ਮੁੱਖ ਖਬਰਾਂ
Home / ਦੇਸ਼ ਵਿਦੇਸ਼ (page 2)

ਦੇਸ਼ ਵਿਦੇਸ਼

ਲੈਂਡਿੰਗ ਦੌਰਾਨ ਇਜ਼ਰਾਇਲੀ ਪੀ.ਐਮ ਦਾ ਜਹਾਜ਼ ਕ੍ਰੈਸ਼

ਪੋਲੈਂਡ – ਇਜ਼ਰਾਇਲੀ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਦਾ ਜਹਾਜ਼ ਕਲ ਰਾਤ ਪੋਲੈਂਡ ਵਿਚ ਟੇਕ-ਆਫ਼ ਦੇ ਅੱਗੇ ਇਕ ਮਾਮੂਲੀ ਦੁਰਘਟਨਾ ਵਿਚ ਨੁਕਸਾਨ ਹੋ ਗਿਆ ਸੀ। ਇਸ ਦੁਰਘਟਨਾ ਵਿਚ ਇਜ਼ਰਾਇਲ ਦੇ ਪੀ.ਐਮ. ਨੇਤਨਯਾਹੂ ਵਾਲ-ਵਾਲ ਬੱਚ ਗਏ ਹਨ।

ਸ਼ੇਖ ਹਸੀਨਾ ਨੇ ਰਿਟਾਇਰ ਹੋਣ ਦੇ ਦਿਤੇ ਸੰਕੇਤ

ਢਾਕਾ – ਬੰਗਲਾਦੇਸ਼ ਦੀ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਨੇ ਸੰਕੇਤ ਦਿਤਾ ਹੈ ਕਿ ਨੌਜਵਾਨ ਨੇਤਾਵਾਂ ਨੂੰ ਅੱਗੇ ਕਰਦਿਆਂ ਉਹ ਮੌਜੂਦਾ ਕਾਰਜਕਾਲ ਦੇ ਬਾਅਦ ਰਿਟਾਇਟਰ ਹੋ ਜਾਵੇਗੀ। ਇਕ ਮਹੀਨੇ ਪਹਿਲਾਂ ਹੀ ਉਹ ਚੌਥੀ ਵਾਰ ਦੇਸ਼ ਦੀ ਪ੍ਰਧਾਨ ਮੰਤਰੀ ਬਣੀ ਹੈ। ਪ੍ਰਧਾਨ ਮੰਤਰੀ ਦੇ ਤੌਰ ‘ਤੇ ਹਸੀਨਾ ਦਾ ਇਹ ਲਗਾਤਾਰ ਤੀਜਾ ਕਾਰਜਕਾਲ ਹੈ। ਇਕ ਸਮਾਚਾਰ ਏਜੰਸੀ ਨੂੰ ਦਿਤੇ ਇੰਟਰਵਿਊ ਵਿਚ 71 ਸਾਲਾ ਹਸੀਨਾ ਨੇ ਕਿਹਾ ਕਿ ਉਹ 5 ਸਾਲ ਦੇ ਕਾਰਜਕਾਲ ਦੇ ਬਾਅਦ ਰਿਟਾਇਰ ਹੋ ਜਾਣਾ ਚਾਹੁੰਦੀ ਹੈ। ਹਸੀਨਾ ਨੇ ਕਿਹਾ,” ਇਹ ਲਗਾਤਾਰ ਤੀਜਾ ਕਾਰਜਕਾਲ ਹੈ। ਮੈਂ ਮੌਜੂਦਾ ਕਾਰਜਕਾਲ ਖਤਮ ਹੋਣ ਦੇ ਬਾਅਦ ਇਸ ਅਹੁਦੇ ‘ਤੇ ਨਹੀਂ ਰਹਿਣਾ ਚਾਹੁੰਦੀ। ਮੈਨੂੰ ਲੱਗਦਾ ਹੈ ਕਿ ਹਰੇਕ ਨੂੰ ਬ੍ਰੇਕ ਲੈਣਾ ਚਾਹੀਦਾ ਹੈ ਤਾਂ ਜੋ ਨੌਜਵਾਨ ਪੀੜ੍ਹੀ ਨੂੰ ਜਗ੍ਹਾ ਮਿਲ ਸਕੇ।”

ਮੈਕਸਿਕੋ ਸਰਹੱਦ ‘ਤੇ ਕੰਧ ਬਣਾਉਣ ਲਈ ਫੰਡ ਜੁਟਾਉਣ ਦੇ ਮਕਸਦ ਨਾਲ ਐਮਰਜੈਂਸੀ ਲਗਾਉਣਗੇ ਟਰੰਪ

ਵਾਸ਼ਿੰਗਟਨ-ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਸਰਕਾਰ ਦੇ ਸ਼ਟਡਾਊਨ ਨੂੰ ਰੋਕਣ ਦੇ ਲਈ ਖ਼ਰਚ ਬਿਲ ‘ਤੇ ਦਸਤਖਤ ਕਰਨਗੇ। ਨਾਲ ਹੀ ਉਹ ਮੈਕਸਿਕੋ ਸਰਹੱਦ ‘ਤੇ ਕੰਧ ਬਣਾਉਣ ਦੇ ਲਈ ਕੌਮੀ ਐਮਰਜੈਂਸੀ ਦਾ ਵੀ ਐਲਾਨ ਕਰਨਗੇ। ਵਾਈਟ ਹਾਊਸ ਦੀ ਪ੍ਰੈਸ ਸਕੱਤਰ ਸਾਰਾ ਸੈਂਡਰਸ ਨੇ ਪ੍ਰੈਸ ਕਾਨਫੰਰਸ ਦੌਰਾਨ ਇਹ ਜਾਣਕਾਰੀ ਦਿੱਤੀ। ਟਰੰਪ ਦੇ ਇਸ ਕਦਮ ਨਾਲ ਅਮਰੀਕਾ ਦੀ ਸਿਆਸਤ ਗਰਮਾ ਸਕਦੀ ਹੈ। ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਵਿਰੋਧੀ ਧਿਰ ਦੇ ਹਮਲਿਆਂ ਨੂੰ ਵਾਈਟ ਹਾਊਸ ਕਿਸ ਤਰ੍ਹਾਂ ਨਿਪਟਦਾ ਹੈ।
ਰਿਪਬਲਿਕਨ ਸੈਨੇਟਰ ਮਿਚ ਮੈਕਕੌਨੇਲ ਨੇ ਦੱਸਿਆ ਕਿ ਉਨ੍ਹਾਂ ਦੀ ਰਾਸ਼ਟਰਪਤੀ ਦੇ ਨਾਲ ਫੋਨ ‘ਤੇ ਗੱਲਬਾਤ ਹੋਈ। ਉਨ੍ਹਾਂ ਨੇ ਬਿਲ ‘ਤੇ ਦਸਤਖਤ ਕਰਨ ਦੇ ਸੰਕੇਤ ਦਿੱਤੇ ਹਨ। ਨਾਲ ਹੀ ਉਹ ਕੌਮੀ ਐਮਰਜੈਂਸੀ ਦਾ ਐਲਾਨ ਵੀ ਕਰ ਸਕਦੇ ਹਨ। ਬਾਅਦ ਵਿਚ ਵਾਈਟ ਹਾਊਸ ਨੇ ਵੀ ਇਸ ਗੱਲ ਦੀ ਪੁਸ਼ਟੀ ਕੀਤੀ।
ਵਾਈਟ ਹਾਊਸ ਦੀ ਪ੍ਰੈਸ ਸੈਕਟਰੀ ਸਾਰਾ ਸੈਂਡਰਸ ਨੇ ਕਿਹਾ ਕਿ ਟਰੰਪ ਕੁਝ ਹੋਰ ਕਾਰਜਕਾਰੀ ਫ਼ੈਸਲੇ ਵੀ ਲੈ ਸਕਦੇ ਹਨ, ਜਿਸ ਵਿਚ ਕੌਮੀ ਐਮਰਜੈਂਸੀ ਦਾ ਐਲਾਨ ਸ਼ਾਮਲ ਹੈ। ਸਾਡਾ ਮਕਸਦ ਸੁਰੱਖਿਆ ਕਾਇਮ ਰੱਖਣਾ ਅਤੇ ਸਰਹੱਦ ‘ਤੇ ਮਨੁੱਖੀ ਸੰਕਟ ਨੂੰ ਰੋਕਣਾ ਹੈ।
ਐਮਰਜੈਂਸੀ ਦਾ ਐਲਾਨ Îਇੱਕ ਅਸਧਾਰਣ ਫ਼ੈਸਲਾ ਹੈ। ਇਸ ਨਾਲ ਅਮਰੀਕੀ ਰਾਸ਼ਟਰਪਤੀ ਨੂੰ ਕੁਝ ਵਿਸ਼ੇਸ਼ ਤਾਕਤਾਂ ਮਿਲਦੀਆਂ ਹਨ। ਇਸ ਦੇ ਜ਼ਰੀਏ ਟਰੰਪ ਸੈਨਾ ਅਤੇ ਆਪਦਾ ਰਾਹਤ ਦੇ ਫੰਡ ਮੈਕਸਿਕੋ ਸਰਹੱਦ ‘ਤੇ ਕੰਧ ਬਣਾਉਣ ਦੇ ਲਈ ਇਸਤੇਮਾਲ ਕਰ ਸਕਦੇ ਹਨ। ਵਿਰੋਧੀ ਡੈਮੋਕਰੇਟ ਨੇਤਾ ਅਤੇ ਟਰੰਪ ਦੀ ਨੀਤੀਆਂ ਦੀ ਵਿਰੋਧੀ ਮੰਨੀ ਜਾਣ ਵਾਲੀ ਨੈਂਸੀ ਪੇਲੋਸੀ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਫ਼ੈਸਲੇ ਸਿੱਧੇ ਤੌਰ ‘ਤੇ ਰਾਸ਼ਟਰਪਤੀ ਦੇ ਤੌਰ ‘ਤੇ ਮਿਲੀ ਤਾਕਤਾਂ ਦੀ ਦੁਰਵਰਤੋਂ ਹੈ। ਬਾਰਡਰ ‘ਤੇ ਅਜੇ ਕੋਈ ਐਮਰਜੈਂਸੀ ਜਿਹੀ ਸਥਿਤੀ ਨਹੀਂ ਹੈ। ਪੇਲੋਸੀ ਪਹਿਲਾਂ ਵੀ ਅਜਿਹੇ ਕਿਸੇ ਫ਼ੈਸਲੇ ਖ਼ਿਲਾਫ਼ ਟਰੰਪ ਨੂੰ ਕਾਨੁੰਨੀ ਚੁਣੌਤੀ ਦੇਣ ਦੀ ਗੱਲ ਕਹਿ ਚੁੱਕੀ ਹੈ। ਪਿਛਲੇ ਮਹੀਨੇ ਸ਼ਟਡਾਊਨ ਦੌਰਾਨ ਮੈਕਸਿਕੋ ਸਰਹੱਦ ‘ਤੇ ਕੰਧ ਲਈ ਵਿਰੋਧੀ ਪਾਰਟੀ ਦੇ ਨਾਲ ਗੱਲ ਨਹੀਂ ਬਣਨ ‘ਤੇ ਟਰੰਪ ਨੇ ਕਿਹਾ ਸੀ ਕਿ ਜੇਕਰ ਜ਼ਰੂਰਤ ਪਈ ਤਾਂ ਰਾਸ਼ਟਰਪਤੀ ਅਹੁਦੇ ਦੀ ਤਾਕਤਾਂ ਦਾ ਇਸਤੇਮਾਲ ਕਰਦੇ ਹੋਏ ਸੰਸਦ ਦੇ ਨਿਯਮਾਂ ਨੂੰ ਦਰਕਿਨਾਰ ਕਰਦੇ ਹੋਏ ਐਮਰਜੈਂਂਸੀ ਦਾ ਐਲਾਨ ਕਰ ਸਕਦੇ ਹਨ।

ਇਟਲੀ ਵਿਚ 40 ਸਾਲਾ ਹੁਸ਼ਿਆਰ ਸਿੰਘ ਦਾ ਕਤਲ

ਵੀਨਸ-ਇਟਲੀ ਦੇ ਸ਼ਹਿਰ ਪਾਦੋਵਾ ਵਿਚ ਇੱਕ 40 ਸਾਲਾ ਭਾਰਤੀ ਵਿਅਕਤੀ ਹੁਸ਼ਿਆਰ ਸਿੰਘ ਦਾ ਚਾਕੂਆਂ ਨਾਲ ਲਗਾਤਾਰ ਵਾਰ ਕਰਕੇ ਕਤਲ ਕਰ ਦਿੱਤਾ ਗਿਆ। ਇਸ ਕਤਲ ਦੇ ਸਬੰਧ ਵਿਚ ਪੁਲਿਸ ਵਲੋਂ ਹੁਸ਼ਿਆਰ ਸਿੰਘ ਦੇ ਨਾਲ ਰਹਿਣ ਵਾਲੇ ਉਸ ਦੇ ਹੀ ਇੱਕ ਸਾਥੀ ਭਾਰਤੀ ਸੰਜੇ ਬੀ ਨਾਂ ਦੇ ਵਿਅਕਤੀ ਨੂੰ ਹਿਰਾਸਤ ਵਿਚ ਲੈ ਲਿਆ ਹੈ ਉਸ ਕੋਲੋਂ ਲਗਾਤਾਰ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੇ ਘਰ ਸਾਹਮਣੇ ਰਹਿਣ ਵਾਲੇ ਇੱਕ ਪਾਕਿਸਤਾਨੀ ਨਾਗਰਿਕ ਤੋਂ ਵੀ ਪੁਛਗਿੱਛ ਕੀਤੀ ਗਈ ਹੈ। ਮ੍ਰਿਤਕ ਹੁਸ਼ਿਆਰ ਸਿੰਘ ‘ਤੇ ਚਾਕੂਆਂ ਨਾਲ ਲਗਾਤਾਰ 36 ਵਾਰ ਕੀਤੇ ਗਏ ਅਤੇ ਲਾਸ਼ ਨੂੰ ਖੁਰਦ ਬੁਰਦ ਕਰਨ ਲਈ ਅੱਗ ਲਗਾ ਦਿੱਤੀ ਗਈ ਪਰ ਸਵੇਰੇ ਸਾਢੇ ਛੇ ਵਜੇ ਜਦੋਂ ਘਰ ਕੋਲੋ ਲੰਘਣ ਵਾਲੇ ਕਿਸੇ ਵਿਅਕਤੀ ਨੂੰ ਲਾਸ਼ ਦੇ ਸੜਨ ਦੀ ਬਦਬੂ ਆਈ ਤਾਂ ਉਸ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ। ਹੁਸ਼ਿਆਰ ਸਿੰਘ ਅਜੇ ਕੁਝ ਦਿਨ ਪਹਿਲਾਂ ਹੀ ਅਪਣੇ ਸਾਥੀ ਸੰਜੇ ਬੀ ਨਾਲ ਰਹਿਣ ਲਈ ਪਾਦੋਵਾ ਸ਼ਹਿਰ ਆਇਆ ਸੀ।

19 ਵਿਦਿਆਰਥੀਆਂ ਨੂੰ ਭਾਰਤ ਪਰਤਣ ਦੀ ਆਗਿਆ ਮਿਲੀ

ਵਾਸ਼ਿੰਗਟਨ-ਅਮਰੀਕਾ ਵਿਚ ਵੀਜ਼ਾ ਧੋਖਾਧੜੀ ਵਿਚ ਗ੍ਰਿਫਤਾਰ ਹੋਏ 19 ਭਾਰਤੀ ਵਿਦਿਆਰਥੀਆਂ ਨੂੰ ਦੇਸ਼ ਪਰਤਣ ਦੀ ਆਗਿਆ ਦੇ ਦਿੱਤੀ ਗਈ ਹੈ। ਇਨ੍ਹਾਂ ਵਿਦਿਆਰਥੀਆਂ ਨੂੰ 26 ਫਰਵਰੀ ਤੱਕ Îਨਿਕਲ ਜਾਣ ਲਈ ਕਿਹਾ ਗਿਆ ਹੈ। ਇੱਕ ਸਥਾਨਕ ਕੋਰਟ ਵਲੋਂ ਇਨ੍ਹਾਂ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਦੇਸ਼ ਪਰਤਣ ਦੀ ਮਨਜ਼ੂਰੀ ਦਿੱਤੀ ਗਈ ਹੈ। 19 ਭਾਰਤੀ ਵਿਦਿਆਰਥੀਆਂ ਤੋਂ ਇਲਾਵਾ ਇੱਕ ਫਲਸਤੀਨੀ ਵਿਦਿਆਰਥੀ ਨੂੰ ਵੀ ਦੇਸ਼ ਪਰਤਣ ਦੀ ਆਗਿਆ ਮਿਲੀ ਹੈ। ਪਿਛਲੇ ਦਿਨੀਂ ਅਮਰੀਕੀ ਰਾਜ ਮਿਸ਼ੀਗਨ ਦੀ ਪੁਲਿਸ ਨੇ ਇੱਕ ਫਰਜ਼ੀ ਯੂਨੀਵਰਸਿਟੀ ਦੇ ਜ਼ਰੀਏ ਵੀਜ਼ਾ ਧੋਖਾਧੜੀ ਦਾ ਪਰਦਾਫਾਸ਼ ਕੀਤਾ ਸੀ। ਪੁਲਿਸ ਨੇ ਇਸ ਯੂਨੀਵਰਸਿਟੀ ਵਿਚ ਦਾਖ਼ਲੇ ਦੇ ਨਾਂ ‘ਤੇ ਟੂਰਿਸਟ ਵੀਜ਼ਾ ਰੈਕਟ ਦਾ ਪਰਦਾਫਾਸ਼ ਕੀਤਾ ਸੀ ਅਤੇ 129 ਭਾਰਤੀਆਂ ਸਮੇਤ 130 ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਜਿਹੜੇ ਵਿਦਿਆਰਥੀਆਂ ਨੂੰ ਦੇਸ਼ ਪਰਤਣ ਦੀ ਮਨਜ਼ੂਰੀ ਮਿਲੀ ਹੈ ਉਹ ਦੱਖਣੀ ਭਾਰਤੀ ਹਨ। 20 ਵਿਦਿਆਰਥੀਆਂ ਨੂੰ 31 ਜਨਵਰੀ ਤੋਂ ਇੱਥੇ ਦੋ ਡਿਟੈਂਸ਼ਨ ਸੈਂਟਰਾਂ ਵਿਚ ਰੱਖਿਆ ਗਿਆ ਹੈ। ਅਮਰੀਕਨ ਤੇਲੰਗਾਨਾ ਐਸੋਸੀਏਸ਼ਨ ਦੇ ਨੁਮਾਇੰਦੇ ਵੈਂਕਟ ਮਨਥੇਨਾ ਨੇ ਦੱਸਿਆ ਕਿ ਇੱਕ ਵਿਦਿਆਰਥੀ ਦਾ ਵਿਆਹ ਅਮਰੀਕੀ ਨਾਗਰਿਕ ਨਾਲ ਹੋਇਆ ਹੈ। ਇਹ ਵਿਦਿਆਰਥੀ ਅਮਰੀਕਾ ਵਿਚ ਰੁਕ ਕੇ ਅਪਣਾ ਕੇਸ ਖੁਦ ਲੜਨਾ ਚਾਹੁੰਦਾ ਸੀ, ਜਦਕਿ ਬਾਕੀ ਵਿਦਿਆਰਥੀਆਂ ਨੂੰ ਅਮਰੀਕਾ ਛੱਡਣ ਦੀ ਆਗਿਆ ਦੇ ਦਿੱਤੀ ਗਈ ਹੈ। ਇਨ੍ਹਾਂ ਵਿਦਿਆਰਥੀਆਂ ਨੂੰ ਯੂਐਸ ਗੌਰਮਿੰਟ ਰਿਮੂਵਨ ਆਰਡਰ ਦੇ ਤਹਿਤ ਭਾਰਤ ਜਾਣ ਦੀ ਆਗਿਆ ਮਿਲੀ ਹੈ।

ਅਮਰੀਕਾ ਦੀ ਨੀਤੀ ਬਦਲਵਾਉਣ ਵਾਲੇ ਸਿੱਖ ’ਤੇ ਬਣੀ ਫਿਲਮ ‘ਸਿੰਘ’

ਵਾਸ਼ਿੰਗਟਨ-ਅਮਰੀਕਾ ’ਚ 18 ਸਾਲਾ ਮੁਟਿਆਰ ਨੇ ‘ਸਿੰਘ’ ਨਾਂ ਦੇ ਸਿਰਲੇਖ ਹੇਠ ਇੱਕ ਲਘੂ ਫਿਲਮ ਬਣਾਈ ਹੈ। ਇਹ ਫਿਲਮ ਭਾਰਤੀ ਮੂਲ ਦੇ ਉਸ ਸਿੱਖ ’ਤੇ ਆਧਾਰਤ ਹੈ ਜਿਸ ਦੀ ਮੁਹਿੰਮ ਦੀ ਬਦੌਲਤ ਅਮਰੀਕਾ ਨੂੰ ਸਿੱਖ ਭਾਈਚਾਰੇ ਲਈ ਆਪਣੀ ਪਗੜੀ ਨੀਤੀ ’ਚ ਤਬਦੀਲੀ ਕਰਨੀ ਪਈ।
ਇੰਡੀਆਨਾ ਦੀ ਵਿਦਿਆਰਥਣ ਤੇ ਅਦਾਕਾਰਾ ਜੇਨਾ ਰੁਇਜ਼ ਵੱਲੋਂ ਨਿਰਦੇਸ਼ਤ ਇਹ ਫਿਲਮ 2007 ਦੀ ਸੱਚੀ ਘਟਨਾ ’ਤੇ ਆਧਾਰਤ ਹੈ ਜਦੋਂ ਸਿੱਖ ਕਾਰੋਬਾਰੀ ਗੁਰਿੰਦਰ ਸਿੰਘ ਖਾਲਸਾ ਨੂੰ ਨਿਊਯਾਰਕ ਦੇ ਬੁਫੈਲੋ ’ਚ ਜਹਾਜ਼ ’ਚ ਸਵਾਰ ਹੋਣ ਤੋਂ ਰੋਕ ਦਿੱਤਾ ਗਿਆ ਸੀ।
ਹਵਾਈ ਅੱਡੇ ’ਤੇ ਸਾਰੇ ਸੁਰੱਖਿਆ ਪ੍ਰਬੰਧ ’ਚੋਂ ਲੰਘਣ ਤੋਂ ਬਾਅਦ ਉਨ੍ਹਾਂ ਪਗੜੀ ਉਤਾਰਨ ਤੋਂ ਮਨ੍ਹਾਂ ਕਰ ਦਿੱਤਾ ਸੀ। ਇਸ ਲਈ ਉਨ੍ਹਾਂ ਨੂੰ ਜਹਾਜ਼ ਚੜ੍ਹਨ ਤੋਂ ਰੋਕ ਦਿੱਤਾ ਗਿਆ ਸੀ। ਇਸ ਘਟਨਾ ਤੋਂ ਬਾਅਦ ਇੰਡੀਆਨਾ ਪੋਲਿਸ ’ਚ ਰਹਿਣ ਵਾਲੇ ਗੁਰਿੰਦਰ ਸਿੰਘ ਖਾਲਸਾ ਨੇ ਅਮਰੀਕੀ ਕਾਂਗਰਸ ਦਾ ਧਿਆਨ ਇਸ ਮੁੱਦੇ ਵੱਲ ਦਿਵਾਇਆ।
ਇਸ ਤੋਂ ਬਾਅਦ ਦੇਸ਼ ਭਰ ’ਚ ਹਵਾਈ ਅੱਡਿਆਂ ’ਤੇ ਪਗੜੀ ਨੀਤੀ ’ਚ ਤਬਦੀਲੀ ਹੋਈ। ਸ੍ਰੀ ਖਾਲਸਾ ਨੂੰ ਉਨ੍ਹਾਂ ਦੀ ਇਸ ਮੁਹਿੰਮ ਬਦਲੇ ਹਾਲ ਹੀ ’ਚ ਵਿਸ਼ੇਸ਼ ਰੋਜ਼ਾ ਪਾਰਕਸ ਟਰੈਬਲੇਜ਼ਰ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਰੁਇਜ਼ ਇੰਡੀਆਨਾ ਯੂਨੀਵਰਸਿਟੀ ’ਚ ਨਿਊਕਲੀਅਰ ਮੈਡੀਸਨ ਟੈਕਨਾਲੌਜੀ ਦੀ ਪੜ੍ਹਾਈ ਕਰ ਰਹੀ ਹੈ।

ਕਈ ਕਰੋੜ ਦੇ ਹਵਾਲਾ ਰਾਸ਼ੀ ਮਾਮਲੇ ‘ਚ ਭਾਰਤੀ ਮੂਲ ਦੇ 3 ਅਮਰੀਕੀ ਦੋਸ਼ੀ ਕਰਾਰ

ਨਿਊਯਾਰਕ-ਅਮਰੀਕਾ ‘ਚ ਇਕ ਅਦਾਲਤ ਨੇ 2 ਸਾਲਾਂ ਤੱਕ ਚੱਲਣ ਵਾਲੇ ਕਈ ਕਰੋੜ ਦੇ ਹਵਾਲਾ ਰਾਸ਼ੀ ਯੋਜਨਾ ਮਾਮਲੇ ‘ਚ ਭੂਮਿਕਾ ਹੋਣ ਲਈ ਭਾਰਤੀ ਮੂਲ ਦੇ 3 ਅਮਰੀਕੀਆਂ ਸਣੇ 6 ਲੋਕਾਂ ਨੂੰ ਦੋਸ਼ੀ ਕਰਾਰ ਦਿੱਤਾ ਹੈ | ਅਮਰੀਕੀ ਨਿਆਂ ਵਿਭਾਗ ਨੇ ਇਸ ਦੀ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਰਵਿੰਦਰ ਰੇਡੀ ਗੁਡੀਪਤੀ (61), ਹਰਸ਼ ਜੱਗੀ (54) ਅਤੇ ਨੀਰੂ ਜੱਗੀ ਨੂੰ 5 ਹਫ਼ਤੇ ਦੇ ਜਿਊਰੀ ਟ੍ਰੈਲ ਤੋਂ ਬਾਅਦ ਹਵਾਲਾ ਰਾਸ਼ੀ ਸਾਜ਼ਿਸ਼ ਦਾ ਦੋਸ਼ੀ ਠਹਿਰਾਇਆ ਗਿਆ ਹੈ | ਉਕਤ 3 ਵਿਅਕਤੀ ਲਾਰੇਦੋ ਅਤੇ ਟੈਕਸਾਸ ਨਾਲ ਸਬੰਧਿਤ ਹਨ | ਨਿਆਂ ਵਿਭਾਗ ਦੀ ਅਪਰਾਧਿਕ ਡਵੀਜ਼ਨ ਦੇ ਸਹਾਇਕ ਅਟਾਰਨੀ ਜਨਰਨ ਨੇ ਦੱਸਿਆ ਕਿ ਇਨ੍ਹਾਂ ਭਾਰਤੀ-ਅਮਰੀਕੀਆਂ ਤੋਂ ਇਲਾਵਾ 3 ਹੋਰ ਵਿਅਕਤੀਆਂ ਨੂੰ ਇਸ ਮਾਮਲੇ ‘ਚ ਦੋਸ਼ੀ ਠਹਿਰਾਇਆ ਗਿਆ ਹੈ, ਜੋ ਮੈਕਸੀਕੋ ਅਤੇ ਟੈਕਸਾਸ ਨਾਲ ਸਬੰਧਿਤ ਹਨ | ਹਰਸ਼ ਅਤੇ ਅਡਰੀਆ ਨੂੰ ਹਵਾਲਾ ਰਾਸ਼ੀ ਦੇ ਦੋ ਮਾਮਲਿਆਂ ‘ਚ ਵੀ ਦੋਸ਼ੀ ਠਹਿਰਾਇਆ ਗਿਆ ਹੈ ਅਤੇ ਨੀਰੂ ਜੱਗੀ ਹਵਾਲਾ ਰਾਸ਼ੀ ਦੇ ਇਕ ਹੋਰ ਮਾਮਲੇ ‘ਚ ਦੋਸ਼ੀ ਸਿੱਧ ਹੋਇਆ ਹੈ | ਉਕਤ 6 ਵਿਅਖਤੀ ਇਕ ਹਵਾਲਾ ਰਾਸ਼ੀ ਯੋਜਨਾ ਦਾ ਹਿੱਸਾ ਸਨ ਜਿਸ ‘ਚ ਧਨ ਦਾ ਇਸਤੇਮਾਲ ਨਸ਼ਾ ਵਿਕਰੀ ਆਦਿ ਕੰਮਾਂ ਲਈ ਹੁੰਦਾ ਸੀ | ਅਦਾਲਤ ‘ਚ ਪੇਸ਼ ਸਬੂਤਾਂ ਅਨੁਸਾਰ ਸਾਲ 2011 ਤੋਂ 2013 ਤੱਕ ਇਹ ਕੰਮ ਚਲਦਾ ਰਿਹਾ | ਇਸ ਕੰਮ ਦੌਰਾਨ ਅਮਰੀਕੀ ਕਰੰਸੀ ਕਾਰਾਂ, ਕਮਰਸ਼ੀਅਲ ਬੱਸਾਂ, ਕਮਰਸ਼ੀਅਲ ਅਤੇ ਨਿੱਜੀ ਜਹਾਜ਼ਾਂ ਰਾਹੀਂ ਵੀ ਇਕ ਥਾਂ ਤੋਂ ਦੂਜੇ ਥਾਂ ਪਹੁੰਚਾਈ ਜਾਂਦੀ ਰਹੀ ਹੈ |

ਸੀਰੀਆ ਵਿਚ ਅਮਰੀਕੀ ਹਵਾਈ ਹਮਲੇ ਵਿਚ 70 ਨਾਗਰਿਕਾਂ ਦੀ ਮੌਤ

ਦਮਿਸ਼ਕ-ਸੀਰੀਆ ਦੇ ਪੂਰਵੀ ਇਲਾਕੇ ਵਿਚ ਅਮਰੀਕੀ ਸੁਰੱਖਿਆ ਬਲਾਂ ਦੇ ਹਵਾਈ ਹਮਲੇ ਵਿਚ 70 ਨਾਗਰਿਕ ਮਾਰੇ ਗਏ ਅਤੇ ਕਈ ਹੋਰ ਜ਼ਖ਼ਮੀ ਹੋ ਗਏ। ਹਵਾਈ ਹਮਲੇ ਪੂਰਵੀ Îਇਲਾਕੇ ਵਿਚ ਸਥਿਤ ਡਾਇਰ ਅਲ ਜੌਰ ਵਿਚ ਸ਼ਰਨਾਰਥੀਆਂ ਦੇ ਕੈਂਪ ਨੂੰ ਨਿਸ਼ਾਨਾ ਬਣਾ ਕੇ ਕੀਤੇ ਗਏ ਸਨ। ਖੂੰਖਾਰ ਅੱਤਵਾਦੀ ਸੰਗਠਨ ਇਸਲਾਮਿਕ ਸਟੇਟ ਦੇ ਪੂਰਵੀ ਯੂਫਰੇਟਸ ਨਦੀ ਖੇਤਰ ਵਿਚ ਕਬਜ਼ਾ ਵਧਾਉਣ ਦੇ ਕਾਰਨ ਹਵਾਈ ਹਮਲਿਆਂ ਵਿਚ ਵਾਧਾ ਹੋਇਆ ਹੈ।
ਅਮਰੀਕੀ ਹਮਾਇਤੀ ਸੀਰੀਆਈ ਡੈਮੋਕਰੇਟਿਕ ਫੋਰਸ ਮੀਡੀਆ ਦਫ਼ਤਰ ਦੇ ਪ੍ਰਮੁੱਖ ਮੁਸਤਫਾ ਬੱਲੀ ਦੇ ਅਨੁਸਾਰ ਪੂਰਵੀ ਸੀਰੀਆ ਵਿਚ ਪੂਰਵੀ ਯੂਫਰੇਟਸ ਨਦੀ ਖੇਤਰ ਵਿਚ ਆਈਐਸ ਦੇ ਖ਼ਿਲਾਫ਼ ਹਮਲਿਆਂ ਦੇ ਆਖਰੀ ਪੜਾਅ ‘ਤੇ ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ।
ਉਨ੍ਹਾਂ ਦੱਸਿਆ ਕਿ ਡੇਰ ਅਲ ਜੌਰ ਦੇ ਪੂਰਵੀ ਦਿਹਾਤੀ ਖੇਤਰ ਦੇ ਬਘੌਜ ਸ਼ਹਿਰ ਤੋਂ 20 ਹਜ਼ਾਰ ਤੋਂ ਜ਼ਿਆਦਾ ਨਾਗਰਿਕਾਂ ਨੂੰ ਕੱਢੇ ਜਾਣ ਤੋਂ ਬਾਅਦ ਐਸਡੀਐਫ ਨੇ ਪੂਰਵੀ ਯੂਫਰੇਟਸ ਖੇਤਰ ਵਿਚ ਆਈਐਸ ਦੇ ਕਬਜ਼ੇ ਵਾਲੇ ਇਲਾਕਿਆਂ ਵਿਚ ਸ਼ਨਿੱਚਰਵਾਰ ਰਾਤ ਮੁਹਿੰਮ ਸ਼ੁਰੂ ਕੀਤੀ ਗਈ। ਇਸ ਮੁਹਿੰਮ ਵਿਚ ਅਮਰੀਕੀ ਸੈਨਾ ਵੀ ਐਸਡੀਐਫ ਦੇ ਨਾਲ ਮਿਲ ਕੇ ਆਈਐਸ ਦੇ ਕਬਜ਼ੇ ਤੋਂ ਇਲਾਕੇ ਛੁਡਾਉਣ ਦੀ ਮੁਹਿੰਮ ਵਿਚ ਜੁਟੀ ਹੋਈ ਹੈ।

9 ਸਾਲ ਦੀ ਬੱਚੀ ਬਣੀ ਦੁਨੀਆਂ ਦੀ ਪਹਿਲੀ ਸਾਇਕਲ ਮੇਅਰ

ਐਮਸਟਡਰਮ – ਨੀਦਰਲੈਂਡ ਵਿਖੇ 9 ਸਾਲ ਦੀ ਬੱਚੀ ਲਾਟਾ ਕ੍ਰਾਕ ਦੁਨੀਆਂ ਦੀ ਪਹਿਲੀ ਜੂਨੀਅਰ ਸਾਇਕਲ ਮੇਅਰ ਹੈ। ਉਹ ਭੀੜਭਾੜ ਸ਼ਹਿਰ ਵਿਚ ਭੀੜ ਵਾਲੀਆਂ ਥਾਵਾਂ ‘ਤੇ ਸਾਇਕਲ ਚਲਾਉਂਦੇ ਹੋਏ ਪਹੁੰਚਦੀ ਹੈ ਅਤੇ ਲੋਕਾਂ ਨੂੰ ਦੱਸਦੀ ਹੈ ਕਿ ਚਾਰ ਟ੍ਰਾਮ ਵੱਖ-ਵੱਖ ਦਿਸ਼ਾਵਾਂ ਵਿਚ ਜਾ ਰਹੀ ਹੈ। ਇਕ ਬੱਚੇ ਲਈ ਇਕ ਬਹੁਤ ਭੁਲੇਖੇ ਵਾਲਾ ਹੋ ਸਕਦਾ ਹੈ। ਲਾਟਾ ਦਾ ਮਕਸਦ ਹੈ ਕਿ ਰੋਜ ਵੱਧ ਤੋਂ ਵੱਧ ਬੱਚੇ ਸਾਇਕਲ ਚਲਾਉਣ। ਉਹ ਲੋਕਾਂ ਦਾ ਧਿਆਨ ਇਸ ਗੱਲ ਵੱਲ ਵੀ ਖਿੱਚਣਾ ਚਾਹੁੰਦੀ ਹੈ ਕਿ ਬੱਚਿਆਂ ਨੂੰ ਸਾਇਕਲ ਚਲਾਉਣ ਦੌਰਾਨ ਕਿਹਨਾਂ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਐਮਸਟਡਰਮ ਦੁਨੀਆ ਦਾ ਅਨੋਖਾ ਸ਼ਹਿਰ ਹੈ। ਇਥੇ 8 ਲੱਖ 81 ਹਜਾਰ ਸਾਇਕਲਾਂ ਹਨ ਜਦਕਿ ਇਥੇ ਰਹਿਣ ਵਾਲੇ ਲੋਕਾਂ ਦੀ ਗਿਣਤੀ 8 ਲੱਖ 50 ਹਜ਼ਾਰ ਹੈ। ਭਾਵ ਕਿ ਲੋਕਾਂ ਤੋਂ 30 ਹਜ਼ਾਰ ਸਾਇਕਲਾਂ ਜ਼ਿਆਦਾ ਹਨ। ਸ਼ਹਿਰ ਦੀ 63 ਫ਼ੀ ਸਦੀ ਅਬਾਦੀ ਰੋਜ ਸਾਇਕਲ ਚਲਾਉਂਦੀ ਹੈ। ਲਾਟਾ ਮੁਤਾਬਕ ਐਮਸਟਡਰਮ ਵਿਚ ਸਾਇਕਲ ਚਲਾਉਣ ਦੌਰਾਨ ਕਾਰਾਂ, ਸਾਇਕਲ ਚਲਾਉਂਦੇ ਸੈਲਾਨੀ ਅਤੇ ਸਕੂਟਰਾਂ ਰਾਹੀਂ ਬੱਚਿਆਂ ਨੂੰ ਸੱਭ ਤੋਂ ਵੱਧ ਪਰੇਸ਼ਾਨੀ ਹੁੰਦੀ ਹੈ। ਤੁਹਾਨੂੰ ਆਸ ਵੀ ਨਹੀਂ ਹੁੰਦੀ ਤੇ ਸੈਲਾਨੀ ਅਕਸਰ ਕਿਨਾਰੇ ‘ਤੇ ਰੁਕ ਜਾਂਦੇ ਹਨ ਅਤੇ ਸਕੂਟਰ ਇੰਝ ਚਲਦੇ ਹਨ ਜਿਸ ਤਰ੍ਹਾਂ ਤੁਹਾਡੇ ‘ਤੇ ਹੀ ਚੜ ਜਾਣਗੇ। ਲਾਟਾ ਪਿਛਲੇ ਸਾਲ ਜੂਨ ਵਿਚ ਸਕੂਲੀ ਬੱਚਿਆਂ ਦਾ ਇਕ ਮੁਕਾਬਲਾ ਜਿੱਤਣ ਤੋਂ ਬਾਅਦ ਸਾਇਕਲ ਮੇਅਰ ਬਣੀ ਸੀ। ਐਮਸਟਡਰਮ ਦੀ ਸਾਇਕਲ ਮੇਅਰ ਕੈਟਲੀਨਾ ਬੋਮਰਾ ਹਨ। ਉਹਨਾਂ ਨੇ ਕਿ ਸਾਇਕਲ ਨਿਯੁਕਤ ਕਰਨ ਦੀ ਸਿਫਾਰਸ਼ ਕੀਤੀ ਸੀ। ਇਸ ਤੋਂ ਬਾਅਦ ਲਾਟਾ ਦੀ ਨਿਯੁਕਤੀ ਹੋਈ।ਲਾਟਾ ਕਹਿੰਦੀ ਹੈ ਕਿ ਉਸ ਦੇ ਮਾਂ-ਬਾਪ ਕੋਲ ਕਾਰ ਨਹੀਂ ਹੈ। ਉਸ ਦੇ ਘਰ ਬੱਚਿਆਂ ਦੀ ਸਾਇਕਲ ਨਹੀਂ ਹੈ ਇਸ ਕਰਕੇ ਉਸ ਨੂੰ ਮਾਂ ਬਾਪ ਦੀ ਸਾਇਕਲ ਪਿੱਛੇ ਬੈਠਣਾ ਪੈਂਦਾ ਹੈ ਜੋ ਕਿ ਥੋੜਾ ਖਤਰਨਾਕ ਵੀ ਹੁੰਦਾ ਹੈ।
ਬੱਚਿਆਂ ਵੱਲੋਂ ਜ਼ਿਆਦਾ ਤੋਂ ਜ਼ਿਆਦਾ ਸਾਇਕਲ ਚਲਾਉਣ ਦਾ ਵਿਚਾਰ ਉਸ ਵੇਲ੍ਹੇ ਮਸ਼ਹੂਰ ਹੋ ਗਿਆ ਜਦ ਇਕ ਰੇਲਵੇ ਆਪ੍ਰੇਟਰ ਸਪੂਰਵੈਗਨ ਨੇ ਇਸ ਨੂੰ ਪ੍ਰਚਾਰਤ ਕਰਨ ਦੀ ਜਿੰਮੇਵਾਰੀ ਲਈ ਅਤੇ ਬੱਚਿਆਂ ਵਾਸਤੇ ਅਜਿਹੀ ਸਾਇਕਲ ਦੀ ਸੇਵਾ ਸ਼ੁਰੂ ਕੀਤੀ ਜਿਸ ਵਿਚ ਦੋ ਸੀਟਾਂ ਤੇ ਦੋ ਪੈਡਲ ਹਨ। ਸੂਪਰਵੈਗਨ ਨੇ ਲਾਟਾ ਨੂੰ ਉਸ ਦੇ ਵਿਚਾਰ ਲਈ ਵਧਾਈ ਦਿਤੀ ਹੈ ਤੇ ਇਸ ਦੇ ਨਾਲ ਹੀ ਇਕ ਸਟੇਸ਼ਨ ‘ਤੇ ਬੱਚਿਆਂ ਦੀ ਸਾਇਕਲ ਰੱਖੇ ਜਾਣ ਦਾ ਪਾਇਲਟ ਪ੍ਰੋਜੈਕਟ ਵੀ ਸ਼ੁਰੂ ਕੀਤਾ ਹੈ।

ਬੂਟੇ ਲਗਾਉਣ ਵਿਚ ਸਭ ਤੋਂ ਅੱਗੇ ਹੈ ਭਾਰਤ-ਚੀਨ : ਨਾਸਾ

ਵਾਸ਼ਿੰਗਟਨ – ਨਾਸਾ ਦੇ ਇਕ ਤਾਜ਼ਾ ਅਧਿਐਨ ਵਿਚ ਆਮ ਧਾਰਣਾ ਦੇ ਉਲਟ ਇਹ ਦਸਿਆ ਗਿਆ ਹੈ ਕਿ ਭਾਰਤ ਅਤੇ ਚੀਨ ਬੂਟੇ ਲਗਾਉਣ ਦੇ ਮਾਮਲੇ ਵਿਚ ਵਿਸ਼ਵ ਵਿਚ ਸਭ ਤੋਂ ਮੋਹਰੀ ਮੁਲਕ ਹਨ। ਇਸ ਅਧਿਐਨ ਵਿਚ ਕਿਹਾ ਗਿਆ ਕਿ ਦੁਨੀਆ 20 ਸਾਲ ਪਹਿਲਾਂ ਦੇ ਮੁਕਾਬਲੇ ਵਿਚ ਜ਼ਿਆਦਾ ਹਰੀ-ਭਰੀ ਹੋ ਗਈ ਹੈ।
ਨਾਸਾ ਦੇ ਉਪਗ੍ਰਹਿ ਤੋਂ ਮਿਲੇ ਅੰਕੜਿਆਂ ਅਤੇ ਵਿਸ਼ਲੇਸ਼ਣ ‘ਤੇ ਅਧਾਰਿਤ ਅਧਿਐਨ ਵਿਚ ਕਿਹਾ ਗਿਆ ਕਿ ਭਾਰਤ ਅਤੇ ਚੀਨ ਬੂਟੇ ਲਗਾਉਣ ਦੇ ਮਾਮਲੇ ਵਿਚ ਅੱਗੇ ਹਨ। ਅਧਿਐਨ ਦੇ ਲੇਖਕ ਚੀ ਚੇਨ ਨੇ ਕਿਹਾ ਕਿ ਇਕ ਤਿਹਾਈ ਬੂਟੇ ਚੀਨ ਅਤੇ ਭਾਰਤ ਵਿਚ ਹਨ ਪਰ ਗ੍ਰਹਿ ਦੀ ਵਨ ਭੂਮੀ ਦਾ 9 ਫ਼ੀ ਸਦੀ ਖੇਤਰ ਹੀ ਉਨ੍ਹਾਂ ਦਾ ਹੈ। ਬੋਸਟਨ ਯੂਨੀਵਰਸਿਟੀ ਦੇ ਚੇਨ ਨੇ ਕਿਹਾ ਕਿ ਜ਼ਿਆਦਾ ਆਬਾਦੀ ਵਾਲੇ ਇਨ੍ਹਾਂ ਦੇਸ਼ਾਂ ਵਿਚ ਜ਼ਿਆਦਾਤਰ ਕਟਾਈ ਕਾਰਨ ਧਰਤੀ ਦੀ ਉਪਜਾਊ ਸ਼ਕਤੀ ਬਾਰੇ ਸਚਾਈ ਹੈਰਾਨ ਕਰਨ ਵਾਲੀ ਹੈ। ਨੇਚਰ ਸਸਟੇਨੇਬਿਲਟੀਜ਼ ਮੈਗਜ਼ੀਨ ਵਿਚ ਸੋਮਵਾਰ ਨੂੰ ਪ੍ਰਕਾਸ਼ਿਤ ਅਧਿਐਨ ਵਿਚ ਕਿਹਾ ਗਿਆ ਕਿ ਹਾਲੀਆ ਉਪਗ੍ਰਹਿ ਅੰਕੜਿਆਂ (2000-2017) ‘ਚ ਬੂਟੇ ਲਗਾਉਣ ਦੀ ਇਸ ਪ੍ਰਕਿਰਿਆ ਦਾ ਪਤਾ ਲੱਗਾ ਹੈ, ਜੋ ਮੁੱਖ ਰੂਪ ਨਾਲ ਚੀਨ ਅਤੇ ਭਾਰਤ ਵਿਚ ਹੋਈ ਹੈ।
ਦਰੱਖਤ-ਬੂਟਿਆਂ ਨਾਲ ਢਕੇ ਖੇਤਰ ਵਿਚ ਸੰਸਾਰਿਕ ਵਾਧੇ ‘ਚ 25 ਫ਼ੀ ਸਦੀ ਯੋਗਦਾਨ ਸਿਰਫ ਚੀਨ ਦਾ ਹੈ, ਜੋ ਸੰਸਾਰਿਕ ਵਣ ਖੇਤਰ ਦਾ ਸਿਰਫ 6.6 ਫ਼ੀ ਸਦੀ ਹੈ। ਨਾਸਾ ਦੇ ਅਧਿਐਨ ਵਿਚ ਕਿਹਾ ਗਿਆ ਕਿ ਚੀਨ ਵਣ (42 ਫ਼ੀ ਸਦੀ) ਅਤੇ ਖੇਤੀ ਵਾਲੀ ਜ਼ਮੀਨ (32 ਫ਼ੀ ਸਦੀ) ਕਾਰਨ ਹਰਾ-ਭਰਿਆ ਬਣਿਆ ਹੋਇਆ ਹੈ, ਜਦੋਂ ਕਿ ਭਾਰਤ ‘ਚ ਅਜਿਹੀ ਮੁੱਖ ਖੇਤੀ ਵਾਲੀ ਜ਼ਮੀਨ (82 ਫ਼ੀ ਸਦੀ) ਕਾਰਨ ਹੋਇਆ ਹੈ। ਇਸ ‘ਚ ਵਣ (4.4 ਫੀਸਦੀ) ਦਾ ਹਿੱਸਾ ਬਹੁਤ ਘੱਟ ਹੈ। ਚੀਨ ਜ਼ਮੀਨ ਸੁਰੱਖਿਆ, ਹਵਾ ਪ੍ਰਦੂਸ਼ਣ ਅਤੇ ਜਲਵਾਯੂ ਤਬਦੀਲੀ ਨੂੰ ਘੱਟ ਕਰਨ ਦੇ ਟੀਚੇ ਨਾਲ ਵਣਾਂ ਨੂੰ ਵਧਾਉਣ ਅਤੇ ਉਨ੍ਹਾਂ ਨੂੰ ਰਾਖਵਾਂ ਰੱਖਣ ਦੀ ਉਮੀਦ ਵਾਲੇ ਪਰੋਗਰਾਮ ਚਲਾ ਰਿਹਾ ਹੈ। ਭਾਰਤ ਅਤੇ ਚੀਨ ‘ਚ 2000 ਤੋਂ ਬਾਅਦ ਖੁਰਾਕ ਉਤਪਾਦਨ ‘ਚ 35 ਫ਼ੀ ਸਦੀ ਤੋਂ ਜ਼ਿਆਦਾ ਵਾਧਾ ਹੋਇਆ ਹੈ। ਨਾਸਾ ਦੇ ਖੋਜ ਕੇਂਦਰ ‘ਚ ਇਕ ਖੋਜ ਵਿਗਿਆਨੀ ਅਤੇ ਅਧਿਐਨ ਦੀ ਸਾਥੀ ਲੇਖਿਕਾ ਰਮਿਆ ਨੇਮਾਨੀ ਨੇ ਕਿਹਾ, ਜਦੋਂ ਧਰਤੀ ‘ਤੇ ਵਣ ਪਹਿਲੀ ਵਾਰ ਵੇਖਿਆ ਗਿਆ ਤਾਂ ਸਾਨੂੰ ਲੱਗਾ ਕਿ ਅਜਿਹਾ ਗਰਮ ਅਤੇ ਨਮੀ ਯੁਕਤ ਜਲਵਾਯੂ ਅਤੇ ਵਾਯੂਮੰਡਲ ‘ਚ ਵਧੇਰੇ ਕਾਰਬਨ ਡਾਈਆਕਸਾਇਡ ਕਾਰਨ ਹੀ ਖੁਦ ਹੈ। ਉਨ੍ਹਾਂ ਨੇ ਕਿਹਾ ਕਿ ਨਾਸਾ ਦੇ ਟੇਰਾ ਅਤੇ ਐਕਵਾ ਉਪਗ੍ਰਹਿਆਂ ‘ਤੇ ਮਾਡਰੇਟ ਰੇਜ਼ੋਲਿਊਸ਼ਨ ਇਮੇਜਿੰਗ ਸਪੈਕਟ੍ਰੋਰੇਡੀਓਮੀਟਰ (ਐਮ.ਓ .ਡੀ.ਆਈ.ਐਸ.) ਨਾਲ ਦੋ ਦਹਾਕੇ ਦੇ ਡਾਟਾ ਰਿਕਾਰਡ ਕਾਰਨ ਇਹ ਅਧਿਐਨ ਹੋ ਸਕਿਆ ਹੈ। ਹੁਣ ਇਸ ਰਿਕਾਰਡ ਦੀ ਮਦਦ ਨਾਲ ਅਸੀਂ ਵੇਖ ਸਕਦੇ ਹਾਂ ਕਿ ਮਨੁੱਖ ਵੀ ਯੋਗਦਾਨ ਦੇ ਰਹੇ ਹਨ। ਨੇਮਾਨੀ ਨੇ ਕਿਹਾ ਕਿ ਕਿਸੇ ਸਮੱਸਿਆ ਦਾ ਅਹਿਸਾਸ ਹੋ ਜਾਣ ‘ਤੇ ਲੋਕ ਉਸ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਭਾਰਤ ਅਤੇ ਚੀਨ ‘ਚ 1970 ਅਤੇ 1980 ਦੇ ਦਹਾਕੇ ਵਿਚ ਬੂਟਿਆਂ ਦੇ ਸੰਬੰਧ ਵਿਚ ਹਾਲਤ ਠੀਕ ਨਹੀਂ ਸਨ। ਉਨ੍ਹਾਂ ਨੇ ਕਿਹਾ ਕਿ 1990 ਦੇ ਦਹਾਕੇ ਵਿਚ ਲੋਕਾਂ ਨੂੰ ਇਸਦਾ ਅਹਿਸਾਸ ਹੋਇਆ ਅਤੇ ਅੱਜ ਚੀਜਾਂ ਵਿਚ ਕਾਫੀ ਸੁਧਾਰ ਹੋਇਆ ਹੈ।