ਮੁੱਖ ਖਬਰਾਂ
Home / ਭਾਰਤ (page 2)

ਭਾਰਤ

ਸਾਬਕਾ ਡਿਪਲੋਮੈਟ ਆਈਐਸਆਈ ਲਈ ਜਾਸੂਸੀ ਦੀ ਦੋਸ਼ੀ ਕਰਾਰ

ਨਵੀਂ ਦਿੱਲੀ-ਦਿੱਲੀ ਦੀ ਇਕ ਅਦਾਲਤ ਨੇ ਇਕ ਅਤਿ ਸੰਵੇਦਨਸ਼ੀਲ ਮਾਮਲੇ ਵਿੱਚ ਸਾਬਕਾ ਡਿਪਲੋਮੈਟ ਮਾਧੁਰੀ ਗੁਪਤਾ ਨੂੰ ਦੋਸ਼ੀ ਕਰਾਰ ਦਿੱਤਾ ਹੈ। ਮਾਧੁਰੀ ਗੁਪਤਾ ਇਸਲਾਮਾਬਾਦ ਵਿੱਚ ਭਾਰਤੀ ਹਾਈ ਕਮਿਸ਼ਨ ਵਜੋਂ ਸੇਵਾਵਾਂ ਨਿਭਾਅ ਰਹੀ ਸੀ।
ਅਦਾਲਤ ਨੇ ਗੁਪਤਾ ਨੂੰ ਪਾਕਿਸਤਾਨ ਦੀ ਆਈਐਸਆਈ ਨੂੰ ਭਾਰਤ ਦੀ ਸੰਵੇਦਨਸ਼ੀਲ ਜਾਣਕਾਰੀ ਮੁਹੱਈਆ ਕਰਵਾਉਣ ਅਤੇ ਕੌਮੀ ਮਾਮਲਿਆਂ ’ਤੇ ਸਮਝੌਤਾ ਕਰਨ ਦਾ ਦੋਸ਼ੀ ਪਾਇਆ ਹੈ। ਅਡੀਸ਼ਨਲ ਸੈਸ਼ਨ ਜੱਜ ਸਿਧਾਰਥ ਸ਼ਰਮਾ ਦੀ ਅਦਾਲਤ ਭਲਕੇ ਗੁਪਤਾ ਦੀ ਸਜ਼ਾ ਮੁਕਰਰ ਕਰਨ ਲਈ ਸੁਣਵਾਈ ਕਰੇਗੀ। ਗੁਪਤਾ, ਜੋ ਇੰਡੀਅਨ ਹਾਈ ਕਮਿਸ਼ਨ ਵਿੱਚ ਪ੍ਰੈਸ ਅਤੇ ਇਨਫਰਮੇਸ਼ਨ ਦੀ ਦੂਜੀ ਸਕੱਤਰ ਸੀ, ਨੂੰ ਆਫਿਸ਼ੀਅਲ ਸੀਕਰੇਟ ਐਕਟ ਦੀ ਧਾਰਾ 3 ਅਤੇ 5 ਤਹਿਤ ਦੋਸ਼ੀ ਪਾਇਆ ਗਿਆ ਹੈ ਜਿਸ ਵਿੱਚ ਮਾਧੁਰੀ ਗੁਪਤਾ ਨੂੰ ਤਿੰਨ ਸਾਲ ਦੀ ਸਜ਼ਾ ਅਤੇ ਜੁਰਮਾਨਾ ਜਾਂ ਦੋਵੇਂ ਹੋ ਸਕਦੇ ਹਨ। ਗੁਪਤਾ ਨੂੰ 22 ਅਪਰੈਲ 2010 ਵਿੱਚ ਦਿੱਲੀ ਪੁਲੀਸ ਦੇ ਵਿਸ਼ੇਸ਼ ਸੈੱਲ ਵੱਲੋਂ ਪਾਕਿਸਤਾਨੀ ਅਫ਼ਸਰਾਂ ਨੂੰ ਅਤਿ ਸੰਵੇਦਨਸ਼ੀਲ ਜਾਣਕਾਰੀ ਪਹੁੰਚਾਉਣ ਅਤੇ ਦੋ ਆਈਐਸਆਈ ਅਫਸਰਾਂ ਮੁਬਸ਼ਰ ਰਜ਼ਾ ਰਾਣਾ ਅਤੇ ਜਮਸ਼ੇਦ ਦੇ ਸੰਪਰਕ ਵਿੱਚ ਰਹਿਣ ਦੇ ਦੋਸ਼ ਵਿੱਚ ਗਿ੍ਫ਼ਤਾਰ ਕੀਤਾ ਗਿਆ ਸੀ।

ਯੇਦੀਯੁਰੱਪਾ ਸਰਕਾਰ ਦੇ ਫਲੋਰ ਟੈਸਟ ਤੋਂ ਪਹਿਲਾਂ ਮੰਗਲੌਰ ‘ਚ ਧਾਰਾ 144 ਲਾਗੂ

ਮੰਗਲੌਰ-ਕਰਨਾਟਕ ਵਿਚ ਜਾਰੀ ਰਾਜਨੀਤਕ ਘਮਾਸਾਣ ਵਿਚਕਾਰ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਨੂੰ ਬਹੁਮਤ ਹਾਸਲ ਕਰਨ ਸਬੰਧੀ ਸੁਪਰੀਮ ਕੋਰਟ ਦੇ ਆਦੇਸ਼ ਤੋਂ ਬਾਅਦ ਇਹਤਿਆਤ ਦੇ ਤੌਰ ‘ਤੇ ਮੰਗਲੌਰ ਵਿਚ ਧਾਰਾ 144 ਲਗਾਈ ਗਈ ਹੈ। ਇਸ ਤੋਂ ਇਲਾਵਾ ਰੌਲੇ ਰੱਪੇ ਨੂੰ ਦੇਖਦਿਆਂ ਵਿਧਾਨ ਸਭਾ ਵਿਚ ਵੱਡੀ ਪੱਧਰ ‘ਤੇ ਮਾਰਸ਼ਲ ਤਾਇਨਾਤ ਕੀਤੇ ਗਏ ਹਨ। ਦਸ ਦਈਏ ਕਿ ਸੁਪਰੀਮ ਕੋਰਟ ਨੇ ਯੇਦੀਯੁਰੱਪਾ ਸਰਕਾਰ ਨੂੰ ਸਨਿਚਰਵਾਰ ਨੂੰ ਬਹੁਮਤ ਹਾਸਲ ਕਰਨ ਦਾ ਆਦੇਸ਼ ਦਿਤਾ ਹੈ। ਸ਼ੁਕਰਵਾਰ ਨੂੰ ਸੁਪਰੀਮ ਕੋਰਟ ਨੇ ਬੀਐਸ ਯੇਦੀਯੁਰੱਪਾ ਨੂੰ 19 ਮਈ ਨੂੰ ਸ਼ਾਮ ਚਾਰ ਵਜੇ ਬਹੁਮਤ ਸਾਬਤ ਕਰਨ ਦਾ ਆਦੇਸ਼ ਦਿਤਾ ਸੀ। ਸੁਪਰੀਮ ਕੋਰਟ ਨੇ ਯੇਦੀਯੁਰੱਪਾ ਨੂੰ ਸ਼ਕਤੀ ਪ੍ਰਦਰਸ਼ਨ ਲਈ ਰਾਜਪਾਲ ਵਲੋਂ ਦਿਤੀ ਗਈ 15 ਦਿਨ ਦੀ ਸਮਾਂ ਹੱਦ ਨੂੰ ਘਟਾ ਦਿਤਾ। ਦਸ ਦਈਏ ਭਾਜਪਾ ਦੇ ਕੋਲ 104 ਵਿਧਾਇਕ ਹਨ ਅਤੇ ਬਹੁਮਤ ਲਈ 112 ਵਿਧਾਇਕ ਚਾਹੀਦੇ ਹਨ। ਉਥੇ ਕਾਂਗਰਸ ਦੇ 78 ਅਤੇ ਜੇਡੀਐਸ ਦੇ 38 ਵਿਧਾਇਕ ਮਿਲਾ ਕੇ 116 ਵਿਧਾਇਕ ਹਨ।
ਇਸ ਤੋਂ ਇਲਾਵਾ ਕਾਂਗਰਸ ਦਾ ਦਾਅਵਾ ਹੈ ਕਿ 2 ਆਜ਼ਾਦ ਵਿਧਾਇਕਾਂ ਦਾ ਵੀ ਸਮਰਥਨ ਹੈ। ਦਸ ਦਈਏ ਕਿ ਸੁਪਰੀਮ ਕੋਰਟ ਨੇ ਕਾਂਗਰਸ ਅਤੇ ਜੇਡੀਐਸ ਵਲੋਂ ਦਾਇਰ ਕੀਤੀ ਗਈ ਅਰਜ਼ੀ ਦੀ ਸੁਣਵਾਈ ਦੌਰਾਨ ਇਹ ਆਦੇਸ਼ ਦਿਤਾ। ਦੋਹੇ ਹੀ ਖੇਮਿਆਂ ਨੇ ਅੰਕੜੇ ਅਪਣੇ ਪੱਖ ਵਿਚ ਹੋਣ ਦਾ ਭਰੋਸਾ ਪ੍ਰਗਟਾਇਆ ਹੈ। ਉਧਰ ਰਾਜਪਾਲ ਵਜੂਭਾਈ ਵਾਲਾ ਵਲੋਂ ਭਾਜਪਾ ਵਿਧਾਇਕ ਕੇ ਜੀ ਬੋਪਈਆ ਨੂੰ ਅਸਥਾਈ ਸਪੀਕਰ ਨਿਯੁਕਤ ਕਰਨ ਨੂੰ ਲੈ ਕੇ ਇਕ ਹੋਰ ਕਾਨੂੰਨੀ ਲੜਾਈ ਦੀ ਸੰਭਾਵਨਾ ਪੈਦਾ ਹੋ ਗਈ ਹੈ।
ਆਮ ਤੌਰ ‘ਤੇ ਵਿਧਾਨ ਸਭਾ ਦੇ ਸਭ ਤੋਂ ਸੀਨੀਅਰ ਮੈਂਬਰ ਨੂੰ ਅਸਥਾਈ ਸਪੀਕਰ ਬਣਾਇਆ ਜਾਂਦਾ ਹੈ ਅਤੇ ਇਸ ਤਰ੍ਹਾਂ ਕਾਂਗਰਸ ਦੇ ਆਰ ਵੀ ਦੇਸ਼ਪਾਂਡੇ ਇਸ ਅਹੁਦੇ ਦੇ ਲਈ ਯੋਗ ਹਨ। ਵੀਰਵਾਰ ਦੀ ਸਵੇਰੇ ਤੀਜੀ ਵਾਰ ਮੁੱਖ ਮੰਤਰੀ ਅਹੁਦੇ ਦੀ ਸਹੁੰ ਲੈਣ ਵਾਲੇ ਲਿੰਗਾਇਤ ਨੇਤਾ ਯੇਦੀਯੁਰੱਪਾ (75) ਨੇ ਕਿਹਾ ਕਿ ਉਹ ਰਾਜ ਵਿਧਾਨ ਸਭਾ ਵਿਚ ਬਹੁਮਤ ਸਾਬਤ ਕਰਨ ਨੂੰ ਲੈ ਕੇ 100 ਫ਼ੀ ਸਦੀ ਭਰੋਸੇਮੰਦ ਹਨ। ਸੀਨੀਅਰ ਅਦਾਲਤ ਦੇ ਆਦੇਸ਼ ਦੇ ਤੁਰਤ ਬਾਅਦ ਯੇਦੀਯੁਰੱਪਾ ਨੇ ਬੰਗਲੁਰੂ ਵਿਚ ਪੱਤਰਕਾਰਾਂ ਨਾਲ ਗੱਲਬਾਤ ਕੀਤੀ।
ਯੇਦੀਯੁਰੱਪਾ ਨੇ ਕਿਹਾ ਕਿ ਅਸੀਂ ਸੁਪਰੀਮ ਕੋਰਟ ਦੇ ਆਦੇਸ਼ ਦਾ ਪਾਲਣ ਕਰਾਂਗੇ। ਬਹੁਮਤ ਸਾਬਤ ਕਰਨ ਲਈ ਸਾਡੇ ਕੋਲ 100 ਫ਼ੀ ਸਦੀ ਸਹਿਯੋਗ ਅਤੇ ਸਮਰਥਨ ਹੈ। ਯੇਦੀ ਨੇ ਕਿਹਾ ਕਿ ਇਸ ਸਾਰੇ ਰਾਜਨੀਤਕ ਖੇਡ ਦੇ ਵਿਚਕਾਰ ਅਸੀਂ ਕੱਲ ਬਹੁਮਤ ਸਾਬਤ ਕਰਾਂਗੇ। ਅਸੀਂ ਸੁਪਰੀਮ ਕੋਰਟ ਦੇ ਆਦੇਸ਼ ਦਾ ਪਾਲਣ ਕਰਾਂਗੇ। ਉਥੇ ਜੇਡੀਐਸ ਦੇ ਮੁਖੀ ਅਤੇ ਵਿਰੋਧੀ ਖੇਮੇ ਦੇ ਮੁੱਖ ਮੰਤਰੀ ਅਹੁਦੇ ਦੇ ਉਮੀਦਵਾਰ ਐਚ ਡੀ ਕੁਮਾਰਸਵਾਮੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਗਠਜੋੜ ਦੇ ਵਿਧਾਇਕਾਂ ‘ਤੇ ਪੂਰਾ ਭਰੋਸਾ ਹੈ।
ਉਧਰ ਕਰਨਾਟਕ ਦੇ ਸਾਬਕਾ ਮੁੱਖ ਮੰਤਰੀ ਸਿਧਰਮਈਆ ਨੇ ਕਾਂਗਰਸ ਵਿਚ ਕਿਸੇ ਤਰ੍ਹਾਂ ਦੀ ਦਰਾੜ ਦੀ ਗੱਲ ਨੂੰ ਖ਼ਾਰਜ ਕਰਦੇ ਹੋਏ ਕਿਹਾ ਕਿ ਵਿਧਾਨ ਸਭਾ ਵਿਚ ਹੋਣ ਵਾਲੇ ਸ਼ਕਤੀ ਪ੍ਰਦਰਸ਼ਨ ਤੋਂ ਪਹਿਲਾਂ ਉਨ੍ਹਾਂ ਦੇ ਸਾਰੇ ਵਿਧਾਇਕ ਇਕਜੁਟਤਾ ਦਿਖਾਉਣਗੇ। ਜੇਡੀਐਸ ਦੇ ਵਿਧਾਨ ਪ੍ਰੀਸ਼ਦ ਮੈਂਬਰ ਬਸਵਰਾਜ ਨੇ ਕਿਹਾ ਕਿ ਸਿਧਰਮਈਆ ਨੇ ਹੈਦਰਾਬਾਦ ਵਿਚ ਕਾਂਗਰਸ ਦੇ ਨਵੇਂ ਚੁਣੇ ਵਿਧਾਇਕਾਂ ਦੀ ਮੀਟਿੰਗ ਨੂੰ ਸੰਬੋਧਨ ਕੀਤਾ। ਉਨ੍ਹਾਂ ਕਿਹਾ ਕਿ ਜੇਡੀਐਸ ਦੇ 36 ਅਤੇ ਕਾਂਗਰਸ ਦੇ 77 ਵਿਧਾਇਕ ਹੋਟਲਾਂ ਵਿਚ ਡੇਰਾ ਲਗਾਈ ਬੈਠੇ ਸਨ ਜੋ ਵਿਧਾਨ ਸਭਾ ਪਹੁੰਚ ਗਏ ਹਨ।

ਜਸਟਿਸ ਚੇਲਾਮੇਸ਼ਵਰ ਨੇ ਚੀਫ ਜਸਟਿਸ ਨਾਲ ਮੰਚ ਕੀਤਾ ਸਾਂਝਾ

ਨਵੀਂ ਦਿੱਲੀ-ਸੁਪਰੀਮ ਕੋਰਟ ਦੇ ਸਭ ਤੋਂ ਸੀਨੀਅਰ ਜੱਜ ਜਸਟਿਸ ਜੇ. ਚੇਲਾਮੇਸ਼ਵਰ ਨੇ ਆਪਣੇ ਆਖ਼ਰੀ ਕੰਮ-ਕਾਜੀ ਦਿਨ ਇਥੇ ਭਾਰਤ ਦੇ ਚੀਫ਼ ਜਸਟਿਸ (ਸੀਜੇਆਈ) ਦੀਪਕ ਮਿਸ਼ਰਾ ਨਾਲ ਅਦਾਲਤੀ ਮੰਚ ਸਾਂਝਾ ਕੀਤਾ। ਗ਼ੌਰਤਲਬ ਹੈ ਕਿ ਜਸਟਿਸ ਚੇਲਾਮੇਸ਼ਵਰ ਨੇ ਬੀਤੀ 12 ਜਨਵਰੀ ਨੂੰ ਜਸਟਿਸ ਮਿਸ਼ਰਾ ਖ਼ਿਲਾਫ਼ ਪ੍ਰੈਸ ਕਾਨਫਰੰਸ ਕਰ ਕੇ ਇਕ ਤਰ੍ਹਾਂ ਬਗ਼ਾਵਤ ਦਾ ਝੰਡਾ ਚੁੱਕ ਲਿਆ ਸੀ ਅਤੇ ਉਦੋਂ ਤੋਂ ਦੋਵਾਂ ਦੇ ਸਬੰਧ ਸੁਖਾਵੇਂ ਨਹੀਂ ਸਨ।
ਅਧਿਕਾਰਤ ਤੌਰ ’ਤੇ ਜਸਟਿਸ ਚੇਲਾਮੇਸ਼ਵਰ ਦੀ ਸੇਵਾ-ਮੁਕਤੀ 22 ਜੂਨ ਨੂੰ ਹੈ, ਪਰ ਸ਼ਨਿਚਰਵਾਰ ਤੋਂ ਸੁਪਰੀਮ ਕੋਰਟ ਦੀਆਂ ਗਰਮੀਆਂ ਦੀਆਂ ਛੁੱਟੀਆਂ ਸ਼ੁਰੂ ਹੋਣ ਕਾਰਨ ਅਮਲੀ ਤੌਰ ’ਤੇ ਉਨ੍ਹਾਂ ਦਾ ਆਖ਼ਰੀ ਕੰਮ-ਕਾਜੀ ਦਿਨ ਅੱਜ ਹੀ ਸੀ, ਕਿਉਂਕਿ 22 ਜੂਨ ਦੀ ਤਾਰੀਖ਼ ਛੁੱਟੀਆਂ ਵਿੱਚ ਹੀ ਲੰਘ ਜਾਵੇਗੀ। ਉਹ ਅੱਜ ਸੀਜੇਆਈ ਦੀ ਅਗਵਾਈ ਵਾਲੇ ਬੈਂਚ ਵਿੱਚ ਬੈਠੇ, ਜਿਸ ਵਿੱਚ ਤੀਜੇ ਜੱਜ ਜਸਟਿਸ ਡੀ.ਵਾਈ. ਚੰਦਰਚੂੜ ਸਨ। ਸੁਪਰਮ ਕੋਰਟ ਦੀ ਇਹ ਰਵਾਇਤ ਹੈ ਕਿ ਸੇਵਾ-ਮੁਕਤ ਹੋਣ ਵਾਲੇ ਜੱਜ ਨੂੰ ਆਖ਼ਰੀ ਦਿਨ ਪ੍ਰਭਾਵਸ਼ਾਲੀ ਕੋਰਟ ਨੰਬਰ ਇਕ ਵਿੱਚ ਸੀਜੇਆਈ ਨਾਲ ਬੈਠਣ ਦਾ ਮਾਣ ਦਿੱਤਾ ਜਾਂਦਾ ਹੈ।
ਦੱਸਣਯੋਗ ਹੈ ਕਿ ਜਸਟਿਸ ਚੇਲਾਮੇਸ਼ਵਰ ਨੇ ਜਸਟਿਸ ਮਿਸ਼ਰਾ ਦੇ ਕੰਮ-ਢੰਗ ਖ਼ਿਲਾਫ਼ ਬਗ਼ਾਵਤ ਦਾ ਝੰਡਾ ਚੁੱਕਦਿਆਂ ਤਿੰਨ ਹੋਰ ਸੀਨੀਅਰ ਜੱਜਾਂ ਸਮੇਤ ਪ੍ਰੈਸ ਕਾਨਫਰੰਸ ਕਰ ਕੇ ਨਾਜ਼ੁਕ ਕੇਸਾਂ ਦੀ ਵੰਡ ਤੇ ਉਚੇਰੀ ਨਿਆਂਪਾਲਿਕਾ ਵਿੱਚ ਜੱਜਾਂ ਦੀ ਨਿਯੁਕਤੀ ਦੀ ਸਿਫ਼ਾਰਸ਼ ਆਦਿ ਸਬੰਧੀ ਸਖ਼ਤ ਇਤਰਾਜ਼ ਕੀਤੇ ਸਨ। ਇਸ ਦੇ ਬਾਵਜੂਦ ਅੱਜ ਉਨ੍ਹਾਂ ਸੀਜੇਆਈ ਨਾਲ ਮੰਚ ਸਾਂਝਾ ਕਰਨ ਦੀ ਰਵਾਇਤ ਦਾ ਪਾਲਣ ਕੀਤਾ।
ਪਹਿਲਾਂ ਅਦਾਲਤੀ ਹਲਕਿਆਂ ਵਿੱਚ ਅੰਦਾਜ਼ੇ ਲਾਏ ਜਾ ਰਹੇ ਸਨ ਕਿ ਉਹ ਬੈਂਚ ਵਿੱਚ ਨਹੀਂ ਬੈਠਣਗੇ। ਗ਼ੌਰਤਲਬ ਹੈ ਕਿ ਪਿਛਲੇ ਦਿਨੀਂ ਉਨ੍ਹਾਂ ਸੁਪਰੀਮ ਕੋਰਟ ਬਾਰ ਐਸੋਸੀਏਸ਼ਨ ਵੱਲੋਂ ਉਨ੍ਹਾਂ ਦੇ ਮਾਣ ਵਿੱਚ ਅੱਜ ਲਈ ਤਜਵੀਜ਼ੀ ਗਈ ਵਿਦਾਇਗੀ ਪਾਰਟੀ ਦਾ ਸੱਦਾ ਨਾ ਮਨਜ਼ੂਰ ਕਰ ਦਿੱਤਾ ਸੀ, ਜਿਸ ਕਾਰਨ ਉਨ੍ਹਾਂ ਦੇ ਸੀਜੇਆਈ ਨਾਲ ਮੰਚ ਨਾ ਸਾਂਝਾ ਕਰਨ ਦੇ ਕਿਆਸਾਂ ਨੂੰ ਵੀ ਸ਼ਹਿ ਮਿਲੀ ਸੀ। ਇਸ ਦੌਰਾਨ ਬੈਂਚ ਥੋੜ੍ਹੇ ਸਮੇਂ ਲਈ ਬੈਠਿਆ ਅਤੇ ਸਵੇਰੇ 11.15 ਵਜੇ ਦਿਨ ਭਰ ਲਈ ਉਠ ਗਿਆ। ਇਸ ਮੌਕੇ ਸੀਨੀਅਰ ਵਕੀਲ ਰਾਜੀਵ ਦੱਤਾ ਤੇ ਵਕੀਲਾਂ ਪ੍ਰਸ਼ਾਂਤ ਭੂਸ਼ਣ ਤੇ ਗੋਪਾਲ ਸ਼ੰਕਰਨਰਾਇਣ ਆਦਿ ਨੇ ਜਸਟਿਸ ਚੇਲਾਮੇਸ਼ਵਰ ਲਈ ਵਿਦਾਇਗੀ ਭਾਸ਼ਣ ਦਿੱਤੇ ਤੇ ਉਨ੍ਹਾਂ ਦੇ ਕਾਰਜਕਾਲ ਦੀ ਸ਼ਲਾਘਾ ਕੀਤੀ।

16 ਸਾਲ ਦੀ ਉਮਰ ‘ਚ ਇਸ ਭਾਰਤੀ ਕੁੜੀ ਨੇ ਮਾਊਂਟ ਐਵਰੈਸਟ ਫਤਿਹ ਕਰ ਕੇ ਰਚਿਆ ਇਤਿਹਾਸ

ਕਾਠਮੰਡੂ—ਭਾਰਤ ਦੀ 16 ਸਾਲ ਦੀ ਕੁੜੀ ਸ਼ਿਵਾਂਗੀ ਪਾਠਕ ਨੇ ਵੀਰਵਾਰ ਨੂੰ ਵਿਸ਼ਵ ਦੀ ਸਭ ਤੋਂ ਉਚੀ ਚੋਟੀ ਮਾਊਂਟ ਐਵਰੈਸਟ ਨੂੰ ਫਤਿਹ ਕਰ ਕੇ ਇਤਿਹਾਸ ਰਚ ਦਿੱਤਾ। ਉਹ ਅਜਿਹਾ ਕਰਨ ਵਾਲੀ ਸਭ ਤੋਂ ਨੌਜਵਾਨ ਮਹਿਲਾ ਸੂਚੀ ਵਿਚ ਸ਼ਾਮਲ ਹੋ ਗਈ ਹੈ। ਹਰਿਆਣਾ ਦੇ ਹਿਸਾਰ ਵਿਚ ਜੰਮੀ ਸ਼ਿਵਾਂਗੀ ਨੇ ਦੱਸਿਆ ਕਿ ਉਹ ਐਵਰੈਸਟ ‘ਤੇ ਚੜ੍ਹ ਕੇ ਦੁਨੀਆ ਨੂੰ ਇਹ ਦਿਖਾਉਣਾ ਚਾਹੁੰਦੀ ਸੀ ਕਿ ਔਰਤਾਂ ਕਿਸੇ ਵੀ ਟੀਚੇ ਨੂੰ ਪਾਉਣ ਵਿਚ ਸਮਰਥ ਹੁੰਦੀਆਂ ਹਨ।
ਐਵਰੈਸਟ (29,000 ਫੁੱਟ) ‘ਤੇ ਸਫਲ ਚੜ੍ਹਾਈ ਨਾਲ ਸ਼ਿਵਾਂਗੀ ਕਾਫੀ ਖੁਸ਼ ਹੈ, ਉਸ ਨੇ ਦਿਵਿਆਂਗ ਪਰਬਤਾਰੋਹੀ ਅਰੁਣਿਮਾ ਸਿਨ੍ਹਾ ਨੂੰ ਆਪਣੀ ਪ੍ਰੇਰਣਾ ਦੱਸਿਆ। ਦੱਸ ਦਈਏ ਕਿ ਅਰੁਣਿਮਾ ਸਿਨ੍ਹਾ ਮਾਊਂਟ ਐਵਰੈਸਟ ‘ਤੇ ਤਿਰੰਗਾ ਫਹਿਰਾਉਣ ਵਾਲੀ ਵਿਸ਼ਵ ਦੀ ਪਹਿਲੀ ਦਿਵਿਆਂਗ ਪਰਬਤਾਰੋਹੀ ਹੈ। ਸ਼ਿਵਾਂਗੀ ਹਮੇਸ਼ਾ ਤੋਂ ਮਾਊਂਟ ਐਵਰੈਸਟ ‘ਤੇ ਸਫਲ ਚੜ੍ਹਾਈ ਦਾ ਸੁਪਨਾ ਦੇਖਦੀ ਸੀ। ਇਕ ਇੰਟਰਵਿਊ ਵਿਚ ਉਸ ਨੇ ਕਿਹਾ ਸੀ ਕਿ ਉਹ ਇਸ ਸੋਹਣੇ ਗ੍ਰਹਿ ਦੇ ਹਰ ਇਕ ਪਰਬਤ ‘ਤੇ ਚੜ੍ਹਨਾ ਚਾਹੁੰਦੀ ਹੈ।

11ਵੀਂ ਕਲਾਸ ਦੀ ਵਿਦਿਆਰਥਣ ਨਾਲ ਅਧਿਆਪਕ ਨੇ ਕੁਕਰਮ ਕਰਨ ਦੀ ਕੀਤੀ ਕੋਸ਼ਿਸ਼, ਮਾਮਲਾ ਦਰਜ

ਰਾਮਪੁਰ—ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਅਧਿਆਪਕ ਭਗਵਾਨ ਤੋਂ ਵੀ ਵਧ ਕੇ ਹੁੰਦੇ ਹਨ, ਜੋ ਸਾਨੂੰ ਆਗਿਆਨਤਾ ਦੇ ਹਨ੍ਹੇਰੇ ਤੋਂ ਬਾਹਰ ਕੱਢਦੇ ਹਨ ਪਰ ਰਾਮਪੁਰ ਜ਼ਿਲੇ ‘ਚ ਇਕ ਅਧਿਆਪਕ ਨੇ ਆਪਣੇ-ਆਪ ਨੂੰ ਬਦਨਾਮ ਕਰ ਦਿੱਤਾ ਹੈ, ਜਿੱਥੇ ਇਕ ਅਧਿਆਪਕ ਨੇ ਸਕੂਲ ‘ਚ 11ਵੀਂ ਕਲਾਸ ਦੀ ਵਿਦਿਆਰਥਣ ਨੂੰ ਹਵਸ ਦਾ ਸ਼ਿਕਾਰ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਆਪਣੇ ਗੰਦੇ ਇਰਾਦੇ ‘ਚ ਕਾਮਯਾਬ ਨਹੀਂ ਹੋ ਸਕਿਆ, ਜਿਸ ਦੇ ਚਲਦੇ ਵਿਦਿਆਰਥਣ ਨੇ ਸਕੂਲ ਜਾਣਾ ਹੀ ਛੱਡ ਦਿੱਤਾ। ਨਾਲ ਹੀ ਪਰਿਵਾਰ ਨੂੰ ਅਧਿਆਪਕ ਦੀਆਂ ਕਰਤੂਤਾਂ ਨਾਲ ਜਾਣੂ ਕਰਵਾਇਆ, ਜਿਸ ਤੋਂ ਬਾਅਦ ਗੁੱਸੇ ‘ਚ ਆਏ ਪਰਿਵਾਰ ਨੇ ਸਿੱਖਿਆ ਦੇ ਵਿਰੁੱਧ ਥਾਣੇ ‘ਚ ਮਾਮਲਾ ਦਰਜ ਕਰਵਾਇਆ।
ਜਾਣਕਾਰੀ ਮੁਤਾਬਕ ਮਾਮਲਾ ਥਾਣਾ ਕੈਮਰੀ ‘ਚ ਰਾਜੇਂਦਰ ਪ੍ਰਸਾਦ ਵਿਦਿਆ ਮੰਦਰ ਸਕੂਲ ਦਾ ਹੈ, ਇੱਥੇ ਸਿਮਰਿਆ ਨਿਵਾਸੀ ਵਿਦਿਆਰਥਣ ਇਕਰਾ ਇਸ ਸਕੂਲ ‘ਚ 11ਵੀਂ ਕਲਾਸ ‘ਚ ਪੜਦੀ ਹੈ। ਉਸ ਦੇ ਤਹਿਤ ਸਕੂਲ ਦਾ ਇਕ ਅਧਿਆਪਕ ਉਸ ‘ਤੇ ਬੁਰੀ ਨਜ਼ਰ ਰੱਖਦਾ ਸੀ। ਸਕੂਲ ‘ਚ ਮੌਕਾ ਪਾ ਕੇ ਅਧਿਆਪਕ ਨਾਲ ਅਸ਼ਲੀਲ ਗੱਲਾਂ ਕਰਦਾ ਸੀ। ਇੰਨਾ ਹੀ ਨਹੀਂ ਕਈ ਵਾਰ ਵਿਦਿਆਰਥਣ ਨੂੰ ਇਕੱਲਾ ਪਾ ਕੇ ਅਧਿਆਪਕ ਨੇ ਉਸ ਨੂੰ ਹਵਸ ਦਾ ਸ਼ਿਕਾਰ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਕਾਮਯਾਬ ਨਹੀਂ ਹੋ ਸਕਿਆ।
ਅਧਿਆਪਕ ਦੀਆਂ ਅਜਿਹੀਆਂ ਕਰਤੂਤਾਂ ਨਾਲ ਵਿਦਿਆਰਥਣ ਨੇ ਸਕੂਲ ਜਾਣਾ ਹੀ ਛੱਡ ਦਿੱਤਾ। ਪਰਿਵਾਰ ਨੇ ਸਕੂਲ ਨਾ ਜਾਣ ਦਾ ਕਾਰਨ ਪੁੱਛਣ ‘ਤੇ ਵਿਦਿਆਰਥਣ ਨੇ ਸਾਰੀ ਸੱਚਾਈ ਪਰਿਵਾਰ ਨੂੰ ਦੱਸੀ, ਜਿਸ ਤੋਂ ਬਾਅਦ ਵਿਦਿਆਰਥਣ ਦੇ ਪਰਿਵਾਰ ਨੇ ਪੁਲਸ ਥਾਣੇ ‘ਚ ਦੋਸ਼ੀ ਅਧਿਆਪਕ ਦੇ ਵਿਰੁੱਧ ਮਾਮਲਾ ਦਰਜ ਕਰਵਾਇਆ।
ਇਸ ਮਾਮਲੇ ‘ਚ ਸੀ. ਓ. ਕੈਮਰੀ ਆਸ਼ੁਤੋਸ਼ ਤਿਵਾਰੀ ਨੇ ਦੱਸਿਆ ਕਿ ਪਿੰਡ ਦੀ ਇਕਰਾ ਨੇ ਆਪਣੇ ਹੀ ਸਕੂਲ ਦੇ ਅਧਿਆਪਕ ਸ਼ਕੀਲ ਖਾਨ ਦੇ ਵਿਰੁੱਧ ਥਾਣਾ ਕੈਮਰੀ ‘ਚ ਛੇੜਛਾੜ ਅਤੇ ਕੁਕਰਮ ਕਰਨ ਦੀ ਕੋਸ਼ਿਸ਼ ਦਾ ਮੁਕੱਦਮਾ ਦਰਜ ਕਰਵਾਇਆ ਹੈ ਅਤੇ ਜਾਂਚ ‘ਚ ਇਹ ਗੱਲ ਸਹੀ ਪਾਈ ਗਈ ਹੈ। ਦੋਸ਼ੀ ਅਧਿਆਪਕ ‘ਤੇ ਕਾਰਵਾਈ ਕੀਤੀ ਜਾ ਰਹੀ ਹੈ। ਉਸ ਨੂੰ ਜਲਦ ਹੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।

ਏਅਰ ਇੰਡੀਆ ਨੂੰ ਭਰਨਾ ਪਵੇਗਾ 88 ਲੱਖ ਡਾਲਰ ਦਾ ਹਰਜਾਨਾ

ਨਵੀਂ ਦਿੱਲੀ-ਏਅਰ ਇੰਡੀਆ ਨੂੰ ਆਪਣੇ 323 ਮੁਸਾਫ਼ਰਾਂ ਨੂੰ 88 ਲੱਖ ਡਾਲਰ ਦਾ ਹਰਜਾਨਾ ਦੇਣਾ ਪੈ ਸਕਦਾ ਹੈ। ਏਅਰ ਇੰਡੀਆ ਦੀ 9 ਮਈ ਦੀ ਦਿੱਲੀ-ਸ਼ਿਕਾਗੋ ਉਡਾਣ ਚਾਲਕ ਦਸਤੇ ਨੂੰ ਡਿਊਟੀ ਸਮੇਂ ਦੌਰਾਨ ਮਿਲਣ ਵਾਲੀ ਛੋਟ (ਐਫਡੀਐਲਟੀ) ਵਾਪਸ ਲੈਣ ਕਰ ਕੇ ਪਛੜ ਗਈ ਸੀ।
ਇਹ ਘਟਨਾ ਏਅਰ ਇੰਡੀਆ ਤੇ ਫੈਡਰੇਸ਼ਨ ਆਫ ਇੰਡੀਅਨ ਏਅਰਲਾਈਨਜ਼ ਜੋ ਪ੍ਰਾਈਵੇਟ ਕੈਰੀਅਰਜ਼ ਜੈੱਟ ਏਅਰਵੇਜ਼, ਇੰਡੀਗੋ, ਸਪਾਈਸਜੈੱਟ ਤੇ ਗੋਏਅਰ ਦੀ ਨੁਮਾਇੰਦਗੀ ਕਰਦੀ ਹੈ, ਦੀ ਇਕ ਅਪੀਲ ਵਿੱਚ ਸਾਹਮਣੇ ਲਿਆਂਦੀ ਗਈ ਸੀ ਜਿਸ ਰਾਹੀਂ ਡੀਜੀਸੀਏ ਨੂੰ ਐਫਡੀਐਲਟੀਜ਼ ਵਿੱਚ ਫੇਰਬਦਲ ਦੀ ਮਨਜ਼ੂਰੀ ਨਾ ਦੇਣ ਦੀਆਂ 18 ਅਪਰੈਲ ਦੀਆਂ ਹਦਾਇਤਾਂ ਵਿੱਚ ਤਰਮੀਮ ਦੀ ਆਗਿਆ ਮੰਗੀ ਗਈ ਸੀ। ਸ਼ਿਕਾਗੋ ਲਈ 9 ਮਈ ਏਅਰ ਇੰਡੀਆ ਦੀ ਉਡਾਣ 127 ਨੂੰ 16 ਘੰਟਿਆਂ ਦਾ ਵਕਤ ਲੱਗਿਆ ਸੀ। ਮੌਸਮ ਖਰਾਬ ਹੋਣ ਕਰ ਕੇ ਜਹਾਜ਼ ਸ਼ਿਕਾਗੋ ਦੀ ਬਜਾਏ ਮਿਲਵਾਕੀ ਉਤਾਰਨਾ ਪਿਆ ਸੀ। ਉਸ ਦਿਨ ਐਫਡੀਐਲਟੀ ਵਿੱਚ ਫੇਰਬਦਲ ਵਾਪਸ ਲੈਣ ਕਰ ਕੇ ਚਾਲਕ ਦਸਤੇ ਲਈ ਇਕ ਹੀ ਲੈਂਡਿੰਗ ਦੀ ਪ੍ਰਵਾਨਗੀ ਸੀ।
ਏਅਰ ਇੰਡੀਆ ਦੇ ਸੂਤਰਾਂ ਅਨੁਸਾਰ ਡੀਜੀਸੀਏ ਵੱਲੋਂ ਹਾਈ ਕੋਰਟ ਦੇ ਹੁਕਮਾਂ ਤਹਿਤ ਡਿਊਟੀ ਦੇ ਘੰਟਿਆਂ ਵਿੱਚ ਫੇਰਬਦਲ ਵਾਪਸ ਲੈਣ ਤੋਂ ਬਾਅਦ ਏਅਰਲਾਈਨ ਕੋਲ ਨਵੇਂ ਚਾਲਕ ਦਸਤੇ ਦਾ ਇੰਤਜ਼ਾਮ ਕਰਨ ਤੋਂ ਬਿਨਾਂ ਕੋਈ ਚਾਰਾ ਨਹੀਂ ਰਿਹਾ ਜਿਸ ਨੂੰ ਉਡਾਣ ਦਾ ਚਾਰਜ ਲੈਣ ਵਾਸਤੇ ਸੜਕ ਰਸਤੇ ਮਿਲਵਾਕੀ ਪੁੱਜਦਾ ਕੀਤਾ ਗਿਆ।

ਵਾਰਾਨਸੀ ਫਲਾਈਓਵਰ ਹਾਦਸੇ ਦੀ ਜਾਂਚ ਸ਼ੁਰੂ; 4 ਅਫ਼ਸਰ ਮੁਅੱਤਲ

ਵਾਰਾਨਸੀ-ਉੱਤਰ ਪ੍ਰਦੇਸ਼ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸੰਸਦੀ ਹਲਕੇ ਵਾਲੇ ਸ਼ਹਿਰ ਵਾਰਾਨਸੀ ਵਿੱਚ ਇਕ ਉਸਾਰੀ ਅਧੀਨ ਫਲਾਈਓਵਰ ਡਿੱਗਣ ਦੀ ਘਟਨਾ ਜਿਸ ਵਿੱਚ 18 ਲੋਕ ਮਾਰੇ ਗਏ ਹਨ, ਦੀ ਜਾਂਚ ਸ਼ੁਰੂ ਹੋ ਗਈ ਹੈ। ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਵੱਲੋਂ ਬਣਾਈ ਉਚ ਪੱਧਰੀ ਜਾਂਚ ਟੀਮ ਇਸ ਘਟਨਾ ਦੀ ਜਾਂਚ ਕਰੇਗੀ।
ਖੇਤੀਬਾੜੀ ਉਤਪਾਦਨ ਕਮਿਸ਼ਨਰ ਰਾਜ ਪ੍ਰਤਾਪ ਸਿੰਘ ਦੀ ਅਗਵਾਈ ਹੇਠ ਤਿੰਨ ਮੈਂਬਰੀ ਟੀਮ ਨੇ ਹਾਦਸੇ ਵਾਲੀ ਥਾਂ ਦਾ ਦੌਰਾ ਕੀਤਾ ਤੇ ਜ਼ਿਲਾ ਅਧਿਕਾਰੀਆਂ ਅਤੇ ਫਲਾਈਓਵਰ ’ਤੇ ਕੰਮ ਕਰਨ ਵਾਲੀ ਟੀਮ ਤੋਂ ਪ੍ਰਾਜੈਕਟ ਦੀ ਤਫ਼ਸੀਲ ਵੀ ਹਾਸਲ ਕੀਤੀ। ਟੀਮ 48 ਘੰਟਿਆਂ ਦੇ ਅੰਦਰ ਅੰਦਰ ਰਿਪੋਰਟ ਦੇਵੇਗੀ ਤੇ ਰਾਹਤ ਕਾਰਜਾਂ ਦੀ ਨਿਗਰਾਨੀ ਵੀ ਕਰੇਗੀ। ਇਕ ਅਧਿਕਾਰੀ ਨੇ ਆਈਏਐਨਐਸ ਨੂੰ ਦੱਸਿਆ ਕਿ ਕੰਕਰੀਟ ਹੇਠ ਦੱਬੇ ਵਾਹਨ ਕੱਢ ਲਏ ਗਏ ਹਨ। ਡਿਪਟੀ ਮੁੱਖ ਮੰਤਰੀ ਕੇਸ਼ਵ ਪ੍ਰਸ਼ਾਦ ਮੌਰੀਆ ਤੇ ਇਕ ਹੋਰ ਮੰਤਰੀ ਨੀਲਕੰਠ ਤਿਵਾੜੀ ਨੇ ਵੀ ਕੈਂਟ ਰੇਲਵੇ ਸਟੇਸ਼ਨ ਨੇੜੇ ਹਾਦਸੇ ਵਾਲੀ ਥਾਂ ਦਾ ਦੌਰਾ ਕੀਤਾ। ਮੌਰੀਆ ਜੋ ਕਿ ਲੋਕ ਨਿਰਮਾਣ ਮੰਤਰੀ ਵੀ ਹਨ, ਨੇ ਪਹਿਲਾਂ ਹੀ ਚਾਰ ਅਫ਼ਸਰਾਂ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਇਸ ਦੌਰਾਨ ,ਪੀਐਮਓ ਦੀ ਨਿਗਰਾਨੀ ਤੋਂ ਬਾਅਦ ਯੂਪੀ ਬ੍ਰਿਜ ਕੋਰਪ ਤੇ ਫਲਾਈਓਵਰ ਦਾ ਨਿਰਮਾਣ ਕਰਨ ਵਾਲੀ ਏਜੰਸੀ ਖ਼ਿਲਾਫ਼ ਆਈਪੀਸੀ ਦੀ ਧਾਰਾ 304, 308 ਤੇ 427 ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਸ਼ਹਿਰ ਦੇ ਚੌਕਾਘਾਟ ਤੇ ਲਹਿਰਤਾਰਾ ਖੇਤਰਾਂ ਨੂੰ ਜੋੜਨ ਵਾਲੇ ਇਸ ਫਲਾਈਓਵਰ ਦਾ ਕੰਮ 1 ਅਕਤੂਬਰ 2015 ਨੂੰ ਸ਼ੁਰੂ ਹੋਇਆ ਸੀ ਜਦੋਂ ਮੁੱਖ ਮੰਤਰੀ ਅਖਿਲੇਸ਼ ਯਾਦਵ ਮੁੱਖ ਮੰਤਰੀ ਸਨ। ਰਾਜ ਵਿੱਚ ਭਾਜਪਾ ਦੀ ਸਰਕਾਰ ਬਣਨ ਤੋਂ ਬਾਅਦ ਇਸ ਪ੍ਰਾਜੈਕਟ ਦੇ ਕੰਮ ਵਿੱਚ ਕਾਫ਼ੀ ਤੇਜ਼ੀ ਆ ਗਈ ਸੀ ਤੇ ਬ੍ਰਿਜ ਕੋਰਪ ਨੂੰ ਫਲਾਈਓਵਰ ਦਾ ਨਿਰਮਾਣ ਮਾਰਚ 2019 ਤੱਕ ਮੁਕੰਮਲ ਕਰਨ ਦੀ ਸਮਾਂ ਸੀਮਾ ਦਿੱਤੀ ਗਈ ਸੀ। ਇਸ ਇਲਾਕੇ ਵਿੱਚ ਟਰੈਫਿਕ ਦੀ ਭਾਰੀ ਸਮੱਸਿਆ ਹੋਣ ਕਾਰਨ ਅਧਿਕਾਰੀਆਂ ਨੇ 1710 ਮੀਟਰ ਲੰਮੇ ਇਸ ਫਲਾਈਓਵਰ ਦਾ ਨਿਰਮਾਣ ਜਲਦੀ ਮੁਕੰਮਲ ਕਰਨ ਤੋਂ ਹੱਥ ਖੜ੍ਹੇ ਕਰ ਦਿੱਤੇ ਸਨ ਤੇ ਅਕਤੂਬਰ 2019 ਤੱਕ ਨਵੀਂ ਸਮਾਂ ਸੀਮਾ ਮੰਗੀ ਸੀ। ਇਸ ਪ੍ਰਾਜੈਕਟ ਦੀ ਲਾਗਤ 77.41 ਕਰੋੜ ਰੁਪਏ ਦੱਸੀ ਜਾਂਦੀ ਹੈ ਤੇ ਇਸ ਦੇ 63 ਪਿਲਰ ਉਸਾਰੇ ਜਾਣੇ ਹਨ। ਹਾਲੇ ਤੱਕ ਸਿਰਫ਼ 45 ਪਿਲਰ ਬਣੇ ਹਨ। ਬਹੁਜਨ ਸਮਾਜ ਪਾਰਟੀ ਦੀ ਨੇਤਾ ਮਾਇਆਵਤੀ ਨੇ ਕਸੂਰਵਾਰਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ।

ਇਹ ਹੈ ਸਿਰਸਾ ਦਾ ਸਰਕਾਰੀ ਸਕੂਲ, ਜਿੱਥੇ ਟਰੇਨ ‘ਚ ਪੜ੍ਹਦੇ ਨੇ ਸਟੂਡੈਂਟਸ!

ਖੈਰੇਕਾਂ—ਕੰਮ ਕਰਨ ਦੀ ਇੱਛਾ ਹੋਵੇ ਤਾਂ ਕੁੱਝ ਵੀ ਅਸੰਭਵ ਨਹੀਂ ਹੈ । ਸਿਰਸੇ ਦੇ ਪਿੰਡ ਖੈਰੇਕਾਂ ਦੇ ਨੌਜਵਾਨਾਂ ਨੇ ਇਹ ਹੀ ਕਰ ਕੇ ਦਿਖਾਇਆ ਹੈ । ਪਿੰਡ ਵਾਲਿਆਂ ਨੇ ਮਿਲ ਕੇ ਪਿੰਡ ਵਿੱਚ ਸਥਿਤ ਪ੍ਰਾਇਮਰੀ ਕੰਨਿਆ ਸਕੂਲ ਦੀ ਇਮਾਰਤ ਨੂੰ ‘ਸਿੱਖਿਆ ਐਕਸਪ੍ਰੈਸ’ ਬਣਾ ਦਿੱਤਾ ਹੈ । ਇਸ ਸਰਕਾਰੀ ਸਕੂਲ ਨੂੰ ਟਰੇਨ ਵਾਂਗ ਬਣਾ ਦਿੱਤਾ ਗਿਆ ਹੈ ਤੇ ਵਿਦਿਆਰਥਣਾਂ ਇਸ ‘ਚ ਬੈਠ ਕੇ ਪੜ੍ਹਦੀਆਂ ਹਨ। ਹੁਣ ਵਿਦਿਆਰਥਣਾਂ (ਸਟੂਡੈਂਟਸ) ਸਕੂਲ ਵਿੱਚ ਖੁਸ਼ੀ-ਖੁਸ਼ੀ ਆਉਂਦੀਆਂ ਹਨ ਅਤੇ ਖੇਡ-ਖੇਡ ਵਿੱਚ ਸਿੱਖਿਆ ਪ੍ਰਾਪਤ ਕਰਦੀਆਂ ਹਨ । ਤਕਰੀਬਨ 60 ਹਜ਼ਾਰ ਰੁਪਏ ਦੀ ਸਹਾਇਤਾ ਨਾਲ ਸਕੂਲ ਦਾ ਮੁਹਾਂਦਰਾ ਬਦਲ ਦਿੱਤਾ ਗਿਆ। ਪਿੰਡ ਖੈਰੇਕਾਂ ਨਿਵਾਸੀ ਲਵਪ੍ਰੀਤ ਅਤੇ ਸੰਦੀਪ ਸੈਣੀ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਪਿੰਡ ਵਿੱਚ ਬਣੇ ਸਰਕਾਰੀ ਸਕੂਲ ਦੀ ਹਾਲਤ ਸੁਧਾਰਣ ਲਈ ਯੋਜਨਾ ਬਣਾਈ ਤਾਂ ਕਿ ਵਿਦਿਆਰਥਣਾਂ ਦਾ ਪੜ੍ਹਾਈ ‘ਚ ਰੁਝਾਨ ਵਧੇ।
ਸਰਕਾਰੀ ਸਕੂਲਾਂ ਦੀ ਅਣਦੇਖੀ ਕਾਰਨ ਜਿੱਥੇ ਪ੍ਰਾਈਵੇਟ ਸਕੂਲਾਂ ‘ਚ ਬੱਚਿਆਂ ਦੇ ਦਾਖ਼ਲੇ ਲਈ ਹਫੜਾ-ਦਫੜੀ ਮਚੀ ਹੋਈ ਹੈ , ਉੱਥੇ ਪਿੰਡ ਖੈਰੇਕਾਂ ਦੇ ਲੋਕਾਂ ਤੇ ਪਿੰਡ ਦੇ ਯੁਵਾ ਕਲੱਬ ਨੇ ਸਰਕਾਰੀ ਸਕੂਲ ਦਾ ਮੁਹਾਂਦਰਾ ਬਦਲ ਦਿੱਤਾ ਹੈ। ਸਕੂਲ ਦੇ ਕਮਰਿਆਂ ਨੂੰ ਹਾਈਟੈਕ ਬਣਾਇਆ ਗਿਆ ਹੈ ਤੇ ਸਕੂਲ ਦੇ ਬਰਾਂਡੇ ਨੂੰ ਰੇਲ ਗੱਡੀ ਦਾ ਰੂਪ ਦਿੱਤਾ ਗਿਆ ਹੈ।
ਜ਼ਿਲ੍ਹੇ ਵਿੱਚ ਆਪਣੀ ਤਰ੍ਹਾਂ ਦੇ ‘ਸਿੱਖਿਆ ਐਕਸਪ੍ਰੈਸ’ ਵਾਲੇ ਇਸ ਸਕੂਲ ਵਿੱਚ ਐੱਲ. ਈ. ਡੀ. ਸਮੇਤ ਕਈ ਤਰ੍ਹਾਂ ਦੀਆਂ ਅਤਿ ਆਧੁਨਿਕ ਸੁਵਿਧਾਵਾਂ ਮੁਹੱਈਆ ਕਰਵਾਈਆਂ ਗਈਆਂ ਹਨ। ਪਿੰਡ ਦੇ ਯੁਵਾ ਕਲੱਬ ਵੱਲੋਂ ਬਣਾਏ ਗਏ ਇਸ ਹਾਈਟੈਕ ਸਕੂਲ ਵਿੱਚ ਪੰਜਵੀਂ ਜਮਾਤ ਤੱਕ ਦੀਆਂ ਵਿਦਿਆਰਥਣਾਂ ਸਿੱਖਿਆ ਪ੍ਰਾਪਤ ਕਰ ਰਹੀਆਂ ਹਨ। ਸਕੂਲ ਦੀ ਪ੍ਰਿੰਸੀਪਲ ਸ਼ਾਲੂ ਰਾਣੀ ਅਤੇ ਅਧਿਆਪਕ ਭਾਰਤੀ ਰੋਹਿਲਾ ਨੇ ਦੱਸਿਆ ਕਿ ਪਹਿਲਾਂ ਸਕੂਲ ਵਿੱਚ 40-45 ਕੁੜੀਆਂ ਦਾ ਹੀ ਦਾਖ਼ਲਾ ਹੁੰਦਾ ਸੀ ਜਦੋਂ ਕਿ ਹੁਣ 145 ਲੜਕੀਆਂ ਦਾ ਸਕੂਲ ਵਿੱਚ ਦਾਖ਼ਲਾ ਹੈ।
ਬੱਚੀਆਂਂ ਖੇਡ-ਖੇਡ ਵਿੱਚ ਆਪਣੀ ਪੜ੍ਹਾਈ ਕਰ ਰਹੀਆਂ ਹਨ। ਉਨ੍ਹਾਂ ਦੱਸਿਆ ਕਿ ਪਿੰਡ ਦੇ ਯੁਵਾ ਕਲੱਬ ਤੇ ਪੰਚਾਇਤ ਦੇ ਸਹਿਯੋਗ ਨਾਲ ਬਣਾਏ ਗਏ ਕਮਰਿਆਂ ਕਾਰਨ ਬੱਚੀਆਂ ਬਹੁਤ ਖੁਸ਼ ਹਨ। ਉਨ੍ਹਾਂ ਦੱਸਿਆ ਕਿ ਸਕੂਲ ਵਿੱਚ ਵਿਦਿਆਰਥਣਾਂ ਲਈ ਜਿੱਥੇ ਸਾਫ ਪੀਣ ਦੇ ਪਾਣੀ ਦੀ ਵਿਵਸਥਾ ਹੈ , ਉੱਥੇ ਹੀ ਉਨ੍ਹਾਂ ਲਈ ਵੱਖਰੇ ਬਾਥਰੂਮ ਵੀ ਬਣੇ ਹੋਏ ਹਨ।ਪਿੰਡ ਦੇ ਨੌਜਵਾਨਾਂ ਨੇ ‘ਨਹਿਰੂ ਜਵਾਨ ਕੇਂਦਰ’ ਨਾਲ ਮਿਲ ਕੇ ‘ਯੁਵਾ ਕਲੱਬ ਲਕਸ਼ – 2020 ਖੈਰੇਕਾਂ’ ਦੇ ਬੈਨਰ ਹੇਠ ਕੰਮ ਸ਼ੁਰੂ ਕੀਤਾ ਸੀ ।
ਕਲੱਬ ਦੇ ਮੈਂਬਰ ਸੰਦੀਪ ਸੈਣੀ ਨੇ ਦੱਸਿਆ ਕਿ ਉਨ੍ਹਾਂ ਦਾ ਟੀਚਾ ਇਹ ਸੀ ਕਿ ਗਰੀਬ ਬੱਚੀਆਂ ਨੂੰ ਵੀ ਪ੍ਰਾਈਵੇਟ ਸਕੂਲਾਂ ਦੀ ਤਰ੍ਹਾਂ ਹੀ ਸਕੂਲ ਵਿੱਚ ਸੁਵਿਧਾਵਾਂ ਮਿਲ ਸਕਣ ਅਤੇ ਬੱਚੀਆਂ ਨੂੰ ਬਾਲ ਮਨੋਵਿਗਿਆਨ ਮੁਤਾਬਕ ਹੀ ਸਿੱਖਿਆ ਮਿਲੇ । ਸਕੂਲ ਦੀ ਪ੍ਰਿੰਸੀਪਲ ਨੇ ਕਿਹਾ ਕਿ ਉਹ ਵਿਭਾਗ ਨੂੰ ਚਿੱਠੀ ਲਿਖੇਗੀ ਤਾਂ ਕਿ ਸਕੂਲ ਨੂੰ ਹੋਰ ਗਰਾਂਟ ਮਿਲ ਸਕੇ।

ਸਰਹੱਦ ’ਤੇ ਗੋਲੀਬਾਰੀ; ਇਕ ਜਵਾਨ ਸ਼ਹੀਦ

ਜੰਮੂ-ਜੰਮੂ ਕਸ਼ਮੀਰ ਦੇ ਸਾਂਬਾ ਸੈਕਟਰ ਵਿੱਚ ਕੌਮਾਂਤਰੀ ਸਰਹੱਦ ’ਤੇ ਪਾਕਿਸਤਾਨ ਵੱਲੋਂ ਘੁਸਪੈਠ ਦੀ ਕੋਸ਼ਿਸ਼ ਕਰਦਿਆਂ ਕੀਤੀ ਗਈ ਗੋਲੀਬਾਰੀ ਵਿੱਚ ਬੀਐਸਐਫ ਦਾ ਇਕ 28 ਸਾਲਾ ਜਵਾਨ ਸ਼ਹੀਦ ਹੋ ਗਿਆ। ਇਹ ਜਾਣਕਾਰੀ ਬੀਐਸਐਫ਼ ਦੇ ਮੁਖੀ ਕੇ.ਕੇ. ਸ਼ਰਮਾ ਨੇ ਇਥੇ ਦਿੱਤੀ। ਸ੍ਰੀ ਸ਼ਰਮਾ ਨੇ ਇਥੇ ਬੀਐਸਐਫ਼ ਹੈੱਡਕੁਆਰਟਰ ਵਿੱਚ ਪੱਤਰਕਾਰਾਂ ਨੂੰ ਦੱਸਿਆ ਕਿ ਮੰਗੂਚੱਕ ਸਰਹੱਦ ’ਤੇ ਪਾਕਿਸਤਾਨ ਵੱਲੋਂ ਕੀਤੀ ਗਈ ਘੁਸਪੈਠ ਦੀ ਕੋਸ਼ਿਸ਼ ਭਾਰਤੀ ਜਵਾਨਾਂ ਨੇ ਨਾਕਾਮ ਬਣਾ ਦਿੱਤੀ। ਉਨ੍ਹਾਂ ਕਿਹਾ ਕਿ ਕੁਝ ਅਤਿਵਾਦੀਆਂ ਦੇ ਘੁਸਪੈਠ ਕੀਤੇ ਜਾਣ ਦੇ ਸ਼ੱਕ ਵਜੋਂ ਇਸ ਇਲਾਕੇ ਵਿੱਚ ਜਾਂਚ ਮੁਹਿੰਮ ਚਲਾਈ ਜਾ ਰਹੀ ਹੈ। ਗੋਲੀਬੰਦੀ ਦੀ ਉਲੰਘਣਾ ਦੀ ਇਸ ਘਟਨਾ ਨੂੰ ਪਾਕਿਸਤਾਨ ਵੱਲੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ 19 ਮਈ ਦੇ ਜੰਮੂ ਕਸ਼ਮੀਰ ਦੌਰੇ ਤੋਂ ਚਾਰ ਦਿਨ ਪਹਿਲਾਂ ਅੰਜਾਮ ਦਿੱਤਾ ਗਿਆ ਹੈ। ਜੰਮੂ ਵਿੱਚ ਚੌਕਸੀ ਦੇ ਹੁਕਮ ਦਿੱਤੇ ਗਏ ਹਨ। ਸ੍ਰੀ ਸ਼ਰਮਾ ਨੇ ਦੱਸਿਆ ਐਤਵਾਰ ਨੂੰ ਸਰਹੱਦ ’ਤੇ ਦੋ ਥਾਈਂ ਘੁਸਪੈਠ ਦੀ ਕੋਸ਼ਿਸ਼ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਫੌਜ ਵੱਲੋਂ ਹੈਲੀਕਾਪਟਰਾਂ ਜ਼ਰੀਏ ਜਾਂਚ ਮੁਹਿੰਮ ਚਲਾਈ ਜਾ ਰਹੀ ਹੈ।
ਪੁਲੀਸ ਕਰਮੀ ਹਲਾਕ: ਜੰਮੂ ਕਸ਼ਮੀਰ ਦੇ ਅਨੰਤਨਾਗ ਜ਼ਿਲ੍ਹੇ ਦੇ ਬਿਜਬੇਹੜਾ ਕਸਬੇ ਵਿੱਚ ਅਤਿਵਾਦੀਆਂ ਵੱਲੋਂ ਕੀਤੇ ਗਏ ਹਮਲੇ ਵਿੱਚ ਇਕ ਪੁਲੀਸ ਕਰਮੀ ਬਿਲਾਲ ਅਹਿਮਦ ਦੀ ਮੌਤ ਹੋ ਗਈ। ਅਤਿਵਾਦੀਆਂ ਵੱਲੋਂ ਪੁਲੀਸ ਦੇ ਵਾਹਨ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਘਟਨਾ ਵਿੱਚ ਇਕ ਪੁਲੀਸ ਕਰਮੀ ਜ਼ਖ਼ਮੀ ਵੀ ਹੋਇਆ ਹੈ।

32 ਹਜ਼ਾਰ ਫ਼ੁਟ ਦੀ ਉਚਾਈ ‘ਤੇ ਜਹਾਜ਼ ਦੀ ਖਿੜਕੀ ਟੁੱਟੀ

ਬੀਜਿੰਗ-ਚੀਨ ਦੇ ਸ਼ਿਚੁਆਨ ਏਅਰਲਾਈਨਜ਼ ਦੇ ਜਹਾਜ਼ 3ਯੂ8633 ‘ਚ ਅਚਾਨਕ ਕਾਕਪਿਟ ਦੀ ਖਿੜਕੀ ਟੁੱਟ ਗਈ। ਹਾਦਸੇ ਤੋਂ ਬਾਅਦ ਹਵਾ ਦੇ ਦਬਾਅ ਕਾਰਨ ਜਹਾਜ਼ ਦਾ ਸਹਿ-ਪਾਇਲਟ ਜਹਾਜ਼ ਦੇ ਬਾਹਰ ਲਟਕ ਗਿਆ। ਪੂਰੇ ਜਹਾਜ਼ ‘ਚ ਹਫ਼ੜਾ-ਦਫ਼ੜੀ ਮਚ ਗਈ, ਪਰ ਪਾਇਲਟ ਦੀ ਸਮਝਦਾਰੀ ਕਾਰਨ 119 ਮੁਸਾਫ਼ਰਾਂ ਦੀ ਜਾਨ ਬਚ ਗਈ।ਜਹਾਜ਼ ਨੇ ਸੋਮਵਾਰ ਨੂੰ ਚੋਂਗਕਿਊਂਗ ਤੋਂ ਲਹਾਸਾ ਲਈ ਉਡਾਨ ਭਰੀ ਸੀ। ਜਿਸ ਸਮੇਂ ਇਹ ਹਾਦਸਾ ਵਾਪਰਿਆ, ਉਦੋਂ ਜਹਾਜ਼ ਲਗਭਗ 32 ਹਜ਼ਾਰ ਫ਼ੁਟ ਦੀ ਉਚਾਈ ‘ਤੇ ਸੀ। ਖਿੜਕੀ ਟੁੱਟਣ ਕਾਰਨ ਜਹਾਜ਼ ਅੰਦਰ ਹਵਾ ਇੰਨੀ ਤੇਜ਼ੀ ਨਾਲ ਆਉਣ ਲੱਗੀ ਕਿ ਮੁਸਾਫ਼ਰਾਂ ਦਾ ਸਾਮਾਨ ਬਿਖਰ ਗਿਆ। ਜਹਾਜ਼ ‘ਚ ਲੱਗੇ ਜ਼ਿਆਦਾਤਰ ਯੰਤਰਾਂ ਨੇ ਕੰਮ ਕਰਨਾ ਬੰਦ ਕਰ ਦਿਤਾ।
ਉਸ ਸਮੇਂ ਪਾਇਲਟ ਲਿਊ ਸ਼ੁਆਨਜਿਆਨ ਨੇ ਐਲਾਨ ਕੀਤਾ, ”ਘਬਰਾਉ ਨਾ ਅਸੀ ਸਥਿਤੀ ਸੰਭਾਲ ਲਵਾਂਗੇ।” ਇਨਾ ਕਹਿੰਦੇ ਹੀ ਉਸ ਨੇ 20 ਮਿੰਟਾਂ ‘ਚ ਜਹਾਜ਼ ਦੀ ਸਫ਼ਲ ਲੈਂਡਿੰਗ ਕਰਵਾ ਲਈ। ਪਾਇਲਟ ਲਿਊ ਨੇ ਦਸਿਆ, ”ਵਿੰਡਸ਼ੀਟ ਟੁੱਟਦੇ ਹੀ ਕੁੱਝ ਦੇਰ ਵਿਚ ਜਹਾਜ਼ ਦਾ ਤਾਪਮਾਨ ਮਨਫੀ 40 ਡਿਗਰੀ ਹੋ ਗਿਆ ਸੀ। 5 ਤੋਂ 6 ਸਕਿੰਟਾਂ ‘ਚ ਹੀ ਜਹਾਜ਼ ਹੇਠਾਂ ਵਲ ਤੇਜ਼ੀ ਨਾਲ ਜਾਣ ਲੱਗ ਗਿਆ। ਮੇਰਾ ਕੋ-ਪਾਇਲਟ ਮੁਸ਼ਕਲ ‘ਚ ਸੀ। ਮੈਂ ਵਾਰਨਿੰਗ 7700 ਜਾਰੀ ਕੀਤੀ। ਇਸ ਦਾ ਮਤਲਬ ਹੁੰਦਾ ਹੈ ‘ਜਹਾਜ਼ ਨੂੰ ਗੰਭੀਰ ਖ਼ਤਰਾ।’