Home / ਮਨੋਰੰਜਨ (page 2)

ਮਨੋਰੰਜਨ

ਜਨਕ ਦੇ ਘਰ ਦੀ ਰਾਣੀ ਬਣੇਗੀ ‘ਗਿੰਨੀ’, ‘ਪੂਜਾ’ ਤੋਂ ਬਾਅਦ ਭੈਣ ਨੇ ਵੰਡੇ ਵਿਆਹ ਦੇ ਕਾਰਡ

ਅੰਮ੍ਰਿਤਸਰ – ਗੁਰੂ ਕੀ ਨਗਰੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ‘ਤੇ ਜਿਥੇ ਦੁਲਹਨ ਦੀ ਤਰ੍ਹਾਂ ਸਜੀ, ਉਥੇ ਹੀ ਰਣਜੀਤ ਐਵੀਨਿਊ ‘ਚ ਈ-486 ਨੰਬਰ ਕੋਠੀ ‘ਸ਼ਰਮਾ ਕਾਟੇਜ’ ਨੂੰ ਵੀ ਦੁਲਹਨ ਵਾਂਗ ਸਜਾਉਣ ਦਾ ਕੰਮ ਚੱਲ ਰਿਹਾ ਹੈ। ਕੋਠੀ ਦਾ ਰੰਗ-ਰੋਗਨ ਕਰਨ ਵਾਲੇ ਸਮਰਾਟ ਕਹਿੰਦੇ ਹਨ ਕਿ ਇਹ ਕੋਠੀ ਦੁਨੀਆ ਨੂੰ ਹਸਾਉਣ ਵਾਲੇ ਕਪਿਲ ਸ਼ਰਮਾ ਦੇ ਵਿਆਹ ਲਈ ਮੈਂ ਸਜਾ ਰਿਹਾ ਹਾਂ, ਇਹ ਮੇਰੇ ਲਈ ਮਾਣ ਵਾਲੀ ਗੱਲ ਹੈ। ਪੂਜਾ ਤੋਂ ਬਾਅਦ ਭੈਣ ਸਾਰੇ ਰਿਸ਼ਤੇਦਾਰਾਂ ਵਿਚ ਵਿਆਹ ਦੇ ਸ਼ਗਨ ਭਰੇ ਡੱਬੇ ਤੇ ਕਾਰਡ ਵੰਡਣ ਜਾ ਰਹੀ ਹੈ। ਵਿਆਹ ਭਲੇ ਹੀ ਜਲੰਧਰ-ਫਗਵਾੜਾ ਕੋਲ ‘ਕਬਾਨਾ’ ਵਿਚ ਹੋ ਰਿਹਾ ਹੈ ਪਰ ਸ਼ਹਿਰ ਦੇ ਲੋਕ ਮੀਡੀਆ ਨੂੰ ਫੋਨ ਕਰ ਕੇ ਕਹਿ ਰਹੇ ਹਨ ਕਿ ਕਪਿਲ-ਗਿੰਨੀ ਨੇ ਆਪਣੇ ਸ਼ਹਿਰ ‘ਚ ਕਦੋਂ ਆਉਣਾ ਹੈ?
ਉਧਰ, ਮਾਂ ਜਨਕ ਰਾਣੀ ਦਾ ਘਰ ਗਿੰਨੀ ਦੇ ਸਵਾਗਤ ਵਿਚ ਸਜ ਰਿਹਾ ਹੈ। ਕਪਿਲ ਦੇ ਵਿਆਹ ਦੀਆਂ ਤਿਆਰੀਆਂ ਲਈ ਉਨ੍ਹਾਂ ਘਰਾਂ ‘ਚ ਵੀ ਤਿਆਰੀਆਂ ਚੱਲ ਰਹੀਆਂ ਹਨ ਜਿਨ੍ਹਾਂ ਨੂੰ ਕਪਿਲ ਦੇ ਪਰਿਵਾਰਕ ਮੈਂਬਰਾਂ ਨੇ ਬੁਲਾਇਆ ਹੈ, ਅਜਿਹੇ ਵੀ ਗੁਆਂਢੀ ਹਨ ਜਿਨ੍ਹਾਂ ਨੂੰ ਮਲਾਲ ਹੈ ਕਿ ਉਨ੍ਹਾਂ ਨੂੰ ਬੁਲਾਇਆ ਨਹੀਂ ਗਿਆ।
ਕਪਿਲ ਅਤੇ ਗਿੰਨੀ ਵਿਚ ‘ਹੱਸ
ਬੱਲੀਏ’ ਤੋਂ ਗਹਿਰਾ ਨਾਤਾ ਰਿਹਾ ਹੈ, ਦੋਵੇਂ ਇਸ ਸ਼ੋਅ ‘ਚ ਇਕ-ਦੂਜੇ ਦੀ ਜ਼ਿੰਦਗੀ ਨੂੰ ਹਸਾਉਣ ਲਈ 7 ਫੇਰਿਆਂ ਦੀ ਗੱਲ ਕਰ ਚੁੱਕੇ ਸਨ, ਵਕਤ ਦਾ ਫੇਰ ਸੀ। ਕਪਿਲ ਸ਼ਰਮਾ ਦੇ ਵਿਆਹ ਦੀਆਂ ਜਦੋਂ ਅਫਵਾਹਾਂ ਚਰਚਿਤ ਹੋਈਆਂ ਤਾਂ ਉਸ ਨੇ 3 ਦਸੰਬਰ 2013 ਵਿਚ ਖਾਸ ਗੱਲਬਾਤ ਵਿਚ ਕਿਹਾ ਸੀ, ‘ਗਿੰਨੀ ਹੀ ਬਣੇਗੀ ਮੇਰੀ ਦੁਲਹਨ।’ਫਰਸ਼ ਤੋਂ ਅਰਸ਼ ਭਰੀ ਕਪਿਲ ਦੀ ਕਹਾਣੀ ‘ਚ ਅਜਿਹੇ ਬਹੁਤ ਮੋੜ ਹਨ ਜੋ ਤੁਹਾਡੇ ਲਈ ਅਦਾਰਾ ‘ਜਗ ਬਾਣੀ’ਖਾਸ ਤੌਰ ‘ਤੇ ਲੈ ਕੇ ਆਇਆ ਹੈ। ਪੇਸ਼ ਹੈ ਇਹ ਖਾਸ ਰਿਪੋਰਟ-
75 ਗਜ਼ ਦੇ ਮਕਾਨ ‘ਚ ਕਪਿਲ ਜਦੋਂ 10 ਲੱਖ ਦਾ ਚੈੱਕ ਲਿਆਇਆ ਤਾਂ ਰੋ ਪਈ ‘ਜਨਕ ਰਾਣੀ’
ਕਪਿਲ ਭਲੇ ਹੀ ਦੁਨੀਆ ਨੂੰ ਹਸਾਉਂਦਾ ਹੈ ਪਰ ਉਸ ਦੇ ਹੰਝੂ ਉਹ ਹਾਸੇ ‘ਚ ਪੀ ਜਾਂਦਾ ਹੈ ਜੋ ਉਹ ਦਿਲੋਂ ਬੋਲਦਾ ਹੈ। ਬਚਪਨ ਤੋਂ ਹੀ ਸ਼ਰਾਰਤੀ ਸੀ, ਚੰਗੀ ਚੀਜ਼ ਸਿੱਖਣ ਦੀ ਜ਼ਿੱਦ ਅਤੇ ਸਿੰਗਰ ਬਣਨ ਦੀ ਡੂੰਘੀ ਇੱਛਾ ਨੇ ਉਸ ਨੂੰ ਹਾਸੇ ਦਾ ਸੁਪਰ ਸਟਾਰ ਬਣਾ ਦਿੱਤਾ। ਕਾਲਜ ਦੇ ਦਿਨਾਂ ਤੋਂ ਹੀ ਉਹ ਸਟੇਜ ਸ਼ੋਅ ਦੇ ਨਾਲ-ਨਾਲ ਨੇਤਾਵਾਂ ਦੀ ਭੀੜ ਜੁਟਾਉਣ ਦਾ ਕੰਮ ਕਰਦਾ ਸੀ। ਕਪਿਲ ਮੰਚ ਸੰਭਾਲਦਾ ਸੀ। ਉਸ ਦੇ ਪਿਤਾ ਜਤਿੰਦਰ ਸ਼ਰਮਾ ਪੰਜਾਬ ਪੁਲਸ ਵਿਚ ਸਨ, ਪਹਿਲਾਂ ਰੇਲਵੇ ਬੀ-ਬਲਾਕ ਵਿਚ ਰਹੇ, ਫਿਰ ਅਜਨਾਲਾ ਰੋਡ 147 ਵਿਚ 2008 ਤੱਕ ਰਹੇ। ਕਪਿਲ ਗਰੀਬੀ ਵਿਚ ਹੱਸਦਾ ਤੇ ਉਸੇ ਹਾਸੇ ਨੇ ਉਸ ਨੂੰ ਕਾਮਯਾਬੀ ਦਿਵਾਈ। ਪਿਤਾ ਦਾ ਇਲਾਜ ਕਰਜ਼ਾ ਲੈ ਕੇ ਕਪਿਲ ਨੇ ਕਰਵਾਇਆ। ਹੋਣੀ ਤੈਅ ਸੀ, ਪਿਤਾ ਚੱਲ ਵਸੇ। ਵੱਡੇ ਭਰਾ ਅਸ਼ੋਕ ਨੂੰ ਪਿਤਾ ਦੇ ਸਥਾਨ ‘ਤੇ ਨੌਕਰੀ ਮਿਲ ਗਈ, ਜਿਸ ਦੇ ਵਿਆਹ ਤੋਂ ਬਾਅਦ ਘਰ ਵਿਚ ‘ਮੁਸਕਾਨ’ ਆ ਗਈ। ਕਪਿਲ ਨੂੰ ਭਰਜਾਈ ਦੇ ਰੂਪ ਵਿਚ ਮੁਸਕਾਨ ਮਿਲੀ ਤਾਂ ਇਸ ਦੌਰਾਨ ਭੈਣ ਪੂਜਾ ਦਾ ਵਿਆਹ ਅਜਨਾਲਾ ਦੇ ਡਾ. ਪਵਨ ਕੁਮਾਰ ਨਾਲ ਤੈਅ ਹੁੰਦੇ ਹੀ ਭੈਣ ਨੂੰ ‘ਪੂਜਾ’ ਦਾ ਫਲ ਮਿਲਿਆ ਅਤੇ 2006 ਵਿਚ ਕਪਿਲ ਲਾਫਟਰ ਚੈਲੇਂਜ ਵਿਨਰ ਬਣ ਗਿਆ। 2007 ਵਿਚ ਪੂਜਾ ਦੀ ਡੋਲੀ ਕਪਿਲ ਨੇ ਲਾਫਟਰ ਚੈਂਲੇਂਜ ਦੀ 10 ਲੱਖ ਦੀ ਰਕਮ ਨਾਲ ਧੂਮਧਾਮ ਨਾਲ ਵਿਦਾ ਕੀਤੀ। ਕਪਿਲ ਦੀ ਭਤੀਜੀ ਕਾਇਨਾ ਅਕਸਰ ਕਹਿੰਦੀ ਹੈ ਕਿ ਮੇਰੇ ਚਾਚੂ ਦੇਸ਼ ਦੇ ਸੁਪਰਸਟਾਰ ਹਨ। ਸਕੂਲ ਵਿਚ ਹਰ ਕੋਈ ਕਾਇਨਾ ਦਾ ਦੋਸਤ ਬਣਨਾ ਚਾਹੁੰਦਾ ਹੈ। ਕਪਿਲ ਦੀ ਮਾਂ ਜਨਕ ਰਾਣੀ ਕਿਹਾ ਕਰਦੀ ਹੈ ਕਿ ਕਪਿਲ ਨੇ ਉਸ ਵਕਤ ਮੈਨੂੰ ਹਸਾਇਆ ਜਦੋਂ ਮੈਂ ਪਤੀ ਦੇ ਇਲਾਜ ਲਈ ਬੇਰੋਜ਼ਗਾਰ ਕਪਿਲ ਦੇ ਮੋਢਿਆਂ ‘ਤੇ ਪਿਆ ਭਾਰ ਕਿਵੇਂ ਸਹਿਣ ਕਰਦਾ ਹੋਵੇਗਾ ਸੋਚ-ਸੋਚ ਕੇ ਲੱਕ-ਲੱਕ ਕੇ ਰੋਇਆ ਕਰਦੀ ਸੀ। ਪੂਜਾ ਕਹਿੰਦੀ ਹੈ ਕਿ ਕਪਿਲ ਨੇ ਮੇਰੇ ਭਰਾ ਹੁੰਦੇ ਹੋਏ ਪਿਤਾ ਦਾ ਫਰਜ਼ ਪੂਰਾ ਕੀਤਾ ਹੈ।
ਮਾਂ ਰੋਈ ਤਾਂ ਕਪਿਲ ਹੱਸਿਆ
ਜਿਸ ਹਾਸੇ ਨੇ ਬਿਗ ਬੀ ਅਮਿਤਾਭ ਬੱਚਨ ਦੇ ਕੇ. ਬੀ. ਸੀ. ਤੇ ਸਲਮਾਨ ਖਾਨ ਦੇ ਬਿਗ ਬੌਸ ਨੂੰ ਟੀ. ਆਰ. ਪੀ. ਵਿਚ ਮਾਤ ਦੇ ਦਿੱਤੀ ਹੋਵੇ, ਉਹ ਹਾਸਾ ਕਪਿਲ ਨੇ ਮਾਂ ਜਨਕ ਰਾਣੀ ਦੇ ਹੰਝੂਆਂ ਤੋਂ ਸਿੱਖਿਆ ਹੈ। ਕਪਿਲ ਦੇ ਬਚਪਨ ਦੀ ਗਵਾਹ ਰੇਲਵੇ ਬੀ-ਬਲਾਕ ਕਾਲੋਨੀ ਹੈ, ਜਿਥੇ ਉਨ੍ਹਾਂ ਨੇ ਕਈ ਸਾਲ ਗੁਜ਼ਾਰੇ। ਬਚਪਨ ਦੇ ਦੋਸਤ ਫੋਟੋਗ੍ਰਾਫਰ ਮਾਂਟਾ ਨੇ ਕਿਹਾ ਕਿ ਕਪਿਲ ਸਾਡੇ ਨਾਲ ਹੀ ਰਾਮਲੀਲਾ ਖੇਡਿਆ ਕਰਦਾ ਸੀ, ਰਾਮ ਦੀ ਲੀਲਾ ਹੈ ਕਿ ਕਪਿਲ ਅੱਜ ਦੁਨੀਆ ਦਾ ਸਟਾਰ ਹੈ। ਮਾਂ ਜਨਕ ਰਾਣੀ ਕਹਿੰਦੀ ਹੈ ਕਿ ਮੈਂ ਧੰਨ ਹਾਂ ਕਿ ਕਪਿਲ ਨੂੰ ਕੁੱਖ ‘ਚ ਪਾਲਿਆ, ਜਿਸ ਨੂੰ ਰੱਬ ਨੇ ਇੰਨਾ ਹੁਨਰ ਦਿੱਤਾ ਕਿ ਉਹ ਹੰਝੂਆਂ ਨੂੰ ਹਾਸਾ ਵੰਡਦਾ ਹੈ। ਉਸ ਦਾ ਹਾਸਾ ਹੰਝੂਆਂ ਨੂੰ ਵੀ ਹੱਸਣ ‘ਤੇ ਮਜਬੂਰ ਕਰ ਦਿੰਦਾ ਹੈ।
ਗਰੀਬੀ ਨੇ ਕਪਿਲ ਨੂੰ ‘ਹੱਸਣਾ’ ਸਿਖਾਇਆ
ਕਪਿਲ ਨੂੰ ਗਰੀਬੀ ਨੇ ਹੱਸਣਾ ਸਿਖਾਇਆ। 75 ਗਜ਼ ਦੇ ਸਰਕਾਰੀ ਪੁਲਸ ਕੁਆਰਟਰ ਨੰਬਰ 147 ‘ਚ 1 ਡਰਾਇੰਗ ਰੂਮ, 1 ਬੈੱਡਰੂਮ ਤੇ 1 ਕਿਚਨ ‘ਚ ਗੁਜ਼ਾਰਾ ਕੀਤਾ, ਪਿਤਾ ਜਤਿੰਦਰ ਕੁਮਾਰ ਦਾ 26 ਅਪ੍ਰੈਲ 2004 ‘ਚ ਕੈਂਸਰ ਨੇ ਸਾਹ ਤੋੜਿਆ, ਕਪਿਲ ਨੇ ਵੱਡੇ ਭਰਾ ਅਸ਼ੋਕ ਦੇ ਨਾਲ ਆਪਣੇ ਮੋਢਿਆਂ ‘ਤੇ ਜ਼ਿੰਮੇਵਾਰੀ ਲੈ ਲਈ। ਕਪਿਲ ਦੀ ਫੋਟੋ ਦੇਖ ਕੇ ਦੁਨੀਆ ਉਸ ਨੂੰ ਨਾਂ ਤੋਂ ਜਾਣਦੀ ਹੈ ਕਿ ਉਹ ਕਪਿਲ ਕਿਸੇ ਜ਼ਮਾਨੇ ਵਿਚ ਫੋਟੋ ਸਟੇਟ ਦੀ ਦੁਕਾਨ ‘ਤੇ ਨੌਕਰੀ ਕਰਦਾ ਰਿਹਾ ਹੈ।
‘ਸੈੱਟ’ ਸੜਿਆ ਹੈ ਪਰ ਮੈਂ ਸੈੱਟ ਹਾਂ : ਕਪਿਲ
ਜਦੋਂ ‘ਕਾਮੇਡੀ ਨਾਈਟਸ ਵਿਦ ਕਪਿਲ’ ਦਾ ਸੈੱਟ ਸੜ ਕੇ ਮਿੱਟੀ ਹੋਇਆ ਤਾਂ ਮਾਂ ਜਨਕ ਰਾਣੀ ਦੀ ਮਮਤਾ ਰੋ ਪਈ, ਤਦ ਕਪਿਲ ਨੇ ਹੱਸਦਿਆਂ ਕਿਹਾ ਕਿ ਮਾਂ ‘ਸੈੱਟ’ ਸੜ ਗਿਆ ਪਰ ਚਿੰਤਾ ਨਾ ਕਰਨਾ, ਮੈਂ ‘ਸੈੱਟ’ ਹਾਂ।
ਗਗਨਦੀਪ ਨੂੰ ਗੋਦ ‘ਚ ਹਸਾਉਂਦਾ ਸੀ ਕਪਿਲ
ਇਹ ਗਗਨਦੀਪ ਹੈ, ਕਪਿਲ ਦੇ ਪੁਲਸ ਕੁਆਰਟਰ ਦੇ ਸਾਹਮਣੇ ਰਹਿੰਦਾ ਹੈ। ਕਪਿਲ ਨੂੰ ਟੀ. ਵੀ. ਵਿਚ ਦੇਖਿਆ ਹੈ, ਜਾਣਦਾ ਹਾਂ। ਗਗਨਦੀਪ ਕਹਿੰਦਾ ਹੈ ਕਿ ਕਪਿਲ ਅੰਕਲ ਦੇ ਵਿਆਹ ਵਿਚ ਮੈਂ ਵੀ ਜਾਣਾ ਚਾਹੁੰਦਾ ਹਾਂ ਪਰ ਮੈਨੂੰ ਬੁਲਾਇਆ ਹੀ ਨਹੀਂ ਗਿਆ। ਰਜਵੰਤ ਕੌਰ ਕਹਿੰਦੀ ਹੈ ਕਿ ਗਗਨਦੀਪ ਨੂੰ ਬਚਪਨ ਵਿਚ ਕਪਿਲ ਉਸ ਨੂੰ ਆਪਣੇ ਕਮਰੇ ‘ਚ ਲੈ ਜਾਂਦਾ ਸੀ ਤੇ ਗਗਨ ਨੂੰ ਹਸਾਉਣ ਲਈ ਖੂਬ ਐਕਟਿੰਗ ਨਾਲ ਹਸਾਇਆ ਕਰਦਾ ਸੀ, ਮੁਹੱਲੇ ਦੇ ਸਾਰੇ ਬੱਚੇ ਕਪਿਲ ਅੰਕਲ ਦੇ ਤਦ ਵੀ ਫੈਨ ਸਨ ਤੇ ਹੁਣ ਵੀ ਹਨ।
ਕਪਿਲ ਦੇ ਰਣਜੀਤ ਐਵੀਨਿਊ ਈ-ਬਲਾਕ ਸਥਿਤ’ਸ਼ਰਮਾ ਕਾਟੇਜ’ ਵਿਚ ਰੰਗ-ਰੋਗਨ ਦੀਆਂ ਤਿਆਰੀਆਂ ਕਰਦੇ ਕਾਰੀਗਰ। ਕਪਿਲ ਇਸ 75 ਗਜ਼ ਦੇ ਸਰਕਾਰੀ ਪੁਲਸ ਕੁਆਰਟਰ ਵਿਚ ਰਹਿੰਦੇ ਸਨ।

ਵਿਆਹ ਤੋਂ ਬਾਅਦ ਇਸ ਫਿਲਮ ਨਾਲ ਵਾਪਸੀ ਕਰੇਗੀ ਦੀਪਿਕਾ

ਬਾਲੀਵੁੱਡ ਦੀ ਡਿੰਪਲ ਗਰਲ ਦੀਪਿਕਾ ਪਾਦੁਕੋਣ ਵਿਆਹ ਤੋਂ ਬਾਅਦ ਫਿਲਮਾਂ ‘ਚ ਵਾਪਸੀ ਕਰੇਗੀ। ਦੀਪਿਕਾ ਨੇ ਹਾਲ ਹੀ ‘ਚ ਰਣਵੀਰ ਸਿੰਘ ਨਾਲ ਵਿਆਹ ਕਰਵਾਇਆ ਹੈ। ਕਾਫੀ ਸਮੇਂ ਤੋਂ ਦੀਪਿਕਾ ਨੇ ਕੋਈ ਫਿਲਮ ਸਾਈਨ ਨਹੀਂ ਕੀਤੀ ਹੈ। ਦੀਪਿਕਾ ਆਖਰੀ ਵਾਰ ਇਸ ਸਾਲ ਪ੍ਰਦਰਸ਼ਿਤ ਹੋਈ ਫਿਲਮ ‘ਪਦਮਾਵਤ’ ‘ਚ ਨਜ਼ਰ ਆਈ ਸੀ। ਦੀਪਿਕਾ ਆਪਣੀ ਨਵੀਂ ਪਾਰੀ ਦੀ ਸ਼ੁਰੂਆਤ ਮਾਰਚ 2019 ਤੋਂ ਕਰੇਗੀ। ਦੀਪਿਕਾ ਮੇਘਨਾ ਗੁਲਜ਼ਾਰ ਦੀ ਐਸਿਡ ਹਮਲੇ ਦੀ ਪੀੜਤਾ ਲਕਸ਼ਮੀ ਅਗਰਵਾਲ ਦੀ ਜ਼ਿੰਦਗੀ ‘ਤੇ ਬਣ ਰਹੀ ਫਿਲਮ ‘ਚ ਲੀਡ ਰੋਲ ਕਰੇਗੀ। ਇਸ ਫਿਲਮ ਦੀ ਸ਼ੂਟਿੰਗ ਮਾਰਚ 2019 ‘ਚ ਸ਼ੁਰੂ ਹੋਵੇਗੀ।
ਇਟਲੀ ‘ਚ ਹੋਏ ਵਿਆਹ ਤੋਂ ਬਾਅਦ ਬੀਤੇ ਦਿਨੀਂ ਦੀਪਿਕਾ ਤੇ ਰਣਵੀਰ ਨੇ ਬੰਗਲੌਰ ‘ਚ ਰਿਸੈਪਸ਼ਨ ਪਾਰਟੀ ਕੀਤੀ । ਰਿਸੈਪਸ਼ਨ ਦੀਆਂ ਕਈ ਤਸਵੀਰਾਂ ‘ਦੀਪਵੀਰ’ ਨੇ ਆਪਣੇ ਅਧਿਕਾਰਕ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕੀਤੀਆਂ, ਜੋ ਫੈਨਜ਼ ਵਲੋਂ ਕਾਫੀ ਪਸੰਦ ਕੀਤੀਆਂ ਗਈਆਂ।

‘ਕਲਿੰਗ ਸੈਨਾ’ ਦੀ ਸ਼ਾਹਰੁਖ ਨੂੰ ਧਮਕੀ, ਓੜੀਸ਼ਾ ਆਉਣ ‘ਤੇ ਕਾਲੇ ਝੰਡੇ ਤੇ ਸਿਆਹੀ ਨਾਲ ਕਰਾਂਗੇ ਸਵਾਗਤ

ਮੁੰਬਈ — ਓੜੀਸ਼ਾ ਦੇ ਇਕ ਸਥਾਨਕ ਸੰਗਠਨ ਨੇ ਧਮਕੀ ਦਿੱਤੀ ਹੈ ਕਿ ਜੇਕਰ ਬਾਲੀਵੁੱਡ ਦੇ ਸੁਪਰਸਟਾਰ ਸ਼ਾਹਰੁਖ ਖਾਨ ਅਗਲੇ ਹਫਤੇ ਇਥੇ ਹੋਣ ਵਾਲੇ ਪ੍ਰੋਗਰਾਮ ‘ਚ ਆਉਂਦੇ ਹਨ ਤਾਂ ਉਨ੍ਹਾਂ ਨੂੰ ਕਾਲੇ ਝੰਡੇ ਦਿਖਾਏ ਜਾਣਗੇ ਤੇ ਸਿਆਹੀ ਸੁੱਟੀ ਜਾਵੇਗੀ। ਕੰਲਗ ਸੇਨਾ ਨਾਂ ਦੇ ਇਸ ਸੰਗਠਨ ਦੇ ਮੁੱਖੀਆ ਹੇਮੰਤ ਰਥ ਨੇ ਕਿਹਾ ਹੈ ਕਿ ਖਾਨ ਨੇ ਅੱਜ ਤੋਂ 17 ਸਾਲ ਪਹਿਲਾਂ ਰਿਲੀਜ਼ ਹੋਈ ਫਿਲਮ ‘ਅਸ਼ੋਕਾ’ ‘ਚ ਓੜੀਸ਼ਾ ਤੇ ਇਥੇ ਦੇ ਲੋਕਾਂ ਦਾ ਅਪਮਾਨ ਕੀਤਾ ਸੀ। ਸੰਗਠਨ ‘ਚ ਇਸ ਮਾਮਲੇ ‘ਤੇ 1 ਨਵੰਬਰ ਨੂੰ ਪੁਲਸ ‘ਚ ਰਿਪੋਰਟ ਵੀ ਲਿਖਵਾਈ ਹੈ। ਸ਼ਾਹਰੁਖ ਖਾਨ ਦਾ ਇਥੇ ਅਗਲੇ ਹਫਤੇ 2018 ਪੁਰਸ਼ ਹਾਕੀ ਵਿਸ਼ਵ ਕੱਪ ਸਮਾਰੋਹ ‘ਚ ਆਉਣ ਦਾ ਪ੍ਰੋਗਰਾਮ ਹੈ। ਮੁੱਖਮੰਤਰੀ ਨਵੀਨ ਪਟਨਾਇਕ ਨੇ ਸ਼ਾਹਰੁਖ ਖਾਨ ਨੂੰ ਇਥੇ ਆਉਣ ਲਈ ਸੱਦਾ ਦਿੱਤਾ ਹੈ।

ਰਿਸੈਪਸ਼ਨ ਲਈ ਦੀਪਿਕਾ ਨੇ ਪਹਿਨੀ ਮਾਂ ਵਲੋਂ ਗਿਫਟ ਕੀਤੀ ਸਾੜ੍ਹੀ

ਜਲੰਧਰ — ਰਣਵੀਰ ਸਿੰਘ ਤੇ ਦੀਪਿਕਾ ਪਾਦੁਕੋਣ ਦੇ ਵਿਆਹ ਦੀ ਪਹਿਲੀ ਰਿਸੈਪਸ਼ਨ ਬੰਗਲੌਰ ਵਿਖੇ ਅੱਜ ਰਾਤ ਹੋਣ ਜਾ ਰਹੀ ਹੈ। ਇਸ ਰਿਸੈਪਸ਼ਨ ਪਾਰਟੀ ਲਈ ਕੁਝ ਸਮਾਂ ਪਹਿਲਾਂ ਹੀ ਦੀਪਿਕਾ ਆਪਣੀ ਟੀਮ ਨਾਲ ਤਿਆਰੀਆਂ ਦਾ ਜਾਇਜ਼ਾ ਲੈਣ ਪੁੱਜੀ ਸੀ।
ਹੁਣ ਰਣਵੀਰ ਤੇ ਦੀਪਿਕਾ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ ‘ਤੇ ਇਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ‘ਚ ਉਹ ਬੰਗਲੌਰ ‘ਚ ਹੋਣ ਜਾ ਰਹੀ ਵਿਆਹ ਦੀ ਪਹਿਲੀ ਰਿਸੈਪਸ਼ਨ ਲਈ ਤਿਆਰ ਹੋਏ ਹਨ। ਡਿਜ਼ਾਈਨਰ ਸਬਿਆਸਾਚੀ ਨੇ ਦੋਵਾਂ ਦੀ ਤਸਵੀਰ ਸਾਂਝੀ ਕਰਦਿਆਂ ਇਨ੍ਹਾਂ ਦੇ ਸਟਾਈਲ ਬਾਰੇ ਜਾਣਕਾਰੀ ਦਿੱਤੀ ਹੈ। ਦਰਅਸਲ ਦੀਪਿਕਾ ਨੇ ਅੱਜ ਦੀ ਰਿਸੈਪਸ਼ਨ ਲਈ ਆਪਣੀ ਮਾਂ ਉੱਜਲਾ ਪਾਦੁਕੋਣ ਵਲੋਂ ਗਿਫਟ ਕੀਤੀ ਸਾੜ੍ਹੀ ਪਹਿਨੀ ਹੈ, ਜਿਸ ਨੂੰ ਅੰਗਦੀ ਗਲੇਰੀਆ ਨੇ ਤਿਆਰ ਕੀਤਾ ਹੈ, ਉਥੇ ਰਣਵੀਰ ਸਿੰਘ ਨੇ ਰੋਹਿਤ ਬਲ ਵਲੋਂ ਤਿਆਰ ਕੀਤੀ ਇੰਡੋ-ਵੈਸਟਰਨ ਸ਼ੇਰਵਾਨੀ ਪਹਿਨੀ ਹੈ। ਦੋਵਾਂ ਨੂੰ ਸਟਾਈਲ ਸਬਿਆਸਾਚੀ ਵਲੋਂ ਕੀਤਾ ਗਿਆ ਹੈ। ਰਣਵੀਰ-ਦੀਪਿਕਾ ਦੇ ਵਿਆਹ ਦੀ ਦੂਜੀ ਰਿਸੈਪਸ਼ਨ 1 ਦਸੰਬਰ ਨੂੰ ਮੁੰਬਈ ਵਿਖੇ ਹੋਵੇਗੀ।

‘2.0’ ਦੇ ਨਵੇਂ ਪੋਸਟਰ ‘ਚ ਖੂੰਖਾਰ ਵਿਲੇਨ ਬਣੇ ਅੱਕੀ

ਬਾਲੀਵੁੱਡ ਸੁਪਰਸਟਾਰ ਅਕਸ਼ੇ ਕੁਮਾਰ ਤੇ ਰਜਨੀਕਾਂਤ ਦੀ ਫਿਲਮ ‘2.0’ ਜਲਦ ਹੀ ਰਿਲੀਜ਼ ਹੋਣ ਵਾਲੀ ਹੈ। ਇਸ ਦਾ ਟਰੇਲਰ ਕੁਝ ਦਿਨ ਪਹਿਲਾਂ ਹੀ ਰਿਲੀਜ਼ ਹੋਇਆ ਹੈ। ਟਰੇਲਰ ਨੂੰ ਲੋਕਾਂ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਹਾਲ ਹੀ ‘ਚ ਇਸ ਫਿਲਮ ਦਾ ਇਕ ਹੋਰ ਪੋਸਟਰ ਰਿਲੀਜ਼ ਹੋਇਆ ਹੈ। ਦੱਸ ਦੇਈਏ ਕਿ ਇਸ ਪੋਸਟਰ ਨੂੰ ਮੇਕਰਸ ਸ਼ੇਅਰ ਕਰਕੇ ਫੈਨਜ਼ ਦੀ ਫਿਲਮ ਪ੍ਰਤੀ ਉਤਸੁਕਤਾ ਨੂੰ ਹੋਰ ਵਧਾ ਦਿੱਤਾ ਹੈ। ਅਕਸ਼ੇ ਨੇ ‘2.0’ ਦਾ ਪੋਸਟਰ ਆਪ ਆਪਣੇ ਟਵਿਟਰ ਹੈਂਡਲ ‘ਤੇ ਸ਼ੇਅਰ ਵੀ ਕੀਤਾ ਹੈ। ਇਸ ਨੂੰ ਸ਼ੇਅਰ ਕਰਦੇ ਹੋਏ ਅੱਕੀ ਨੇ ਲਿਖਿਆ, ‘ਇਕ ਤੂਫਾਨ ਆ ਰਿਹਾ ਹੈ। ਸਿਨੇਮਾਘਰਾਂ ‘ਚ ਇਸ 29 ਨਵੰਬਰ ਨੂੰ #2.0। ਤੁਸੀਂ ਤਿਆਰ ਹੋ”?
ਦੱਸਣਯੋਗ ਹੈ ਕਿ ‘2.0’ ਫਿਲਮ ਅਕਸ਼ੇ ਕੁਮਾਰ ਦੀ ਸਾਊਥ ਡੈਬਿਊ ਫਿਲਮ ਹੈ। ਇਸ ‘ਚ ਉਹ ਨੈਗਟਿਵ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ‘2.0’ ‘ਚ ਅਕਸ਼ੇ ਦਾ ਕਿਰਦਾਰ ਕਾਫੀ ਵੱਖਰਾ ਤੇ ਜ਼ਬਰਦਸਤ ਨਜ਼ਰ ਆ ਰਿਹਾ ਹੈ। ਫਿਲਮ ਇਕ ਸਾਇੰਸ ਫਿਕਸ਼ਨ ਫਿਲਮ ਹੈ, ਜਿਸ ‘ਚ ਰਜਨੀਕਾਂਤ ਤੇ ਅਕਸ਼ੇ ਦੇ ਨਾਲ ਐਮੀ ਜੈਕਸਨ ਵੀ ਨਜ਼ਰ ਆਉਣ ਵਾਲੀ ਹੈ। ਖਬਰਾਂ ਹਨ ਕਿ ਫਿਲਮ ‘ਚ ਐਸ਼ਵਰਿਆ ਰਾਏ ਬੱਚਨ ਦਾ ਵੀ ਛੋਟਾ ਜਿਹਾ ਕਿਰਦਾਰ ਹੈ। ਹੁਣ ਫਿਲਮ ‘ਚ ਐਸ਼ਵਰਿਆ ਹੈ ਜਾਂ ਨਹੀਂ ਇਹ ਤਾਂ ‘2.0’ ਦੇ ਰਿਲੀਜ਼ਿੰਗ ਤੋਂ ਬਾਅਦ ਹੀ ਪਤਾ ਲੱਗੇਗਾ।

ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਫਿਰ ਦਰਿਆਦਿਲੀ, ਕੀਤੀ ਕੈਂਸਰ ਪੀੜਤ ਬੱਚੇ ਦੀ ਮਦਦ

ਬਾਲੀਵੁੱਡ ਐਕਟਰ ਸੁਸ਼ਾਂਤ ਸਿੰਘ ਰਾਜਪੂਤ ਅਕਸਰ ਹੀ ਲੋਕਾਂ ਦੀ ਮਦਦ ਕਰਦੇ ਨਜ਼ਰ ਆਉਂਦੇ ਹਨ। ਇਸ ਵਾਰ ਉਹ ਫਿਰ ਇਕ ਬੱਚੇ ਦੀ ਮਦਦ ਲਈ ਅੱਗੇ ਆਏ ਹਨ। ਜੀ ਹਾਂ, ਸੁਸ਼ਾਂਤ ਨੇ ਹਾਲ ਹੀ ‘ਚ ਇਕ ਕੈਂਸਰ ਪੀੜਤ ਬੱਚੇ ਦੀ ਮਦਦ ਕੀਤੀ ਹੈ। ਕੁਝ ਦਿਨ ਪਹਿਲਾਂ ਹੈ ketto india ਨਾਂ ਦੀ ਕ੍ਰਾਊਡ ਫੰਡਿੰਗ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊੁਂਟ ‘ਤੇ ਇਕ ਬੱਚੇ ਦੀ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ ‘ਚ ਉਨ੍ਹਾਂ ਨੇ ਸੁਸ਼ਾਂਤ ਸਿੰਘ ਨੂੰ ਟੈਗ ਕੀਤਾ ਸੀ। ਜਦੋਂ ਸੁਸ਼ਾਂਤ ਸਿੰਘ ਨੇ ਇਹ ਦੇਖਿਆ ਤਾਂ ਉਨ੍ਹਾਂ ਨੇ ਇਸ ਦਾ ਜਵਾਬ ਦਿੰਦੇ ਹੋਏ ਸੋਸ਼ਲ ਮੀਡੀਆ ‘ਤੇ ਲਿਖਿਆ, “ਮੈਂ ਦਿਲੋਂ ਰੱਬ ਨੂੰ ਅਰਦਾਸ ਕਰਦਾ ਹਾਂ ਕਿ ਏਰਨ ਜਲਦ ਹੀ ਠੀਕ ਹੋ ਜਾਵੇ।” ਇਸ ਮੈਸੇਜ ਨੂੰ ਭੇਜਣ ਤੋਂ ਬਾਅਦ ਸੁਸ਼ਾਂਤ ਨੇ ਏਰਨ ਦੇ ਪਰਿਵਾਰ ਦੀ ਜਾਣਕਾਰੀ ਮੰਗੀ ਹੈ ਤਾਂ ਜੋ ਉਹ ਜਲਦ ਤੋਂ ਜਲਦ ਏਰਨ ਦੀ ਮਦਦ ਕਰ ਸਕਣ।
ਦੱਸ ਦੇਈਏ ਕਿ ਅਜਿਹਾ ਪਹਿਲੀ ਵਾਰ ਨਹੀਂ ਜਦੋਂ ਸੁਸ਼ਾਂਤ ਕਿਸੇ ਦੀ ਮਦਦ ਲਈ ਅੱਗੇ ਆਏ ਹੋਣ। ਉਹ ਅਜਿਹਾ ਪਹਿਲਾਂ ਵੀ ਕਈ ਵਾਰ ਕਰ ਚੁੱਕੇ ਹਨ ਤੇ ਨਾਲ ਹੀ ਉਹ ਪੀੜਤਾਂ ਦੀ ਮਦਦ ਲਈ ਆਪਣੇ ਫੈਨਜ਼ ਨੂੰ ਵੀ ਅੱਗੇ ਆਉਣ ਲਈ ਕਹਿੰਦੇ ਹਨ। ਸੁਸ਼ਾਂਤ ਇਸ ਸਮੇਂ ਆਪਣੀ ਆਉਣ ਵਾਲੀ ਫਿਲਮ ‘ਕੇਦਾਰਨਾਥ’ ਦੀ ਪ੍ਰਮੋਸ਼ਨ ‘ਚ ਰੁੱਝੇ ਹੋਏ ਹਨ। ਇਸ ਤੋਂ ਬਾਅਦ ਵੀ ਉਸ ਕੋਲ ਫਿਲਮਾਂ ਦੀ ਲਾਈਨ ਹੈ।

ਧਮਾਕੇਦਾਰ ਹੋਵੇਗੀ ਸੁਨੀਲ ਸ਼ੈੱਟੀ ਦੇ ਬੇਟੇ ਦੀ ਬਾਲੀਵੁੱਡ ‘ਚ ਐਂਟਰੀ

ਕਾਫੀ ਸਮੇਂ ਤੋਂ ਖਬਰਾਂ ਆ ਰਹੀਆਂ ਸਨ ਕਿ ਸੁਨੀਲ ਸ਼ੈੱਟੀ ਦਾ ਬੇਟਾ ਅਹਾਨ ਸ਼ੈੱਟੀ ਜਲਦ ਹੀ ਫਿਲਮਾਂ ‘ਚ ਆਪਣਾ ਕਰੀਅਰ ਬਣਾਉਣ ਲਈ ਆ ਰਿਹਾ ਹੈ। ਇਸ ਨਾਲ ਜੁੜੀ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ ਕਿ ਉਹ ਜਲਦ ਹੀ ਆਪਣੀ ਫਿਲਮ ‘ਤੇ ਕੰਮ ਕਰਨਾ ਸ਼ੁਰੂ ਕਰ ਦੇਣਗੇ। ਇਸ ਸਬੰਧੀ ਹੁਣ ਆਫੀਸ਼ੀਅਲ ਐਲਾਨ ਵੀ ਕਰ ਦਿੱਤਾ ਗਿਆ ਹੈ। ਕੁਝ ਦਿਨ ਪਹਿਲਾਂ ਹੀ ਟ੍ਰੇਡ ਐਨਾਲਿਸਟ ਤਰਨ ਆਦਰਸ਼ ਨੇ ਇਸ ਖਬਰ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਨੇ ਟਵੀਟ ਕਰਦੇ ਹੋਏ ਲਿਖਿਆ, “IT’S OFFICIAL… Sajid Nadiadwala ropes in director Milan Luthria for Ahan Shetty’s debut… An official remake of #Telugu hit #RX100।” ਇਸ ਤੋਂ ਬਾਅਦ ਸਾਫ ਹੋ ਗਿਆ ਹੈ ਕਿ ਅਹਾਨ ਸ਼ੈੱਟੀ ਫਿਲਮ ‘ਆਰ. ਐਕਸ 100’ ਨਾਲ ਹੀ ਆਪਣਾ ਡੈਬਿਊ ਕਰਨ ਜਾ ਰਿਹਾ ਹੈ।
ਦੱਸ ਦੇਈਏ ਕਿ ਫਿਲਮ ‘ਆਰ. ਐਕਸ 100’ ਸਾਊਥ ਦੀ ਰੀਮੇਕ ਫ਼ਿਲਮ ਹੈ, ਜਿਸ ‘ਚ ਅਹਾਨ ਨੂੰ ਸਾਜ਼ਿਦ ਨਾਡੀਆਡਵਾਲਾ ਲਾਂਚ ਕਰ ਰਹੇ ਹਨ। ਫਿਲਮ ਨੂੰ ਮਿਲਨ ਲੂਥਰੀਆ ਫ਼ਿਲਮ ਨੂੰ ਡਾਇਰੈਕਟ ਕਰਨਗੇ। ਇਸ ਤੋਂ ਪਹਿਲਾਂ ਅਹਾਨ ਦੀ ਭੈਣ ਆਥਿਆ ਸ਼ੈੱਟੀ ਆਪਣਾ ਬਾਲੀਵੁੱਡ ਡੈਬਿਊ 2015 ‘ਚ ਕਰ ਚੁੱਕੀ ਹੈ।

ਸਲਮਾਨ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦੇ ਕੇ ਭੱਜਿਆ ਸ਼ੇਰਾ, ਪ੍ਰਯਾਗਰਾਜ ਤੋਂ ਗ੍ਰਿਫਤਾਰ

ਮੁੰਬਈ — ਬਾਲੀਵੁੱਡ ਸਟਾਰ ਸਲਮਾਨ ਖਾਨ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦੇਣ ਵਾਲੇ ਸ਼ੇਰੂ ਉਰਫ ਸ਼ੇਰਾ ਨੂੰ ਪ੍ਰਯਾਗਰਾਜ (ਇਲਾਹਾਬਾਦ) ਦੇ ਕਰੇਲੀ ਤੋਂ ਸ਼ਨੀਵਾਰ ਰਾਤ 2 ਵਜੇ ਗ੍ਰਿਫਤਾਰ ਕੀਤਾ ਗਿਆ। ਇਸ ਮਾਮਲੇ ‘ਚ ਸਲਮਾਨ ਖਾਨ ਦੇ ਪੀ. ਏ. ਨੇ ਸ਼ੇਰਾ ਦੇ ਖਿਲਾਫ ਬਾਂਦਰਾ ਥਾਣੇ ‘ਚ ਕੇਸ ਦਰਜ ਕਰਵਾਇਆ ਸੀ। ਇਹ ਸ਼ੇਰਾ ਸਲਮਾਨ ਖਾਨ ਦਾ ਬਾਡੀਗਾਰਡ ਨਹੀਂ, ਸਗੋਂ ਮੁੰਬਈ ‘ਚ ਰਹਿੰਦਾ ਇਕ ਸਟ੍ਰਗਲਰ ਹੈ। ਮੁੰਬਈ ਕ੍ਰਾਈਮ ਬ੍ਰਾਂਚ ਤੇ ਬਾਂਦਰਾ ਥਾਣੇ ਦੀ ਸਾਂਝੀ ਟੀਮ ਆਰੋਪੀ ਨੂੰ ਲੈ ਕੇ ਮੁੰਬਈ ਰਵਾਨਾ ਹੋ ਗਈ ਹੈ।
ਕ੍ਰਾਈਮ ਬ੍ਰਾਂਚ ਮੁਤਾਬਕ, ‘ਸ਼ੇਰਾ ਫਿਲਮਾਂ ‘ਚ ਰੋਲ ਨਾ ਮਿਲਣ ਤੋਂ ਨਾਰਾਜ਼ ਸੀ। ਇਸ ਲਈ ਉਸ ਨੇ ਸਲਮਾਨ ਖਾਨ ਨੂੰ ਫੋਨ ‘ਤੇ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਸੀ। ਸ਼ੇਰਾ ਨੇ ਸਲਮਾਨ ਖਾਨ ਦੇ ਪੀ. ਏ. ਨੂੰ ਵੀ ਧਮਕਾਇਆ ਸੀ।’ਕਈ ਵਾਰ ਕੀਤੀ ਸਲਮਾਨ ਨੂੰ ਮਿਲਣ ਦੀ ਕੋਸ਼ਿਸ਼ਪੁਲਸ ਨੇ ਦੱਸਿਆ ਕਿ ਆਰੋਪੀ ਸ਼ੇਰਾ ਮੁੰਬਈ ‘ਚ ਪਰਿਵਾਰ ਨਾਲ ਰਹਿੰਦਾ ਹੈ। ਉਸ ਦੀਆਂ ਫਿਲਮਾਂ ‘ਚ ਕੰਮ ਕਰਨ ਦੀ ਇੱਛਾ ਸੀ। ਇਸ ਲਈ ਉਸ ਨੇ ਸਲਮਾਨ ਕੋਲੋਂ ਕੰਮ ਮੰਗਿਆ ਸੀ। ਇਸ ਲਈ ਕਈ ਵਾਰ ਉਸ ਨੇ ਸਲਮਾਨ ਨੂੰ ਮਿਲਣ ਦੀ ਕੋਸ਼ਿਸ਼ ਕੀਤੀ ਪਰ ਸੁਰੱਖਿਆ ਦੇ ਚਲਦਿਆਂ ਉਸ ਨੂੰ ਸਲਮਾਨ ਖਾਨ ਨਾਲ ਮਿਲਣ ਨਹੀਂ ਦਿੱਤਾ ਗਿਆ। ਇਸ ਤੋਂ ਨਾਰਾਜ਼ ਸ਼ੇਰਾ ਨੇ ਸਲਮਾਨ ਖਾਨ ਨੂੰ ਮੋਬਾਇਲ ‘ਤੇ ਜਾਨੋਂ ਮਾਰਨ ਦੀ ਧਮਕੀ ਦੇ ਦਿੱਤੀ। ਸ਼ੇਰਾ ਨੂੰ ਰਾਤ ਲਗਭਗ 2 ਵਜੇ ਗ੍ਰਿਫਤਾਰ ਕੀਤਾ ਗਿਆ। ਹੁਣ ਸ਼ੇਰਾ ਦਾ ਇਕ ਸਾਥੀ ਫਰਾਰ ਹੈ। ਉਸ ਦੀ ਭਾਲ ਲਈ ਮੁੰਬਈ ਪੁਲਸ ਦੀ ਇਕ ਟੀਮ ਪ੍ਰਯਾਗਰਾਜ ‘ਚ ਸਰਚ ਆਪ੍ਰੇਸ਼ਨ ਚਲਾ ਰਹੀ ਹੈ।

ਆਯੁਸ਼ ਨੂੰ ਲੈ ਕੇ ਫਿਰ ਫਿਲਮ ਬਣਉਣਗੇ ਸਲਮਾਨ

ਬਾਲੀਵੁੱਡ ਦੇ ਦਬੰਗ ਸਟਾਰ ਸਲਮਾਨ ਖਾਨ ਇਕ ਵਾਰ ਫਿਰ ਆਪਣੇ ਜੀਜੇ ਆਯੁਸ਼ ਸ਼ਰਮਾ ਨੂੰ ਲੈ ਕੇ ਫਿਲਮ ਬਣਾਉਣਗੇ। ਉਨ੍ਹਾਂ ਨੇ ਹਾਲ ਹੀ ‘ਚ ਆਯੁਸ਼ ਨੂੰ ਫਿਲਮ ‘ਲਵ ਯਾਤਰੀ’ ਦੇ ਜ਼ਰੀਏ ਲਾਂਚ ਕੀਤਾ ਸੀ। ਉਨ੍ਹਾਂ ਨੂੰ ਫਿਲਮ ‘ਚ ਆਯੁਸ਼ ਸ਼ਰਮਾ ਦੀ ਪਰਫਾਰਮੈਂਸ ਅਤੇ ਸਕ੍ਰੀਨ ‘ਤੇ ਉਸ ਦੀ ਮੌਜੂਦਗੀ ਵੀ ਚੰਗੀ ਲੱਗੀ। ਇਸ ਤੋਂ ਬਾਅਦ ਦੋਵੇਂ ਨਵੀਂ ਸਕ੍ਰਿਪਟ ਦੀ ਭਾਲ ‘ਚ ਸਨ। ਆਖਿਰਕਾਰ ਉਨ੍ਹਾਂ ਨੂੰ ਇਕ ਸਕ੍ਰਿਪਟ ਪਸੰਦ ਆ ਗਈ ਹੈ, ਜੋ ਨੌਜਵਾਨਾਂ ਦਾ ਮਨੋਰੰਜਨ ਕਰਨ ‘ਚ ਕਾਮਯਾਬ ਸਾਬਤ ਹੋ ਸਕਦੀ ਹੈ।
ਦੱਸ ਦੇਈਏ ਕਿ ਇਹ ਇਕ ਐਕਸ਼ਨ ਨਾਲ ਭਰਪੂਰ ਫਿਲਮ ਹੋਵੇਗੀ। ਆਯੁਸ਼ ਪਹਿਲੀ ਫਿਲਮ ਤੋਂ ਹੀ ਐਕਸ਼ਨ ਸੀਨ ਫਿਲਮਾਉਣ ਦੀ ਟ੍ਰੇਨਿੰਗ ਵੀ ਲੈ ਰਹੇ ਹਨ। ਇਸ ਦਾ ਫਾਇਦਾ ਉਨ੍ਹਾਂ ਨੂੰ ਇਸ ਫਿਲਮ ‘ਚ ਹੋ ਸਕਦਾ ਹੈ। ਆਯੁਸ਼, ਸਲਮਾਨ ਵਾਂਗ ਐਂਟਰਟੇਨਮੈਂਟ ਨਾਲ ਭਰੀ ਫਿਲਮ ਬਣਾਉਣ ‘ਚ ਵਿਸ਼ਵਾਸ ਰੱਖਦੇ ਹਨ। ਉਨ੍ਹਾਂ ਕੋਲ ਇਸ ਲਈ ਯੋਜਨਾ ਵੀ ਹੈ।

ਦੀਪਿਕਾ ਰਣਵੀਰ ਵਿਆਹ ਕਰਾਉਣ ਲਈ ਇਟਲੀ ਰਵਾਨਾ

ਮੁੰਬਈ – ਬਾਲੀਵੁੱਡ ਦੀ ਪ੍ਰਸਿੱਧ ਅਦਾਕਾਰਾ ਦੀਪਿਕਾ ਪਾਦੂਕੋਣ ਤੇ ਅਦਾਕਾਰ ਰਣਵੀਰ ਸਿੰਘ ਦੇ ਵਿਆਹ ਨੂੰ ਸਿਰਫ 4 ਦਿਨ ਬਾਕੀ ਹਨ। 14 ਤੇ 15 ਨਵੰਬਰ ਨੂੰ ਇਨ੍ਹਾਂ ਦੋਵਾਂ ਦਾ ਵਿਆਹ ਹੈ। ਅੱਜ ਸਵੇਰੇ ਰਣਵੀਰ ਸਿੰਘ ਤੇ ਦੀਪਿਕਾ ਪਾਦੂਕੋਣ ਮੁੰਬਈ ਦੇ ਏਅਰਪੋਰਟ ‘ਤੇ ਨਜ਼ਰ ਆਏ ਹਨ। ਰਿਪੋਰਟਾਂ ਮੁਤਾਬਿਕ ਜੋੜਾ ਵਿਆਹ ਲਈ ਪਰਿਵਾਰ ਸਮੇਤ ਇਟਲੀ ਲਈ ਰਵਾਨਾ ਹੋ ਗਿਆ ਹੈ। ਜਿਕਰਯੋਗ ਹੈ ਕਿ ਰਣਵੀਰ ਸਿੰਘ ਤੇ ਦੀਪਿਕਾ ਪਾਦੂਕੋਣ ਦਾ ਵਿਆਹ ਇਟਲੀ ਦੇ ਲੇਕ ਕੋਮੋ ‘ਚ ਹੋਵੇਗਾ।