ਮੁੱਖ ਖਬਰਾਂ
Home / ਦੇਸ਼ ਵਿਦੇਸ਼ (page 5)

ਦੇਸ਼ ਵਿਦੇਸ਼

ਅਮਰੀਕਾ ਦੀ ਡੈਮੋਕਰੇਟ ਸਾਂਸਦ ਐਲਿਜ਼ਾਬੈਥ ਹੈ ਅਮਰੀਕੀ-ਭਾਰਤੀ, ਖੜ੍ਹਾ ਹੋਇਆ ਵਿਵਾਦ

ਵਾਸ਼ਿੰਗਟਨ-ਅਮਰੀਕਾ ਵਿਚ ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰੀ ਦੇ ਲਈ ਅੱਗੇ ਆਈ ਡੈਮੋਕਰੇਟਿਕ ਪਾਰਟੀ ਦੀ ਸਾਂਸਦ ਐਲਿਜ਼ਾਬੈਥ ਵਾਰੇਨ ਨੇ ਖੁਦ ਨੂੰ ਅਮਰੀਕੀ-ਭਾਰਤੀ ਦੱਸਿਆ ਹੈ। ਅਖ਼ਬਾਰ ਵਾਸਿੰਗਟਨ ਪੋਸਟ ਦੇ ਅਨੁਸਾਰ ਉਨ੍ਹਾਂ ਦਾ ਇਹ ਡਾਟਾ ਟੈਕਸਾਸ ਦੀ ਸਟੇਟ ਬਾਰ ਦੇ ਲਈ 1986 ਵਿਚ ਬਣੇ ਉਨ੍ਹਾਂ ਦੇ ਰਜਿਸਟਰੇਸ਼ਨ ਕਾਰਡ ਵਿਚ ਦਰਜ ਹੈ। ਵਾਰੇਨ ਨੇ ਜੁੜੇ ਇਸ ਨਵੇਂ ਤੱਥ ਦੇ ਉਜਾਗਰ ਹੋਣ ਨਾਲ ਰਾਸ਼ਟਰਪਤੀ ਅਹੁਦੇ ਦੇ ਲਈ ਉਨ੍ਹਾਂ ਦੀ ਉਮੀਦਵਾਰੀ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਲੋਕ ਹੁਣ ਉਨ੍ਹਾਂ ਦੇ ਮੂਲ ਅਮਰੀਕੀ ਹੋਣ ਦੇ ਦਾਅਵੇ ‘ਤੇ ਸਵਾਲ ਚੁੱਕ ਰਹੇ ਹਨ। ਇਸ ਦਾ ਅਸਰ ਵਾਰੇਨ ਦੇ 2020 ਦੇ ਚੋਣ ਪ੍ਰਚਾਰ ਲਈ ਫੰਡ ਮਿਲਣ ‘ਤੇ ਪੈ ਸਕਦਾ ਹੈ। ਅਖ਼ਬਾਰ ਦੇ ਅਨੁਸਾਰ ਪੀਲੇ ਰੰਗ ਦੇ ਰਜਿਸਟਰੇਸ਼ਨ ਕਾਰਡ ‘ਤੇ ਨੀਲੀ ਸਿਆਹੀ ਨਾਲ ਵਾਰੇਨ ਨੇ ਦਸਤਖਤ ਕੀਤੇ ਸਨ। ਇਸੇ ਕਾਰਡ ‘ਤੇ ਉਨ੍ਹਾਂ ਨੇ ਖੁਦ ਨੂੰ ਅਮਰੀਕੀ-ਭਾਰਤੀ ਦੱਸਿਆ ਹੈ। ਅਖ਼ਬਾਰ ਦਾ ਦਾਅਵਾ ਹੈ ਕਿ ਇੱਕ ਇੰਟਰਵਿਊ ਦੇ ਦੌਰਾਨ ਵਾਰੇਨ ਨੇ ਖੁਦ ਨੂੰ ਅਮਰੀਕਾ ਦਾ ਮੂਲ ਨਿਵਾਸੀ ਦੱਸਣ ਲਈ ਖੇਦ ਵੀ ਜਤਾਇਆ ਸੀ। ਰਿਪੋਰਟ ਵਿਚ ਸਪਸਟ ਕੀਤਾ ਗਿਆ ਕਿ ਵਾਰੇਨ ਵਲੋਂ ਰਜਿਸਟਰੇਸ਼ਨ ਕਾਰਡ ਦੀ ਅਸਲੀਅਤ ਨੂੰ ਲੈ ਕੇ ਕੋਈ ਇਤਰਾਜ਼ ਨਹੀਂ ਜਤਾਇਆ ਗਿਆ। ਅਜੇ ਤੱਕ ਸਾਂਸਦ ਵਲੋਂ ਕੋਈ Îਟਿੱਪਣੀ ਵੀ ਨਹੀਂ ਜਤਾਈ ਗਈ ਹੈ।
ਵਾਰੇਨ ਨੂੰ ਲੈ ਕੇ ਸਾਹਮਣੇ ਆਈ ਇਸ ਜਾਣਕਾਰੀ ਨਾਲ ਦੇਸ਼ ਦੇ ਮੂਲ ਵਾਸੀ ਨੇਤਾ ਅਤੇ ਕੁਝ ਡੈਮੋਕਰੇਟ ਸਾਂਸਦ ਨਰਾਜ਼ ਹਨ। ਰਿਪਬਲਿਕਨ ਪਾਰਟੀ ਦੇ ਵਿਰੋਧੀ ਤਾਂ ਵਾਰੇਨ ਦੇ ਡੀਐਨਏ ਟੈਸਟ ਦੀ ਮੰਗ ਵੀ ਕਰ ਰਹੇ ਹਨ। ਕੁਝ ਡੈਮੋਕਰੇਟ ਨੇਤਾਵਾਂ ਨੂੰ ਸ਼ੱਕ ਹੈ ਕਿ ਵਾਰੇਨ ਰਾਸ਼ਟਰਪਤੀ ਟਰੰਪ ਅਤੇ ਉਨ੍ਹਾਂ ਦੇ ਸਮਰਥਕ ਨੇਤਾਵਾਂ ਦੇ ਹੱਥਾਂ ਵਿਚ ਖੇਡ ਰਹੀ ਹੈ। ਉਹ ਮੂਲ ਵਾਸੀ ਮੁੱਦੇ ਨੂੰ ਹਵਾ ਦੇ ਰਹੀ ਹੈ ਜਿਸ ਨੂੰ ਲੈ ਕੇ ਟਰੰਪ 2016 ਦੀ ਅਪਣੀ ਚੋਣ ਜਿੱਤੇ ਸਨ।

ਭਾਰਤੀ ਵਿਦਿਆਰਥੀਆਂ ਨੂੰ ਗੁੰਮਰਾਹ ਕਰਨ ਦੇ ਲਈ ਜਾਣ ਬੁੱਝ ਕੇ ਬਣਾਈ ਯੂਨੀਵਰਸਿਟੀ : ਵਕੀਲ

ਕੈਲੀਫੋਰਨੀਆ- ਵਿਦਿਆਰਥੀਆਂ ਦੀ ਗ੍ਰਿਫਤਾਰੀ ਮਾਮਲੇ ਵਿਚ ਪ੍ਰਸਿੱਧ ਭਾਰਤੀ ਵਕੀਲ ਨੇ ਅਮਰੀਕਾ ਸਰਕਾਰ ਨੂੰ ਕਟਹਿਰੇ ਵਿਚ ਖੜ੍ਹਾ ਕੀਤਾ ਹੈ। ਭਾਰਤੀ ਮੂਲ ਦੀ ਅਮਰੀਕੀ ਵਕੀਲ ਅਨੂ ਪੇਸ਼ਾਵਰਿਆ ਨੇ ਅਮਰੀਕਾ ਦੇ ਅੰਦਰੂਨੀ ਸੁਰੱਖਿਆ ਵਿਭਾਗ ‘ਤੇ ਜਾਣ ਬੁੱਝ ਕੇ ਫਰਜ਼ੀ ਯੂਨੀਵਰਸਿਟੀ ਸਥਾਪਤ ਕਰਨ ਅਤੇ ਸੈਂਕੜੇ ਮੀਲ ਦੂਜੇ ਦੇਸ਼ ਦੇ ਵਿਦਿਆਰਥੀਆਂ ਨੂੰ ਗੁਮਰਾਹ ਕਰਨ ਦਾ ਦੋਸ਼ ਲਗਾਇਆ ਹੈ। ਇੱਕ ਦਿਨ ਪਹਿਲਾਂ ਹੀ ਅਮਰੀਕੀ ਸਰਕਾਰ ਨੇ ਫਰਜ਼ੀ ਯੂਨੀਵਰਸਿਟੀ ਵਿਚ ਦਾਖ਼ਲਾ ਲੈਣ ਵਾਲੇ ਵਿਦਿਆਰਥੀਆਂ ਦੀ ਵਿਆਪਕ ਗ੍ਰਿਫਤਾਰੀ ਅਤੇ ਸੰਭਾਵਤ ਹਵਾਲਗੀ ਨੂੰ ਲੈ ਕੇ ਭਾਰਤੀਆਂ ਨੂੰ ਹੀ ਦੋਸ਼ੀ ਠਹਿਰਾਇਆ ਸੀ। ਕੈਲੀਫੋਰਨੀਆ ਵਿਚ ਪਰਵਾਸੀ ਮਾਮਲਿਆਂ ਦੀ ਵਕੀਲ ਅਨੂ ਨੇ ਮੰਗਲਵਾਰ ਨੂੰ ਕਿਹਾ ਕਿ ਅਮਰੀਕੀ ਸਰਕਰ ਦੀ ਇਸ ਮੁਹਿੰਮ ਦਾ ਸੈਂਕੜੇ ਭਾਰਤੀ ਵਿਦਿਆਰਥੀਆਂ ‘ਤੇ ਮਾੜਾ ਪ੍ਰਭਾਵ ਪਵੇਗਾ। ਅਸੀਂ ਇਹ ਨਹੀਂ ਕਹਿ ਰਹੇ ਕਿ ਸਾਡੇ ਵਿਦਿਆਰਥੀਆਂ ਦੀ ਗਲਤੀ ਨਹੀਂ ਹੈ। ਉਨ੍ਹਾਂ ਯੂਨੀਵਰਸਿਟੀ ਵਿਚ ਦਾਖ਼ਲਾ ਲੈਣ ਤੋਂ ਪਹਿਲਾਂ ਪੂਰੀ ਜਾਂਚ ਪੜਤਾਲ ਕਰ ਲੈਣੀ ਚਾਹੀਦੀ ਸੀ। ਜੇਕਰ ਉਨ੍ਹਾਂ ਨੇ ਜਾਣ ਬੁੱਝ ਕੇ ਗਲਤੀ ਕੀਤੀ ਹੈ ਤਾਂ ਉਨ੍ਹਾਂ ਸਜ਼ਾ ਮਿਲਣੀ ਚਾਹੀਦੀ। ਲੇਕਿਨ ਜੇਕਰ ਉਨ੍ਹਾਂ ਫਸਾਇਆ ਗਿਆ ਜਾਂ ਅਪਰਾਧ ਕਰਨ ਲਈ ਬੜਾਵਾ ਦਿੱਤਾ ਗਿਆ ਤਾਂ ਸਾਨੂੰ ਉਨ੍ਹਾਂ ਦੀ ਮਦਦ ਕਰਨੀ ਹੋਵੇਗੀ। ਅਮਰੀਕੀ ਇਮੀਗਰੇਸ਼ਨ ਤੇ ਕਸਟਮ ਵਿਭਾਗ ਅਨੁਸਾਰ ਫਰਜ਼ੀ ਯੂਨੀਵਰਸਿਟੀ ਆਫ਼ ਫਰਮਿੰਗਟਨ ਦੇ 600 ਵਿਚੋਂ 130 ਵਿਦਿਆਰਥੀਆਂ ਨੂੰ ਪਿਛਲੇ ਹਫ਼ਤੇ ਹਿਰਾਸਤ ਵਿਚ ਲਿਆ ਗਿਆ ਸੀ। ਜਿਨ੍ਹਾਂ ਵਿਚ 129 ਭਾਰਤੀ ਵਿਦਿਆਰਥੀ ਹਨ। ਹਾਲਾਂਕਿ ਕਈਆਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ ਜਾਂ ਉਨ੍ਹਾਂ ਦੀ ਸਰਗਰਮੀਆਂ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਇਨ੍ਹਾਂ ਵਿਚੋਂ ਕਈ ਵਿਦਿਆਰਥੀ ਅਮਰੀਕਾ ਛੱਡ ਚੁੱਕੇ ਹਨ। ਪੇਸ਼ਾਵਰਿਆ ਨੇ ਕਿਹਾ ਕਿ ਕੁਝ ਵਿਦਿਆਰਥੀਆਂ ਨੂੰ ਚਿੰਤਾ ਹੇ ਕਿ ਉਨ੍ਹਾਂ ਦੀ ਗ੍ਰਿਫਤਾਰੀ ਉਨ੍ਹਾਂ ਦੇ ਅਪਰਾਧਕ ਰਿਕਾਰਡ ਵਿਚ ਦਰਜ ਹੋ ਜਾਵੇਗੀ ਤਾਂ ਇੰਨੇ ਸਾਲਾਂ ਦੀ ਉਨ੍ਹਾਂ ਦੀ ਸਿੱਖਿਆ ਦਾ ਕੋਈ ਮਤਲਬ ਨਹੀਂ ਰਹਿ ਜਾਵੇਗਾ।

ਅਮਰੀਕਾ-ਮੈਕਸਿਕੋ ਸਰਹੱਦ ‘ਤੇ ਕੰਧ ਮੈਂ ਬਣਾਵਾਂਗਾ : ਟਰੰਪ

ਵਾਸ਼ਿੰਗਟਨ-ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ‘ਸਟੇਟ ਆਫ਼ ਦ ਯੂਨੀਅਨ 2019’ ਪ੍ਰੋਗਰਾਮ ਨੂੰ ਸੰਬੋਧਨ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਮਹਾਨ ਦੇਸ਼ਾਂ ਨੂੰ ਅੰਦਰੂਨੀ ਯੁੱਧ ਨਹੀਂ ਲੜਨਾ ਚਾਹੀਦਾ ਹੈ। ਉਨ੍ਹਾਂ ਨੇ ਆਪਣੇ ਸੰਬੋਧਨ ਵਿਚ ਵਿਰੋਧ ਅਤੇ ਬਦਲੇ ਦੀ ਸਿਆਸਤ ਨੂੰ ਖਾਰਜ ਕਰਨ ਦੀ ਬੇਨਤੀ ਕੀਤੀ। ਟਰੰਪ ਨੇ ਕਾਨੂੰਨੀ ਤੌਰ ‘ਤੇ ਰਹਿ ਰਹੇ ਪ੍ਰਵਾਸੀਆਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਲੋਕ ਅਮਰੀਕਾ ਆਉਣ ਪਰ ਉਨ੍ਹਾਂ ਨੂੰ ਕਾਨੂੰਨੀ ਤਰੀਕੇ ਨਾਲ ਆਉਣਾ ਪਵੇਗਾ। ਉੱਥੇ ਹੀ ਉਨ੍ਹਾਂ ਨੇ ਕਿਮ ਜੋਂਗ ਉਨ ਨਾਲ ਮੁਲਾਕਾਤ ‘ਤੇ ਕਿਹਾ, ”ਬਹੁਤ ਕੰਮ ਬਾਕੀ ਹੈ ਪਰ ਕਿਮ ਜੋਂਗ ਉਨ ਨਾਲ ਉਨ੍ਹਾਂ ਦੇ ਰਿਸ਼ਤੇ ਚੰਗੇ ਹਨ। ਅਸੀਂ 27 ਅਤੇ 28 ਫਰਵਰੀ ਨੂੰ ਵੀਅਤਨਾਮ ਵਿਚ ਮੁੜ ਮੁਲਾਕਾਤ ਕਰਾਂਗੇ।” ਇਸ ਦੇ ਨਾਲ ਹੀ ਟਰੰਪ ਨੇ ਅਮਰੀਕਾ-ਮੈਕਸੀਕੋ ਸਰਹੱਦ ‘ਤੇ ਕੰਧ ਬਣਾਉਣ ਦਾ ਵਾਅਦਾ ਕੀਤਾ। ਉਨ੍ਹਾਂ ਕਿਹਾ ਕਿ ਕਮਰੇ ਵਿਚ ਮੌਜੂਦ ਵਧੇਰੇ ਲੋਕਾਂ ਨੇ ਇਸ ਦੇ ਪੱਖ ਵਿਚ ਵੋਟਿੰਗ ਕੀਤੀ ਪਰ ਕੰਧ ਕਦੇ ਨਹੀਂ ਬਣ ਸਕੀ। ਪਰ ਉਹ ਇਸ ਨੂੰ ਬਣਾਉਗੇ।

ਤਾਲਿਬਾਨ ਹਮਲਿਆਂ ’ਚ 21 ਹਲਾਕ

ਕਾਬੁਲ-ਤਾਲਿਬਾਨ ਲੜਾਕਿਆਂ ਵੱਲੋਂ ਉੱਤਰੀ ਬਗ਼ਲਾਨ ਸੂਬੇ ਵਿੱਚ ਪੁਲੀਸ ਚੌਕੀ ਅਤੇ ਇਸ ਤੋਂ ਪਹਿਲਾਂ ਉੱਤਰੀ ਸਮਾਂਗਨ ਸੂਬੇ ਵਿੱਚ ਇਕ ਪਿੰਡ ਨੂੰ ਨਿਸ਼ਾਨਾ ਬਣਾ ਕੇ ਕੀਤੇ ਦੋ ਵੱਖ ਵੱਖ ਹਮਲਿਆਂ ਵਿੱਚ 11 ਪੁਲੀਸ ਕਰਮੀਆਂ ਸਮੇਤ 21 ਵਿਅਕਤੀਆਂ ਦੀ ਜਾਨ ਜਾਂਦੀ ਰਹੀ। ਇਹ ਹਮਲਾ ਅਜਿਹੇ ਸਮੇਂ ਹੋਇਆ ਹੈ ਜਦੋਂ ਤਾਲਿਬਾਨ ਦੇ ਨੁਮਾਇੰਦਿਆਂ ਵੱਲੋਂ ਮਾਸਕੋ ਵਿੱਚ ਉੱਘੇ ਅਫ਼ਗ਼ਾਨ ਆਗੂਆਂ ਜਿਨ੍ਹਾਂ ਵਿੱਚ ਸਾਬਕਾ ਅਫ਼ਗ਼ਾਨ ਸਦਰ ਹਾਮਿਦ ਕਰਜ਼ਈ, ਵਿਰੋਧੀ ਧਿਰ ਦੇ ਆਗੂ ਤੇ ਕਬਾਇਲੀ ਜਥੇਬੰਦੀਆਂ ਦੇ ਵੱਡੇ-ਵਡੇਰੇ ਸ਼ਾਮਲ ਹਨ, ਨਾਲ ਮੀਟਿੰਗਾਂ ਕੀਤੀਆਂ ਜਾ ਰਹੀਆਂ ਹਨ। ਅਧਿਕਾਰੀਆਂ ਮੁਤਾਬਕ ਕਾਬੁਲ ਸਰਕਾਰ ਨੂੰ ਇਨ੍ਹਾਂ ਮੀਟਿੰਗਾਂ ’ਚੋਂ ਲਾਂਭੇ ਰੱਖਿਆ ਗਿਆ ਹੈ।
ਸੂਬਾਈ ਕੌਂਸਲ ਦੇ ਮੁਖੀ ਸਫ਼ਦਰ ਮੋਹਸਿਨੀ ਨੇ ਕਿਹਾ ਕਿ ਤਾਲਿਬਾਨ ਲੜਾਕਿਆਂ ਨੇ ਸੋਮਵਾਰ ਰਾਤ ਨੂੰ ਪੁਲੀਸ ਨਾਕੇ ’ਤੇ ਕੀਤੇ ਹਮਲੇ ਵਿੱਚ ਸੂਬੇ ਦੇ ਬਗ਼ਲਾਨੀ ਮਾਰਕਾਜ਼ੀ ਜ਼ਿਲ੍ਹੇ ਵਿੱਚ ਮੁਕਾਮੀ ਪੁਲੀਸ ਬਲ ਨੂੰ ਨਿਸ਼ਾਨਾ ਬਣਾਇਆ। ਮੋਹਸਿਨੀ ਮੁਤਾਬਕ ਹਮਲੇ ਦੌਰਾਨ ਲਗਪਗ ਦੋ ਘੰਟੇ ਤਕ ਗੋਲੀਬਾਰੀ ਹੁੰਦੀ ਰਹੀ। ਹਮਲੇ ਵਿੱਚ ਪੰਜ ਪੁਲੀਸ ਕਰਮੀ ਜ਼ਖ਼ਮੀ ਹੋ ਗਏ। ਤਾਲਿਬਾਨੀ ਜਾਂਦੇ ਹੋਏ ਸਲਾਮਤੀ ਦਸਤਿਆਂ ਦੇ ਸਾਰੇ ਹਥਿਆਰ ਤੇ ਹੋਰ ਗੋਲੀਸਿੱਕਾ ਵੀ ਲੈ ਗਏ। ਇਸ ਤੋਂ ਪਹਿਲਾਂ ਤਾਲਿਬਾਨ ਨੇ ਉੱਤਰੀ ਸਮਾਂਗਨ ਸੂਬੇ ਦੇ ਇਕ ਪਿੰਡ ਵਿੱਚ ਮੁਕਾਮੀ ਸਰਕਾਰ-ਪੱਖੀ ਮਿਲੀਸ਼ੀਆ ’ਤੇ ਹੱਲਾ ਬੋਲਦਿਆਂ ਇਕ ਔਰਤ ਸਮੇਤ 10 ਵਿਅਕਤੀਆਂ ਨੂੰ ਮਾਰ ਮੁਕਾਇਆ। ਸੂਬਾਈ ਗਵਰਨਰ ਸੇਦਿਕ ਅਜ਼ੀਜ਼ੀ ਨੇ ਕਿਹਾ ਕਿ ਹਮਲੇ ਵਿੱਚ ਚਾਰ ਜਣੇ ਜ਼ਖ਼ਮੀ ਵੀ ਹੋਏ ਹਨ। ਅਜ਼ੀਜ਼ੀ ਮੁਤਾਬਕ ਤਾਲਿਬਾਨ ਨੇ ਮੁਕਾਮੀ ਪਿੰਡ ਵਾਸੀਆਂ ਜਿਨ੍ਹਾਂ ਵਿੱਚ ਔਰਤਾਂ ਤੇ ਬੱਚੇ ਵੀ ਸ਼ਾਮਲ ਹਨ, ਨੂੰ ਨਿਸ਼ਾਨਾ ਬਣਾਇਆ। ਪਿੰਡ ਸੂਬਾਈ ਸਦਰ ਮੁਕਾਮ ਤੋਂ ਕਾਫ਼ੀ ਦੂਰ ਹੋਣ ਕਰਕੇ ਪਿੰਡ ਵਾਸੀਆਂ ਨੇ ਖੇਤਰ ਦੀ ਸੁਰੱਖਿਆ ਲਈ ਆਪਣੇ ਖੁ਼ਦ ਦੇ ਮਿਲੀਸ਼ੀਆ ਰੱਖੇ ਹੋਏ ਹਨ।

ਲੰਡਨ ‘ਚ ਇਸ ਪੰਜਾਬੀ ਨੇ ਖਰੀਦੀਆਂ ਅਪਣੀ ਪੱਗ ਦੇ ਰੰਗ ਨਾਲ ਦੀਆਂ 20 ਕਾਰਾਂ

ਲੰਡਨ-ਲੰਡਨ ਦੇ ਬਿਜਨੇਸਮੈਨ ਪੱਗ ਵਾਲੇ ਰੂਬੇਨ ਸਿੰਘ ਨੇ 50 ਕਰੋੜ ਖਰਚ ਕਰਕੇ 6 ਰਾਲਸ ਰਾਇਸ ਕਾਰਾਂ ਖਰੀਦੀਆਂ ਹਨ। ਉਨ੍ਹਾਂ ਦੇ ਕੋਲ ਹੁਣ 20 ਰਾਲਸ ਰਾਇਸ ਕਾਰਾਂ ਹੋ ਚੁੱਕੀਆਂ ਹਨ। ਇਸ ਦੇ ਪਿੱਛੇ ਦੀ ਕਹਾਣੀ ਜੁੜੀ ਹੈ ਪੱਗ ਦੀ ਇੱਜਤ ਅਤੇ ਸਨਮਾਨ ਨਾਲ।
ਦੱਸ ਦਈਏ ਕਿ 2017 ਵਿਚ ਕਿਸੇ ਅੰਗ੍ਰੇਜ਼ ਨੇ ਪੱਗ ਨੂੰ ਲੈ ਕੇ ਰੂਬੇਨ ਦੀ ਬੇਇੱਜ਼ਤੀ ਕੀਤੀ ਸੀ। ਪੱਗ ਦੀ ਤਾਕਤ ਅਤੇ ਸ਼ਾਨ ਦਿਖਾਉਣ ਲਈ ਉਨ੍ਹਾਂ ਨੇ ਉਦੋਂ ਤੋਂ ਅਪਣੀ ਹਰ ਪੱਗ ਦੇ ਰੰਗਾਂ ਦੀਆਂ ਰਾਲਸ ਰਾਇਸ ਕਾਰਾਂ ਖਰੀਦਣੀਆਂ ਸ਼ੁਰੂ ਕਰ ਦਿਤੀਆਂ ਹਨ। ਉਨ੍ਹਾਂ ਦੀ ਕਲੈਕਸ਼ਨ ਵਿਚ ਫੈਂਟਮ, ਕਲਿਨਨ ਅਤੇ ਹੋਰ ਕਾਰਾਂ ਸ਼ਾਮਲ ਹਨ।
ਅੰਗ੍ਰੇਜ਼ ਰਾਲਸ ਰਾਇਸ ਨੂੰ ਰਾਜਸ਼ਾਹੀ ਸਵਾਰੀ ਮੰਨਦੇ ਹਨ ਅਤੇ ਰੂਬੇਨ ਸਿੰਘ ਨੇ ਇਨ੍ਹਾਂ ਕਾਰਾਂ ਨੂੰ ਖਰੀਦ ਕੇ ਦੱਸ ਦਿਤਾ ਕਿ ਪੱਗ ਵਾਲਾ ਵੀ ਕਿਸੇ ਤੋਂ ਘੱਟ ਨਹੀਂ ਹੈ। ਅਪਣੇ ਪੱਕੇ ਗਾਹਕ ਦਾ ਸਨਮਾਨ ਕਰਨ ਲਈ ਰਾਲਸ ਰਾਇਸ ਦੇ ਸੀਈਓ ਟਾਟਰਸਟਨ ਅਪਣੇ ਆਪ ਰੂਬੇਨ ਨੂੰ ਇਨ੍ਹਾਂ ਲਗਜ਼ਰੀ ਕਾਰਾਂ ਦੀ ਡਿਲੀਵਰੀ ਦੇਣ ਪਹੁੰਚੇ।

ਪਾਕਿਸਤਾਨ ‘ਚ ਹਿੰਦੂ ਲੜਕੀ ਦਾਨੀਆ ਨੇ ਸੰਭਾਲਿਆ ਸਿਵਲ ਜੱਜ ਦਾ ਅਹੁਦਾ

ਪਾਕਿਸਤਾਨ ਦੇ ਸੂਬਾ ਸਿੰਧ ਦੇ ਜ਼ਿਲ੍ਹਾ ਜੈਕਬਾਬਾਦ ਦੀ ਰਹਿਣ ਵਾਲੀ ਦਾਨੀਆ ਕਿੰਗਰਾਨੀ ਪੁੱਤਰੀ ਸ੍ਰੀ ਲਛਮਣ ਦਾਸ ਕਿੰਗਰਾਨੀ ਦੀ ਨਿਯੁਕਤੀ ਸਿਵਲ ਜੱਜ/ਜੁਡੀਸ਼ੀਅਲ ਮੈਜਿਸਟ੍ਰੇਟ ਵਜੋਂ ਕੀਤੀ ਗਈ ਹੈ | ਜਾਣਕਾਰੀ ਅਨੁਸਾਰ ਕਰਾਚੀ ਹਾਈਕੋਰਟ ‘ਚ ਵਕੀਲ ਵਜੋਂ ਸੇਵਾਵਾਂ ਦੇਣ ਵਾਲੀ ਦਾਨੀਆ ਕੁਮਾਰੀ ਕਿੰਗਰਾਨੀ ਨੇ ਅੱਜ ਸਿਵਲ ਜੱਜ ਵਜੋਂ ਅਹੁਦਾ ਸੰਭਾਲਿਆ | ਇਸ ਤੋਂ ਪਹਿਲਾਂ ਸਾਲ 2015 ‘ਚ ਸੂਬਾ ਸਿੰਧ ਦੇ ਜ਼ਿਲ੍ਹਾ ਉਮਰਕੋਟ ਦੀ ਨਿਵਾਸੀ ਕੁਮਾਰੀ ਕੰਵਲ ਰਾਠੀ (ਐਲ. ਐਲ. ਬੀ. ਆਨਰਜ਼) ਨੇ ਪਾਕਿਸਤਾਨ ਦੀ ਪਹਿਲੀ ਹਿੰਦੂ ਮਹਿਲਾ ਸੈਸ਼ਨ ਜੱਜ ਵਜੋਂ ਅਹੁਦਾ ਸੰਭਾਲਿਆ ਸੀ | ਜਦ ਕਿ ਪਿਛਲੇ ਹਫ਼ਤੇ ਸੂਬਾ ਸਿੰਧ ਦੇ ਹੀ ਕਸਬਾ ਸ਼ਾਹਦਾਦਕੋਟ ਦੀ ਰਹਿਣ ਵਾਲੀ ਸੁਮਨ ਕੁਮਾਰੀ ਬੋਧਾਨੀ ਦੀ ਵੀ ਨਿਯੁਕਤੀ ਮੈਰਿਟ ਦੇ ਆਧਾਰ ‘ਤੇ ਸਿਵਲ ਜੱਜ/ਜੁਡੀਸ਼ੀਅਲ ਮੈਜਿਸਟ੍ਰੇਟ ਵਜੋਂ ਕੀਤੀ ਗਈ ਸੀ | ਦੱਸਿਆ ਜਾ ਰਿਹਾ ਹੈ ਕਿ ਸੁਮਨ ਬੋਧਾਨੀ, ਦਾਨੀਆ ਕਿੰਗਰਾਨੀ ਅਤੇ ਕੰਵਲ ਰਾਠੀ ਦੀ ਉਕਤ ਨਿਯੁਕਤੀ ਤੋਂ ਪਹਿਲਾਂ ਪਾਕਿ ਹਿੰਦੂ ਰਾਣਾ ਭਗਵਾਨ ਦਾਸ ਪਾਕਿਸਤਾਨ ਸੁਪਰੀਮ ਕੋਰਟ ਦੇ ਜੱਜ ਰਹਿਣ ਤੋਂ ਬਾਅਦ ਦੋ ਵਰਿ੍ਹਆਂ ਤੱਕ ਪਾਕਿ ਦੇ ਚੀਫ਼ ਜਸਟਿਸ ਵੀ ਰਹਿ ਚੁੱਕੇ ਹਨ | ਉਨ੍ਹਾਂ ਤੋਂ ਇਲਾਵਾ ਸਾਲ 2018 ‘ਚ ਕਾਂਜੀ ਮੇਘਵਾਰ ਨੂੰ ਜ਼ਿਲ੍ਹਾ ਹੈਦਰਾਬਾਦ ਦਾ ਸਿਵਲ ਜੱਜ, ਪੋ: ਡਾ: ਪੀ. ਕੇ. ਸੁੰਦਰ ਨੂੰ ਕਰਾਚੀ ਦੀ ਸ਼ਹੀਦ ਜ਼ੁਲਫਿਕਾਰ ਅਲੀ ਭੁੱਟੋ ਯੂਨੀਵਰਸਿਟੀ ਆਫ਼ ਲਾਅ ‘ਚ ਸਹਾਇਕ ਰਜਿਸਟਰਾਰ, ਡਾ: ਭਿਖਾ ਰਾਮ ਦੇਵਰਾਜਾਨੀ ਨੂੰ ਲਿਆਕਤ ਯੂਨੀਵਰਸਿਟੀ ਆਫ਼ ਮੈਡੀਕਲ ਐਾਡ ਸਾਇੰਸ ਦਾ ਉਪ-ਕੁਲਪਤੀ, ਮਿਸ਼ਰੀ ਲਾਲ ਲਾਧਾਨੀ ਨੂੰ ਚੇਅਰਮੈਨ ਬਲੋਚਿਸਤਾਨ ਰੈਵੀਨਿਊ ਅਥਾਰਿਟੀ, ਦਰਮੂਨ ਭਵਾਨੀ ਮੇਘਵਾਰ ਨੂੰ ਜ਼ਿਲ੍ਹਾ ਕੈਚ ਦਾ ਡਿਪਟੀ ਕਮਿਸ਼ਨਰ ਨਿਯੁਕਤ ਕੀਤਾ ਗਿਆ | ਇਸ ਦੇ ਨਾਲ-ਨਾਲ ਸਾਲ 2018 ‘ਚ ਸਿੰਧ ਦੇ ਰੌਸ਼ਨ ਲਾਲ ਵਧਵਾਣੀ ਨੇ ਫ਼ੌਰਨ ਸਰਵਿਸਜ਼ ਆਫ਼ ਪਾਕਿਸਤਾਨ (ਐਫ਼. ਐਸ. ਪੀ.) ‘ਚ ਕੀਰਤੀਮਾਨ ਸਥਾਪਿਤ ਕਰਕੇ ਅਤੇ ਬੀਬੀ ਸੰਧਿਆ ਚਾਵਲਾ ਨੇ ਸੀਨੀਅਰ ਸੁਪਰਡੈਂਟ ਆਫ਼ ਪੁਲਿਸ ਬਣ ਕੇ ਪਾਕਿ ਹਿੰਦੂਆਂ ਨੂੰ ਚੰਗੀ ਸੇਧ ਦਿੱਤੀ ਹੈ |

ਪਾਕਿ ਘੱਟ ਗਿਣਤੀ ਗੁੱਟਾਂ ਨੇ ਅਮਰੀਕੀ ਕਾਨੂੰਨਸਾਜ਼ ਨੂੰ ਸੁਣਾਏ ਦੁੱਖੜੇ

ਵਾਸ਼ਿੰਗਟਨ-ਪਾਕਿਸਤਾਨ ਦੇ ਘੱਟ ਗਿਣਤੀ ਵੱਖ ਵੱਖ ਫ਼ਿਰਕਿਆਂ ਦੇ ਨੁਮਾਇੰਦਿਆਂ ਨੇ ਅਮਰੀਕੀ ਸੰਸਦ ਮੈਂਬਰ ਰੌਬ ਵਿੱਟਮੈਨ ਨਾਲ ਮੁਲਾਕਾਤ ਕਰਕੇ ਆਪਣੇ ਨਾਲ ਹੁੰਦੀਆਂ ਜ਼ਿਆਦਤੀਆਂ ਦੀ ਜਾਣਕਾਰੀ ਦਿੱਤੀ। ਮੁਹਾਜਿਰਾਂ ਦੇ ਵਫ਼ਦ ਅਤੇ ਪਸ਼ਤੂਨ, ਬਲੋਚ ਅਤੇ ਹਜ਼ਾਰਾ ਭਾਈਚਾਰਿਆਂ ਦੇ ਨੁਮਾਇੰਦਿਆਂ ਨੇ ਵਿੱਟਮੈਨ ਨੂੰ ਦੱਸਿਆ ਕਿ ਕਿਵੇਂ ਸਰਕਾਰੀ ਏਜੰਸੀਆਂ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾਉਂਦੀਆਂ ਹਨ। ਵਰਜੀਨੀਆ ਦੇ ਕਾਨੂੰਨਸਾਜ਼ ਨੇ ਵਫ਼ਦ ਨੂੰ ਭਰੋਸਾ ਦਿੱਤਾ ਕਿ ਉਹ ਮਨੁੱਖੀ ਹੱਕਾਂ ਦੇ ਘਾਣ ਦੇ ਮੁੱਦੇ ਕਾਂਗਰਸ ’ਚ ਉਠਾਉਣਗੇ। ਗਰੁੱਪ ਦੀ ਅਗਵਾਈ ਵੁਆਇਸ ਆਫ਼ ਕਰਾਚੀ ਅਤੇ ਸਾਊਥ ਏਸ਼ੀਆ ਮਾਇਨਾਰਟੀਜ਼ ਅਲਾਇੰਸ ਫਾਊਂਡੇਸ਼ਨ ਦੇ ਚੇਅਰਮੈਨ ਨਦੀਮ ਨੁਸਰਤ ਨੇ ਕੀਤੀ। ਉਨ੍ਹਾਂ ਦੱਸਿਆ ਕਿ ਘੱਟ ਗਿਣਤੀ ਭਾਈਚਾਰਿਆਂ ਦੇ ਬੰਦਿਆਂ ਨੂੰ ਜਬਰੀ ਚੁੱਕ ਲਿਆ ਜਾਂਦਾ ਹੈ, ਤਸੀਹੇ ਦਿੱਤੇ ਜਾਂਦੇ ਹਨ ਅਤੇ ਕਈਆਂ ਦਾ ਤਾਂ ਕਤਲ ਤਕ ਕਰ ਦਿੱਤਾ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਸਿੰਧ ਦੇ ਸ਼ਹਿਰੀ ਇਲਾਕੇ ’ਚ ਕੋਟਾ ਪ੍ਰਣਾਲੀ ਵਿਤਕਰੇ ਭਰਪੂਰ ਹੈ ਜਿਸ ਦਾ ਆਰਥਿਕ ਅਤੇ ਸਮਾਜਿਕ ਪੱਧਰ ’ਤੇ ਬੁਰਾ ਪ੍ਰਭਾਵ ਪੈ ਰਿਹਾ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਪੁਲੀਸ ’ਚ ਸਥਾਨਕ ਲੋਕਾਂ ਦੀ ਨਫ਼ਰੀ ਬਹੁਤ ਘੱਟ ਹੈ। ਵਫ਼ਦ ਨੇ ਸੁਰੱਖਿਆ ਬਲਾਂ ਵੱਲੋਂ ਢਾਹੇ ਜਾਂਦੇ ਤਸ਼ੱਦਦ ਬਾਰੇ ਕਾਗਜ਼ਾਤ ਵੀ ਸੌਂਪੇ। ਕਾਨੂੰਨਸਾਜ਼ ਵੱਲੋਂ ਜਾਰੀ ਬਿਆਨ ਮੁਤਾਬਕ ਉਹ ਕਾਂਗਰਸ ਦੇ ਨਾਲ ਨਾਲ ਹੋਰ ਮੰਚਾਂ ’ਤੇ ਵੀ ਉਨ੍ਹਾਂ ਦੇ ਮੁੱਦਿਆਂ ਨੂੰ ਉਠਾਉਣਗੇ।

ਪਛਾਣ ਪੱਤਰਾਂ ’ਤੇ ਦਸਤਾਰ ਵਾਲੀ ਫੋਟੋ ਲਾਉਣ ਦੀ ਮੰਗ

ਪੈਰਿਸ-ਅਕਾਲੀ ਦਲ ਅੰਮ੍ਰਿਤਸਰ ਫਰਾਂਸ ਦੇ ਆਗੂਆਂ ਵੱਲੋਂ ਫਰਾਂਸ ਦੀ ਮੈਂਬਰ ਪਾਰਲੀਮੈਂਟ ਮੈਰੀ ਜੌਰਜ ਬਫੇਟ ਨਾਲ ਮੁਲਾਕਾਤ ਕਰਕੇ ਫਰਾਂਸ ’ਚ ਵਸਦੇ ਸਿੱਖਾਂ ਦੀਆਂ ਧਾਰਮਿਕ, ਸਮਾਜਿਕ ਅਤੇ ਰਾਜਨੀਤਕ ਸਮਸੱਸਿਆਵਾਂ ਤੋਂ ਜਾਣੂ ਕਰਵਾਉਂਦਿਆਂ ਫਰਾਂਸ ਦੇ ਪਛਾਣ ਪੱਤਰਾਂ ’ਤੇ ਦਸਤਾਰ ਵਾਲੀ ਫੋਟੋ ਲਾਉਣ ਦੀ ਮੰਗ ਕੀਤੀ ਗਈ।
ਇਸ ਸਬੰਧੀ ਫਰਾਂਸ ਦੇ ਪ੍ਰਧਾਨ ਚੈਨ ਸਿੰਘ ਨੇ ਸਿੱਖਾਂ ਦੀ ਭਾਰਤ ਵਿੱਚ ਸੁਰੱਖਿਆ ਲਈ ਸਿਮਰਨਜੀਤ ਸਿੰਘ ਮਾਨ ਦੀ ਅਗਵਾਈ ਹੇਠ ਅਕਾਲੀ ਦਲ ਅੰਮ੍ਰਿਤਸਰ ਦੇ ਨਿਸ਼ਾਨੇ ਨੂੰ ਦੁਹਰਾਉਂਦਿਆ ਕਿਹਾ ਕਿ ਦੱਖਣੀ ਏਸ਼ੀਆ ਵਿੱਚ ਅਮਨ ਸ਼ਾਂਤੀ ਬਹਾਲ ਰੱਖਣ ਲਈ ਬਫਰ ਸਟੇਟ ਸਿੱਖ ਰਾਜ ਦੀ ਸਖ਼ਤ ਜ਼ਰੂਰਤ ਹੈ।
ਇਸ ਮੌਕੇ ਉਨ੍ਹਾਂ ਭਾਰਤ ਵਿੱਚ ਲੰਮੇ ਸਮੇਂ ਤੋਂ ਜੇਲ੍ਹਾਂ ਵਿੱਚ ਬੰਦ ਸਿੰਘਾਂ ਅਤੇ ਭਾਰਤ ਵਿੱਚ ਸਿੱਖਾਂ ਨਾਲ ਹੁੰਦੀਆਂ ਬੇਇਨਸਾਫ਼ੀਆਂ ਸਬੰਧੀ ਸੰਸਦ ਮੈਂਬਰ ਨੂੰ ਜਾਣੂ ਕਰਵਾਇਆ। ਇਸ ਮੌਕੇ ਪਰਮਜੀਤ ਸਿੰਘ ਸੋਹਲ, ਸੁਖਜਿੰਦਰ ਸਿੰਘ ਸੁੱਖਾ, ਬਲਦੇਵ ਸਿੰਘ ਅਤੇ ਸੰਤੋਖ ਸਿੰਘ ਆਦਿ ਹਾਜ਼ਰ ਸਨ।

ਭਾਰਤ ਨੂੰ ਏਪੀਈਸੀ ਦਾ ਮੈਂਬਰ ਬਣਾਉਣ ਦੀ ਵਕਾਲਤ

ਸਿਡਨੀ-ਆਸਟਰੇਲੀਆ ਦੀ ਮੁੱਖ ਵਿਰੋਧੀ ਪਾਰਟੀ ‘ਲੇਬਰ’ ਦੇ ਵਪਾਰ ਅਤੇ ਨਿਵੇਸ਼ ਮਾਮਲਿਆਂ ਬਾਰੇ ਸ਼ੈਡੋ ਮੰਤਰੀ ਜੇਸਨ ਕਲੇਅਰ ਨੇ ਭਾਰਤ ਨੂੰ ਏਸ਼ੀਆ-ਪੈਸੀਫਿਕ ਆਰਥਿਕ ਸਹਿਕਾਰਤਾ (ਏ.ਪੀ.ਈ.ਸੀ.) ਦਾ ਮੈਂਬਰ ਦੇਸ਼ ਬਣਾਏ ਜਾਣ ਦੀ ਵਕਾਲਤ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਵਿਸ਼ਵ-ਵਿਆਪੀ ਸ਼ਾਂਤੀ ਅਤੇ ਸਥਿਰਤਾ ਦਾ ਮਾਹੌਲ ਸਿਰਜਣ ਲਈ ਇਹ ਨਿੱਗਰ ਉਪਰਾਲਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਅਮਰੀਕਾ-ਚੀਨ ਦੇ ਵਪਾਰਕ ਯੁੱਧ ਨੂੰ ਰੋਕਣਾ ਤੇ ਏਸ਼ੀਆ-ਪੈਸੀਫਿਕ ਆਰਥਿਕ ਸਹਿਕਾਰਤਾ (ਏ.ਪੀ.ਈ.ਸੀ.) ਵਰਗੇ ਭਾਰਤ-ਪ੍ਰਸ਼ਾਂਤ ‘ਫ੍ਰੀ ਟਰੇਡ ਜ਼ੋਨ’ ਜਿਹੇ ਖੇਤਰਾਂ ਨੂੰ ਹੋਰ ਅੱਗੇ ਵਧਾਉਣਾ ਜ਼ਰੂਰੀ ਹੈ। ਜ਼ਿਕਰਯੋਗ ਹੈ ਕਿ ਏਪੀਈਸੀ ਮੈਂਬਰ ਦੇਸ਼ਾਂ ਵਿਚ ਅਰਥਵਿਵਸਥਾਵਾਂ ਬਾਰੇ ਇਕ ਮੁਫ਼ਤ ਵਪਾਰ ਸਮਝੌਤਾ ਹੈ, ਜਿਸ ਲਈ ਭਾਰਤ ਦਾਖ਼ਲ ਹੋਣ ਦੀ ਮੰਗ ਕਰਦਾ ਆ ਰਿਹਾ ਹੈ। ਫਿਲਹਾਲ ਇਸ ਵਿਚ ਆਸਟਰੇਲੀਆ ਸਮੇਤ ਅਮਰੀਕਾ, ਬਰੂਨੀ ਦਾਰੂਸਲਮ, ਕੈਨੇਡਾ, ਚਿੱਲੀ, ਚੀਨ, ਹਾਂਗਕਾਂਗ, ਇੰਡੋਨੇਸ਼ੀਆ, ਜਪਾਨ, ਮਲੇਸ਼ੀਆ, ਮੈਕਸਿਕੋ, ਨਿਊਜ਼ੀਲੈਂਡ, ਪਾਪੂਆ ਨਿਊ ਗਿਨੀ, ਪੇਰੂ, ਫਿਲਪੀਨਜ਼, ਰੂਸ, ਸਿੰਗਾਪੁਰ, ਦੱਖਣੀ ਕੋਰੀਆ, ਚੀਨੀ, ਥਾਈਲੈਂਡ ਤੇ ਵੀਅਤਨਾਮ ਹਨ।
ਜੇਸਨ ਕਲੇਰ ਨੇ ਕਿਹਾ ਕਿ ਭਾਰਤ ਦੁਨੀਆਂ ਦਾ ਤੀਜਾ ਸਭ ਤੋਂ ਵੱਡਾ ਅਰਥਚਾਰਾ ਬਣਨਾ ਚਾਹੁੰਦਾ ਹੈ। ਆਸਟਰੇਲੀਆ ਦੀ ਕੇਂਦਰੀ ਸੱਤਾ ਵਿਚ ‘ਲੇਬਰ’ ਪਾਰਟੀ ਦੇ ਆਉਣ ਬਾਅਦ ਆਸਟਰੇਲੀਆ, ਭਾਰਤ ਨੂੰ ਏਪੀਈਸੀ ਅਤੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ ਦਾ ਮੈਂਬਰ ਦੇਸ਼ ਬਣਾਉਣ ਲਈ ਸਹਿਯੋਗ ਦੇਵੇਗਾ। ਜ਼ਿਕਰਯੋਗ ਹੈ ਕਿ ਮਈ ਵਿਚ ਆਮ ਚੋਣਾਂ ਹਨ। ਸੱਤਾਧਾਰੀ ਲਿਬਰਲ-ਨੈਸ਼ਨਲ ਗੱਠਜੋੜ ਤੇ ਲੇਬਰ ਪਾਰਟੀ ਵਿਚ ਫਸਵੀਂ ਟੱਕਰ ਹੈ। ਜੇਸਨ ਦਾ ਬਿਆਨ ਭਾਰਤੀਆਂ ਨੂੰ ‘ਲੇਬਰ’ ਨਾਲ ਜੋੜਨ ਵਜੋਂ ਵੇਖਿਆ ਜਾ ਰਿਹਾ ਹੈ।

ਬ੍ਰਾਜ਼ੀਲ ‘ਚ ਬੰਨ• ਟੁੱਟਣ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 121 ‘ਤੇ ਪਹੁੰਚੀ

ਬ੍ਰਾਜ਼ੀਲ- ਦੱਖਣੀ-ਪੂਰਬ ਬ੍ਰਾਜ਼ੀਲ ‘ਚ ਮਾਈਨਿੰਗ ਖਾਣ ‘ਤੇ ਬਣੇ ਬੰਨ• ਦੇ ਟੁੱਟ ਜਾਣ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 121 ‘ਤੇ ਪਹੁੰਚ ਗਈ ਹੈ ਅਤੇ 300 ਤੋਂ ਜ਼ਿਆਦਾ ਲੋਕ ਲਾਪਤਾ ਹਨ। ਬੰਨ• ਦੇ ਟੁੱਟਣ ਤੋਂ ਬਾਅਦ ਬ੍ਰਾਜ਼ੀਲ ਦੀ ਦਿੱਗਜ ਮਾਈਨਿੰਗ ਕੰਪਨੀ ‘ਵੇਲ’ ‘ਤੇ ਪੌਣੇ ਪੰਜ ਅਰਬ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ। ਇਸ ਹਾਦਸੇ ਨੇ ਸਤੰਬਰ 2010 ‘ਚ ਟਿਹਰੀ ਬੰਨ• ਦੇ ਬੈਰਾਜ ਖੋਲ•ਣ ਕਾਰਨ ਹੋਏ ਨੁਕਸਾਨ ਦੀਆਂ ਯਾਦਾਂ ਮੁੜ ਤਾਜ਼ਾ ਕਰ ਦਿੱਤੀਆਂ। ਦੱਸਣਾ ਬਣਦਾ ਹੈ ਕਿ ਬੰਨ• ਦੇ ਟੁੱਟਣ ਤੋਂ ਬਾਅਦ ਲਾਪਤਾ ਹੋਏ 300 ਤੋਂ ਜਿਆਦਾ ਲੋਕਾਂ ‘ਚੋਂ 150 ਲੋਕ ਬੰਨ• ਦੇ ਕਰੀਬ ਸਥਿਤ ਇੱਕ ਕੰਪਨੀ ਦੇ ਦਫ਼ਤਰ ‘ਚ ਕੰਮ ਕਰਦੇ ਸਨ। ਇਸ ਲਈ ਸੰਭਾਵਨਾ ਜਤਾਈ ਜਾ ਰਹੀ ਹੈ ਕਿ ਇਨ•ਾਂ ਲੋਕਾਂ ਦੇ ਬਚਣ ਦੀ ਉਮੀਦ ਕਾਫ਼ੀ ਘੱਟ ਸੀ। ਇਹ ਖਾਣ ਬ੍ਰਾਜ਼ੀਲ ਦੀ ਮਾਈਨਿੰਗ ਕੰਪਨੀ ਵੇਲ ਦੀ ਹੈ। ਇਸ ਸੂਬੇ ‘ਚ ਕੰਪਨੀ ਦੀ ਇੱਕ ਖਾਣ 2015 ‘ਚ ਵੀ ਢਹਿ ਗਈ ਸੀ, ਜਿਸ ‘ਚ 19 ਲੋਕਾਂ ਦੀ ਮੌਤ ਹੋਈ ਸੀ। ਦੱਸਣਾ ਬਣਦਾ ਹੈ ਕਿ ਕੁੱਝ ਮਹੀਨੇ ਪਹਿਲਾਂ ਹੀ ਇੱਕ ਜਰਮਨ ਕੰਪਨੀ ਨੇ ਇਸ ਬੰਨ• ਦੀ ਜਾਂਚ ਕੀਤੀ ਸੀ ਪਰ ਉਸ ਨੇ ਇਸ ‘ਚ ਕਿਸੇ ਤਰ•ਾਂ ਦੀ ਖਾਮੀ ਹੋਣ ਦਾ ਜ਼ਿਕਰ ਨਹੀਂ ਸੀ ਕੀਤਾ। ਦੁਨੀਆ ਭਰ ‘ਚ ਇਸ ਘਟਨਾ ਦੀ ਨਿੰਦਾ ਹੋ ਰਹੀ ਹੈ। ਗ੍ਰੀਨਪੀਸ ਦੇ ਬ੍ਰਾਜ਼ੀਲ ਸਥਿਤ ਦਫ਼ਤਰ ਨੇ ਇਸ ਆਫ਼ਤ ਬਾਰੇ ਕਿਹਾ ਕਿ ਬੰਨ• ਟੁੱਟਣਾ ਇਹ ਦਰਸਾਉਂਦਾ ਹੈ ਕਿ ਇਸ ਸਬੰਧੀ ਪਹਿਲਾਂ ਹੋ ਚੁੱਕੇ ਤਜ਼ਰਬਿਆਂ ਤੋਂ ਸਰਕਾਰ ਅਤੇ ਮਾਈਨਿੰਗ ਕੰਪਨੀ ਨੇ ਕੁੱਝ ਨਹੀਂ ਸਿੱਖਿਆ। ਦੱਸਿਆ ਗਿਆ ਕਿ ਬੰਨ• ਦਾ ਟੁੱਟਣਾ ਇੱਕ ਹਾਦਸਾ ਨਹੀਂ, ਸਗੋਂ ਅਪਰਾਧ ਹੈ, ਜਿਸ ਦੀ ਜਾਂਚ ਹੋਣੀ ਚਾਹੀਦੀ ਹੈ ਤੇ ਜ਼ਿੰਮੇਵਾਰ ਲੋਕਾਂ ਨੂੰ ਸਜ਼ਾ ਮਿਲਣੀ ਚਾਹੀਦੀ ਹੈ।