਪੱਛਮੀ ਬੰਗਾਲ ਵਿਚ ਚਾਰ ਆਈਪੀਐੱਸ ਅਧਿਕਾਰੀਆਂ ਨੂੰ ਹਟਾਉਣ ਦੇ ਮਾਮਲੇ ’ਤੇ ਵੀ ਕਮਿਸ਼ਨ ਨੂੰ ਪੱਤਰ ਲਿਖਿਆ ਹੈ। ਉਨ੍ਹਾਂ ਇਸ ਨੂੰ ਭਾਜਪਾ ਦੀ ਸ਼ਹਿ ’ਤੇ ਕੀਤੀ ‘ਪੱਖਪਾਤੀ’ ਕਾਰਵਾਈ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਚੋਣ ਕਮਿਸ਼ਨ ਆਪਣੇ ਫ਼ੈਸਲਿਆਂ ’ਤੇ ਮੁੜ ਗੌਰ ਕਰੇ। ਮਮਤਾ ਨੇ ਮੁਕੁਲ ਰੌਏ ਦਾ ਨਾਂ ਲਏ ਬਿਨਾਂ ਕਿਹਾ ਕਿ ਮੋਦੀ ਸ਼ਰਧਾ ਘੁਟਾਲੇ ਦੇ ਮੁਲਜ਼ਮਾਂ ਨਾਲ ਮੰਚ ਸਾਂਝਾ ਕਰ ਰਹੇ ਹਨ।

ਆਹਲੂਵਾਲੀਆ ਦੁਰਗਾਪੁਰ ਤੋਂ ਉਮੀਦਵਾਰ ਬਣੇ

ਨਵੀਂ ਦਿੱਲੀ-ਭਾਜਪਾ ਨੇ ਐਸ. ਐਸ. ਆਹਲੂਵਾਲੀਆ (67) ਨੂੰ ਪੱਛਮੀ ਬੰਗਾਲ ਦੀ ਦੁਰਗਪੁਰ ਲੋਕ ਸਭਾ ਸੀਟ ਤੋਂ ਆਪਣਾ ਉਮੀਦਵਾਰ ਐਲਾਨ ਦਿੱਤਾ ਹੈ, ਉਹ ਇਸ ਸਮੇਂ ਪੱਛਮੀ ਬੰਗਾਲ ਦੀ ਦਾਰਜੀਲਿੰਗ ਲੋਕ ਸਭਾ ਸੀਟ ਤੋਂ ਸੰਸਦ ਮੈਂਬਰ ਹਨ | ਦੁਰਗਪੁਰ ਤੋਂ ਉਮੀਦਵਾਰ ਐਲਾਨਣ ਬਾਅਦ ਆਹਲੂਵਾਲੀਆ ਨੇ ਪਾਰਟੀ ਵਲੋਂ ਉਨ੍ਹਾਂ ‘ਚ ਭਰੋਸਾ ਪ੍ਰਗਟਾਉਣ ‘ਤੇ ਧੰਨਵਾਦ ਕਰਦਿਆਂ ਕਿਹਾ ਕਿ ਉਨ੍ਹਾਂ ਇਸ ਸਥਾਨ ਤੋਂ ਜਿੰਦਗੀ ਦੇ ਸਭ ਤੋਂ ਮਹਤੱਵਪੂਰਣ ਸਬਕ ਸਿੱਖੇ ਹਨ | ਆਹਲੂਵਾਲੀਆ ਨੇ ਦੱਸਿਆ ਕਿ ਉਨ੍ਹਾਂ ਆਪਣਾ ਵਿਦਿਆਰਥੀ ਜੀਵਨ ਇਥੋਂ ਦੀ ਵਰਧਮਾਨ ਯੂਨੀਵਰਸਿਟੀ ‘ਚ ਵਿਦਿਆਰਥੀ ਕਾਰਕੁੰਨ ਵਜੋਂ ਬਿਤਾਇਆ ਹੈ ਅਤੇ ਹੁਣ ਉਸ ਨੂੰ ਇਥੋਂ ਦੇ ਲੋਕਾਂ ਦੀ ਸੇਵਾ ਕਰਨ ਦਾ ਮੌਕਾ ਮਿਲੇਗਾ |