ਮੁੱਖ ਖਬਰਾਂ
Home / ਭਾਰਤ (page 5)

ਭਾਰਤ

ਗ੍ਰਿਫ਼ਤਾਰ ਕੀਤੇ ਗਏ ਤਿੰਨ ਸੈਨਿਕਾਂ ‘ਚੋਂ ਹੀ ਇਕ ਨੇ ਔਰੰਗਜ਼ੇਬ ਨੂੰ ਮਾਰੀ ਸੀ ਗੋਲੀ : ਹਨੀਫ

ਸ਼੍ਰੀਨਗਰ-ਦੱਖਣ ਕਸ਼ਮੀਰ ਵਿਚ ਪਿਛਲੇ ਸਾਲ ਅਤਿਵਾਦੀਆਂ ਦੁਆਰਾ ਮਾਰੇ ਗਏ ਫ਼ੌਜੀ ਔਰੰਗਜ਼ੇਬ ਦੀ ਗਤੀਵਿਧੀ ਦੀ ਸੂਚਨਾ ਦੇਣ ਵਿਚ ਸ਼ਾਮਲ ਹੋਣ ਦੇ ਸ਼ੱਕ ਵਿਚ ਤਿੰਨ ਸੈਨਿਕਾਂ ਤੋਂ ਪੁੱਛ-ਗਿੱਛ ਜਾਰੀ ਹੈ ਅਤੇ ਹੁਣ ਇਸ ਮਾਮਲੇ ਵਿਚ ਔਰੰਗਜ਼ੇਬ ਦੇ ਪਿਤਾ ਦੇ ਤਾਜ਼ਾ ਦਾਅਵੇ ਨਾਲ ਟਵਿਸਟ ਆ ਗਿਆ ਹੈ। ਔਰੰਗਜ਼ੇਬ ਦੇ ਪਿਤਾ ਮੁਹੰਮਦ ਹਨੀਫ ਨੇ ਇਲਜ਼ਾਮ ਲਗਾਇਆ ਹੈ ਕਿ ਹਿਰਾਸਤ ਵਿਚ ਲਏ ਗਏ ਤਿੰਨ ਸੈਨਿਕਾਂ ਵਿਚੋਂ ਇਕ ਨੇ ਉਨ੍ਹਾਂ ਦੇ ਪੁੱਤਰ ਦੀ ਗੋਲੀ ਮਾਰ ਕੇ ਹੱਤਿਆ ਕੀਤੀ ਸੀ। 14 ਜੂਨ 2018 ਨੂੰ ਈਦ ਤੋਂ ਪਹਿਲਾਂ ਫ਼ੌਜ ਦੀ 44 ਆਰਆਰ ਦੇ ਰਾਇਫਲਮੈਨ ਔਰੰਗਜ਼ੇਬ ਛੁੱਟੀਆਂ ਮਨਾਉਣ ਅਪਣੇ ਘਰ ਪੁੰਛ ਜਾ ਰਹੇ ਸਨ।
ਇਸ ਦੌਰਾਨ ਹਿਜ਼ਬੁਲ ਦੇ ਛੇ ਅਤਿਵਾਦੀਆਂ ਨੇ ਪੁਲਵਾਮਾ ਅਤੇ ਸ਼ੌਪੀਆਂ ਦੇ ਰਸਤੇ ਵਿਚ ਉਨ੍ਹਾਂ ਨੂੰ ਅਗਵਾ ਕਰ ਲਿਆ ਸੀ। ਕਲਮਪੋਰਾ ਤੋਂ ਲੱਗ-ਭੱਗ 15 ਕਿਲੋਮੀਟਰ ਔਰੰਗਜ਼ੇਬ ਦਾ ਮ੍ਰਿਤਕ ਸਰੀਰ ਮਿਲਿਆ ਸੀ। ਇਸ ਮਾਮਲੇ ਵਿਚ ਫ਼ੌਜ ਦੇ ਤਿੰਨ ਸੈਨਿਕਾਂ ਤੋਂ ਪੁੱਛ-ਗਿੱਛ ਕੀਤੀ ਗਈ। ਇਕ ਇੰਟਰਵਿਊ ਵਿਚ ਔਰੰਗਜ਼ੇਬ ਦੇ ਪਿਤਾ ਅਤੇ ਜੰਮੂ-ਕਸ਼ਮੀਰ ਲਾਇਟ ਇੰਫੈਂਟਰੀ ਦੇ ਸਾਬਕਾ ਫ਼ੌਜੀ ਹਨੀਫ ਨੇ ਕਿਹਾ ਕਿ ਉਨ੍ਹਾਂ ਦਾ ਦਾਅਵਾ ਫ਼ੌਜ ਦੇ ਸੂਤਰਾਂ ਦੁਆਰਾ ਉਨ੍ਹਾਂ ਨੂੰ ਮਿਲੀ ਸੂਚਨਾ ਦੇ ਆਧਾਰ ਉਤੇ ਹੈ।
ਜੰਮੂ ਵਿਚ ਇਸ ਹਫਤੇ ਦੀ ਸ਼ੁਰੂਆਤ ਵਿਚ ਹਫੀਨ ਪੀਐਮ ਨਰਿੰਦਰ ਮੋਦੀ ਦੀ ਹਾਜ਼ਰੀ ਵਿਚ ਭਾਜਪਾ ਵਿਚ ਸ਼ਾਮਲ ਹੋਏ ਸਨ। ਹਫੀਨ ਨੇ ਇਲਜ਼ਾਮ ਲਗਾਇਆ ਕਿ ਹੱਤਿਆ ਵਿਚ ਸ਼ਾਮਲ ਤਿੰਨ ਸੈਨਿਕਾਂ ਵਿਚੋਂ ਇਕ ਮੁੱਖ ਅਪਰਾਧੀ ਸੀ। ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ 4-JAKLI ਦੇ ਗ੍ਰਿਫ਼ਤਾਰ ਕੀਤੇ ਗਏ ਤਿੰਨੋ ਫ਼ੌਜੀ ਅਤਿਵਾਦੀਆਂ ਦੇ ਸੰਪਰਕ ਵਿਚ ਸਨ ਅਤੇ ਉਨ੍ਹਾਂ ਨੇ ਉਨ੍ਹਾਂ ਦੇ ਪੁੱਤਰ ਦੀ ਉਥੋ ਦੀ ਲੰਘਣ ਦੀ ਸੂਚਨਾ ਅਤਿਵਾਦੀਆਂ ਨੂੰ ਦਿਤੀ ਸੀ। ਉਨ੍ਹਾਂ ਨੇ ਦਾਅਵਾ ਕੀਤਾ ਹੈ ਕਿ ਤਿੰਨਾਂ ਸੈਨਿਕਾਂ ਵਿਚੋਂ ਇਕ, ਹੱਤਿਆ ਤੋਂ ਲੱਗ-ਭੱਗ ਇਕ ਹਫ਼ਤੇ ਪਹਿਲਾਂ ਈਦ ਮਨਾਉਣ ਦੇ ਬਹਾਨੇ ਛੁੱਟੀ ਲੈ ਕੇ ਨਿਕਲ ਗਿਆ ਸੀ।
ਉਨ੍ਹਾਂ ਦੇ ਜਾਣ ਤੋਂ ਬਾਅਦ ਔਰੰਗਜ਼ੇਬ ਈਦ ਲਈ ਘਰ ਆਉਣ ਵਾਲਾ ਸੀ। ਸੈਲਾਨੀ ਨੇ ਕਿਹਾ ਕਿ ਜਿਸ ਦਿਨ ਔਰੰਗਜ਼ੇਬ ਅਪਣੀ ਕਾਰ ਤੋਂ ਘਰ ਆ ਰਿਹਾ ਸੀ। ਉਸ ਦਿਨ ਫ਼ੌਜੀ ਨੇ ਉਸ ਨੂੰ ਚਾਹ ਲਈ ਅਪਣੇ ਘਰ ਵੀ ਬੁਲਾਇਆ ਸੀ। ਔਰੰਗਜ਼ੇਬ ਦੇ ਪਿਤਾ ਨੇ ਇਲਜ਼ਾਮ ਲਗਾਇਆ ਕਿ ਫ਼ੌਜੀ ਹਿਜਬੁਲ ਸੈਲ ਦਾ ਹਿੱਸਾ ਸੀ ਅਤੇ ਉਸ ਨੇ ਨਕਾਬ ਪਾਕੇ ਔਰੰਗਜ਼ੇਬ ਦਾ ਅਗਵਾਹ ਕੀਤਾ। ਉਸ ਨੇ ਅਤਿਵਾਦੀਆਂ ਦੀ ਹਾਜ਼ਰੀ ਵਿਚ ਔਰੰਗਜ਼ੇਬ ਉਤੇ ਗੋਲੀਆਂ ਚਲਾਈਆਂ।

ਦੂਜੇ ਦਿਨ ਈ. ਡੀ. ਵਲੋਂ ਵਾਡਰਾ ਤੋਂ 9 ਘੰਟੇ ਪੁੱਛਗਿੱਛ

ਨਵੀਂ ਦਿੱਲੀ-ਗ਼ਲਤ ਢੰਗ ਨਾਲ ਪੈਸੇ ਦੇ ਕਥਿਤ ਲੈਣ-ਦੇਣ ਦੇ ਮਾਮਲੇ ‘ਚ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ. ਡੀ.) ਨੇ ਅੱਜ ਲਗਾਤਾਰ ਦੂਜੇ ਦਿਨ ਵੀ ਕਾਂਗਰਸ ਜਨਰਲ ਸਕੱਤਰ ਪਿ੍ਅੰਕਾ ਗਾਂਧੀ ਦੇ ਪਤੀ ਰਾਬਰਟ ਵਾਡਰਾ ਤੋਂ 9 ਘੰਟੇ ਤੱਕ ਪੁੱਛਗਿੱਛ ਕੀਤੀ | ਈ. ਡੀ. ਅਧਿਕਾਰੀਆਂ ਨੇ ਪਹਿਲਾਂ ਸਵੇਰੇ 2 ਘੰਟੇ ਉਨ੍ਹਾਂ ਤੋਂ ਸਵਾਲ-ਜਵਾਬ ਕੀਤੇ ਅਤੇ ਫਿਰ ਲੰਚ-ਬ੍ਰੇਕ ਤੋਂ ਬਾਅਦ ਮੁੜ ਪੁੱਛਗਿੱਛ ਕੀਤੀ | ਜਾਂਚ ਏਜੰਸੀ ਨੇ ਵਾਡਰਾ ‘ਤੇ ਇਲਜ਼ਾਮ ਲਗਾਇਆ ਹੈ ਕਿ ਲੰਡਨ ‘ਚ ਉਨ੍ਹਾਂ ਦੀਆਂ ਕਈ ਜਾਇਦਾਦਾਂ ਹਨ ਜਿਸ ਨੂੰ ਉਨ੍ਹਾਂ ਨੇ ਯੂ. ਪੀ. ਏ. ਦੇ ਸਮੇਂ ‘ਚ ਖਰੀਦਿਆ ਸੀ | ਈ. ਡੀ. ਕੁਝ ਈ-ਮੇਲ ਦੇ ਹਵਾਲੇ ਨਾਲ ਵਾਡਰਾ ਤੋਂ ਸਵਾਲ ਜਵਾਬ ਕਰ ਰਹੀ ਹੈ | ਸੂਤਰਾਂ ਮੁਤਾਬਿਕ ਸੁਮਿਤ ਚੱਢਾ ਵਲੋਂ ਵਾਡਰਾ ਨੂੰ ਇਕ ਮੇਲ ਭੇਜੀ ਗਈ ਸੀ ਜਿਸ ‘ਚ ਲੰਡਨ ‘ਚ ਸੰਪਤੀ ਦਾ ਜ਼ਿਕਰ ਕੀਤਾ ਗਿਆ ਸੀ | ਮੇਲ ‘ਚ ਵਾਡਰਾ ਤੋਂ ਇਹ ਵੀ ਪੁੱ ਛਿਆ ਗਿਆ ਕਿ ਕੀ ਉਹ ਕੰਮ ਤੋਂ ਸੰਤੁਸ਼ਟ ਹਨ ਜਾਂ ਫੋਟੋ ਭੇਜੀ ਜਾਏ | ਰਾਬਰਟ ਵਾਡਰਾ ਕੋਲੋਂ ਇਸ ਸਬੰਧ ‘ਚ ਤਕਰੀਬਨ 40 ਸਵਾਲ ਪੁੱਛੇ ਗਏ ਹਨ | ਹਲਕਿਆਂ ਮੁਤਾਬਿਕ ਵਾਡਰਾ ਨੇ ਲੰਡਨ ‘ਚ ਕੋਈ ਸੰਪਤੀ ਹੋਣ ਤੋਂ ਇਨਕਾਰ ਕੀਤਾ ਸੀ | ਈ. ਡੀ. ਹਲਕਿਆਂ ਮੁਤਾਬਿਕ ਸੰਸਥਾ ਅਦਾਲਤ ਤੋਂ ਵਾਡਰਾ ਨੂੰ ਹਿਰਾਸਤ ‘ਚ ਲੈ ਕੇ ਪੁੱਛਗਿੱਛ ਕਰਨ ਦੀ ਇਜਾਜ਼ਤ ਮੰਗ ਰਹੀ ਹੈ | ਵਾਡਰਾ ਨੇ ਅਦਾਲਤ ਤੋਂ ਪਹਿਲਾਂ ਹੀ 16 ਫਰਵਰੀ ਤੱਕ ਦੀ ਅਗਾਊਾ ਜ਼ਮਾਨਤ ਲੈ ਲਈ ਹੈ | ਇਸ ਦੌਰਾਨ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਚੈਟਰਜੀ ਨੇ ਰਾਬਰਟ ਵਾਡਰਾ ਦੀ ਹਮਾਇਤ ‘ਚ ਉਤਰਦਿਆਂ ਕਿਹਾ ਕਿ ਉਸ ਨੂੰ ਸਿਆਸੀ ਕਾਰਨਾਂ ਕਾਰਨ ਫਸਾਇਆ ਜਾ ਰਿਹਾ ਹੈ | ਮਮਤਾ ਬੈਨਰਜੀ ਨੇ ਕਿਹਾ ਕਿ ਪੂਰੀ ਵਿਰੋਧੀ ਧਿਰ ਰਾਬਰਟ ਵਾਡਰਾ ਦੇ ਨਾਲ ਹੈ | ਮਮਤਾ ਬੈਨਰਜੀ ਨੇ ਮੋਦੀ ਸਰਕਾਰ ਨੂੰ ਨਿਸ਼ਾਨਾ ਬਣਾਉਂਦਿਆਂ ਕਿਹਾ ਕਿ ਭਾਜਪਾ ਦੀ ਕੋਸ਼ਿਸ਼ ਹੈ ਕਿ ਵਿਰੋਧੀ ਧਿਰ ਇਕਜੁੱਟ ਨਾ ਹੋ ਸਕੇ | ਇਸ ਲਈ ਉਹ ਕਿਸੇ ਨਾ ਕਿਸੇ ਨੂੰ ਈ. ਡੀ. ਦਾ ਨੋਟਿਸ ਭਿਜਵਾ ਰਹੀ ਹੈ, ਪਰ ਸਾਰੀ ਵਿਰੋਧੀ ਧਿਰ ਇਕਜੁੱਟ ਹੈ | ਮਮਤਾ ਨੇ ਕਿਹਾ ਕਿ ਚੋਣ ਕਮਿਸ਼ਨ ਨੂੰ ਸ਼ਿਕਾਇਤ ਕਰਨਗੇ ਕਿ ਵਿਰੋਧੀ ਧਿਰ ਦੀ ਛਵੀ ਵਿਗਾੜਨ ਲਈ ਕੇਂਦਰੀ ਏਜੰਸੀਆਂ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਹੈ |

ਏਸ਼ੀਆ ਦੇ ਸਭ ਤੋਂ ਵਡੇਰੀ ਉਮਰ ਦੇ ਹਾਥੀ ਦੀ ਮੌਤ

ਤਿਰੂਵਨੰਤਪੁਰਮ-ਏਸ਼ੀਆ ਦਾ ਸਭ ਤੋਂ ਵਡੇਰੀ ਉਮਰ ਦਾ ਅਤੇ ਗਿਨੀਜ਼ ਰਿਕਾਰਡ-ਧਾਰਕ 88 ਸਾਲ ਦਾ ਦਕਸ਼ਾਇਆਨੀ ਨਾਂਅ ਦੀ ਮਾਦਾ ਹਾਥੀ ਦੀ ਅੱਜ ਇਕ ਦੇਖਭਾਲ ਕੇਂਦਰ ‘ਚ ਮੌਤ ਹੋ ਗਈ ਹੈ | ਹਾਥੀ ਦੀ ਦੇਖਭਾਲ ਕਰਨ ਵਾਲੇ ਤਰਾਵਾਨਕੋਰ ਦੇਵਾਸਵੋਮ ਬੋਰਡ (ਟੀ. ਡੀ. ਬੀ.) ਵਿਚਲੇ ਸੂਤਰਾਂ ਦਾ ਕਹਿਣਾ ਹੈ ਕਿ ਉਕਤ ਹਾਥੀ ਦੀ ਮੌਤ ਇਕ ਪੁਰਾਣੀ ਬਿਮਾਰੀ ਦੀ ਵਜ੍ਹਾ ਨਾਲ ਹੋਈ ਹੈ | ਸਾਲ 2016 ਦੌਰਾਨ ਉਸ ਦਾ ਨਾਂਅ ਗਿਨੀਜ਼ ਵਿਸ਼ਵ ਰਿਕਾਰਡ ਕਿਤਾਬ ‘ਚ ਦਰਜ ਕੀਤਾ ਗਿਆ ਸੀ | ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਉਕਤ ਹਾਥੀ ਦੀਆਂ ਅੰਤਿਮ ਰਸਮਾਂ ਅੱਜ ਸ਼ਾਮ ਨੂੰ ਕੀਤੇ ਜਾਣ ਦੀ ਸੰਭਾਵਨਾ ਹੈ | ਮਾਹਿਰਾਂ ਦਾ ਕਹਿਣਾ ਹੈ ਕਿ ਆਮ ਤੌਰ ‘ਤੇ ਹਾਥੀਆਂ ਦੀ ਉਮਰ ਏਨੀ ਨਹੀਂ ਹੁੰਦੀ ਹੈ | ਇਸ ਹਾਥੀ ਦਾ ਪੂਰਾ ਨਾਂਅ ਚੇਂਗਾਲੌਰ ਦਕਸ਼ਯਾਨੀ ਸੀ ਤੇ ਇਸ਼ ਨੂੰ ਪਿਆਰ ਨਾਲ ‘ਗਾਜਾ ਮੁਥਾਸੀ’ (ਹਾਥੀਆਂ ਦੀ ਦਾਦੀ) ਵੀ ਕਿਹਾ ਜਾਂਦਾ ਸੀ | ਇਸ ਨੂੰ ਇਹ ਨਾਂਅ ਇਸ ਦੀ ਵਡੇਰੀ ਉਮਰ ਕਰ ਕੇ ਹੀ ਮਿਲਿਆ ਸੀ |

ਪ੍ਰਿਯੰਕਾ ਅਤੇ ਸਿੰਧੀਆ ਨੇ ਕਾਂਗਰਸ ਜਨਰਲ ਸਕੱਤਰ ਦੇ ਅਹੁਦੇ ਸੰਭਾਲੇ

ਨਵੀਂ ਦਿੱਲੀ-ਪ੍ਰਿਯੰਕਾ ਗਾਂਧੀ ਵਾਡਰਾ ਅਤੇ ਸੀਨੀਅਰ ਕਾਂਗਰਸ ਆਗੂ ਜੋਤਿਰਾਦਿਤਿਆ ਸਿੰਧੀਆ ਨੇ ਆਲ ਇੰਡੀਆ ਕਾਂਗਰਸ ਕਮੇਟੀ ਦੇ ਜਨਰਲ ਸਕੱਤਰ ਵਜੋਂ ਅਹੁਦੇ ਸੰਭਾਲ ਲਏ ਹਨ। ਪ੍ਰਿਯੰਕਾ ਨੂੰ ਉੱਤਰ ਪ੍ਰਦੇਸ਼ ਪੂਰਬੀ ਅਤੇ ਸਿੰਧੀਆ ਨੂੰ ਉੱਤਰ ਪ੍ਰਦੇਸ਼ ਪੱਛਮੀ ਦਾ ਇੰਚਾਰਜ ਵੀ ਬਣਾਇਆ ਗਿਆ ਹੈ।
ਪਤੀ ਰਾਬਰਟ ਵਾਡਰਾ ਨੂੰ ਐਨਫੋਰਸਮੈਂਟ ਡਾਇਰੈਕਟੋਰੇਟ ਦੇ ਦਫ਼ਤਰ ’ਚ ਛੱਡਣ ਮਗਰੋਂ ਪ੍ਰਿਯੰਕਾ ਨੇ ਅਹੁਦਾ ਸੰਭਾਲਿਆ। ਇਸ ਮਗਰੋਂ ਉਸ ਨੇ ਪਾਰਟੀ ਵਰਕਰਾਂ ਨਾਲ ਵੀ ਮੁਲਾਕਾਤ ਕੀਤੀ। ਕਾਂਗਰਸ ਪ੍ਰਧਾਨ ਅਤੇ ਭਰਾ ਰਾਹੁਲ ਗਾਂਧੀ ਨੇ ਪ੍ਰਿਯੰਕਾ ਅਤੇ ਸਿੰਧੀਆ ਨੂੰ ਪਾਰਟੀ ਦਾ ਜਨਰਲ ਸਕੱਤਰ 23 ਜਨਵਰੀ ਨੂੰ ਨਿਯੁਕਤ ਕੀਤਾ ਸੀ। ਉਸ ਦਾ ਦਫ਼ਤਰ ਅਕਬਰ ਰੋਡ ’ਤੇ ਕਾਂਗਰਸ ਦੇ ਹੈੱਡਕੁਆਰਟਰ ’ਤੇ ਹੈ ਜਿਥੇ ਨਾਲ ਹੀ ਰਾਹੁਲ ਦਾ ਕਮਰਾ ਹੈ। ਰਾਹੁਲ ਗਾਂਧੀ ਨੇ ਵੀਰਵਾਰ ਨੂੰ ਸਾਰੇ ਜਨਰਲ ਸਕੱਤਰਾਂ ਅਤੇ ਵੱਖ ਵੱਖ ਸੂਬਿਆਂ ਦੇ ਇੰਚਾਰਜਾਂ ਦੀ ਬੈਠਕ ਸੱਦੀ ਹੈ ਤਾਂ ਜੋ ਲੋਕ ਸਭਾ ਚੋਣਾਂ ਦੀ ਰਣਨੀਤੀ ਬਣਾਈ ਜਾ ਸਕੇ। ਇਸ ਬੈਠਕ ’ਚ ਪ੍ਰਿਯੰਕਾ ਵੀ ਹਾਜ਼ਰ ਰਹੇਗੀ।
ਉਧਰ ਸਿੰਧੀਆ ਨੇ ਪਾਰਟੀ ’ਚ ਨਵਾਂ ਅਹੁਦਾ ਸਾਂਭਣ ਮਗਰੋਂ ਗਣੇਸ਼ ਪੂਜਾ ਕੀਤੀ। ਬਾਅਦ ’ਚ ਉਨ੍ਹਾਂ ਪੱਛਮੀ ਉੱਤਰ ਪ੍ਰਦੇਸ਼ ਸਮੇਤ ਕੁਝ ਹੋਰ ਪਾਰਟੀ ਵਰਕਰਾਂ ਨਾਲ ਵੀ ਮੁਲਾਕਾਤ ਕੀਤੀ। ਉਨ੍ਹਾਂ ਇਸ ਸਬੰਧੀ ਟਵਿੱਟਰ ’ਤੇ ਵੀਡੀਓ ਵੀ ਸਾਂਝੀ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਉੱਤਰ ਪ੍ਰਦੇਸ਼ ’ਚ ਵੱਡੀ ਗਿਣਤੀ ਲੋਕ ਸਭਾ ਸੀਟਾਂ ਜਿੱਤ ਕੇ ਕੇਂਦਰ ’ਚ ਸਰਕਾਰ ਬਣਾਉਣ ਦਾ ਚੰਗਾ ਮੌਕਾ ਹੈ ਅਤੇ ਫਿਰ ਸੂਬੇ ’ਚ 2022 ’ਚ ਵੀ ਸਰਕਾਰ ਬਣਾਏਗੀ।

ਮੋਦੀ ਅਤੇ ਪਟਨਾਇਕ ਨੇ ਕਬਾਇਲੀਆਂ ਦੀ ਜ਼ਮੀਨ ਖੋਹੀ: ਰਾਹੁਲ

ਭਵਾਨੀਪਟਨਾ (ਉੜੀਸਾ)-ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਉੜੀਸਾ ਦੇ ਮੁੱਖ ਮੰਤਰੀ ਨਵੀਨ ਪਟਨਾਇਕ ’ਤੇ ਕਬਾਇਲੀਆਂ ਦੀ ਜ਼ਮੀਨ ਖੋਹਣ ਦਾ ਦੋਸ਼ ਲਾਉਂਦਿਆਂ ਕਿਹਾ ਕਿ ਕਾਂਗਰਸ ਪਾਰਟੀ ਭਾਈਚਾਰੇ ਦੇ ਹੱਕਾਂ ਦੀ ਰਾਖੀ ਕਰਨ ਦਾ ਕੰਮ ਕਰੇਗੀ। ਇਥੇ ਰੈਲੀ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਕੇਂਦਰ ’ਚ ਭਾਜਪਾ ਅਤੇ ਸੂਬੇ ’ਚ ਬੀਜੇਡੀ ਦੀ ਅਗਵਾਈ ਹੇਠਲੀਆਂ ਸਰਕਾਰਾਂ ਦਲਿਤਾਂ, ਕਬਾਇਲੀਆਂ, ਕਿਸਾਨਾਂ ਅਤੇ ਗ਼ਰੀਬਾਂ ਦੀ ਭਲਾਈ ਦੇ ਕੰਮ ਕਰਨ ’ਚ ਨਾਕਾਮ ਰਹੀਆਂ ਹਨ।
ਕਾਂਗਰਸ ਪ੍ਰਧਾਨ ਦਾ ਉੜੀਸਾ ’ਚ 10 ਦਿਨਾਂ ਦੌਰਾਨ ਇਹ ਦੂਜਾ ਦੌਰਾ ਹੈ ਜਿਥੇ ਵਿਧਾਨ ਸਭਾ ਅਤੇ ਲੋਕ ਸਭਾ ਚੋਣਾਂ ਇਕੱਠਿਆਂ ਹੋਣੀਆਂ ਹਨ। ਭਾਜਪਾ ਅਤੇ ਬੀਜੇਡੀ ’ਤੇ ਤਿੱਖਾ ਹਮਲਾ ਕਰਦਿਆਂ ਉਨ੍ਹਾਂ ਕਿਹਾ ਕਿ ਦੋਵੇਂ ਪਾਰਟੀਆਂ ਕਿਸਾਨਾਂ ਅਤੇ ਗ਼ਰੀਬਾਂ ਨੂੰ ਅਣਗੌਲਿਆ ਕਰਕੇ ਆਪਣੇ ਸਨਅਤੀ ਦੋਸਤਾਂ ਨੂੰ ਲਾਭ ਪਹੁੰਚਾਉਣ ਦਾ ਕੰਮ ਕਰ ਰਹੇ ਹਨ। ਸ੍ਰੀ ਗਾਂਧੀ ਨੇ ਚੌਕੀਦਾਰ (ਪ੍ਰਧਾਨ ਮੰਤਰੀ) ’ਤੇ ਭ੍ਰਿਸ਼ਟ ਹੋਣ ਦਾ ਦੋਸ਼ ਲਾਇਆ ਅਤੇ ਕਿਹਾ ਕਿ ਚਿੱਟ ਫੰਡ ਘੁਟਾਲਿਆਂ ਲਈ ਨਵੀਨ ਪਟਨਾਇਕ ਨੂੰ ਰਿਮੋਟ ਕੰਟਰੋਲ ਨਾਲ ਚਲਾਇਆ ਜਾ ਰਿਹਾ ਹੈ।

ਅਨਿਲ ਅੰਬਾਨੀ ਦੀ ਨਿਜੀ ਜਾਇਦਾਦ ਨਿਲਾਮ ਕਰ 550 ਕਰੋਡ਼ ਰੁਪਏ ਦੀ ਕੀਤੀ ਜਾਵੇ ਰਿਕਵਰੀ

ਨਵੀਂ ਦਿੱਲੀ-ਏਰਿਕਸਨ ਇੰਡੀਆ ਨੇ ਮੰਗਲਵਾਰ ਨੂੰ ਆਰਕਾਮ ਦੇ ਚੇਅਰਮੈਨ ਅਨੀਲ ਅੰਬਾਨੀ ਖਿਲਾਫ ਸੁਪ੍ਰੀਮ ਕੋਰਟ ‘ਚ ਇਕ ਉਲਘੰਣਾ ਪਟੀਸ਼ਨ ਦਰਜ ਕਰ ਦਿਤੀ। ਆਰਕਾਮ ‘ਤੇ ਏਰਿਕਸਨ ਦੇ 550 ਕਰੋਡ਼ ਰੁਪਏ ਬਾਕੀ ਹਨ। ਮੀਡੀਆ ਰਿਪੋਰਟਸ ਮੁਤਾਬਕ ਏਰਿਕਸਨ ਨੇ ਕੋਰਟ ਨੂੰ ਅਪੀਲ ਕੀਤੀ ਹੈ ਕਿ ਅਨੀਲ ਅੰਬਾਨੀ ਅਤੇ ਮਾਮਲੇ ਨਾਲ ਜੁਡ਼ੇ ਦੂੱਜੇ ਲੋਕਾਂ ਦੀ ਨਿਜੀ ਜਾਇਦਾਦ ਸੀਲ ਕਰਕੇ ਉਸ ਦੀ ਨੀਲਾਮੀ ਕੀਤੀ ਜਾਵੇ।
ਏਰਿਕਸਨ ਦੀ ਨਵੀਂ ਮੰਗ ‘ਤੇ ਸੁਪ੍ਰੀਮ ਕੋਰਟ 12 ਫਰਵਰੀ ਨੂੰ ਸੁਣਵਾਈ ਕਰ ਸਕਦਾ ਹੈ। ਉਸ ਦਿਨ ਅਨਿਲ ਅੰਬਾਨੀ, ਰਿਲਾਇੰਸ ਟੈਲੀਕਾਮ ਦੇ ਚੇਅਰਮੈਨ ਸਤੀਸ਼ ਸੇਠ ਅਤੇ ਰਿਲਾਇੰਸ ਇੰਫਰਾਟੇਲ ਦੀ ਚੇਅਰਪਰਸਨ ਛਾਇਆ ਵਿਰਾਨੀ ਕੋਰਟ ‘ਚ ਪੇਸ਼ ਹੋ ਸਕਦੀ ਹੈ। ਸੁਪ੍ਰੀਮ ਕੋਰਟ ਨੇ 15 ਦਸੰਬਰ ਤੱਕ ਆਰਕਾਮ ਨੂੰ ਏਰਿਕਸਨ ਦਾ ਬਾਕਾਇਆ ਚੁਕਾਉਣ ਦੇ ਆਦੇਸ਼ ਦਿਤੇ ਸਨ। ਪਰ, ਉਹ ਅਜਿਹਾ ਨਹੀਂ ਕਰ ਸਕੀ। ਏਰਿਕਸਨ ਨੇ ਇਸ ਨੂੰ ਕੋਰਟ ਦੀ ਉਲਘੰਣਾ ਦੱਸ ਦੇ ਹੋਏ ਪਿਛਲੇ ਮਹੀਨੇ ਵੀ ਉਲਘੰਣਾ ਪਟੀਸ਼ਨ ਦਰਜ ਕੀਤੀ ਸੀ।
ਪਿਛਲੇ ਮਹੀਨੇ ਦਰਜ ਮੰਗ ‘ਚ ਏਰਿਕਸਨ ਨੇ ਅਪੀਲ ਕੀਤੀ ਸੀ ਕਿ ਭੁਗਤਾਨ ਕੀਤੇ ਜਾਣ ਤੱਕ ਅਨਿਲ ਅੰਬਾਨੀ, ਸਤੀਸ਼ ਸੇਠ ਅਤੇ ਛਾਇਆ ਵਿਰਾਨੀ ਨੂੰ ਸਿਵਲ ਜੇਲ੍ਹ ‘ਚ ਰੱਖਿਆ ਜਾਵੇ। ਉਨ੍ਹਾਂ ਨੂੰ ਵਿਦੇਸ਼ ਜਾਣ ਤੋਂ ਰੋਕਣ ਲਈ ਅਦਾਲਤ ਗ੍ਰਹਿ ਮੰਤਰਾਲਾ ਨੂੰ ਨਿਰਦੇਸ਼ ਜਾਰੀ ਕਰਨ। ਕੋਰਟ ਨੇ ਇਸ ਉੱਤੇ ਹਵਾ ਅੰਬਾਨੀ ਅਤੇ ਹੋਰ ਲੋਕਾਂ ਨੂੰ ਨੋਟਿਸ ਦੇਕੇ ਜਵਾਬ ਮੰਗਿਆ ਸੀ। ਦੱਸ ਦਈਏ ਕਿ ਏਰਿਕਸਨ ਇੰਡੀਆ ਨੇ ਸਾਲ 2014 ‘ਚ ਆਰਕਾਮ ਦਾ ਟੈਲੀਕਾਮ ਨੈੱਟਵਰਕ ਸੰਭਾਲਣ ਲਈ 7 ਸਾਲ ਦੀ ਡੀਲ ਕੀਤੀ ਸੀ।
ਉਸਦਾ ਇਲਜ਼ਾਮ ਹੈ ਕਿ ਆਰਕਾਮ ਨੇ 1,150 ਕਰੋਡ਼ ਰੁਪਏ ਦੀ ਬਾਕਾਇਆ ਰਕਮ ਨਹੀਂ ਚੁਕਾਈ। ਦਿਵਾਲਿਆ ਅਦਾਲਤ ‘ਚ ਸੈਟਲਮੈਂਟ ਪਰਿਕ੍ਰੀਆ ਦੇ ਤਹਿਤ ਏਰਿਕਸਨ ਇਸ ਗੱਲ ਲਈ ਰਾਜੀ ਹੋਈ ਕਿ ਆਰਕਾਮ ਸਿਰਫ 550 ਕਰੋਡ਼ ਰੁਪਏ ਦਾ ਭੁਗਤਾਨੇ ਕਰ ਦਵੇਗਾ। ਕਰਜ ਨਹੀਂ ਚੁਕਾਏ ਜਾਣ ਕਾਰਨ ਆਰਕਾਮ ਨੇ ਸ਼ੁੱਕਰਵਾਰ ਨੂੰ ਕਿਹਾ ਸੀ ਕਿ ਉਹ ਦੀਵਾਲਿਆ ਪਰਿਕ੍ਰੀਆ ਸ਼ੁਰੂ ਕਰਨਾ ਚਾਹੁੰਦੀ ਹੈ।
ਇਸ ਲਈ ਕੰਪਨੀ ਦੇ ਸ਼ੇਅਰ ‘ਚ ਸੋਮਵਾਰ ਨੂੰ ਤੇਜ਼ੀ ਨਾਲ ਗਿਰਾਵਟ ਆਈ ਹੈ। ਉਸ ਦਿਨ ਸ਼ੇਅਰ ਇੰਟਰਾ-ਡੇ ‘ਚ 54 ਫ਼ੀਸਦੀ ਤੱਕ ਡਿੱਗ ਗਿਆ ਸੀ। ਕਲੋਜਿੰਗ 35 ਫ਼ੀ ਸਦੀ ਨੁਕਸਾਨ ਦੇ ਨਾਲ ਹੋਈ। ਮੰਗਲਵਾਰ ਨੂੰ ਵੀ ਸ਼ੇਅਰ ‘ਚ 28.5 ਫ਼ੀ ਸਦੀ ਗਿਰਾਵਟ ਆਈ ਸੀ। ਬੁੱਧਵਾਰ ਨੂੰ ਕੰਮ-ਕਾਜ ਦੌਰਾਨ ਸ਼ੇਅਰ 13 ਫ਼ੀ ਸਦੀ ਤੱਕ ਡਿੱਗ ਗਿਆ। ਹਾਲਾਂਕਿ, ਹੇਠਲੇ ਸਤਰਾਂ ਨਾਲ ਤੇਜ਼ ਰਿਕਵਰੀ ਹੋਈ ਅਤੇ ਸ਼ੇਅਰ 0.74 ਫ਼ੀ ਸਦੀ ਦੀ ਵਾਧੇ ਦੇ ਨਾਲ 5.48 ਰੁਪਏ ‘ਤੇ ਬੰਦ ਹੋਇਆ।

ਏਜੇਐਲ ਪਲਾਟ ਮਾਮਲਾ: ਹੁੱਡਾ ਤੇ ਵੋਰਾ ਨੇ ਪੇਸ਼ੀ ਭੁਗਤੀ

ਪੰਚਕੂਲਾ-ਨੈਸ਼ਨਲ ਹੈਰਾਲਡ ਨਾਲ ਸਬੰਧਤ ਕੰਪਨੀ ਐਸੋਸੀਏਟਿਡ ਜਨਰਲਜ਼ ਲਿਮਟਿਡ (ਏਜੇਐਲ) ਪਲਾਟ ਵੰਡ ਮਾਮਲੇ ਵਿਚ ਪੰਚਕੂਲਾ ਦੀ ਸੀਬੀਆਈ ਕੋਰਟ ਵਿਚ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ ਅਤੇ ਸੀਨੀਅਰ ਕਾਂਗਰਸੀ ਨੇਤਾ ਮੋਤੀ ਲਾਲ ਵੋਰਾ ਪੇਸ਼ ਹੋਏ। ਇਸ ਮਾਮਲੇ ਵਿਚ ਅੱਜ ਬਚਾਅ ਪੱਖ ਵੱਲੋਂ ਦਸਤਾਵੇਜ਼ਾਂ ਦੀ ਮੰਗ ਕੀਤੀ ਗਈ। ਮਾਮਲੇ ਦੀ ਅਗਲੀ ਸੁਣਵਾਈ 5 ਮਾਰਚ ਨੂੰ ਹੋਵੇਗੀ। ਵਰਨਣਯੋਗ ਹੈ ਕਿ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਹੁੱਡਾ, ਹਰਿਆਣਾ ਸ਼ਹਿਰੀ ਵਿਕਾਸ ਅਥਾਰਟੀ ਦੇ ਚੇਅਰਮੈਨ ਰਹੇ ਹਨ ਤੇ ਮੋਤੀ ਲਾਲ ਵੋਰਾ, ਉਦੋਂ ਏਜੇਐਲ ਦੇ ਚੇਅਰਮੈਨ ਸਨ। ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ ’ਤੇ ਏਜੇਐਲ ਨੂੰ ਸਸਤੇ ਭਾਅ ’ਤੇ ਪਲਾਟ ਅਲਾਟ ਕਰਵਾਉਣ ਦਾ ਦੋਸ਼ ਹੈ। ਇਸ ਮਾਮਲੇ ਵਿਚ ਸੀਬੀਆਈ ਨੇ ਇਕ ਦਸੰਬਰ 2017 ਨੂੰ ਵਿਸ਼ੇਸ਼ ਅਦਾਲਤ ਵਿਚ ਚਾਰਜਸ਼ੀਟ ਦਾਖ਼ਲ ਕਰ ਦਿੱਤੀ ਸੀ। ਇਸ ਮਾਮਲੇ ਵਿਚ ਹੁੱਡਾ ਤੇ ਵੋਰਾ ਨੂੰ ਪਹਿਲਾਂ ਹੀ ਜ਼ਮਾਨਤ ਮਿਲ ਚੁੱਕੀ ਹੈ।
ਇਸ ਦੌਰਾਨ ਮਾਨੇਸਰ ਜ਼ਮੀਨ ਘੁਟਾਲਾ ਕੇਸ ਵਿਚ ਇੱਥੇ ਸੀਬੀਆਈ ਅਦਾਲਤ ਨੇ ਏਬੀਡਬਲਿਊ ਬਿਲਡਰ ਅਤੁਲ ਬਾਂਸਲ ਦੇ ਗ੍ਰਿਫਤਾਰੀ ਵਰੰਟ ਜਾਰੀ ਕਰ ਦਿੱਤੇ ਹਨ। ਅੱਜ ਸੁਣਵਾਈ ਦੌਰਾਨ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ ਤੇ ਹੋਰ ਮੁਲਜ਼ਮ ਹਾਜ਼ਰ ਰਹੇ ਤੇ ਅਤੁਲ ਬਾਂਸਲ ਅਦਾਲਤ ’ਚ ਹਾਜ਼ਰ ਨਹੀਂ ਹੋਇਆ, ਉਸ ਦੇ ਗ੍ਰਿਫ਼ਤਾਰੀ ਵਾਰੰਟ ਜਾਰੀ ਕਰ ਦਿੱਤੇ ਹਨ। ਇਸ ਮਾਮਲੇ ਦੀ ਅਗਲੀ ਸੁਣਵਾਈ 20 ਫਰਵਰੀ ਨੂੰ ਹੋਵੇਗੀ।

ਰਾਹੁਲ ਗਾਂਧੀ ਵਲੋਂ ਪੰਜਾਬ ਕਾਂਗਰਸ ਦੀਆਂ ਕਈ ਕਮੇਟੀਆਂ ਦਾ ਐਲਾਨ

ਚੰਡੀਗੜ੍ਹ-ਭਾਰਤ ਦੀਆਂ ਅਗਾਮੀ ਲੋਕ ਸਭਾ ਚੋਣਾਂ ਦੇ ਮੱਦੇਨਜ਼ਰ ਕੌਮੀ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਅੱਜ ਵੱਖ-ਵੱਖ ਕਮੇਟੀਆਂ ਦਾ ਐਲਾਨ ਦਿਤੀਆਂ ਹਨ। ਇਨ੍ਹਾਂ ਵਿਚ ਪੰਜਾਬ ਲਈ 21 ਮੈਂਬਰੀ ਰਾਜ ਚੋਣ ਕਮੇਟੀ ਵੀ ਪ੍ਰਮੁਖ ਤੌਰ ਉਤੇ ਸ਼ੁਮਾਰ ਹੈ। ਇਸ ਕਮੇਟੀ ਦੀ ਕਮਾਨ ਪਾਰਟੀ ਦੇ ਸੂਬਾ ਪ੍ਰਧਾਨ ਸੁਨੀਲ ਜਾਖੜ ਦੇ ਹੱਥ ਹੋਏਗੀ। ਸੂਬਾਈ ਚੋਣ ਕਮੇਟੀ ਹਾਈ ਕਮਾਂਡ ਨੂੰ ਉਮੀਦਵਾਰਾਂ ਦੇ ਨਾਵਾਂ ਦੀ ਸਿਫ਼ਾਰਸ਼ ਕਰੇਗੀ। ਇਸ ‘ਤੇ ਕੇਂਦਰੀ ਚੋਣ ਕਮੇਟੀ ਅੰਤਿਮ ਫ਼ੈਸਲਾ ਲਏਗੀ। ਇਸ ਤੋਂ ਇਲਾਵਾ ਕਾਂਗਰਸ ਨੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ, ਰਾਜ ਸਭਾ ਮੈਂਬਰ ਅੰਬਿਕਾ ਸੋਨੀ ਤੇ ਸ਼ਮਸ਼ੇਰ ਦੂਲੋ ਦੀ ਅਗਵਾਈ ਹੇਠ 21 ਮੈਂਬਰੀ ਪ੍ਰਚਾਰ ਕਮੇਟੀ ਦਾ ਵੀ ਐਲਾਨ ਕੀਤਾ ਹੈ। ਇਸ ਤੋਂ ਇਲਾਵਾ ਕਾਂਗਰਸ ਦੀ ਜਨਰਲ ਸਕੱਤਰ ਤੇ ਪੰਜਾਬ ਮਾਮਲਿਆਂ ਦੀ ਇੰਚਾਰਜ ਆਸ਼ਾ ਕੁਮਾਰੀ ਦੀ ਅਗਵਾਈ ਹੇਠ ਪਾਰਟੀ ਦੀ ਤਾਲਮੇਲ ਕਮੇਟੀ ਬਣਾਈ ਗਈ ਹੈ। ਇਸ ਵਿਚ ਸੀਨੀਅਰ ਆਗੂ ਰਜਿੰਦਰ ਕੌਰ ਭੱਠਲ ਤੇ ਲਾਲ ਸਿੰਘ ਸ਼ਾਮਲ ਹਨ। ਇਸੇ ਤਰ੍ਹਾਂ ਪ੍ਰਚਾਰ ਤੇ ਮੀਡੀਆ ਕਮੇਟੀਆਂ ਦੀ ਅਗਵਾਈ ਵਿਜੈ ਇੰਦਰ ਸਿੰਗਲਾ ਤੇ ਸਾਬਕਾ ਕੇਂਦਰੀ ਮੰਤਰੀ ਮਨੀਸ਼ ਤਿਵਾੜੀ ਕਰਨਗੇ।

ਮੰਗਾਂ ਮੰਨਣ ਬਾਅਦ ਅੰਨਾ ਹਜ਼ਾਰੇ ਨੇ ਭੁੱਖ ਹੜਤਾਲ ਵਾਪਿਸ ਲਈ

ਸਿੱਧੀ, (ਮਹਾਰਾਸ਼ਟਰ)-ਉੱਘੇ ਸਮਾਜਸੇਵੀ ਅੰਨਾ ਹਜ਼ਾਰੇ ਨੇ ਮਹਾਂਰਾਸ਼ਟਰ ਦੇ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਅਤੇ ਕੇਂਦਰੀ ਮੰਤਰੀ ਰਾਧਾ ਮੋਹਨ ਸਿੰਘ ਅਤੇ ਸੁਭਾਸ਼ ਭਾਮਰੇ ਨਾਲ ਇੱਥੇ ਲੰਮੀ ਮੀਟਿੰਗ ’ਚ ਮਿਲੇ ਭਰੋਸਿਆਂ ਤੋਂ ਬਾਅਦ ਆਪਣੀ ਭੁੱਖ ਹੜਤਾਲ ਵਾਪਿਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। ਹਜ਼ਾਰੇ (81) ਨੇ ਲੋਕਪਾਲ ਦੀ ਮੰਗ ਮੰਨਵਾਉਣ ਲਈ 30 ਜਨਵਰੀ ਨੂੰ ਭੁੱਖ ਹੜਤਾਲ ਸ਼ੁਰੂ ਕੀਤੀ ਸੀ। ਮੁੱਖ ਮੰਤਰੀ ਨੇ ਕਿਹਾ ਕਿ ਸਰਕਾਰ ਨੇ ਉਨ੍ਹਾਂ ਦੀ ਮੰਗ ਮੰਨ ਲਈ ਹੈ। ਜਲਦੀ ਹੀ ਲੋਕਪਾਲ ਨਿਯੁਕਤ ਕਰਨ ਦੀ ਪ੍ਰਕਿਰਿਆ ਆਰੰਭੀ ਜਾਵੇਗੀ।

ਹਜ਼ੂਰ ਸਾਹਿਬ ‘ਤੇ ਅਪਣਾ ਦਬਦਬਾ ਬਣਾਉਣ ਲਈ ਬਾਦਲਾਂ ਨੇ ਭਾਜਪਾ ਨਾਲ ਤੋੜ ਵਿਛੋੜੇ ਦਾ ਨਾਟਕ ਖੇਡਿਆ: ਸਰਨਾ

ਨਵੀਂ ਦਿੱਲੀ-ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਸਕੱਤਰ ਜਨਰਲ ਸ.ਹਰਵਿੰਦਰ ਸਿੰਘ ਸਰਨਾ ਨੇ ਬਾਦਲਾਂ ਨੂੰ ਆੜੇ ਹੱਥੀਂ ਲੈਂਦਿਆਂ ਕਿਹਾ, “ਇਕ ਪਾਸੇ ਤਾਂ ਸਿਰਸਾ ਭਾਜਪਾ ਤੇ ਆਰ.ਐਸ.ਐਸ. ਵਿਰੁਧ ਬਿਆਨ ਦੇ ਰਹੇ ਹਨ ਤੇ ਦੂਜੇ ਪਾਸੇ ਦਿੱਲੀ ਵਿਚ ਬਾਦਲ ਪਰਵਾਰ ਭਾਜਪਾ ਦੇ ਸਿਰਕੱਢ ਆਗੂਆਂ ਨਾਲ ਰੋਟੀ ਖਾ ਕੇ, ਕਿੱਕਲੀ ਪਾ ਰਹੇ ਹਨ। ਕੀ ਇਹ ਬਾਦਲਾਂ ਦਾ ਸਿੱਖਾਂ ਨੂੰ ਮੂਰਖ ਬਣਾਉਣ ਦਾ ਦੋਹਰਾ ਕਿਰਦਾਰ ਨਹੀਂ?” ਇਥੇ ਜਾਰੀ ਬਿਆਨ ‘ਚ ਸ.ਸਰਨਾ ਨੇ ਦਾਅਵਾ ਕੀਤਾ, “ਤਖ਼ਤ ਹਜ਼ੂਰ ਸਾਹਿਬ ਦੇ ਖ਼ਜ਼ਾਨੇ ਵਿਚ 250 ਕਰੋੜ ਨਕਦ ਹਨ, ਉਸ ‘ਤੇ ਬਾਦਲਾਂ ਦੀ ਅੱਖ ਹੈ, ਇਸ ਕਰ ਕੇ, ਇਹ ਫੜਨਵੀਸ ਸਰਕਾਰ ਵਿਰੁਧ ਸੋਸ਼ਲ ਮੀਡੀਆ ‘ਤੇ ਡਰਾਮੇਬਾਜ਼ੀ ਖੇਡ ਰਹੇ ਹਨ।” ਉਨ੍ਹਾਂ ਦੋਸ਼ ਲਾਇਆ ਕਿ ਸ਼੍ਰੋਮਣੀ ਕਮੇਟੀ, ਦਿੱਲੀ ਕਮੇਟੀ, ਪਟਨਾ ਸਾਹਿਬ ਕਮੇਟੀ ‘ਤੇ ਬਾਦਲਾਂ ਨੇ ਆਰ.ਐਸ.ਐਸ. ਰਾਹੀਂ ਅਖੌਤੀ ਕਬਜ਼ਾ ਕਰ ਕੇ, ਗੋਲਕ ਦੀ ਅਖੌਤੀ ਲੁੱਟ-ਖਸੁੱਟ ਕਰਨ ਪਿਛੋਂ ਤਖ਼ਤ ਹਜ਼ੂਰ ਸਾਹਿਬ ਬੋਰਡ ਵਿਚ ਸਰਕਾਰ ਦੇ ਦਖ਼ਲ ਦਾ ਰੌਲਾ ਪਾ ਕੇ, ਸਿੱਖਾਂ ਦੇ ਜਜ਼ਬਾਤਾਂ ਦੀ ਤਰਜਮਾਨੀ ਕਰਨ ਦਾ ਨਾਟਕ ਕਰ ਰਹੇ ਹਨ ਤੇ ਅੰਦਰੋ ਭਾਜਪਾ ਨਾਲ ਘਿਉ ਖਿੱਚੜੀ ਹਨ।