ਮੁੱਖ ਖਬਰਾਂ
Home / ਮਨੋਰੰਜਨ

ਮਨੋਰੰਜਨ

ਬੌਬੀ ਦਿਓਲ ਨਾਲ ‘ਰੇਸ 3’ ‘ਚ ਉਰਵਸ਼ੀ ਰੌਤੇਲਾ ਵੀ ਲਾਏਗੀ ਠੁਮਕੇ

ਅਦਾਕਾਰਾ ਉਰਵਸ਼ੀ ਰੌਤੇਲਾ ਫਿਲਮ ‘ਰੇਸ’ ਦੇ ਤੀਜੇ ਐਡੀਸ਼ਨ ਵਿਚ ਕੰਮ ਕਰਦੀ ਨਜ਼ਰ ਆ ਸਕਦੀ ਹੈ। ਬਾਲੀਵੁੱਡ ਫਿਲਮਕਾਰ ਰਮੇਸ਼ ਤੌਰਾਨੀ ਇਨੀਂ ਦਿਨੀਂ ਫਿਲਮ ਰੇਸ-3 ਬਣਾ ਰਹੇ ਹਨ। ਰੇਮੋ ਡਿਸੂਜਾ ਦੇ ਨਿਰਦੇਸ਼ਨ ਵਿਚ ਬਣੀ ਰਹੀ ਫਿਲਮ ‘ਰੇਸ-3 ਵਿਚ ਸਲਮਾਨ ਖਾਨ, ਅਨਿਲ ਕਪੂਰ, ਬੌਬੀ ਦਿਓਲ, ਜੈਕਲੀਨ ਫਰਨਾਡੀਜ਼, ਡੇਜ਼ੀ ਸ਼ਾਹ ਅਤੇ ਸਾਕਿਬ ਸਲੀਮ ਮੁਖ ਕਿਰਦਾਰਾਂ ਵਿਚ ਨਜ਼ਰ ਆਉਣਗੇ।
ਕਿਹਾ ਜਾ ਰਿਹਾ ਹੈ ਕਿ ਉਰਵਸ਼ੀ ਰੁਟੇਲਾ ਨੂੰ ਵੀ ਫਿਲਮ ਦਾ ਹਿੱਸਾ ਬਣਾ ਲਿਆ ਗਿਆ ਹੈ। ਹਾਲਾਂਕਿ ਇਸ ਗੱਲ ਦੀ ਹਾਲੇ ਪੁਸ਼ਟੀ ਨਹੀਂ ਹੋਈ ਹੈ।
ਦੱਸਣਯੋਗ ਹੈ ਕਿ ‘ਰੇਸ 3’ ਦਾ ਨਿਰਦੇਸ਼ਨ ਰੈਮੋ ਡਿਸੂਜ਼ਾ ਕਰ ਰਹੇ ਹਨ। ਫਿਲਮ ‘ਚ ਸਲਮਾਨ ਤੇ ਜੈਕਲੀਨ ਤੋਂ ਇਲਾਵਾ ਬੌਬੀ ਦਿਓਲ, ਅਨਿਲ ਕਪੂਰ ਅਤੇ ਡੇਜ਼ੀ ਸਾਹ ਵਰਗੇ ਸਟਾਰਜ਼ ਅਹਿਮ ਭੂਮਿਕਾ ‘ਚ ਹਨ। ਇਸ ਤੋਂ ਇਲਾਵਾ ਇਹ ਫਿਲਮ 15 ਜੂਨ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ।

ਅਮਿਤਾਭ ਦੀਆਂ ਫਿਲਮਾਂ ਦੇਖਣ ਲਈ ਸਕੂਲ ਬੰਕ ਕਰਦੇ ਸਨ ਕਪਿਲ ਦੇਵ

ਅਮਿਤਾਭ ਬੱਚਨ ਅਤੇ ਕਪਿਲ ਦੇਵ ਦੀ ਮੁਲਾਕਾਤ ਆਈ. ਪੀ. ਐੱਲ. ਮੈਚ ਦੌਰਾਨ ਹੋਈ ਹੈ। ਦੋਵਾਂ ਨੇ ਇਕ ਸਪੈਸ਼ਲ ਐਪੀਸੋਡ ਦੀ ਸ਼ੂਟਿੰਗ ਕੀਤੀ ਹੈ। ਸ਼ੋਅ ਦੌਰਾਨ ਕਪਿਲ ਨੇ ਦੱਸਿਆ ਕਿ ਉਹ ਸਕੂਲ ਬੰਕ ਕਰਕੇ ਅਮਿਤਾਭ ਬੱਚਨ ਦੀਆਂ ਫਿਲਮਾਂ ਦੇਖਣ ਜਾਂਦੇ ਸਨ। ਦਰਸਅਲ, ਕਪਿਲ, ਅਮਿਤਾਭ ਦਾ ਇੰਟਰਵਿਊ ਲੈ ਰਹੇ ਸਨ। ਉਨ੍ਹਾਂ ਅਮਿਤਾਭ ਦੇ ਫਿਲਮੀ ਕਰੀਅਰ ਅਤੇ ਆਉਣ ਵਾਲੀ ਫਿਲਮ ‘102 ਨਾਟ ਆਊਟ’ ਦੇ ਬਾਰੇ ‘ਚ ਗੱਲਬਾਤ ਕੀਤੀ। ਦੋਵੇਂ ਇਕ ਦੂਜੇ ਦਾ ਬਹੁਤ ਸਨਮਾਨ ਕਰਦੇ ਹਨ ਅਤੇ ਇਹ ਉਨ੍ਹਾਂ ਦੀ ਗੱਲਬਾਤ ‘ਚ ਸਾਫ ਦਿਖਾਈ ਦੇ ਰਿਹਾ ਸੀ। ਗੱਲਬਾਤ ਦੀ ਸ਼ੁਰੂਆਤ ਅਮਿਤਾਭ ਦੇ ਫਿਲਮੀ ਕਰੀਅਰ ਤੋਂ ਸ਼ੁਰੂ ਹੋਈ ਅਤੇ ਅੰਤ ‘ਚ ਕਪਿਲ ਨੇ ਆਪਣੇ ਸਕੂਲ ਅਤੇ ਕਾਲਜ ਦੇ ਦਿਨਾਂ ਬਾਰੇ ਦੱਸਿਆ। ਸੈੱਟ ‘ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਜਦੋਂ ਅਮਿਤਾਭ ਆਪਣੇ ਕਰੀਅਰ ਬਾਰੇ ਦੱਸ ਰਹੇ ਸਨ ਤਾਂ ਕਪਿਲ ਨੇ ਖੁਲਾਸਾ ਕੀਤਾ ਸੀ ਕਿ ਉਹ ਅਮਿਤਾਭ ਨੂੰ ਸਿਲਵਰ ਸਕ੍ਰੀਨ ‘ਤੇ ਦੇਖਣ ਲਈ ਸਕੂਲ ਬੰਕ ਕਰਦੇ ਸਨ। ਇਸ ਸੁਣਨ ਤੋਂ ਬਾਅਦ ਅਮਿਤਾਭ ਬੱਚਨ ਕਾਫੀ ਖੁਸ਼ ਹੋਏ ਹਨ। ਇਸ ਤੋਂ ਇਲਾਵਾ ਕਪਿਲ ਨੇ ਅਮਿਤਾਭ ਦੀ ਫਿਲਮ ਬਾਰੇ ਗੱਲ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਫਿਲਮ ਦਾ ਟਰੇਲਰ ਦੇਖ ਲਿਆ ਹੈ ਅਤੇ ਉਹ ਇਸ ਫਿਲਮ ਨੂੰ ਦੇਖਣ ਲਈ ਕਾਫੀ ਉਤਸ਼ਾਹਿਤ ਹਨ।

ਕਠੂਆ ਗੈਂਗਰੇਪ ਕੇਸ ਨੂੰ ਲੈ ਕੇ ਸੜਕਾਂ ‘ਤੇ ਲੋਕਾਂ ਸਮੇਤ ਉੱਤਰੇ ਬਾਲੀਵੁੱਡ ਸਿਤਾਰੇ

ਜੰਮੂ-ਕਸ਼ਮੀਰ ਦੇ ਕਠੂਆ ਅਤੇ ਯੂਪੀ ਦੇ ਉਂਨਾਵ ਵਿਚ ਹੋਏ ਗੈਂਗਰੇਪ ਨੂੰ ਲੈ ਕੇ ਹੁਣ ਬਾਲੀਵੁੱਡ ਦਾ ਗੁੱਸਾ ਸੋਸ਼ਲ ਮੀਡੀਆ ਤੋਂ ਨਿਕਲ ਕੇ ਮੁੰਬਈ ਦੀਆਂ ਸੜਕਾਂ ‘ਤੇ ਵੀ ਦਿਖਾਈ ਦੇਣ ਲੱਗਾ ਹੈ। ਐਤਵਾਰ ਨੂੰ ਮੁੰਬਈ ‘ਚ ਗੈਂਗਰੇਪ ਦੀਆਂ ਘਟਨਾਵਾਂ ਦੇ ਵਿਰੋਧ ਵਿਚ ਇਕ ਪ੍ਰੋਟੇਸਟ ਦਾ ਪ੍ਰਬੰਧ ਕੀਤਾ ਗਿਆ ਸੀ ਜਿਸ ਵਿਚ ਆਮ ਲੋਕਾਂ ਨਾਲ-ਨਾਲ ਸੇਲੇਬ੍ਰੇਟੀਆਂ ਨੇ ਵੀ ਵੱਧ-ਚੜ੍ਹ ਕੇ ਹਿੱਸਾ ਲਿਆ।
ਇਸ ਪ੍ਰੋਟੇਸਟ ਵਿਚ ਟਵਿੰਕਲ ਖੰਨਾ ਤੋਂ ਲੈ ਕੇ ਵਿਸ਼ਾਲ ਦਦਲਾਨੀ ਤੱਕ ਕਈ ਪੁੱਜੇ। ਇਹ ਉਹ ਐਕਟਰ ਅਤੇ ਅਦਾਕਾਰਾ ਹਨ ਜਿਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਨਹੀਂ ਸੜਕ ‘ਤੇ ਉੱਤਰਨ ਦਾ ਫ਼ੈਸਲਾ ਕੀਤਾ ਕਿਉਂਕਿ ਅਸਲ ਵਿਰੋਧ ਤਾਂ ਸੜਕ ‘ਤੇ ਹੀ ਹੁੰਦਾ ਆਇਆ ਹੈ। ਦੱਸ ਦੇਈਏ ਕਿ ਪਹਿਲਾਂ ਕਦੇ ਇਨ੍ਹੇ ਵੱਡੇ ਪੈਮਾਨੇ ‘ਤੇ ਸਿਤਾਰੇ ਇਕੱਠੇ ਨਾ ਹੋਏ ਸਨ।
ਉਥੇ ਹੀ, ਅਕਸ਼ੈ ਕੁਮਾਰ ਦੀ ਪਤਨੀ ਟਵਿੰਕਲ ਖੰਨਾ ਨੇ ਵੀ ਇਸ ਪ੍ਰੋਟੇਸਟ ‘ਚ ਸ਼ਾਮਿਲ ਹੋ ਕੇ ਨਾਰਾਜ਼ਗੀ ਜਤਾਈ। ਪ੍ਰੋਟੇਸਟ ਵਿਚ ਟਵਿੰਕਲ ਇਕੱਲੇ ਨਹੀਂ ਸਨ ਸਗੋਂ ਉਨ੍ਹਾਂ ਦਾ ਬੇਟਾ ਆਰਵ ਕੁਮਾਰ ਵੀ ਸੀ। ਮਾਡਲ ਅਤੇ ਅਦਾਕਾਰਾ ਅਨੁਸ਼ਕਾ ਮਨਚੰਦਾ ਨੇ ਵੀ ਪੋਸਟਰ ਰਾਹੀਂ ਗੁੱਸਾ ਜ਼ਾਹਿਰ ਕੀਤਾ ਅਤੇ ਕਿਹਾ ਕਿ ਦੋਸ਼ੀਆਂ ਨੂੰ ਫ਼ਾਂਸੀ ਦੀ ਸਜ਼ਾ ਹੋਵੇ। ਇਸ ਪ੍ਰੋਟੇਸਟ ਵਿਚ ‘ਨਿਊਟਨ’ ਫੇਮ ਰਾਜ ਕੁਮਾਰ ਰਾਵ ਆਪਣੀ ਗਰਲਫਰੈਂਡ ਪੱਤਰਲੇਖਾ ਨਾਲ ਨਜ਼ਰ ਆਏ। ਹੈਰਾਨੀ ਦੀ ਗੱਲ ਤਾਂ ਉਸ ਵੇਲੇ ਹੋਈ ਜਦੋਂ ਅਦਾਕਾਰਾ ਅਦਿੱਤੀ ਰਾਵ ਹੈਦਰੀ ਨੇ ਪੋਸਟਰ ‘ਚ ਕਿਹਾ,” ਪੁਲਸ, ਕੋਰਟ ਅਤੇ ਰਾਜਨੇਤਾ ਜਨਤਾ ਦੀ ਮਦਦ ਕਰੋ ਨਾ ਕਿ ਰੇਪਿਸਟ ਅਤੇ ਹੱਤਿਆ ਕਰਨ ਵਾਲਿਆਂ ਦੀ।” ਉਨ੍ਹਾਂ ਨੇ ਸਾਫਤੌਰ ‘ਤੇ ਸਿਸਟਮ ਉੱਤੇ ਉਂਗਲੀ ਚੁੱਕੀ। ਇਸ ਕੜੀ ਵਿਚ ਗਾਇਕ ਵਿਸ਼ਾਲ ਦਦਲਾਨੀ ਨੇ ਸ਼ਾਂਤ ਰਹਿ ਕੇ ਪ੍ਰੋਟੇਸਟ ਨੂੰ ਵੱਖਰਾ ਰੂਪ ਦੇਣ ਦੀ ਕੋਸ਼ਿਸ਼ ਕੀਤੀ ਅਤੇ ਇਹ ਵੀ ਦੱਸਿਆ ਕਿ ਪ੍ਰੋਟੇਸਟ ਹੁੰਦਾ ਕੀ ਹੈ। ਉਥੇ ਹੀ, ਕਲਿਕ ਕੋਚਲਿਨ ਨੇ ਵੀ ਪ੍ਰੋਟੇਸਟ ਨੂੰ ਵਧਾਉਂਦੇ ਹੋਏ ਕਿਹਾ ਕਿ ਰੇਪਿਸਟ ਅਤੇ ਮਰਡਰ ਖਿਲਾਫ ਹਰ ਭਾਰਤੀ ਨਿਆਂ ਲਈ ਇਕਜੁੱਟ ਹੋਵੇ। ਡਾਂਸ ਮਾਸਟਰ ਹੈਲਨ ਵਿਰੋਧ ਨੁਮਾਇਸ਼ ਦਾ ਹਿੱਸਾ ਬਣੀ। ਉਨ੍ਹਾਂ ਨੇ ਸ਼ਾਮਿਲ ਹੋ ਕੇ ਦੱਸਿਆ ਕਿ ਇਸ ਨਾਪਸੰਦ ਘਟਨਾਵਾਂ ਨਾਲ ਜਵਾਨ ਹੀ ਨਹੀਂ ਸਗੋਂ ਪੂਰਾ ਸਮੂਹ ਗ਼ੁੱਸੇ ‘ਚ ਹੈ। ਫਿਲਮ ‘ਚੱਕ ਦੇ ਇੰਡੀਆ’ ਫੇਮ ਵਿਦਿਆ ਮਾਲਵੜੇ ਨੇ ਵੀ ਇਸ ਸਿਲਸਿਲੇਵਾਰ ਘਟਨਾਵਾਂ ‘ਤੇ ਆਪਣਾ ਗੁੱਸਾ ਜ਼ਾਹਿਰ ਕੀਤਾ।

ਬੱਚਨ ਪਰਿਵਾਰ ਦਾ ਇਹ ਸਟਾਰ ਕਿੱਡ ਜਲਦ ਕਰੇਗਾ ਬਾਲੀਵੁੱਡ ‘ਚ ਡੈਬਿਊ

ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਦਾ ਬੇਟਾ ਅਭਿਸ਼ੇਕ ਬੱਚਨ ਫਿਲਮਾਂ ‘ਚ ਕੁਝ ਖਾਸ ਕਮਾਲ ਨਾ ਦਿਖਾ ਸਕੇ ਤੇ ਬੇਟੀ ਸ਼ਵੇਤਾ ਨੰਦਾ ਨੇ ਕਦੇ ਵੀ ਫਿਲਮ ਇੰਡਸਟਰੀ ਵੱਲ ਮੂੰਹ ਹੀ ਨਹੀਂ ਕੀਤਾ। ਇਕ ਪਾਸੇ ਜਿਥੇ ਬਿੱਗ ਬੀ ਨੇ ਬਾਲੀਵੁੱਡ ਨੂੰ ਆਪਣੇ ਕਦਮਾਂ ‘ਤੇ ਝੂਕਾ ਦਿੱਤਾ ਤੇ ਦੂਜੇ ਪਾਸੇ ਅਭਿਸ਼ੇਕ ਬੱਚਨ ਅੱਜ ਵੀ ਸਟਾਰ ਬਣਨ ਲਈ ਪੂਰੀ ਮਿਹਨਤ ਕਰ ਰਿਹਾ ਹੈ।
ਇਸੇ ਦੌਰਾਨ ਖਬਰ ਆਈ ਹੈ ਕਿ ਅਮਿਤਾਭ ਬੱਚਨ ਦੀ ਦੋਹਤਾ ਅਗਸਤਿਆ ਨੰਦਾ ਵੀ ਬਾਲੀਵੁੱਡ ‘ਚ ਐਂਟਰੀ ਕਰਨ ਨੂੰ ਤਿਆਰ ਹੈ। ਇਸ ਸਮੇਂ ਅਗਸਤਿਆ ਵਿਦੇਸ਼ ‘ਚ ਆਪਣੀ ਪੜਾਈ ਪੂਰੀ ਕਰ ਰਹੀ ਹੈ। ਮੀਡੀਆ ਮੁਤਾਬਕ, ਅਗਸਤਿਆ ਨੇ ਖੁਦ ਬਾਲੀਵੁੱਡ ‘ਚ ਕੰਮ ਕਰਨ ਦੀ ਇੱਛਾ ਜ਼ਾਹਰ ਕੀਤੀ ਹੈ। ਉਹ ਬਾਲੀਵੁੱਡ ‘ਚ ਆਪਣਾ ਕਰੀਅਰ ਬਣਾਉਣਾ ਚਾਹੁੰਦਾ ਹੈ।
ਅਗਸਤਿਆ ਨੇ ਇਕ ਸ਼ਾਰਟ ਫਿਲਮ ਬਣਾਈ ਹੈ। ਇਸ ਸ਼ਾਰਟ ਫਿਲਮ ਨੂੰ ਦੇਖ ਕੇ ਨਾਨਾ ਅਮਿਤਾਭ ਬੱਚਨ ਤੇ ਨਾਨੀ ਜਯਾ ਬੱਚਨ ਕਾਫੀ ਇੰਮਪ੍ਰੈੱਸ/ਉਤਸ਼ਾਹਿਤ ਹੋਏ। ਅਸਲ ‘ਚ ਸ਼ਵੇਤਾ ਨੰਦਾ ਤੇ ਨਿਖਿਲ ਨੰਦਾ ਦੇ ਬੇਟੇ ਅਗਸਤਿਆ ਫਿਲਮ ਮੇਕਿੰਗ ‘ਚ ਵੀ ਕਾਫੀ ਰੁਚੀ/ਦਿਲਚਸਪੀ ਰੱਖਦਾ ਹੈ। ਇਸੇ ਦੌਰਾਨ ਹੀ ਉਨ੍ਹਾਂ ਨੇ ਇਕ ਸ਼ਾਰਟ ਫਿਲਮ ਬਣਾਈ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਜਲਦ ਹੀ ਉਹ ਇਹ ਫਿਲਮ ਯੂਟਿਊਬ ‘ਤੇ ਵੀ ਅਪਲੋਡ ਕਰੇਗਾ।
ਦੱਸਣਯੋਗ ਹੈ ਕਿ ਅਮਿਤਾਭ ਬੱਚਨ ਇਹ ਦੇਖ ਕਾਫੀ ਖੁਸ਼ ਹੈ ਕਿ ਉਨ੍ਹਾਂ ਦੀ ਨਵੀਂ ਪੀੜ੍ਹੀ ਵੀ ਕਲਾ ਦੇ ਖੇਤਰ ‘ਚ ਯੋਗਦਾਨ ਦੇਣਾ ਚਾਹੁੰਦੀ ਹੈ। ਅਗਸਤਿਆ ਨੇ ਨਾ ਸਿਰਫ ਸਕ੍ਰਿਪਟ ਲਿਖੀ ਸਗੋਂ ਇਹ ਫਿਲਮ ਚੰਗੇ ਤਰੀਕੇ ਨਾਲ ਡਾਇਰੈਕਟ ਵੀ ਕੀਤੀ ਹੈ। ਫਿਲਮ ‘ਚ ਉਸ ਨੇ ਬੈਕਗ੍ਰਾਊਂਡ ਮਿਊਜ਼ਿਕ ਵੀ ਦਿੱਤਾ ਹੈ। ਜਦੋਂ ਅਮਿਤਾਭ ਬੱਚਨ ਤੇ ਜਯਾ ਬੱਚਨ ਨੇ ਇਹ ਫਿਲਮ ਦੇਖੀ ਤਾਂ ਉਨ੍ਹਾਂ ਦੀ ਖੁਸ਼ੀ ਦਾ ਕੋਈ ਠਿਕਾਣਾ ਨਾ ਰਿਹਾ।

‘ਪਦਮਾਵਤ’ ਲਈ ਰਣਵੀਰ ਨੂੰ ‘ਦਾਦਾ ਸਾਹਬ ਫਾਲਕੇ’ ਐਵਾਰਡ ਨਾਲ ਕੀਤਾ ਜਾਵੇਗਾ ਸਨਮਾਨਿਤ

ਦੱਸਣਯੋਗ ਹੈ ਕਿ ‘ਪਦਮਾਵਤ’ ਨੂੰ ਸੰਜੇ ਲੀਲਾ ਭੰਸਾਲੀ ਨੇ ਡਾਇਰੈਕਟ ਕੀਤਾ ਸੀ। ਇਸ ‘ਚ ਰਣਵੀਰ ਦੇ ਨਾਲ-ਨਾਲ ਦੀਪਿਕਾ ਤੇ ਸ਼ਾਹਿਦ ਕਪੂਰ ਵੀ ਮੁੱਖ ਭੂਮਿਕਾ ‘ਚ ਸੀ। ਫਿਲਮ ‘ਚ ਜਿਮ ਸਰਭ ਤੇ ਰਜਾ ਮੁਰਾਦ ਨੇ ਵੀ ਮੁੱਖ ਕਿਰਦਾਰ ਨਿਭਾਇਆ ਸੀ। ਰਣਵੀਰ ਦੇ ਆਉਣ ਵਾਲੀਆਂ ਫਿਲਮਾਂ ਦੀ ਗੱਲ ਕਰੀਏ ਤਾਂ ਇਸ ਸਮੇਂ ਉਹ ਜੋਯਾ ਅਖਤਰ ਦੀ ‘ਗਲੀ ਬੁਆਏ’ ਦੀ ਸ਼ੂਟਿੰਗ ਕਰ ਰਹੇ ਹਨ, ਜਿਸ ‘ਚ ਉਨ੍ਹਾਂ ਨਾਲ ਆਲੀਆ ਭੱਟ ਨਜ਼ਰ ਆਵੇਗੀ। ਇਸ ਤੋਂ ਬਾਅਦ ਉਹ ਰੋਹਿਤ ਸ਼ੈੱਟੀ ਦੀ ਫਿਲਮ ‘ਸਿੰਬਾ’ ਦੀ ਸ਼ੂਟਿੰਗ ਕਰਨਗੇ ਤੇ ਇਸ ਤੋਂ ਬਾਅਦ ਰਣਵੀਰ ਕੋਲ ਕਬੀਰ ਖਾਨ ਦੀ ਵੀ ਇਕ ਫਿਲਮ ਹੈ।

7 ਮਿਲੀਅਨ ਪ੍ਰਸ਼ੰਸਕਾ ਦੇ ਨਾਲ ਈਸ਼ੀ ਮਾਂ ਨੇ ਬਣਾਇਆ ਨਵਾਂ ਰਿਕਾਰਡ

ਟੀਵੀ ਜਗਤ ਵਿਚ ਈਸ਼ੀ ਮਾਂ ਦੇ ਨਾਮ ਨਾਲ ਮਸ਼ਹੂਰ ਹੋਈ ਦਿਵੀਯੰਕਾ ਤ੍ਰਿਪਾਠੀ ਟੀਵੀ ਦੇ ਨਾਲ ਨਾਲ ਸੋਸ਼ਲ ਮੀਡੀਆ ‘ਤੇ ਵੀ ਕਾਫੀ ਐਕਟਿਵ ਰਹਿੰਦੀ ਹੈ। ਉਹ ਅਪਣੀ ਜ਼ਿੰਦਗੀ ਦੇ ਛੋਟੇ ਛੋਟੇ ਪਲਾਂ ਨੂੰ ਵੀ ਸੋਸ਼ਲ ਮੀਡੀਆ ‘ਤੇ ਆਪਣੇ ਫੈਨਜ਼ ਦੇ ਨਾਲ ਸਾਂਝਾ ਕਰਦੀ ਰਹਿੰਦੀ ਹੈ। ਇਨ੍ਹਾਂ ਹੀ ਐਕਟੀਵਿਟੀ ਦੇ ਨਾਲ ਹੀ ਦਿਵੀਯੰਕਾ ਨੇ ਆਪਣੇ ‘ਇੰਸਟਾਗ੍ਰਾਮ’ ਉੱਤੇ ਧਮਾਲ ਮਚਾਅ ਦਿਤੀ ਹੈ ਜੀ ਹਾਂ ਦਿਵੀਯੰਕਾ ਦੇ ਸੋਸ਼ਲ ਅਕਾਊਂਟ ਇੰਸਟਾਗ੍ਰਾਮ ‘ਤੇ ਹੋ ਗਏ ਹਨ 70 ਲੱਖ ਫਾਲੋਵਰਸ। ਜਿਸ ਦੀ ਖੁਸ਼ੀ ਉਹ ਧੂਮ ਧਾਮ ਨਾਲ ਮਚਾਉਂਦੀ ਹੋਈ ਨਜ਼ਰ ਆਈ ਅਤੇ ਉਨ੍ਹਾਂ ਨੇ ਅਪਣੇ ਪ੍ਰਸ਼ੰਸਕਾਂ ਨੂੰ ਇਨ੍ਹਾਂ ਪਿਆਰ ਦੇਣ ਦੇ ਲਈ ਖ਼ਾਸ ਧਨਵਾਦ ਵੀ ਦਿਤਾ ਹੈ। ਇਸ ਦੇ ਨਾਲ ਹੀ ਤੁਹਾਨੂੰ ਦਸ ਦਈਏ ਕਿ ਦਿਵੀਯੰਕਾ ਟੈਲੀਵਿਜ਼ਨ ਦੀ ਉਹ ਪਹਿਲੀ ਮਹਿਲਾ ਅਦਾਕਾਰਾ ਬਣ ਗਈ ਹੈ ਜਿਸ ਨੂੰ ਇੰਨੇ ਲੋਕ ਫਾਲੋਅ ਕਰ ਰਹੇ ਹਨ। ਇਹ ਇਕ ਰਿਕਾਰਡ ਹੈ ਕਿ ਕਿਸੇ ਟੀਵੀ ਅਦਾਕਾਰਾ ਦੇ ਸੋਸ਼ਲ ਮੀਡੀਆ ‘ਤੇ ਇੰਨੇ ਪ੍ਰਸ਼ੰਸਕ ਜੁੜੇ ਹੋਣ।
70 ਲੱਖ ਫਲੋਵਰ ਹੋਣ ਤੋਂ ਬਾਅਦ ਅਦਾਕਾਰਾ ਨੇ ਇੰਸਟਾਗ੍ਰਾਮ ‘ਤੇ ਪਤੀ ਵਿਵੇਕ ਦਹੀਆ ਨਾਲ ਇਕ ਤਸਵੀਰ ਸਾਂਝੀ ਕਰਦਿਆਂ ਇਸ ਖੁਸ਼ੀ ਦਾ ਇਜ਼ਹਾਰ ਕੀਤਾ। ਤੁਹਾਨੂੰ ਦਸ ਦਈਏ ਕਿ ਸਟਾਰ ਪਲਸ ‘ਤੇ ਪ੍ਰਸਾਰਿਤ ਹੋਣ ਵਾਲੇ ਸ਼ੋਅ ‘ਯੇ ਹੈ ਮੁਹੱਬਤੇਂ’ ‘ਚ ਦਿਵੀਯੰਕਾ ਨੇ ਅਪਣੀ ਦਮਦਾਰ ਅਦਾਕਾਰੀ ਨਾਲ ਦੇਸ਼ ਦੇ ਕੋਨੇ-ਕੋਨੇ ‘ਚ ਵੱਸਦੇ ਲੋਕਾਂ ‘ਚ ਲੋਕਪ੍ਰਿਯਤਾ ਹਾਸਿਲ ਕੀਤੀ ਹੈ। ਇਸ ਸ਼ੋਅ ਵਿਚ ਹੀ ਉਨ੍ਹਾਂ ਦੀ ਜ਼ਿੰਦਗੀ ਨੇ ਇਕ ਬਿਹਤਰੀਨ ਮੋੜ ਲਿਆ।
ਜਿਥੇ ਉਨ੍ਹਾਂ ਨੂੰ ਆਪਣੇ ਸਹਿ ਕਲਾਕਾਰ ਵਿਵੇਕ ਦਹੀਆ ਨਾਲ ਪਿਆਰ ਹੋ ਗਿਆ ਤੇ ਦੋਹਾਂ ਨੇ ਸ਼ੋਅ ਦੌਰਾਨ ਹੀ ਵਿਆਹ ਕਰਵਾ ਲਿਆ ਸੀ। ਇਸ ਤੋਂ ਪਹਿਲਾਂ ਦੋਹਾਂ ਨੇ ਨੱਚ ਬੱਲੀਏ ਵਿਚ ਵੀ ਭਾਗ ਲਿਆ ਸੀ ਅਤੇ ਵਿਜੇਤਾ ਬਣੇ ਸਨ। ਅੱਜ ਵੀ ਦੋਹਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਦੇਖ ਕੇ ਇੰਝ ਲੱਗਦਾ ਹੈ ਕਿ ਦੋਹਾਂ ਦਾ ਹਾਲ ਹੀ ‘ਚ ਵਿਆਹ ਹੋਇਆ ਹੋਵੇ। ਦੋਹੇਂ ਹੀ ਅਪਣਾ ਖੁਸ਼ਹਾਲ ਜੀਵਨ ਵਤੀਤ ਕਰ ਰਹੇ ਹਨ। ਜਿਸ ਵਿਚ ਉਹ ਆਪਣੇ ਪ੍ਰਸ਼ੰਸਕਾਂ ਨੂੰ ਵੀ ਸ਼ਾਮਿਲ ਕਰਦੇ ਹਨ।

ਫਿਲਮ ‘ਮੌਮ’ ਲਈ ਸ਼੍ਰੀਦੇਵੀ ਨੂੰ ਬੈਸਟ ਅਦਾਕਾਰਾ ਦਾ ਪੁਰਸਕਾਰ

ਰਾਸ਼ਟਰੀ ਫਿਲਮ ਪੁਰਸਕਾਰ 2018 ਦਾ ਐਲਾਵ ਸ਼ੁੱਕਰਵਾਰ ਨੂੰ ਕੀਤਾ ਜਾ ਰਿਹਾ ਹੈ। ਇਸ ਦੌਰਾਨ ਫਿਲਮ ‘ਨਿਊਟਨ’ ਲਈ ਪੰਕਜ ਤ੍ਰਿਪਾਠੀ ਨੂੰ ਸਪੈਸ਼ਲ ਐਵਾਰਡਜ਼ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ‘ਨਿਊਟਨ’ ਨੂੰ ਬੈਸਟ ਹਿੰਦੀ ਫਿਲਮ ਲਈ ਦੂਜਾ ਐਵਾਰਡ ਵੀ ਦਿੱਤਾ ਜਾਵੇਗਾ। ਇਨ੍ਹਾਂ ਪੁਰਸਕਾਰਾਂ ਦਾ ਐਲਾਨ ਫਿਲਮ ਨਿਰਮਾਤਾ ਸੇਖਰ ਕਪੂਰ ਕਰ ਰਹੇ ਹਨ।

ਡਾਕਟਰ ਗੁਲਾਟੀ ਕ੍ਰਿਕਟ ਕਾਮੇਡੀ ਸ਼ੋਅ ‘ਜਿਓ ਧਨ ਧਨਾ ਧਨ’ ‘ਚ ਬਣੇ ਪ੍ਰੋ. ਐੱਲ. ਬੀ. ਡਬਲਯੂ.

ਲੰਮੇ ਸਮੇਂ ਤੋਂ ਐਂਟਰਟੇਨਮੈਂਟ ਦੇ ਚਾਹੁਣ ਵਾਲੇ ਇੰਤਜ਼ਾਰ ਕਰ ਰਹੇ ਸਨ ਕਿ ਡਾ. ਮਸ਼ਹੂਰ ਗੁਲਾਟੀ ਮਤਲਬ ਸੁਨੀਲ ਗਰੋਵਰ ਆਪਣੀ ਅਗਲੀ ਪਾਰੀ ਕਿਸ ਨਾਲ ਅਤੇ ਕਿੱਥੇ ਖੇਡਣਗੇ। ਹੁਣ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਲਈ ਚੰਗੀ ਖਬਰ ਹੈ ਕਿ ਉਹ ਛੇਤੀ ਹੀ ਨਾ ਸਿਰਫ ਉਨ੍ਹਾਂ ਦਾ ਮਨੋਰੰਜਨ ਕਰਨਗੇ ਸਗੋਂ ਉਹ ਉਨ੍ਹਾਂ ਨੂੰ ਮਾਲਾ-ਮਾਲ ਵੀ ਬਣਾਉਣਗੇ।
ਸੁਨੀਲ ਗਰੋਵਰ ਭਾਰਤ ਦੇ ਪਹਿਲੇ ਕ੍ਰਿਕਟ ਕਾਮੇਡੀ ਸ਼ੋਅ ਜਿਓ ਧਨ ਧਨਾ ਧਨ-ਹੱਸੋ, ਖੇਡੋ, ਜਿੱਤੋ ਦਾ ਹਿੱਸਾ ਬਣ ਗਏ ਹਨ। ਪ੍ਰੋਫੈਸਰ ਲੱਲੂ ਬੱਲੇ ਵਾਲਾ ਮਤਲਬ ਐੱਲ. ਬੀ. ਡਬਲਯੂ. ਦੇ ਰੂਪ ਵਿਚ ਉਹ ਕ੍ਰਿਕਟ ਦੀ ਪਿੱਚ ‘ਤੇ ਬੱਲੇਬਾਜ਼ੀ ਕਰਦੇ ਨਜ਼ਰ ਆਉਣਗੇ।
ਕ੍ਰਿਕਟ ਅਤੇ ਕਾਮੇਡੀ ਦੀ ਇਸ ਪਾਰਟੀ ਵਿਚ ਉਨ੍ਹਾਂ ਦਾ ਸਾਥ ਦੇਣਗੇ ਹਰਿਆਣਾ ਹਰੀਕੇਨ ਮਤਲਬ ਕਪਿਲ ਭਾਅ ਜੀ, ਹਿੰਦੁਸਤਾਨ ਦੇ ਮਹਾਨ ਕ੍ਰਿਕਟਰਾਂ ਵਿਚੋਂ ਇਕ। ਸ਼ੋਅ ਦੇ ਦੂਜੇ ਪਾਸੇ ਸਹਿਵਾਗ ਵੀ ਆਪਣੇ ਅੰਦਾਜ਼ ਵਿਚ ਚੌਕੇ-ਛੱਕੇ ਮਾਰਨਗੇ।
ਜਿਓ ਪਲੇਅ ਲਾਂਗ ਲਾਈਵ ਸ਼ੋਅ ਵਿਚ ਇਨਾਮ ਵੀ ਸ਼ਾਨਦਾਰ ਰੱਖੇ ਗਏ ਹਨ। ਮੁੰਬਈ ਵਿਚ ਸੁਪਨਿਆਂ ਦਾ ਘਰ, 25 ਕਾਰਾਂ ਅਤੇ ਕਰੋੜਾਂ ਦੇ ਇਨਾਮ। ਪ੍ਰੋਫੈਸਰ ਐੱਲ. ਬੀ. ਡਬਲਯੂ (ਲੱਲੂ ਬੱਲੇ ਵਾਲਾ) ਨਾਲ ਸਮੀਰ ਕੋਚਰ ਸ਼ੋਅ ਨੂੰ ਹੋਸਟ ਕਰਨਗੇ। ਸ਼ਿਲਪਾ ਸ਼ਿੰਦੇ, ਅਲੀ ਅਸਗਰ, ਸੁਗੰਧਾ ਮਿਸ਼ਰਾ, ਸੁਰੇਸ਼ ਮੇਨਨ, ਪਰੇਸ਼ ਗਨਾਤਰਾ, ਸ਼ਿਵਾਨੀ ਦਾਂਡੇਕਰ ਅਤੇ ਅਰਚਨਾ ਵਿਜੇ ਸਮੇਤ ਕਈ ਬਾਲੀਵੁੱਡ ਅਤੇ ਕ੍ਰਿਕਟ ਦੀਆਂ ਹਸਤੀਆਂ ਸ਼ੋਅ ਵਿਚ ਸ਼ਿਰਕਤ ਕਰਨਗੀਆਂ।

‘ਦ ਐਕਸੀਡੈਂਟਲ ਪ੍ਰਾਈਮ ਮਨਿਸਟਰ’ ‘ਚ ਪਛਾਣੇ ਨਹੀਂ ਜਾ ਰਹੇ ਅਨੁਪਮ ਖੇਰ

ਨਵੀਂ ਦਿੱਲੀ-ਲੇਖਕ ਸੰਜੇ ਬਰੂਆ ਦੀ ਕਿਤਾਬ ‘ਦ ਐਕਸੀਡੈਂਟਲ ਪ੍ਰਾਈਮ ਮਨਿਸਟਰ’ ‘ਤੇ ਬਣਨ ਵਾਲੀ ਫ਼ਿਲਮ ਦਾ ਨਵਾਂ ਲੁੱਕ ਸਾਹਮਣੇ ਆ ਗਿਆ ਹੈ | ਇਸ ਫ਼ਿਲਮ ‘ਚ ਅਦਾਕਾਰ ਅਨੁਪਮ ਖੇਰ ਸਾਬਕਾ ਪ੍ਰਧਾਨ ਮੰਤਰੀ ਡਾ: ਮਨਮੋਹਨ ਸਿੰਘ ਦੀ ਕਿਰਦਾਰ ‘ਚ ਨਜ਼ਰ ਆਉਣਗੇ | ਫ਼ਿਲਮ ਦੇ ਜਾਰੀ ਹੋਏ ਪਹਿਲੇ ਲੁੱਕ ਵਿਚ ਅਨੁਪਮ ਖੇਰ ਆਪਣੇ ਕਿਰਦਾਰ ‘ਚ ਕੁਝ ਅਜਿਹੇ ਰਮੇ ਹੋਏ ਨਜ਼ਰ ਆ ਰਹੇ ਹਨ ਕਿ ਉਨ੍ਹਾਂ ਨੂੰ ਪਹਿਚਾਨਣਾ ਮੁਸ਼ਕਿਲ ਹੋ ਰਿਹਾ ਹੈ | ਇਸ ਫ਼ਿਲਮ ਦਾ ਨਿਰਦੇਸ਼ਨ ਵਿਜੇ ਰਤਨਾਕਰ ਕਰਨ ਜਾ ਰਹੇ ਹਨ ਤੇ ਇਹ ਉਨ੍ਹਾਂ ਦੀ ਪਹਿਲੀ ਫ਼ਿਲਮ ਹੈ | ਇਸ ਫ਼ਿਲਮ ‘ਚ ਅਨੁਪਮ ਖੇਰ ਤੋਂ ਇਲਾਵਾ ਇਕ ਰਾਜਨੀਤਕ ਵਿਸ਼ਲੇਸ਼ਕ ਸੰਜੇ ਬਰੂਆ ਦੇ ਕਿਰਦਾਰ ‘ਚ ਅਕਸ਼ੇ ਖੰਨਾ ਤੇ ਫ਼ਿਲਮ ‘ਲਿਪਸਟਿਕ ਅੰਡਰ ਮਾਈ ਬੁਰਕਾ’ ‘ਚ ਨਜ਼ਰ ਆ ਚੁੱਕੀ ਅਦਾਕਾਰਾ ਅਹਾਨਾ ਕੁਮਰਾ ਇਸ ਫ਼ਿਲਮ ‘ਚ ਪਿ੍ਅੰਕਾ ਗਾਂਧੀ ਦੇ ਕਿਰਦਾਰ ਵਿਚ ਨਜ਼ਰ ਆਵੇਗੀ |
ਸੋਨੀਆ ਗਾਂਧੀ ਦੀ ਭੂਮਿਕਾ ਨਿਭਾਏਗੀ ਜਰਮਨ ਅਦਾਕਾਰਾ ‘ਦ ਐਕਸੀਡੈਂਟਲ ਪ੍ਰਾਈਮ ਮਨਿਸਟਰ’ ਵਿਚ ਜਰਮਨ ਅਦਾਕਾਰ ਸੁਜ਼ੇਨ ਬਰਨੇਟ ਸੋਨੀਆ ਗਾਂਧੀ ਦੀ ਭੂਮਿਕਾ ਨਿਭਾਉਣ ਜਾ ਰਹੀ ਹੈ | ਇਹ ਪੂਰੀ ਤਰ੍ਹਾਂ ਨਾਲ ਇਕ ਰਾਜਨੀਤਕ ਫ਼ਿਲਮ ਹੋਵੇਗੀ | ਬਰਨੇਟ ਬਾਲੀਵੁੱਡ ਅਦਾਕਾਰ ਅਖਿਲ ਮਿਸ਼ਰਾ ਦੀ ਪਤਨੀ ਹੈ ਜਿਨ੍ਹਾਂ ਨੇ ਵੱਖ-ਵੱਖ ਭਾਸ਼ਾਵਾਂ ‘ਚ ਕਈ ਭਾਰਤੀ ਫ਼ਿਲਮਾਂ ਤੇ ਟੀ.ਵੀ. ਲੜੀਵਾਰਾਂ ‘ਚ ਕੰਮ ਕੀਤਾ ਹੈ | 35 ਸਾਲਾ ਸੁਜ਼ੇਨ ਬਰਨੇਟ ਬੰਗਾਲੀ, ਮਰਾਠੀ ਤੇ ਹਿੰਦੀ ਬੋਲ ਲੈਂਦੀ ਹੈ ਤੇ ਮਰਾਠੀ ਲਾਵਣੀ ਡਾਂਸ ਵਿਚ ਵੀ ਮਾਹਰ ਹੈ | ਇਸ ਫ਼ਿਲਮ ਤੋਂ ਪਹਿਲਾਂ ਬਰਨੇਟ ਇਕ ਟੀ.ਵੀ. ਲੜੀਵਾਰ ‘ਪ੍ਰਧਾਨ ਮੰਤਰੀ’ ਵਿਚ ਸੋਨੀਆ ਗਾਂਧੀ ਦੀ ਭੂਮਿਕਾ ਨਿਭਾ ਚੁੱਕੀ ਹੈ | ਸਾਬਕਾ ਪ੍ਰਧਾਨ ਮੰਤਰੀ ਡਾ: ਮਨਮੋਹਨ ਸਿੰਘ ਦੀ ਸਿਆਸੀ ਜ਼ਿੰਦਗੀ ‘ਤੇ ਆਧਾਰਿਤ ਸੰਜੇ ਬਾਰੂ ਦੀ ਕਿਤਾਬ ‘ਦ ਐਕਸੀਡੈਂਟਲ ਪ੍ਰਾਈਮ ਮਨਿਸਟਰ’ ‘ਤੇ ਇਹ ਫ਼ਿਲਮ ਬਣਾਈ ਜਾ ਰਹੀ ਹੈ | ਇਸ ਵਿਚ ਉੱਘੇ ਕਲਾਕਾਰ ਅਨੁਪਮ ਖੇਰ ਮੁੱਖ ਭੂਮਿਕਾ ਵਿਚ ਨਜ਼ਰ ਆਉਣਗੇ | ਵੀਰਵਾਰ ਨੂੰ ਖੇਰ ਨੇ ਇਸ ਸਬੰਧੀ ਆਪਣੇ ਪ੍ਰਸੰਸਕਾਂ ਨੂੰ ਇਕ ਟਵੀਟ ਕਰਕੇ ਜਾਣਕਾਰੀ ਦਿੱਤੀ | ਫ਼ਿਲਮ ਦੇ ਨਿਰਦੇਸ਼ਕ ਵਿਜੇ ਗੁੱਟੇ ਹਨ | ਇਸ ਵਿਚ ਅਕਸ਼ੇ ਖੰਨਾ ਦੀ ਵੀ ਭੂਮਿਕਾ ਹੈ | ਇਸ ਫ਼ਿਲਮ 21 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ |

ਫਿਲਮ ਨਿਰਮਾਤਾ ਬਣੀ ਧਕ-ਧਕ ਗਰਲ ਮਾਧੁਰੀ ਦੀਕਸ਼ਿਤ

ਬਾਲੀਵੁਡ ਦੀ ਧਕ-ਧਕ ਗਰਲ ਅਤੇ ਮੰਨੀ-ਪ੍ਰਮੰਨੀ ਫਿਲਮ ਅਭਿਨੇਤਰੀ ਮਾਧੁਰੀ ਦੀਕਸ਼ਿਤ ਹੁਣ ਫਿਲਮ ਨਿਰਮਾਤਾ ਬਣ ਗਈ ਹੈ। ਮਾਧੁਰੀ ਨੂੰ ਫਿਲਮ ਇੰਡਸਟਰੀ ਵਿਚ ਆਏ 3 ਦਹਾਕਿਆਂ ਨਾਲੋਂ ਜ਼ਿਆਦਾ ਸਮਾਂ ਹੋ ਗਿਆ ਹੈ। ਬਤੌਰ ਅਭਿਨੇਤਰੀ ਲੰਬੀ ਪਾਰੀ ਖੇਡਣ ਵਾਲੀ ਮਾਧੁਰੀ ਨੇ ਹੁਣ ਆਪਣੇ ਪਤੀ ਡਾ. ਸ਼੍ਰੀਰਾਮ ਨੇਨੇ ਨਾਲ ਮਿਲ ਕੇ ਫਿਲਮ ਕੰਪਨੀ ਸ਼ੁਰੂ ਕੀਤੀ ਹੈ, ਜਿਸ ਦੇ ਬੈਨਰ ਹੇਠ ਉਸ ਨੇ ਪਹਿਲੀ ਮਰਾਠੀ ਫਿਲਮ ’15 ਅਗਸਤ’ ਦਾ ਨਿਰਮਾਣ ਸ਼ੁਰੂ ਕੀਤਾ ਹੈ। ਇਸ ਨਾਲ ਮਾਧੁਰੀ ਦੀ ਅਭਿਨੈ ਯਾਤਰਾ ਵੀ ਜਾਰੀ ਹੈ। ਹਿੰਦੀ ਸਿਨੇਮਾ ਵਿਚ ਉਹ ‘ਟੋਟਲ ਧਮਾਲ’ ਵਿਚ ਨਜ਼ਰ ਆਵੇਗੀ ਤਾਂ ‘ਬਕੇਟ ਲਿਸਟ’ ਦੇ ਜ਼ਰੀਏ ਮਰਾਠੀ ਸਿਨੇਮਾ ਵਿਚ ਉਹ ਬਤੌਰ ਅਭਿਨੇਤਰੀ ਡੈਬਿਊ ਕਰ ਰਹੀ ਹੈ।