ਮੁੱਖ ਖਬਰਾਂ
Home / ਮਨੋਰੰਜਨ

ਮਨੋਰੰਜਨ

ਸੁਰਵੀਨ ਚਾਵਲਾ ਦੇ ਘਰ ਆਈ ‘ਨੰਨ੍ਹੀ ਪਰੀ’

ਪੰਜਾਬੀ ਫ਼ਿਲਮਾਂ ‘ਚ ਜਲਵੇ ਬਿਖੇਰਨ ਵਾਲੀ ਅਦਾਕਾਰਾ ਸੁਰਵੀਨ ਚਾਵਲਾ ਮਾਂ ਬਣ ਗਈ ਹੈ। ਉਸ ਨੇ 15 ਅਪਰੈਲ ਨੂੰ ਧੀ ਨੂੰ ਜਨਮ ਦਿੱਤਾ। ਸੁਰਵੀਨ ਅਤੇ ਉਸ ਦੇ ਪਤੀ ਅਕਸ਼ੈ ਠੱਕਰ ਨੇ ਆਪਣੀ ਧੀ ਦਾ ਨਾਂ ਈਵਾ ਰੱਖਿਆ ਹੈ। ਸੁਰਵੀਨ ਨੇ ਤਾਂ ਆਪਣੀ ਧੀ ਦੇ ਪੈਰਾਂ ਦੀ ਤਸਵੀਰ ਨੂੰ ਵੀ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤਾ ਹੈ। ਸੁਰਵੀਨ ਨੇ ਬਾਰੇ ਕਿਹਾ, ‘ਇਸ ਅਹਿਸਾਸ ਨੂੰ ਸ਼ਬਦਾਂ ‘ਚ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਇਸ ਨੂੰ ਸਿਰਫ ਮਹਿਸੂਸ ਕੀਤਾ ਜਾ ਸਕਦਾ ਹੈ। ਅਸੀਂ ਕਾਫੀ ਖੁਸ਼ਕਿਸਮਤ ਹਾਂ।” ਪ੍ਰੇਗਨੈਂਸੀ ਦੌਰਾਨ ਸੁਰਵੀਨ ਆਪਣੇ ਇੰਸਟਾਗ੍ਰਾਮ ‘ਤੇ ਕਈ ਤਸਵੀਰਾਂ ਸ਼ੇਅਰ ਕਰਦੀ ਸੀ। ਜਿਸ ‘ਚ ਉਹ ਆਪਣੇ ਗਰਭਵਤੀ ਹੋਣ ਦੇ ਅਹਿਸਾਸ ਨੂੰ ਖੂਬ ਇੰਜੁਆਏ ਕਰਦੀ ਨਜ਼ਰ ਆਈ। ਸੁਰਵੀਨ ਨੇ 2015 ‘ਚ ਇਟਲੀ ‘ਚ ਅਕਸ਼ੈ ਠੱਕਰ ਨਾਲ ਵਿਆਹ ਕੀਤਾ ਸੀ। ਸੁਰਵੀਨ ਕਈ ਪੰਜਾਬੀ ਫ਼ਿਲਮਾਂ ‘ਚ ਵੀ ਕੰਮ ਕਰ ਚੁੱਕੀ ਹੈ, ਉਸ ਨੇ ਵੈੱਬ ਸੀਰੀਜ਼ ‘ਸੇਕ੍ਰੇਡ ਗੇਮਸ’ ‘ਚ ਛੋਟਾ ਜਿਹਾ ਕਿਰਦਾਰ ਨਿਭਾਇਆ ਸੀ।

61 ਸਾਲ ਪੁਰਾਣੀਆਂ ਫਿਲਮਾਂ ਨੂੰ ਫਿਰ ਪਰਦੇ ‘ਤੇ ਦਰਸ਼ਾਏਗੀ ਫਰਾਹ ਖਾਨ

ਫਰਾਹ ਖਾਨ ਨੇ ਫਿਲਮ ਇੰਡਸਟਰੀ ਵਿੱਚ ਇੱਕ ਬਹੁਤ ਲੰਬਾ ਮੁਕਾਮ ਤੈਅ ਕੀਤਾ ਹੈ ਅਤੇ ਆਪਣੀ ਮਿਹਨਤ ਨਾਲ ਲੋਕਾਂ ਦਾ ਆਏ ਦਿਨ ਮਨੋਰੰਜਨ ਕਰਦੀ ਰਹਿੰਦੀ ਹੈ। ਫਿਲਮ ਨਿਰਦੇਸ਼ਕ, ਕੋਰਿਓਗ੍ਰਾਫਰ, ਪ੍ਰੋਡਿਊਸਰ ਅਤੇ ਅਦਾਕਾਰ ਦੇ ਰੂਪ ਵਿੱਚ ਉਹ ਅੱਜ ਵੀ ਇੰਡਸਟਰੀ ਵਿੱਚ ਸਰਗਰਮ ਹੈ। ਐਕਸ਼ਨ ਅਤੇ ਕਾਮੇਡੀ ਡਰਾਮਾ ਫਿਲਮਾਂ ਬਣਾਉਣ ਲਈ ਫਰਾਹ ਸਿਨੇਮਾ ਵਿੱਚ ਕਾਫ਼ੀ ਮਸ਼ਹੂਰ ਹੈ। ਉੱਥੇ ਹੀ ਪਿਛਲੇ ਕੁੱਝ ਸਮੇਂ ਤੋਂ ਇਹ ਸੁਣਨ ਵਿੱਚ ਆ ਰਿਹਾ ਸੀ ਕਿ ਫਰਾਹ ਤਿੰਨ ਬਾਲੀਵੁਡ ਫਿਲਮਾਂ ਦਾ ਰੀਮੇਕ ਬਣਾਉਣ ਜਾ ਰਹੀ ਹੈ ਅਤੇ ਹੁਣ ਆਪ ਫਰਾਹ ਨੇ ਇਸ ਉੱਤੇ ਆਪਣੀ ਗੱਲ ਰੱਖੀ ਹੈ।
ਮੀਡੀਆ ਰਿਪੋਰਟਸ ਦੇ ਮੁਤਾਬਿਕ ਸੁਣਨ ਵਿੱਚ ਇਹ ਆ ਰਿਹਾ ਸੀ ਕਿ ਫਰਾਹ ਖਾਨ ਤਿੰਨ ਪੁਰਾਣੀਆਂ ਬਾਲੀਵੁੱਡ ਫਿਲਮਾਂ ਦਾ ਰੀਮੇਕ ਬਣਾਉਣ ਉੱਤੇ ਵਿਚਾਰ ਕਰ ਰਹੇ ਹਨ। ਜਿਸ ਵਿੱਚ ਪਹਿਲੀ ਫਿਲਮ 1992 ਵਿੱਚ ਆਈ, ਅਮੀਤਾਭ ਬੱਚਨ ਦੀ ‘ਸੱਤੇ ਪੇ ਸੱਤਾ’ ਹੋਵੇਗੀ। ਦੂਜੀ ਕਿਸ਼ੋਰ ਕੁਮਾਰ ਦੀ 1958 ਵਿੱਚ ਆਈ ਕਾਮੇਡੀ ਫਿਲਮ ‘ਚਲਤੀ ਕਾ ਨਾਮ ਗਾੜੀ ਹੈ’ ਹੋਵੇਗੀ ਅਤੇ ਇਸ ਕੜੀ ਵਿੱਚ ਤੀਜੀ ਫਿਲਮ ਬਿੱਗ ਬੀ ਦੀ ‘ਹਮ’ ਹੋ ਸਕਦੀ ਹੈ ਪਰ ਹੁਣ ਫਰਾਹ ਖਾਨ ਨੇ ਇਸ ਖਬਰ ਦਾ ਖੰਡਨ ਕੀਤਾ ਹੈ।
ਫਰਾਹ ਨੇ ਹਾਲ ਹੀ ਵਿੱਚ ਟਵਿਟਰ ਉੱਤੇ ਇੱਕ ਨਿਊਜ਼ਪੇਪਰ ਦਾ ਬਲਾਗ ਸ਼ੇਅਰ ਕਰ ਲਿਖਿਆ – ਵਧੀਆ ਲੱਗ ਰਿਹਾ ਹੈ ਪੜ ਕੇ, ਧੰਨਵਾਦ, ਪਰ ਇਹ ਸੱਚ ਨਹੀਂ ਹੈ, ਮਤਲਬ ਅੱਧਾ ਸੱਚ ਹੈ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਇਹ ਖਬਰ ਕਾਫ਼ੀ ਸਮੇਂ ਤੋਂ ਚੱਲ ਰਹੀ ਹੈ ਕਿ ਫਰਾਹ ਖਾਨ, ਐਕਸ਼ਨ ਫਿਲਮ ਡਾਇਰੈਕਟਰ ਰੋਹਿਤ ਸ਼ੈੱਟੀ ਦੇ ਨਾਲ ਕਿਸੇ ਫਿਲਮ ਵਿੱਚ ਕੰਮ ਕਰਦੀ ਹੋਈ ਨਜ਼ਰ ਆਏਗੀ। ਫਰਾਹ ਹਮੇਸ਼ਾ ਤੋਂ ਇਹ ਕਹਿੰਦੀ ਆਈ ਹੈ ਕਿ ਅਜਿਹਾ ਜਰੂਰੀ ਨਹੀਂ ਹੈ ਕਿ ਇੱਕ ਔਰਤ ਜੇਕਰ ਫਿਲਮ ਨਿਰਦੇਸ਼ਕ ਹੈ ਤਾਂ ਉਹ ਸਿਰਫ ਵੂਮੈਨ ਆਰਿਏਟਿਡ ਫਿਲਮਾਂ ਨੂੰ ਹੀ ਤਿਆਰ ਕਰੇਗੀ।
ਬਾਲੀਵੁਡ ਦੀ ਮਸ਼ਹੂਰ ਫ਼ਿਲਮਕਾਰ ਅਤੇ ਕੋਰਿਓਗ੍ਰਾਫਰ ਫਰਾਹ ਖਾਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ ਇੱਕ ਮਸ਼ਹੂਰ ਭਾਰਤੀ ਫਿਲਮ ਦਾ ਹੀ ਰੀਮੇਕ ਹੋਵੇਗੀ।
ਇੰਨਾ ਹੀ ਨਹੀਂ ਉਨ੍ਹਾਂ ਦੀ ਇਹ ਫਿਲਮ ਇੱਕ ਵੱਡੇ ਬਜਟ ਵਾਲੀ ਫਿਲਮ ਵੀ ਦੱਸੀ ਜਾ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਉਨ੍ਹਾਂ ਦੀ ਇਸ ਅਗਲੀ ਫਿਲਮ ਵਿੱਚ ਬਾਲੀਵੁਡ ਸੰਗੀਤ ਦਾ ਭਰਮਾਰ ਹੋਵੇਗਾ। ਫਿਲਮ ਨੂੰ ਇਸ ਤਰ੍ਹਾਂ ਨਾਲ ਹੁਣੇ ਤੋਂ ਹੀ ਕਾਫ਼ੀ ਖਾਸ ਮੰਨਿਆ ਜਾ ਰਿਹਾ ਹੈ।
ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦੱਸ ਦੇਈਏ ਕਿ ਬਾਲੀਵੁਡ ਨਿਰਦੇਸ਼ਕ ਰੋਹਿਤ ਸ਼ੈੱਟੀ ਨੇ ਹਾਲ ਹੀ ਵਿੱਚ ਐਲਾਨ ਕੀਤਾ ਸੀ ਕਿ ਉਹ ਫਰਾਹ ਦੇ ਨਿਰਦੇਸ਼ਨ ਵਿੱਚ ਬਣ ਰਹੀ ਫਿਲਮ ਨੂੰ ਪ੍ਰੋਡਿਊਸ ਕਰਨਗੇ ਤਾਂ ਹੁਣ ਫਰਾਹ ਨੇ ਵੀ ਇਸ ਗੱਲ ਦਾ ਖੁਲਾਸਾ ਕਰ ਦਿੱਤਾ ਹੈ। ਨਾਲ ਹੀ ਇਸ ਉੱਤੇ ਫ਼ਿਲਮਕਾਰ ਅਤੇ ਕੋਰਿਓਗ੍ਰਾਫਰ ਫਰਾਹ ਖਾਨ ਦਾ ਕਹਿਣਾ ਹੈ ਕਿ ਰੋਹਿਤ ਅਤੇ ਮੈਂ ਇਕੱਠੇ ਕੰਮ ਕਰਨ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਾਂ।

‘ਕਬੀਰ ਸਿੰਘ’ ਲਈ 20-20 ਸਿਗਰਟਾਂ ਪੀਂਦੇ ਸੀ ਸ਼ਾਹਿਦ, ਫਿਰ ਦੋ-ਦੋ ਘੰਟੇ ਨਹਾਉਂਦੇ

ਸ਼ਾਹਿਦ ਕਪੂਰ ਦੀ ਫ਼ਿਲਮ ‘ਕਬੀਰ ਸਿੰਘ’ ਦਾ ਟੀਜ਼ਰ ਰਿਲੀਜ਼ ਹੋ ਚੁੱਕਿਆ ਹੈ। ਇਸ ‘ਚ ਉਹ ਨਸ਼ੇ ‘ਚ ਡੁੱਬੇ ਮੈਡੀਕਲ ਵਿਦਿਆਰਥੀ ਦਾ ਕਿਰਦਾਰ ਕਰ ਰਹੇ ਹਨ। ਸ਼ਾਹਿਦ ਨੂੰ ਇਸ ਤੋਂ ਪਹਿਲਾਂ ‘ਉੱਡਦਾ ਪੰਜਾਬ’ ‘ਚ ਦੇਖਿਆ ਗਿਆ ਸੀ।
ਫ਼ਿਲਮ ‘ਚ ਕਬੀਰ ਸਿੰਘ ਦੇ ਕਿਰਦਾਰ ਲਈ ਉਨ੍ਹਾਂ ਨੇ ਜੰਮਕੇ ਮਿਹਨਤ ਕੀਤੀ। ਇਹ ਕਿਰਦਾਰ ਨਿਭਾਉਣਾ ਉਨ੍ਹਾਂ ਲਈ ਆਸਾਨ ਨਹੀਂ ਸੀ। ਇਸ ਦਾ ਖੁਲਾਸਾ ਇੰਟਰਵਿਊ ‘ਚ ਸ਼ਾਹਿਦ ਨੇ ਖੁਦ ਕੀਤਾ। ਉਨ੍ਹਾਂ ਕਿਹਾ ਕਿ ਉਹ ਇਸ ਕਿਰਦਾਰ ਲਈ ਇੱਕ ਦਿਨ ‘ਚ 20 ਸਿਗਰਟ ਪੀ ਜਾਂਦੇ ਸੀ। ਘਰ ਆਉਣ ਤੋਂ ਬਾਅਦ ਉਨ੍ਹਾਂ ਨੂੰ ਦੋ ਘੰਟੇ ਤਕ ਨਹਾਉਣਾ ਪੈਂਦਾ ਸੀ ਤਾਂ ਜੋ ਬੱਚਿਆਂ ਨੂੰ ਸਿਗਰਟ ਦੀ ਬਦਬੂ ਨਾ ਆਵੇ।
ਫ਼ਿਲਮ ਦਾ ਧਮਾਕੇਦਾਰ ਟੀਜ਼ਰ ਦੇਖਣ ਤੋਂ ਬਾਅਦ ਫੈਨਸ ਦਾ ਕ੍ਰੇਜ਼ ਫ਼ਿਲਮ ਲਈ 7ਵੇਂ ਅਸਮਾਨ ‘ਤੇ ਪਹੁੰਚ ਗਿਆ ਹੈ। ਇਹ ਫ਼ਿਲਮ ਤੇਲਗੂ ਦੀ ਸੁਪਰਹਿੱਟ ਫ਼ਿਲਮ ‘ਅਰਜੁਨ ਰੈੱਡੀ’ ਦਾ ਹਿੰਦੀ ਰੀਮੇਕ ਹੈ। ਫ਼ਿਲਮ 21 ਜੂਨ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਇਸ ‘ਚ ਸ਼ਾਹਿਦ ਦੇ ਨਾਲ ਕਿਆਰਾ ਅਡਵਾਨੀ ਵੀ ਨਜ਼ਰ ਆਵੇਗੀ।

ਦੀਪਿਕਾ ਬਣਾ ਰਹੀ ਹੈ ਛਪਾਕ

ਪ੍ਰਿਅੰਕਾ ਚੋਪੜਾ, ਅਨੁਸ਼ਕਾ ਸ਼ਰਮਾ, ਲਾਰਾ ਦੱਤਾ, ਸ਼ਿਲਪਾ ਸ਼ੈਟੀ, ਪ੍ਰੀਟੀ ਜ਼ਿੰਟਾ ਆਦਿ ਹੀਰੋਇਨਾਂ ਦੀ ਤਰਜ਼ ‘ਤੇ ਹੁਣ ਦੀਪਿਕਾ ਪਾਦੂਕੋਨ ਨੇ ਵੀ ਫ਼ਿਲਮ ਨਿਰਮਾਣ ਵਿਚ ਆਪਣਾ ਆਗਮਨ ਕਰ ਲਿਆ ਹੈ ਅਤੇ ਉਸ ਵਲੋਂ ਬਣਾਈ ਜਾ ਰਹੀ ਪਹਿਲੀ ਫ਼ਿਲਮ ਦਾ ਟਾਈਟਲ ਹੈ ‘ਛਪਾਕ’।
ਦੀਪਿਕਾ ਖ਼ੁਦ ਇਸ ਵਿਚ ਅਭਿਨੈ ਕਰ ਰਹੀ ਹੈ ਅਤੇ ਇਸ ਦੇ ਨਿਰਦੇਸ਼ਨ ਦੀ ਜ਼ਿੰਮੇਵਾਰੀ ਮੇਘਨਾ ਗੁਲਜ਼ਾਰ ਨੂੰ ਸੌਂਪੀ ਗਈ ਹੈ। ਆਪਣੀ ਇਸ ਪਹਿਲੀ ਫ਼ਿਲਮ ਵਿਚ ਦੀਪਿਕਾ ਇਕ ਵੱਖਰਾ ਜਿਹਾ ਵਿਸ਼ਾ ਲੈ ਕੇ ਆ ਰਹੀ ਹੈ। ਇਸ ਵਿਚ ਮਾਲਤੀ ਨਾਮੀ ਇਕ ਇਸ ਤਰ੍ਹਾਂ ਦੀ ਖੂਬਸੂਰਤ ਕੁੜੀ ਦੀ ਕਹਾਣੀ ਪੇਸ਼ ਕੀਤੀ ਜਾਵੇਗੀ ਜੋ ਬਾਅਦ ਵਿਚ ਤੇਜ਼ਾਬ ਹਮਲੇ ਦਾ ਸ਼ਿਕਾਰ ਹੋ ਕੇ ਆਪਣੀ ਖੂਬਸੂਰਤੀ ਗਵਾ ਬੈਠਦੀ ਹੈ ਅਤੇ ਇਸ ਹਾਦਸੇ ਦੀ ਵਜ੍ਹਾ ਕਰਕੇ ਉਸ ਦੀ ਜ਼ਿੰਦਗੀ ਕਿਵੇਂ ਬਦਲ ਜਾਂਦੀ ਹੈ, ਇਹ ਦਰਦ ਇਸ ਵਿਚ ਦਿਖਾਇਆ ਜਾਵੇਗਾ।

ਫ਼ਿਲਮ ‘ਕੰਚਨਾ’ ਦੇ ਹਿੰਦੀ ਰੀਮੇਕ ‘ਚ ਅਕਸ਼ੇ ਨਾਲ ਨਜ਼ਰ ਆਵੇਗੀ ਇਹ ਅਦਾਕਾਰਾ

ਕੁੱਝ ਦਿਨਾਂ ਤੋਂ ਇਹ ਖਬਰਾਂ ਆ ਰਹੀਆਂ ਹਨ ਕਿ ਅਕਸ਼ੇ ਕੁਮਾਰ ਜਲਦ ਹੀ ਤਮਿਲ ਬਲਾਕਬਸਟਰ ਫਿਲਮ ਕੰਚਨਾ ਦਾ ਹਿੰਦੀ ਰੀਮੇਕ ਬਣਾਉਣ ਜਾ ਰਹੇ ਹਨ। ਫਿਲਮ ਦੇ ਰਾਇਟਸ ਅੱਕੀ ਨੇ ਕਾਫ਼ੀ ਸਮਾਂ ਪਹਿਲਾਂ ਹੀ ਖਰੀਦ ਲਏ ਸਨ ਅਤੇ ਇਸ ਨੂੰ ਸ਼ੁਰੂ ਕਰਨ ਦਾ ਠੀਕ ਸਮਾਂ ਲੱਭ ਰਹੇ ਸਨ। ਇਸ ਫਿਲਮ ਨਾਲ ਜੁੜੀਆਂ ਕਈ ਗੱਲਾਂ ਸਾਹਮਣੇ ਆ ਚੁੱਕੀਆਂ ਹਨ। ਇਸੇ ਤਰ੍ਹਾਂ ਦੀ ਇੱਕ ਹੋਰ ਜਾਣਕਾਰੀ ਅਸੀ ਤੁਹਾਨੂੰ ਦੇਣ ਜਾ ਰਹੇ ਹਾਂ। ਜਿਸ ਤੋਂ ਬਾਅਦ ਤੁਸੀ ਵੀ ਜਾਨਣਾ ਚਾਹੋਗੇ ਕਿ ਇਸ ਫਿਲਮ ਲਈ ਅਕਸ਼ੇ ਨੂੰ ਅਦਾਕਾਰਾ ਮਿਲ ਚੁੱਕੀ ਹੈ। ਇਸ ਫਿਲਮ ਦੀ ਸ਼ੂਟਿੰਗ ਤੋਂ ਇਲਾਵਾ ਜੋ ਵੱਡੀ ਖਬਰ ਕੰਚਨਾ ਰੀਮੇਕ ਤੋਂ ਸਾਹਮਣੇ ਆਈ ਸੀ, ਉਹ ਇਹ ਹੈ ਕਿ ਇਸ ਵਿੱਚ ਅੱਕੀ ਦੇ ਨਾਲ ਕਿਆਰਾ ਆਡਵਾਣੀ ਵਿਖਾਈ ਦੇਵੇਗੀ, ਜੋ ਉਨ੍ਹਾਂ ਦੇ ਨਾਲ ਗੁੱਡ ਨਿਊਜ਼ ਵਿੱਚ ਵੀ ਕੰਮ ਕਰ ਰਹੀ ਹੈ।
ਹਾਲ ਹੀ ਵਿੱਚ ਇੱਕ ਫਿਲਮ ਵਿੱਚ ਅਕਸ਼ੇ ਅਤੇ ਕਿਆਰਾ ਇਕੱਠੇ ਕੰਮ ਕਰ ਚੁੱਕੇ ਹਨ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਕਿਆਰਾ ਅਡਵਾਣੀ ਅਕਸ਼ੇ ਕੁਮਾਰ ਦੀ ਕੰਚਨਾ ਰੀਮੇਕ ਦਾ ਹਿੱਸਾ ਹੈ, ਜਿਸ ਦਾ ਆਧਿਕਾਰਿਕ ਐਲਾਨ ਜਲਦ ਹੀ ਕਰ ਦਿੱਤਾ ਜਾਵੇਗਾ। ਇੱਕ ਖਬਰ ਦੇ ਅਨੁਸਾਰ, ‘ਕਿਆਰਾ ਨੂੰ ਫਿਲਮ ਲਈ ਕੰਫਰਮ ਕੀਤਾ ਜਾ ਚੁੱਕਿਆ ਹੈ ਅਤੇ ਜਲਦ ਹੀ ਉਹ ਇਸ ਨੂੰ ਆਧਿਕਾਰਿਕ ਰੂਪ ਨਾਲ ਸਾਇਨ ਵੀ ਕਰ ਲਵੇਗੀ। ਅਕਸ਼ੇ ਕੁਮਾਰ ਅਤੇ ਕਿਆਰਾ ਦੋਨੋਂ ਹੀ ਇਸ ਸਮੇਂ ਗੁਡ ਨਿਊਜ਼ ਵਿੱਚ ਵਿਅਸਤ ਹਨ, ਜਿਵੇਂ ਹੀ ਉਹ ਇਸ ਨੂੰ ਖਤਮ ਕਰ ਲੈਣਗੇ, ਉਦੋਂ ਹੀ ਕੰਚਨਾ ਰੀਮੇਕ ਨੂੰ ਸ਼ੁਰੂ ਕਰ ਦੇਣਗੇ।’
ਇਸ ਫਿਲਮ ਲਈ ਦਰਸ਼ਕ ਵੀ ਕਾਫ਼ੀ ਬੇਤਾਬ ਹਨ ਅਤੇ ਜਾਨਣਾ ਚਾਹੁੰਦੇ ਹਨ ਕਿ ਫਿਲਮ ਕਦੋਂ ਰਿਲੀਜ਼ ਹੋਣ ਵਾਲੀ ਹੈ। ਇਸ ਤੋਂ ਬਾਅਦ ਉਹ ਮਿਸ਼ਨ ਮੰਗਲ ਵਰਗੀ ਫਿਲਮ ਸ਼ੁਰੂ ਕਰਨਗੇ, ਜਿਸ ਵਿੱਚ ਉਨ੍ਹਾਂ ਦੇ ਨਾਲ ਵਿਦਿਆ ਬਾਲਨ, ਸੋਨਾਕਸ਼ੀ ਸਿਨਹਾ ਅਤੇ ਤਾਪਸੀ ਪੰਨੂ ਵਿਖਾਈ ਦੇਣਗੀਆਂ। ਫਿਲਮ ਮਿਸ਼ਨ ਮੰਗਲ 15 ਅਗਸਤ ਦੇ ਮੌਕੇ ਉੱਤੇ ਰਿਲੀਜ਼ ਹੋਵੋਗੀ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਅਕਸ਼ੇ ਕੁਮਾਰ ਨੂੰ ਬਾਲੀਵੁਡ ‘ਚ ਫਿੱਟਨੈਸ ਫਰੀਕ ਕਿਹਾ ਜਾਂਦਾ ਹੈ। ਉਹ ਰੋਜ ਸਵੇਰੇ ਚਾਰ ਵਜੇ ਉੱਠਦੇ ਹਨ ਅਤੇ ਰਾਤ ਨੂੰ ਜਲਦੀ ਸੌਂ ਜਾਂਦੇ ਹਨ

ਜਾਨ ਅਬਰਾਹਮ ਹੁਣ ਜਾਸੂਸ ਦੀ ਭੂਮਿਕਾ ‘ਚ

‘ਕਾਬੁਲ ਐਕਸਪ੍ਰੈੱਸ’, ‘ਮਦਰਾਸ ਕੈਫੇ’, ‘ਪਰਮਾਣੂ’ ਫ਼ਿਲਮਾਂ ਰਾਹੀਂ ਜਾਨ ਅਬ੍ਰਾਹਮ ਨੇ ਦਿਖਾ ਦਿੱਤਾ ਹੈ ਕਿ ਉਹ ਵੱਖਰੇ ਤਰ੍ਹਾਂ ਦੇ ਵਿਸ਼ਿਆਂ ਵਾਲੀਆਂ ਫ਼ਿਲਮਾਂ ਕਰਨ ਵਿਚ ਜ਼ਿਆਦਾ ਰੁਚੀ ਰੱਖਦੇ ਹਨ। ਇਹ ਉਸੇ ਦਿਲਚਸਪੀ ਦਾ ਨਤੀਜਾ ਹੈ ਕਿ ਹੁਣ ਉਹ ‘ਰਾਅ-ਰੋਮਿਓ ਅਕਬਰ ਵਾਲਟਰ’ ਵਿਚ ਜਾਸੂਸ ਦੀ ਭੂਮਿਕਾ ਵਿਚ ਨਜ਼ਰ ਆਉਣਗੇ।
ਜਾਸੂਸੀ ਸੰਸਥਾ ਰਾਅ ਵਲੋਂ ਇਕ ਜਾਸੂਸ ਨੂੰ ਪਾਕਿਸਤਾਨ ਖਿਲਾਫ਼ ਜਾਸੂਸੀ ਕਰਨ ਲਈ ਪਾਕਿਸਤਾਨ ਭੇਜਿਆ ਜਾਂਦਾ ਹੈ ਅਤੇ ਇਹ ਜਾਸੂਸ ਆਪਣੀ ਮਾਂ ਕੋਲ ਇਹ ਝੂਠ ਬੋਲ ਕੇ ਜਾਂਦਾ ਹੈ ਕਿ ਉਹ ਟ੍ਰੇਨਿੰਗ ਲਈ ਜਾ ਰਿਹਾ ਹੈ। ਆਪਣੇ ਮਿਸ਼ਨ ਵਿਚ ਉਸ ਨੂੰ ਕਈ ਵਾਰ ਆਪਣਾ ਨਾਂਅ ਵੀ ਬਦਲਣਾ ਪੈਂਦਾ ਹੈ ਤੇ ਭੇਸ ਵੀ। ਕਈ ਤਰ੍ਹਾਂ ਦੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਉਹ ਆਪਣੇ ਮਿਸ਼ਨ ਵਿਚ ਸਫਲ ਰਹਿੰਦਾ ਹੈ ਪਰ ਅਫ਼ਸੋਸ ਦੀ ਗੱਲ ਇਹ ਹੁੰਦੀ ਹੈ ਕਿ ਸਰਕਾਰ ਵਲੋਂ ਉਸ ਦੇ ਯੋਗਦਾਨ ਦੀ ਅਣਦੇਖੀ ਕੀਤੀ ਜਾਂਦੀ ਹੈ।
ਜਾਸੂਸ ਦੇ ਕਿਰਦਾਰ ਬਾਰੇ ਜਾਨ ਕਹਿੰਦੇ ਹਨ, ‘ਜਾਸੂਸੀ ਇਕ ਤਰ੍ਹਾਂ ਦਾ ਪੇਸ਼ਾ ਹੈ ਜਿਸ ਵਿਚ ਕੰਮ ਦੀ ਕਦੀ ਕਦਰ ਨਹੀਂ ਹੁੰਦੀ ਹੈ। ਦੇਸ਼ ਲਈ ਆਪਣੀ ਜਾਨ ‘ਤੇ ਖੇਡ ਜਾਣ ਵਾਲਾ ਜਾਸੂਸ ਅਖੀਰ ਤੱਕ ਗੁੰਮਨਾਮੀ ਦੇ ਪਰਦੇ ਵਿਚ ਹੀ ਆਪਣੀ ਜ਼ਿੰਦਗੀ ਬਿਤਾ ਦਿੰਦਾ ਹੈ। ਦੇਸ਼ ਦੇ ਇਤਿਹਾਸ ਵਿਚ ਕਿਤੇ ਇਨ੍ਹਾਂ ਦਾ ਨਾਂਅ ਦਰਜ ਨਹੀਂ ਹੁੰਦਾ। ਸਾਡੀ ਇਹ ਫ਼ਿਲਮ ਇਸ ਤਰ੍ਹਾਂ ਦੇ ਗੁੰਮਨਾਮ ਦੇਸ਼ ਪ੍ਰੇਮੀਆਂ ਦੇ ਪ੍ਰਤੀ ਸ਼ਰਧਾਂਜਲੀ ਹੈ।’
ਜਾਨ ਅਬ੍ਰਾਹਮ ਦੇ ਨਾਲ ਇਸ ਵਿਚ ਜੈਕੀ ਸ਼ਰਾਫ, ਮੌਨੀ ਰਾਏ, ਸੁਚਿੱਤਰਾ ਕ੍ਰਿਸ਼ਨਾਮੂਰਤੀ ਤੇ ਰਘੂਵੀਰ ਯਾਦਵ ਨੇ ਵੀ ਅਭਿਨੈ ਕੀਤਾ ਹੈ। ਸਿਕੰਦਰ ਖੇਰ ਵਲੋਂ ਇਸ ਵਿਚ ਪਾਕਿਸਤਾਨੀ ਜਾਸੂਸੀ ਸੰਸਥਾ ਆਈ. ਐਸ. ਆਈ. ਦੇ ਅਧਿਕਾਰੀ ਦੀ ਭੂਮਿਕਾ ਨਿਭਾਈ ਗਈ ਹੈ।

ਇਸ ਫਿਲਮ ਰਾਹੀ 3 ਸਾਲਾਂ ਬਾਅਦ ਕੁਲਰਾਜ ਰੰਧਾਵਾ ਕਰੇਗੀ ਇੰਡਸਟਰੀ ‘ਚ ਵਾਪਸੀ

ਪਾਲੀਵੁਡ ਅਤੇ ਬਾਲੀਵੁਡ ਦੀ ਖੂਬਸੂਰਤ ਅਦਾਕਾਰਾ ਕੁਲਰਾਜ ਰੰਧਾਵਾ ਫਿਲਮ ‘ਨੌਕਰ ਵਹੁਟੀ ਦਾ’ ਤੋਂ ਕਾਫੀ ਸਮੇਂ ਬਾਅਦ ਪਾਲੀਵੁੱਡ ਇੰਡਸਟਰੀ ‘ਚ ਵਾਪਸੀ ਕਰ ਰਹੀ ਹੈ। ਜੇਕਰ ਗੱਲ ਕੀਤੀ ਜਾਏ ਉਹਨਾਂ ਦੇ ਕਮਬੈਕ ਦੀ ਤਾਂ ਕੁਲਰਾਜ ਰੰਧਾਵਾ 3 ਸਾਲਾਂ ਬਾਅਦ ਪੰਜਾਬੀ ਇੰਡਸਟਰੀ ‘ਚ ਕਮਬੈਕ ਕਰ ਰਹੀ ਹੈ। ਕੁਲਰਾਜ ਰੰਧਾਵਾ ਦੀ ਆਖਰੀ ਫਿਲਮ ‘ਨਿਧੀ ਸਿੰਘ’ ਸੀ, ਜੋ 2016 ‘ਚ ਰਿਲੀਜ਼ ਹੋਈ ਸੀ। ਨਵੀਂ ਫਿਲਮ ‘ਨੌਕਰ ਵਹੁਟੀ ਦਾ’ ਬਾਰੇ ਕੁਲਰਾਜ ਰੰਧਾਵਾ ਨੇ ਹਾਲ ਹੀ ‘ਚ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਸ਼ੇਅਰ ਕਰ ਜਾਣਕਾਰੀ ਦਿੱਤੀ ਹੈ।ਕੁਲਰਾਜ ਰੰਧਾਵਾ ਨੇ ਵੀਡੀਓ ਸ਼ੇਅਰ ਕਰਦਿਆਂ ਦੱਸਿਆ ਕਿ ਉਹਨਾਂ ਨੇ 1 ਅਪ੍ਰੈਲ ਤੋਂ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਲਈ ਹੈ, ਜਿਸ ਨੂੰ ਸਮੀਪ ਕੰਗ ਡਾਇਰੈਕਟ ਕਰ ਰਹੇ ਹਨ ਤੇ ਬੀਨੂੰ ਢਿੱਲੋਂ ਦੇ ਆਪੋਜ਼ਿਟ ਉਹ ਮੁੱਖ ਭੂਮਿਕਾ ‘ਚ ਹਨ। ਕੁਲਰਾਜ ਰੰਧਾਵਾ ਇਸ ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ ਅਤੇ ਨਾਲ ਹੀ ਉਹਨਾਂ ਦੇ ਫੈਨਜ਼ ਵੀ ਇਹ ਖਬਰ ਸੁਣ ਕਾਫੀ ਖੁਸ਼ ਹੋਏ ਹਨ। ਇਸ ਫਿਲਮ ‘ਚ ਕਾਮੇਡੀ ਦੇ ਨਾਲ-ਨਾਲ ਰੋਮਾਂਟਿਕ ਫੈਮਿਲੀ ਡਰਾਮਾ ਵੀ ਦਰਸ਼ਕਾਂ ਨੂੰ ਦੇਖਣ ਲਈ ਮਿਲੇਗਾ। ਬੀਨੂੰ ਢਿੱਲੋਂ ਤੋਂ ਇਲਾਵਾ ਫਿਲਮ ‘ਚ ਜਸਵਿੰਦਰ ਭੱਲਾ, ਗੁਰਪ੍ਰੀਤ ਘੁੱਗੀ ਆਦਿ ਨਜ਼ਰ ਆਉਣਗੇ। ਇਹ ਫਿਲਮ ਇਸ ਸਾਲ 23 ਅਗਸਤ ਨੂੰ ਰਿਲੀਜ਼ ਹੋਵੇਗੀ। ਕੁਲਰਾਜ ਰੰਧਾਵਾ ਇਸ ਤੋਂ ਪਹਿਲਾਂ ‘ਤੇਰਾ ਮੇਰਾ ਕੀ ਰਿਸ਼ਤਾ’ ਤੇ ‘ਮੰਨਤ’ ਵਰਗੀਆਂ ਸੁਪਰਹਿੱਟ ਫਿਲਮਾਂ ‘ਚ ਆਪਣੀ ਅਦਾਕਾਰੀ ਦਾ ਲੋਹਾ ਮੰਨਵਾ ਚੁੱਕੀ ਹੈ।
ਜੇਕਰ ਗੱਲ ਕੀਤੀ ਜਾਏ ਬੀਨੂੰ ਢਿੱਲੋਂ ਦੀ ਤਾਂ ਉਹ ਪਾਲੀਵੁਡ ਇੰਡਸਟਰੀ ਦੇ ਬਹੁਤ ਹੀ ਪ੍ਰਸਿੱਧ ਸਿਤਾਰਿਆਂ ‘ਚੋਂ ਇੱਕ ਹਨ। ਬਾਲੀਵੁਡ ਇੰਡਸਟਰੀ ‘ਚ ਕਈ ਸਿਤਾਰੇ ਅਜਿਹੇ ਹਨ ਜਿਹਨਾਂ ਦੀ ਜੋੜੀ ਨੂੰ ਦਰਸ਼ਕਾਂ ਦੁਆਰਾ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਪੰਜਾਬੀ ਫਿਲਮ ‘ਕਾਲਾ ਸ਼ਾਹ ਕਾਲਾ’ ‘ਚ ਬੀਨੂੰ ਢਿੱਲੋਂ ਅਤੇ ਸਰਗੁਨ ਮਹਿਤਾ ਦੀ ਜੋੜੀ ਨੂੰ ਬਹੁਤ ਪਸੰਦ ਕੀਤਾ ਗਿਆ।
ਦੋਨਾਂ ਦੀ ਐਕਟਿੰਗ ਨੂੰ ਦਰਸ਼ਕਾਂ ਦੁਆਰਾ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਹਾਲ ਹੀ ‘ਚ ਖਬਰ ਆਈ ਸੀ ਕਿ ਫਿਲਮ ‘ਕਾਲਾ ਸ਼ਾਹ ਕਾਲਾ’ ਦੀ ਸਫਲਤਾ ਤੋਂ ਬਾਅਦ ਬੀਨੂੰ ਢਿੱਲੋਂ ਤੇ ਸਰਗੁਣ ਮਹਿਤਾ ਦੀ ਜੋੜੀ ਫਿਰ ਧਮਾਲ ਪਾਉਣ ਜਾ ਰਹੀ ਹੈ।
ਪਿਛਲੇ ਮਹੀਨੇ ਰਿਲੀਜ਼ ਹੋਈ ਪੰਜਾਬੀ ਫਿਲਮ ‘ਕਾਲਾ ਸ਼ਾਹ ਕਾਲਾ’ ਜਿਸ ‘ਚ ਸਰਗੁਣ ਮਹਿਤਾ ਅਤੇ ਬੀਨੂੰ ਢਿੱਲੋਂ ਸਟਾਰਰ ਫਿਲਮ ਜਿਸ ਨੇ ਬਾਕਸ ਆਫਿਸ ‘ਤੇ ਕਾਫੀ ਚੰਗਾ ਪ੍ਰਦਰਸ਼ਨ ਕੀਤਾ ਹੈ।

ਮਾਣਹਾਨੀ ਮਾਮਲੇ ‘ਚ ਰਾਹੁਲ ਤੇ ਸੂਰਜੇਵਾਲਾ ਨੂੰ ਅਦਾਲਤ ‘ਚ ਹਾਜ਼ਰ ਹੋਣ ਲਈ ਨੋਟਿਸ

ਅਹਿਮਦਾਬਾਦ-ਗੁਜਰਾਤ ਵਿਚ ਅਹਿਮਦਾਬਾਦ ਮੈਟਰੋ ਕੋਰਟ ਨੇ ਸੋਮਵਾਰ ਨੂੰ ਕਾਂਗਰਸ ਮੁਖੀ ਰਾਹੁਲ ਗਾਂਧੀ ਅਤੇ ਪਾਰਟੀ ਬੁਲਾਰਾ ਰਣਦੀਪ ਸੂਰਜੇਵਾਲਾ ਨੂੰ ਅਹਿਮਦਾਬਾਦ ਜ਼ਿਲ੍ਹਾ ਸਹਿਕਾਰੀ (ਏ.ਡੀ.ਸੀ.) ਬੈਂਕ ਵਲੋਂ ਦਾਖ਼ਲ ਮਾਨਹਾਨੀ ਦੇ ਮਾਮਲੇ ਵਿਚ 27 ਮਈ ਨੂੰ ਅਦਾਲਤ ਵਿਚ ਹਾਜ਼ਰ ਰਹਿਣ ਲਈ ਨੋਟਿਸ ਜਾਰੀ ਕੀਤਾ ਹੈ। ਦੱਸਣਯੋਗ ਹੈ ਕਿ ਰਾਹੁਲ ਗਾਂਧੀ ਅਤੇ ਰਣਦੀਪ ਸੂਰਜੇਵਾਲਾ ਨੇ ਨੋਟਬੰਦੀ ਦੌਰਾਨ ਕੇਵਲ ਪੰਜ ਦਿਨਾਂ ‘ਚ ਲਗਪਗ 750 ਕਰੋੜ ਰੁਪਏ ਬਦਲਣ ਦੇ ਘੁਟਾਲੇ ਵਿਚ ਬੈਂਕ ਦੇ ਸ਼ਾਮਿਲ ਹੋਣ ਦਾ ਦੋਸ਼ ਲਗਾਇਆ ਸੀ। ਭਾਜਪਾ ਦੇ ਪ੍ਰਧਾਨ ਅਮਿਤ ਸ਼ਾਹ ਇਸ ਬੈਂਕ ਦੇ ਡਾਇਰੈਕਟਰ ਹਨ। ਸ਼ਿਕਾਇਤਕਰਤਾ ਏ.ਡੀ.ਸੀ.ਬੀ. ਅਤੇ ਉਸ ਦੇ ਮੁਖੀ ਅਜੇ ਪਟੇਲ ਵਲੋਂ ਦਾਖ਼ਲ ਪਟੀਸ਼ਨ ਵਿਚ ਦਲੀਲ ਦਿੱਤੀ ਗਈ ਕਿ ਦੋਵਾਂ ਨੇਤਾਵਾਂ ਨੇ ਬੈਂਕ ਖ਼ਿਲਾਫ਼ ਦੋਸ਼ ਲਗਾਏ।

ਤੈਮੂਰ ਅਲੀ ਨੇ ਸਾਈਨ ਕੀਤੀ ਪਹਿਲੀ ਫ਼ਿਲਮ, ਕਰੋੜ ਰੁਪਏ ਪਹਿਲੀ ਕਮਾਈ

ਐਕਟਰ ਸੈਫ ਅਲੀ ਖ਼ਾਨ ਤੇ ਐਕਟਰਸ ਕਰੀਨਾ ਕਪੂਰ ਦਾ ਬੇਟਾ ਤੈਮੂਰ ਅਲੀ ਖ਼ਾਨ ਵੀ ਜਲਦੀ ਹੀ ਆਪਣਾ ਬਾਲੀਵੁੱਡ ਡੈਬਿਊ ਕਰਨ ਵਾਲਾ ਹੈ। ਜੀ ਹਾਂ, ਤੈਮੂਰ ਨੇ ਆਪਣੇ ਕਰੀਅਰ ਦੀ ਪਹਿਲੀ ਫ਼ਿਲਮ ਸਾਈਨ ਕਰ ਲਈ ਹੈ। ਉਹ ਫ਼ਿਲਮ ‘ਗੁੱਡ ਨਿਊਜ਼’ ਵਿੱਚ ਕਰੀਨਾ ਕਪੂਰ ਤੇ ਅਕਸ਼ੈ ਕੁਮਾਰ ਨਾਲ ਉਨ੍ਹਾਂ ਦੇ ਬੇਟੇ ਦੇ ਰੋਲ ‘ਚ ਨਜ਼ਰ ਆਵੇਗਾ।
ਇਸ ਫ਼ਿਲਮ ਲਈ ਕਰਨ ਜੌਹਰ ਇੱਕ ਬੱਚੇ ਦੀ ਭਾਲ ਕਰ ਰਹੇ ਸੀ। ਇਸ ਲਈ ਕਰੀਨਾ ਨੇ ਤੈਮੂਰ ਦਾ ਨਾਂ ਕਰਨ ਨੂੰ ਸੁਝਾਇਆ ਤੇ ਕਰਨ ਨੂੰ ਵੀ ਕਰੀਨਾ ਦਾ ਆਇਡੀਆ ਪਸੰਦ ਆਇਆ। ਹੁਣ ਖ਼ਬਰਾਂ ਨੇ ਕਿ ਇਸ ਫ਼ਿਲਮ ਲਈ ਤੈਮੂਰ ਨੂੰ ਇੱਕ ਕਰੋੜ ਰੁਪਏ ਫੀਸ ਦਿੱਤੀ ਜਾ ਰਹੀ ਹੈ।
ਕਰਨ ਦੀ ਇਸ ਫ਼ਿਲਮ ‘ਚ ਅਕਸ਼ੈ ਤੇ ਕਰੀਨਾ ਤੋਂ ਇਲਾਵਾ ਪੰਜਾਬੀ ਸਿੰਗਰ ਤੇ ਐਕਟਰ ਦਿਲਜੀਤ ਦੋਸਾਂਝ ਤੇ ਕਿਆਰਾ ਅਡਵਾਨੀ ਵੀ ਨਜ਼ਰ ਆਉਣਗੇ। ‘ਗੁੱਡ ਨਿਊਜ਼’ ‘ਚ ਨਜ਼ਰ ਆਉਣ ਨਾਲ ਤੈਮੂਰ ਦੀ ਫੈਨ ਫੌਲੋਇੰਗ ਨਾਲ ਫ਼ਿਲਮ ਨੂੰ ਵੀ ਫਾਇਦਾ ਹੀ ਹੋਵੇਗਾ।

ਪ੍ਰਭਾਸ ਨੂੰ ਐਕਸ਼ਨ ਸਿਖਾਉਣ ਲਈ ਵਿਦੇਸ਼ ਤੋਂ ਬੁਲਾਏ 50 ਵਿਅਕਤੀ

ਬਲਾਕਬੱਸਟਰ ਹਿਟ ‘ਬਾਹੁਬਲੀ’ ਫ੍ਰੈਂਚਾਈਜ਼ੀ ਨਾਲ ਹਿੰਦੀ ਦਰਸ਼ਕਾਂ ਦੇ ਦਿਲ ਵਿਚ ਥਾਂ ਬਣਾਉਣ ਵਾਲੇ ਪ੍ਰਭਾਸ ਆਪਣੀ ਆਉਣ ਵਾਲੀ ਫਿਲਮ ‘ਸਾਹੋ’ ਲਈ ਬਹੁਤ ਮਿਹਨਤ ਕਰ ਰਹੇ ਹਨ। ‘ਸਾਹੋ’ ਦੇ ਐਕਸ਼ਨ ਸੀਨਜ਼ ਲਈ ਹਾਲੀਵੁੱਡ ਤੋਂ 50 ਵਿਅਕਤੀਆਂ ਦੀ ਟੀਮ ਨੂੰ ਭਾਰਤ ਬੁਲਾਇਆ ਗਿਆ ਹੈ। ਇਹ ਟੀਮ ਪ੍ਰਭਾਸ ਨੂੰ ਵੱਖ-ਵੱਖ ਐਕਸ਼ਨ ਸੀਕਵੈਂਸ ਲਈ ਕਾਰ ਤੇ ਬਾਈਕ ਦਾ ਕਾਫੀ ਹੱਦ ਤਕ ਇਸਤੇਮਾਲ ਕੀਤਾ ਜਾ ਰਿਹਾ ਹੈ।
ਇਸ ਟ੍ਰੇਨਿੰਗ ‘ਚ ਜੋ 50 ਲੋਕ ਸ਼ਾਮਿਲ ਹਨ ਉਹ ਕਈ ਹਾਲੀਵੁੱਡ ਫਿਲਮਾਂ ਲਈ ਕੰਮ ਕਰ ਚੁੱਕੇ ਹਨ। ਫਿਲਮ ਵਿਚ ਸਟੰਟ ਤੇ ਐਕਸ਼ਨ ਦਿਖਾਉਣ ਲਈ ਹਾਲੀਵੁੱਡ ਪ੍ਰਸਿੱਧ ਸਟੰਟ ਨਿਰਦੇਸ਼ਕ ਕੇਨੀ ਬੇਟ੍ਰਸ ਦੁਆਰਾ ਨਿਰਦੇਸ਼ਿਤ ਹੈ। ਫਿਲਮ ‘ਸਾਹੋ’ ਵਿਚ ਕਈ ਦਿਲਚਸਪ ਐਕਸ਼ਨ ਸੀਕਵੈਂਸ ਦੇਖਣ ਨੂੰ ਮਿਲੇਗਾ ਤੇ ਇਸ ਸਭ ‘ਚ ਵੱਖ-ਵੱਖ ਤਰ੍ਹਾਂ ਦੇ ਢੰਗ ਨਾਲ ਦਿਖਾਇਆ ਗਿਆ ਹੈ। ਫਿਲਮ ‘ਚ ਕਈ ਐਕਸ਼ਨ ਸੀਕ ਵੈਂਸ ਬਾਰਿਸ਼ ਤੇ ਧੂੜ ‘ਚ ਵੀ ਕੀਤੇ ਗਏ ਹਨ। ਇਹ ਫਿਲਮ ਭਾਰਤ ਦੀ ਪਹਿਲੀ ਅਜਿਹੀ ਫਿਲਮ ਹੈ ਜਿਸ ਨੂੰ ਹਿੰਦੀ, ਤੇਲਗੂ ਤੇ ਤਮਿਲ ਇਨ੍ਹਾਂ ਤਿੰਨਾਂ ਭਾਸ਼ਾਵਾਂ ਵਿਚ ਇਕੱਠੇ ਸ਼ੂਟ ਕੀਤਾ ਜਾ ਰਿਹਾ ਹੈ।
‘ਸਾਹੋ’ ‘ਚ ਪ੍ਰਭਾਸ ਤੇ ਸ਼ਰਧਾ ਕਪੂਰ ਤੋਂ ਇਲਾਵਾ ਨੀਲ ਨੀਤਿਨ ਮੁਕੇਸ਼, ਜੈਕੀ ਸ਼ ਰਾ ਫ, ਮੰਦਿਰਾ ਬੇਦੀ, ਮਹੇਸ਼ ਮਾਂਜਰੇਕਰ ਤੇ ਚੰਕੀ ਪਾਂਡੇ ਵੀ ਨਜ਼ਰ ਆਉਣਗੇ। ਇਸ ਫਿਲਮ ਨੂੰ ਦੇਸ਼ ਦੇ ਨਾਲ-ਨਾਲ ਬਾਹਰ ਵੀ ਰਿਲੀਜ਼ ਕੀਤਾ ਜਾ ਰਿਹਾ ਹੈ।