ਮੁੱਖ ਖਬਰਾਂ
Home / ਦੇਸ਼ ਵਿਦੇਸ਼ (page 16)

ਦੇਸ਼ ਵਿਦੇਸ਼

ਨਿਊਜ਼ੀਲੈਂਡ ਮਸਜਿਦ ਹਮਲੇ ’ਚ ਵਾਲ-ਵਾਲ ਬਚੇ ਬੰਗਾਲਦੇਸ਼ੀ ਕ੍ਰਿਕਟਰ

ਕਰਾਈਸਟਚਰਚ-ਬੰਗਲਾਦੇਸ਼ ਕ੍ਰਿਕਟ ਟੀਮ ਦਾ ਨਿਊਜ਼ੀਲੈਂਡ ਦੌਰਾ ਇੱਥੇ ਮਸਜਿਦ ਵਿਚ ਹੋਈ ਗੋਲੀਬਾਰੀ ਦੀ ਘਟਨਾ ਤੋਂ ਬਾਅਦ ਰੱਦ ਕਰ ਦਿੱਤਾ ਗਿਆ ਹੈ। ਇਸ ਹਮਲੇ ਵਿੱਚ ਮਹਿਮਾਨ ਟੀਮ ਬੰਗਲਾਦੇਸ਼ ਦੇ ਖਿਡਾਰੀ ਵਾਲ-ਵਾਲ ਬੱਚ ਗਏ। ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੰਤਰੀ ਜੈਸਿੰਡਾ ਅਰਡਰ ਨੇ ਇਸ ਹਮਲੇ ਨੂੰ ‘ਹਿੰਸਾ ਦੀ ਅਸਾਧਾਰਨ ਕਰਤੂਰ’ ਕਰਾਰ ਦਿੱਤਾ ਹੈ।
ਸਥਾਨਕ ਮੀਡੀਆ ਅਨੁਸਾਰ ਹੈਗਲੇ ਪਾਰਕ ’ਚ ਸਥਿਤ ਮਸਜਿਦ ਅਲ ਨੂਰ ’ਚ ਹੋਏ ਹਮਲੇ ਵਿੱਚ ਕਈ ਲੋਕਾਂ ਦੀ ਮੌਤ ਹੋ ਗਈ। ਹਮਲੇ ਦੌਰਾਨ ਬੰਗਲਾਦੇਸ਼ ਟੀਮ ਦੇ ਖਿਡਾਰੀ ਵੀ ਮਸਜਿਦ ਵਿਚ ਨਮਾਜ਼ ਪੜ੍ਹਨ ਲਈ ਦਾਖ਼ਲ ਹੋਣ ਵਾਲੇ ਸਨ ਪਰ ਉਹ ਵਾਲਾ-ਵਾਲ ਬੱਚ ਨਿਕਲੇ ਅਤੇ ਸੁਰੱਖਿਅਤ ਹਨ ਪਰ ਮੌਜੂਦਾ ਹਾਲਾਤ ਨੂੰ ਦੇਖਦੇ ਹੋਏ ਅਧਿਕਾਰੀਆਂ ਨੇ ਸ਼ਨਿਚਰਵਾਰ ਤੋਂ ਸ਼ੁਰੂ ਹੋਣ ਵਾਲਾ ਤੀਜਾ ਤੇ ਆਖ਼ਰੀ ਟੈਸਟ ਮੈਚ ਰੱਦ ਕਰ ਦਿੱਤਾ। ਬੰਗਲਾਦੇਸ਼ ਲਈ ਇਹ ਦੌਰੇ ਦਾ ਆਖ਼ਰੀ ਮੈਚ ਸੀ।
ਬੰਗਲਾਦੇਸ਼ ਕ੍ਰਿਕਟ ਬੋਰਡ ਨੇ ਆਪਣੇ ਟਵਿਟਰ ਪੇਜ ’ਤੇ ਜਾਰੀ ਬਿਆਨ ਵਿੱਚ ਕਿਹਾ, ‘‘ਨਿਊਜ਼ੀਲੈਂਡ ਦੇ ਕਰਾਈਸਟਚਰਚ ਵਿੱਚ ਬੰਗਲਾਦੇਸ਼ ਕ੍ਰਿਕਟ ਟੀਮ ਦੇ ਸਾਰੇ ਮੈਂਬਰ ਸ਼ਹਿਰ ਵਿੱਚ ਹੋਈ ਗੋਲੀਬਾਰੀ ਦੀ ਘਟਨਾ ਤੋਂ ਬਾਅਦ ਸੁਰੱਖਿਅਤ ਹੋਟਲ ਪਹੁੰਚ ਚੁੱਕੇ ਹਨ। ਬੰਗਲਾਦੇਸ਼ ਕ੍ਰਿਕਟ ਬੋਰਡ ਖਿਡਾਰੀਆਂ ਤੇ ਟੀਮ ਪ੍ਰਬੰਧਨ ਨਾਲ ਲਗਾਤਾਰ ਸੰਪਰਕ ਵਿੱਚ ਹੈ।’’ ਬੰਗਲਾਦੇਸ਼ ਦੀ ਨਿਊਜ਼ ਏਜੰਸੀ ਬੀਐੱਸਐੱਸ ਨੇ ਟੀਮ ਮੈਨੇਜਰ ਖਾਲਿਦ ਮਸੂਦ ਪਾਇਲਟ ਦੇ ਹਵਾਲ ਨਾਲ ਕਿਹਾ ਕਿ ਬੰਗਲਾਦੇਸ਼ੀ ਕ੍ਰਿਕਟਰ ਪਹਿਲੀ ਉਡਾਣ ਤੋਂ ਨਿਊਜ਼ੀਲੈਂਡ ਤੋਂ ਰਵਾਨਾ ਹੋਣ ਲਈ ਤਿਆਰ ਹਨ। ਉਹ ਆਪਣੀਆਂ ਅੱਖਾਂ ਦੇ ਸਾਹਮਣੇ ਹੋਈ ਘਟਨਾ ਨੂੰ ਭੁੱਲ ਨਹੀਂ ਸਕਦੇ। ਬੰਗਲਾਦੇਸ਼ ਦੇ ਭਾਰਤੀ ਪ੍ਰਦਰਸ਼ਨ ਵਿਸ਼ਲੇਸ਼ਕ ਸ੍ਰੀਨਿਵਾਸ ਚੰਦਰਸ਼ੇਖਰਨ ਨੇ ਵੀ ਸੋਸ਼ਲ ਮੀਡੀਆ ’ਤੇ ਇਸ ਘਟਨਾ ਦੀ ਗੱਲ ਕੀਤੀ। ਚੇਨੱਈ ਦੇ ਚੰਦਰਸ਼ੇਖਰਨ ਪਿਛਲੇ ਇਕ ਸਾਲ ਤੋਂ ਟੀਮ ਦੇ ਨਾਲ ਹਨ।
ਉਨ੍ਹਾਂ ਕਿਹਾ,‘‘ਗੋਲੀਬਾਰੀ ਤੋਂ ਵਾਲ-ਵਾਲ ਬਚੇ। ਦਿਲ ਦੀ ਧੜਕਨ ਵੱਧ ਗਈ ਅਤੇ ਸਾਰੇ ਘਬਰਾਏ ਹੋਏ ਹਨ।’’ ਉੱਧਰ, ਨਿਊਜ਼ੀਲੈਂਡ ਕ੍ਰਿਕਟ ਨੇ ਖਿਡਾਰੀਆਂ ਤੇ ਸਹਿਯੋਗੀ ਸਟਾਫ ਦੀ ਸੁਰੱਖਿਆ ਦੀ ਪੁਸ਼ਟੀ ਕੀਤੀ। ਨਿਊਜ਼ੀਲੈਂਡ ਕ੍ਰਿਕਟ ਤੇ ਬੀਸੀਬੀ ਵਿਚਾਲੇ ਸਾਂਝੇ ਸਮਝੌਤੇ ਤੋਂ ਬਾਅਦ ਹੈ ਹੇਗਲੇ ਓਵਲ ਟੈਸਟ ਰੱਦ ਕੀਤਾ ਜਾਂਦਾ ਹੈ।’’ ਟੀਮ ਦੇ ਸੀਨੀਅਰ ਸਲਾਮੀ ਬੱਲੇਬਾਜ਼ ਤਮੀਮ ਇਕਬਾਲ ਨੇ ਟਵਿਟ ਕੀਤਾ, ‘‘ਇਹ ਟੀਮ ਲਈ ਭਿਆਨਕ ਤਜ਼ਰਬਾ ਸੀ, ਕ੍ਰਿਪਾ ਕਰ ਕੇ ਸਾਡੇ ਲਈ ਅਰਦਾਸ ਕਰੋ।’’

ਬੱਚਿਆਂ ਲਈ ਸਕਾਟਿਸ਼ ਸਰਕਾਰ ਵਲੋਂ 4 ਲੱਖ ਪੌਾਡ ਦੀ ਮਦਦ

ਲੰਡਨ-ਸਕਾਟਿਸ਼ ਸਰਕਾਰ ਵਲੋਂ ਪਾਕਿਸਤਾਨ ਦੇ ਗ਼ਰੀਬ ਵਰਗ ਅਤੇ ਘੱਟ ਗਿਣਤੀ ਬੱਚਿਆਂ ਅਤੇ ਔਰਤਾਂ ਦੀ ਉਚੇਰੀ ਵਿੱਦਿਆ ਲਈ 4 ਲੱਖ ਪੌਾਡ ਦੀ ਮਦਦ ਦਾ ਐਲਾਨ ਕੀਤਾ ਹੈ, ਜੋ ਸਿੱਖਿਆ ਪ੍ਰਚਾਰਕ ਮਲਾਲਾ ਯੂਸਫਜ਼ਾਈ ਵਲੋਂ ਪ੍ਰੇਰਿਤ ਹੈ | ਇਸ ਤੋਂ ਪਹਿਲਾਂ ਸਕਾਟਿਸ਼ ਸਰਕਾਰ ਵਲੋਂ ਪਾਕਿਸਤਾਨ ਵਿਚ ਗ਼ਰੀਬ ਔਰਤਾਂ ਅਤੇ ਘੱਟ ਗਿਣਤੀ ਦੇ ਬੱਚਿਆਂ ਲਈ ਮਾਸਟਰ ਡਿਗਰੀ ਲਈ ਵਜ਼ੀਫ਼ਾ ਯੋਜਨਾ ਸ਼ੁਰੂ ਕੀਤੀ ਸੀ, ਜਦਕਿ ਹੁਣ ਨਵੀਂ ਸਕੀਮ ਤਹਿਤ ਔਰਤਾਂ ਅਤੇ ਲੜਕੀਆਂ ਨੂੰ ਸਕੈਂਡਰੀ ਸਿੱਖਿਆ, ਅੰਡਰ ਗਰੈਜੂਏਟ ਡਿਗਰੀ ਅਤੇ ਮਾਸਟਰ ਡਿਗਰੀ ਲਈ ਵਜ਼ੀਫ਼ੇ ਪ੍ਰਦਾਨ ਕਰੇਗੀ | ਸਕਾਟਿਸ਼ ਸਰਕਾਰ ਦੀ ਰਿਪੋਰਟ ਅਨੁਸਾਰ ਪਾਕਿਸਤਾਨ ਵਿਚ 25 ਮਿਲੀਅਨ ਬੱਚੇ ਸਕੂਲਾਂ ਵਿਚ ਨਹੀਂ ਜਾਂਦੇ ਅਤੇ ਜਿਨ੍ਹਾਂ ‘ਚੋਂ 55 ਫ਼ੀਸਦੀ ਲੜਕੀਆਂ ਹਨ | ਤਿੰਨਾਂ ‘ਚੋਂ ਦੋ ਲੜਕੀਆਂ ਭੇਦਭਾਵ, ਘੱਟ ਸਹੂਲਤਾਂ, ਘੱਟ ਅਧਿਆਪਕ ਆਦਿ ਕਾਰਨ ਸਕੂਲ ਨਹੀਂ ਜਾਂਦੀਆਂ | ਈਡਨਬਰਗ ਵਿਚ ਬੇਘਰੇ ਲੋਕਾਂ ਲਈ ਕੀਤੇ ਗਏ ਇਕ ਸਮਾਗਮ ਵਿਚ ਸਕਾਟਲੈਂਡ ਦੀ ਫਸਟ ਮੰਤਰੀ ਨਿਕੋਲਾ ਸਟ੍ਰੋਜਨ ਉਚੇਚੇ ਤੌਰ ‘ਤੇ ਸ਼ਾਮਿਲ ਹੋਈ ਜਿਸ ਵਿਚ ਨੋਬਲ ਪੁਰਸਕਾਰ ਜੇਤੂ ਮਲਾਲਾ ਯੂਸਫਜ਼ਾਈ ਮੁੱਖ ਬੁਲਾਰਨ ਸੀ | ਫਸਟ ਮੰਤਰੀ ਨੇ ਕਿਹਾ ਕਿ ਸਕਾਟਿਸ਼ ਸਰਕਾਰ ਦਾ ਮੁੱਖ ਮਕਸਦ ਉਨ੍ਹਾਂ ਮਸਲਿਆਂ ਨਾਲ ਨਜਿੱਠਣਾ ਹੈ ਜਿਨ੍ਹਾਂ ਨੂੰ ਘਰ ਜਾਂ ਬਾਹਰ ਅਤੇ ਖ਼ਾਸ ਤੌਰ ਤੇ ਲੜਕੀਆਂ ਨੂੰ ਸਕੈਂਡਰੀ ਅਤੇ ਪ੍ਰਾਇਮਰੀ ਵਿੱਦਿਆ ਲਈ ਕਈ ਤਰ੍ਹਾਂ ਦੀਆਂ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ | ਸਕਾਟਲੈਂਡ ਪਾਕਿਸਤਾਨ ਸਕਾਲਰਸ਼ਿਪ ਸਕੀਮ ਤਹਿਤ 2013 ਤੋਂ 2016 ਤੱਕ 500 ਔਰਤਾਂ ਦੀ ਮਦਦ ਕੀਤੀ ਜਾ ਚੁੱਕੀ ਹੈ, 2017/18 ਵਿਚ 5600 ਔਰਤਾਂ ‘ਚੋਂ 173 ਨੂੰ ਸਕਾਲਰਸ਼ਿਪ ਦਿੱਤੀ | ਇਸ ਸਕੀਮ ਤਹਿਤ 400 ਬੱਚਿਆਂ ਨੇ ਸਕੂਲੀ ਵਿੱਦਿਆ ਹਾਸਿਲ ਕੀਤੀ ਜਿਨ੍ਹਾਂ ਵਿਚੋਂ 2000 ਨੇ 2017/18 ਵਿਚ ਵਿੱਦਿਆ ਹਾਸਿਲ ਕੀਤੀ ਹੈ |

ਜੌਨਸਨ ਐਂਡ ਜੌਨਸਨ ਪਾਊਡਰ ਦੀ ਵਰਤੋਂ ਨਾਲ ਹੋਇਆ ਕੈਂਸਰ, 201 ਕਰੋੜ ਮਿਲੇਗਾ ਮੁਆਵਜ਼ਾ

ਕੈਲੀਫੋਰਨੀਆ- ਆਕਲੈਂਡ ਵਿਚ ਕੈਲੀਫੋਰਨੀਆ ਸੁਪੀਰੀਅਰ ਕੋਰਟ ਨੇ ਟੇਰੀ ਲੀਵਿਟ ਨਾਂ ਦੀ ਔਰਤ ਨੂੰ 2.9 ਕਰੋੜ ਡਾਲਰ (201 ਕਰੋੜ ਰੁਪਏ) ਦੇਣ ਦਾ ਆਦੇਸ਼ ਦਿੱਤਾ ਹੈ। ਮਹਿਲਾ ਦਾ ਦੋਸ਼ ਸੀ ਕਿ ਜੌਨਸਨ ਐਂਡ ਜੌਨਸਨ ਦੇ ਟੈਲਕਮ ਪਾਊਡਰ ਵਿਚ ਐਸਬੈਸਟਸ ਹੋਣ ਕਾਰਨ ਹੀ ਉਹ ਕੈਂਸਰ ਨਾਲ ਪੀੜਤ ਹੋਈ। ਖ਼ਾਸ ਗੱਲ ਇਹ ਹੈ ਕਿ ਕੰਪਨੀ ਦੇਸ਼ ਭਰ ਵਿਚ ਟੈਲਕਮ ਪਾਊਡਰ ਨਾਲ ਸਬੰਧਤ 13 ਹਜ਼ਾਰ ਤੋਂ ਜ਼ਿਆਦਾ ਮੁਕੱਦਮਿਆਂ ਦਾ ਸਾਹਮਣਾ ਕਰ ਰਹੀ ਹੈ।
ਟੇਰੀ ਲੀਵਿਟ ਨੇ ਅਪਣੀ ਪਟੀਸ਼ਨ ਵਿਚ ਦੋਸ਼ ਲਗਾਇਆ ਸੀ ਕਿ ਉਨ੍ਹਾਂ ਨੇ ਜੌਨਸਨ ਐਂਡ ਜੌਨਸਨ ਦਾ ਬੇਬੀ ਪਾਊਡਰ, ਸ਼ਾਵਰ ਐਂਡ ਸ਼ਾਵਰ ਅਤੇ ਕੰਪਨੀ ਦੇ ਹੀ ਇੱਕ ਹੋਰ ਪਾਊਡਰ ਦਾ 1960 ਦੇ ਬਾਅਦ ਕਰੀਬ 20 ਸਾਲ ਇਸਤੇਮਾਲ ਕੀਤਾ ਸੀ। 2017 ਵਿਚ ਉਨ੍ਹਾਂ ਮੇਸੀਥੇਲਿਓਯਮਾ (ਐਸਬੈਸਟਸ ਤੋਂ ਹੋਣ ਵਾਲਾ ਕੈਂਸਰ) ਨਾਲ ਪੀੜਤ ਹੋਣ ਦਾ ਪਤਾ ਚਲਿਆ। ਸੱਤ ਜਨਵਰੀ ਨੂੰ ਸ਼ੁਰੂ ਹੋਏ ਇਸ 9 ਹਫ਼ਤੇ ਦੇ ਮੁਕੱਦਮੇ ਵਿਚ ਦੋਵੇਂ ਧਿਰਾਂ ਵਲੋਂ ਕਰੀਬ ਦਰਜਨ ਭਰ ਮਾਹਰਾਂ ਦੀ ਗਵਾਹੀ ਹੋਈ। ਫ਼ੈਸਲਾ ਸੁਣਾਉਣ ਤੋਂ ਪਹਿਲਾਂ ਜਿਊਰੀ ਨੇ ਦੋ ਦਿਨ ਤੱਕ ਇਸ ‘ਤੇ ਵਿਚਾਰ ਕੀਤਾ।
ਉਧਰ, ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਇਸ ਫ਼ੈਸਲੇ ਦੇ ਖ਼ਿਲਾਫ਼ ਅਪੀਲ ਕਰੇਗੀ ਕਿਉਂਕਿ ਮੁਕਦਮੇ ਸਪਸ਼ਟ ਖਾਮੀਆਂ ਸੀ। ਟੇਰੀ ਲੀਵਿਟ ਦੇ ਵਕੀਲ ਬੁਨਿਆਦੀ ਤੌਰ ‘ਤੇ ਇਹ ਪ੍ਰਦਰਸ਼ਤ ਕਰਨ ਵਿਚ ਅਸਮਰਥ ਰਹੇ ਕਿ ਬੇਬੀ ਪਾਊਡਰ ਵਿਚ ਐਸਬੈਸਟਸ ਹੈ। ਹਾਲਾਂਕਿ ਕੰਪਨੀ ਨੇ ਮੁਕਦਮੇ ਦੌਰਾਨ ਕਥਿਤ ਖਾਮੀਆਂ ਅਤੇ ਹੋਰ ਬਿਓਰਾ ਨਹੀਂ ਦਿੱਤਾ। Îਨਿਊ ਜਰਸੀ ਵਿਚ ਦ ਨਿਊ ਬ੍ਰੰਸਵਿਕ ਸਥਿਤ ਕੰਪਨੀ ਨੇ ਇਸ ਗੱਲ ਤੋਂ ਸਾਫ ਇਨਕਾਰ ਕੀਤਾ ਕਿ ਉਸ ਦੇ ਟੈਲਕਮ ਪਾਊਡਰ ਨਾਲ ਕੈਂਸਰ ਹੁੰਦਾ ਹੈ। ਉਸ ਦਾ ਕਹਿਣਾ ਹੈ ਕਿ ਨਿਆਮਕਾਂ ਦੁਆਰਾ ਕਰਾਏ ਗਏ ਕਈ ਅਧਿਐਨਾਂ ਅਤੇ ਪ੍ਰੀਖਣਾਂ ਤੋਂ ਸਾਫ ਹੈ ਕਿ ਉਸ ਦਾ ਟੈਲਕਮ ਪਾਊਡਰ ਸੁਰੱਖਿਅਤ ਅਤੇ ਐਸਬੈਸਟਸ ਮੁਕਤ ਹੈ। ਦੱਸ ਦੇਈਏ ਕਿ ਇਸ ਸਾਲ ਜੌਨਸਨ ਐਂਡ ਜੌਨਸਨ ਦੇ ਖ਼ਿਲਾਫ਼ ਜਿਹੜੇ ਦਰਜਨ ਭਰ ਤੋਂ ਜ਼ਿਆਦਾ ਮਾਮਲਿਆਂ ਦੀ ਸੁਣਵਾਈ ਹੋਣੀ ਹੈ, ਉਨ੍ਹਾਂ ਵਿਚੋਂ Îਇਹ ਪਹਿਲਾ ਹੈ।

ਨਿਊਜ਼ੀਲੈਂਡ ਦੀਆਂ 2 ਮਸਜਿਦਾਂ ‘ਚ ਗੋਲੀਬਾਰੀ, ਕਈ ਲੋਕਾਂ ਦੀ ਮੌਤ

ਨਿਊਜ਼ੀਲੈਂਡ – ਨਿਊਜ਼ੀਲੈਂਡ ਦੇ ਸ਼ਹਿਰ ਕ੍ਰਾਈਸਟਚਰਚ ਵਿਖੇ ਇਕ ਮਸਜਿਦ ਵਿਚ ਉਸ ਸਮੇਂ ਚੀਕ ਚਿਹਾੜਾ ਮਚ ਗਿਆ ਜਦੋਂ ਕੁੱਝ ਹਥਿਆਰਬੰਦ ਹਮਲਾਵਰਾਂ ਨੇ ਮਸਜਿਦ ਵਿਚ ਅੰਨ੍ਹੇਵਾਹ ਫਾਈਰਿੰਗ ਕਰਨੀ ਸ਼ੁਰੂ ਕਰ ਦਿਤੀ। ਇਸ ਫਾਈਰਿੰਗ ਦੌਰਾਨ ਕਈ ਲੋਕਾਂ ਦੇ ਮਾਰੇ ਜਾਣ ਦੀ ਖ਼ਬਰ ਹੈ, ਦੱਸਿਆ ਜਾ ਰਿਹਾ ਹੈ ਕਿ ਪਹਿਲਾ ਹਮਲਾ ਅਲ-ਨੂਰ ਮਸਜਿਦ ਵਿਚ ਹੋਇਆ ਸੀ।
ਸੂਤਰਾਂ ਤੋਂ ਮਿਲੀ ਜਾਣਕਰੀ ਮੁਤਾਬਕ ਇਸ ਹਾਦਸੇ ਦੌਰਾਨ ਉਥੇ ਬੰਗਲਾਦੇਸ਼ ਕ੍ਰਿਕਟ ਟੀਮ ਦੇ ਖਿਡਾਰੀ ਵੀ ਮੌਜੂਦ ਸਨ। ਬੰਗਲਾਦੇਸ਼ ਕ੍ਰਿਕਟ ਟੀਮ ਦੇ ਖਿਡਾਰੀ ਤਮੀਮ ਇਕਬਾਲ ਨੇ ਟਵੀਟ ਕਰ ਕਿਹਾ ਕਿ “ਗੋਲੀਬਾਰੀ ‘ਚ ਪੂਰੀ ਟੀਮ ਵਾਲ-ਵਾਲ ਬਚ ਗਈ, ਬੇਹੱਦ ਡਰਾਵਣਾ ਅਨੁਭਵ ਸੀ”
ਇਸ ਘਟਨਾ ਨੂੰ ਲੈ ਕੇ ਬੰਗਲਾਦੇਸ਼ ਕ੍ਰਿਕਟ ਟੀਮ ਦੇ ਇਕ ਖਿਡਾਰੀ ਮੁਹੰਮਦ ਇਸਲਾਮ ਨੇ ਟਵੀਟ ਕੀਤਾ ਹੈ। ਇਸਲਾਮ ਨੇ ਲਿਖਿਆ,”ਬੰਗਲਾਦੇਸ਼ ਦੀ ਟੀਮ ਹੇਗਲੇ ਪਾਰਕ ਨੇੜੇ ਮਸਜਿਦ ਤੋਂ ਬਾਹਰ ਨਿਕਲ ਆਈ, ਜਿੱਥੇ ਸਰਗਰਮ ਬੰਦੂਕਧਾਰੀ ਮੌਜੂਦ ਸੀ।
ਪੁਲਿਸ ਕਮਿਸ਼ਨਰ ਮਾਈਕ ਬੁਸ਼ ਦੇ ਮੁਤਾਬਕ ਸ਼ਹਿਰ ਦੇ ਸਾਰੇ ਸਕੂਲਾਂ ਨੂੰ ਬੰਦ ਕਰਵਾ ਦਿੱਤਾ ਗਿਆ ਹੈ। ਪੁਲਿਸ ਨੇ ਇਲਾਕੇ ‘ਚ ਸੁਰੱਖਿਆ ਦੇ ਪ੍ਰਬੰਧ ਕੀਤੇ ਹਨ। ਉਹਨਾਂ ਦਾ ਕਹਿਣਾ ਹੈ ਕਿ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਨਿਊਜ਼ੀਲੈਂਡ ਦੀ ਪੀਐਮ ਜੇੈਸਿੰਡਾ ਅਡਾਰਨਰ ਨੇ ਇਸ ਦਿਨ ਨੂੰ ਕਾਲਾ ਦਿਨ ਕਰਾਰ ਦਿੱਤਾ ਹੈ।

ਨਾਈਜੀਰੀਆ ਦੇ ਲਾਗੋਸ ਵਿਚ ਸਕੂਲੀ ਇਮਾਰਤ ਡਿੱਗੀ, 8 ਮੌਤਾਂ

ਲਾਗੋਸ-ਈਜੀਰੀਆ ਵਿਚ ਲਾਗੋਸ ਦੇ ਸੰਘਣੀ ਆਬਾਦੀ ਵਾਲੇ ਇੱਕ ਖੇਤਰ ਵਿਚ ਬੁਧਵਾਰ ਨੂੰ ਚਾਰ ਮੰਜ਼ਿਲਾ ਰਿਹਾਇਸ਼ੀ ਇਮਾਰਤ ਢਹਿ ਜਾਣ ਕਾਰਨ ਛੋਟੇ ਬੱਚੇ ਮਲਬੇ ਵਿਚ ਫਸ ਗਏ। ਇਮਾਰਤ ਢਹਿਣ ਕਾਰਨ ਘੱਟ ਤੋਂ ਘੱਟ 8 ਲੋਕਾਂ ਦੀ ਮੌਤ ਹੋ ਗਈ ਅਤੇ 37 ਹੋਰ ਲੋਕਾਂ ਨੂੰ ਬਚਾ ਲਿਆ ਗਿਆ। ਬਚਾਅ ਕਰਮੀ ਨੁਕਸਾਨੀ ਛੱਤ ਦੇ ਰਸਤੇ ਉਨ੍ਹਾਂ ਤੱਕ ਪੁੱਜਣ ਦੀ ਕੋਸ਼ਿਸ਼ ਵਿਚ ਜੁਟੇ ਹਨ। ਜਦ ਇਹ ਇਮਾਰਤ ਢਹੀ ਤਦ ਉਸ ਦੀ ਸਭ ਤੋਂ ਉਤਰਲੀ ਮੰਜ਼ਿਲ ‘ਤੇ ਛੋਟੇ ਬੱਚੇ ਪੜ੍ਹ ਰਹੇ ਸੀ। ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਮਲਬੇ ਵਿਚ ਬਹੁਤ ਸਾਰੇ ਲੋਕਾਂ ਦੇ ਫਸੇ ਹੋਣ ਦਾ ਸ਼ੱਕ ਹੈ। ਇਹ ਹਾਦਸਾ ਸਥਾਨਕ ਸਮੇਂ ਅਨੁਸਾਰ ਸਵੇਰੇ ਕਰੀਬ ਦਸ ਵਜੇ ਲਾਗੋਸ ਟਾਪੂ ਵਿਚ ਇਤਾਫਾਜੀ ਬਾਜ਼ਾਰ ਦੇ ਨੇੜ੍ਹੇ ਵਾਪਰਿਆ। ਘਟਨਾ ਸਥਾਨ ‘ਤੇ ਹਜ਼ਾਰਾਂ ਲੋਕ ਜੁਟ ਗਏ। ਉਥੇ ਹਫੜਾ ਦਫੜੀ ਦਾ ਮਾਹੌਲ ਸੀ। ਪੁਲਿਸ ਬਚਾਅ ਕਰਮੀ ਪੀੜਤਾਂ ਨੂੰ ਬਚਾਉਣ ਵਿਚ ਜੁਟੇ ਸੀ। ਬਚਾਅ ਵਿਚ ਜੁਟੇ ਵਿਅਕਤੀਆਂ ਨੇ ਕਿਹਾ ਕਿ ਘੱਟ ਤੋਂ ਘੱਟ ਦਸ ਲੋਕ ਫਸੇ ਹੋਏ ਹਨ। ਪੁਲਿਸ ਨੇ ਦੱਸਿਆ ਕਿ ਅੰਦਰ ਫਸੇ ਹੋਏ ਲੋਕਾਂ ਦੀ ਗਿਣਤੀ ਬਹੁਤ ਜ਼ਿਆਦਾ ਹੋ ਸਕਦੀ ਹੈ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਅਸੀਂ ਹੁਣ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ ਕਿ ਕਿੰਨੇ ਲੋਕ ਫਸੇ ਹੋਏ ਹਨ। ਉਨ੍ਹਾ ਦੱਸਿਆ ਕਿ ਘੱਟ ਤੋਂ ਘੱਟ 20 ਜਣੇ ਬਾਹਰ ਕੱਢੇ ਗਏ ਹਨ। ਹਾਲਾਂਕਿ ਉਨ੍ਹਾਂ ਨੇ ਇਹ ਨਹੀਂ ਦੱਸਿਆ ਕਿ ਉਹ ਜ਼ਿੰਦਾ ਹਨ ਜਾਂ ਨਹੀਂ। ਮਲਬੇ ਵਿਚੋਂ ਅੱਠ ਲੋਕ ਕੱਢੇ ਗਏ ਉਨ੍ਹਾਂ ਵਿਚ ਇੱਕ ਛੋਟਾ ਬੱਚਾ ਵੀ ਸੀ ਜਿਸ ਦੇ ਮੂੰਹ ‘ਤੇ ਖੂਨ ਲੱਗਾ ਸੀ ਤੇ ਉਹ ਜ਼ਿੰਦਾ ਸੀ।

ਅਮਰੀਕਾ ‘ਚ ਤੂਫ਼ਾਨ ਤੇ ਭਾਰੀ ਬਰਫ਼ਬਾਰੀ ਕਾਰਨ ਲੋਕਾਂ ਦਾ ਘਰੋਂ ਨਿਕਲਣਾ ਹੋਇਆ ਮੁਸ਼ਕਲ, 1300 ਤੋਂ ਜ਼ਿਆਦਾ ਉਡਾਣਾਂ ਰੱਦ

ਡੈਨਵਰ-ਅਮਰੀਕਾ ਦੇ ਕਈ ਇਲਾਕਿਆਂ ਵਿਚ ਤੂਫ਼ਾਨ ਤੇ ਭਾਰੀ ਬਰਫ਼ਬਾਰੀ ਕਾਰਨ ਹਜ਼ਾਰਾਂ ਲੋਕਾਂ ਦਾ ਘਰਾਂ ਤੋਂ ਨਿਕਲਣਾ ਮੁਸ਼ਕਲ ਹੋ ਗਿਆ। ਤੂਫਾਨ ਨੂੰ ਬਮ ਸਾਈਕਲੋਨ ਨਾਂ ਦਿੱਤਾ ਜਾ ਰਿਹਾ ਹੈ। ਮੌਸਮ ਵਿਭਾਗ ਨੇ 110 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾਵਾਂ ਚਲਣ ਦੀ ਆਸ਼ੰਕਾ ਜਤਾਈ ਹੈ। ਜਦ ਕਿ 1339 ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਸਰਕਾਰੀ ਦਫ਼ਤਰ, ਸਕੂਲ ਅਤੇ ਬਾਜ਼ਾਰ ਵੀ ਬੰਦ ਕਰ ਦਿੱਤੇ ਗਏ ਹਨ।ਕੌਮੀ ਮੌਸਮ ਸੇਵਾ ਨੇ ਤੂਫਾਨ ਦੇ ਮੱਦੇਨਜ਼ਰ ਕੋਲੋਰਾਡੋ, ਵਿਓਮਿੰਗ, ਨੇਬ੍ਰਾਸਕਾ, ਅਤੇ ਨਾਰਥ-ਸਾਊਥ ਡਕੋਟਾ ਦੇ ਲੋਕਾਂ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਉਹ ਘਰਾਂ ਤੋਂ ਬਾਹਰ ਨਾ Îਨਿਕਲਣ ਅਤੇ ਸੰਭਵ ਹੋਵੇ ਤਾਂ ਯਾਤਰਾ ਨਾ ਕਰਨ।Îਨਿਊ ਮੈਕਸਿਕੋ, ਵਿਸਕੌਨਸਿਨ, ਮਿਨੇਸੋਟਾ, ਟੈਕਸਾਸ, ਮਿਸ਼ੀਗਨ ਅਤੇ ਆਯੋਵਾ ਵਿਚ ਵੀ ਹਾਲਤ ਖਰਾਬ ਹੈ। ਡੈਨਵਰ ਪੁਲਿਸ ਮੁਤਾਬਕ 110 ਹਾਦਸਿਆਂ ਦੀ ਵੀ ਜਾਣਕਾਰੀ ਮਿਲੀ ਹਨ।ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਜੇਕਰ ਤੁਸੀਂ ਘਰ ਦੇ ਬਾਹਰ ਹਨ ਤਾਂ ਚੌਕਸੀ ਵਰਤਣ। ਸੜਕਾਂ ‘ਤੇ ਕਾਫੀ ਬਰਫ਼ ਹੈ ਅਤੇ ਤੇਜ਼ ਹਵਾ ਚਲ ਰਹੀ ਹੈ, ਲਿਹਾਜ਼ਾ ਅਪਣੀ ਗੱਡੀਆਂ ਦੀ ਹੈਡ ਲਾਈਟ ਜਗਾਈ ਰੱਖਣ। ਸ਼ੀਸ਼ੇ ਦਾ ਵਾਈਪਰ ਵੀ ਚਾਲੂ ਰੱਖਣ। ਖਰੀਦਦਾਰੀ ਕਰਨ ਜ਼ਿਆਦਾ ਦੂਰ ਨਾ ਜਾਣ।ਬਰਫ਼ਬਾਰੀ ਅਤੇ ਤੂਫਾਨ ਦੇ ਚਲਦਿਆਂ ਡੈਨਵਰ ਕੌਮਾਂਤਰੀ ਹਵਾਈ ਅੱਡਾ ਬੰਦ ਕਰ ਦਿੱਤਾ ਗਿਆ ਹੈ। ਹਵਾਈ ਅੱਡੇ ਦੇ ਬੁਲਾਰੇ ਮੁਤਾਬਕ 1339 ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਡੈਨਵਰ ਦੀ 7 ਕਾਊਂਟੀ ਵਿਚ ਸਕੂਲਾਂ ‘ਚ ਛੁੱਟੀਆਂ ਕਰ ਦਿੱਤੀਆਂ ਗਈਆਂ ਹਨ। ਸਰਕਾਰੀ ਦਫ਼ਤਰ ਅਤੇ ਦੁਕਾਨਾਂ ਨੂੰ ਵੀ ਬੰਦ ਰੱਖਣ ਦੇ ਆਦੇਸ਼ ਦਿੱਤੇ ਗਏ ਹਨ। ਤੇਜ਼ ਹਵਾਵਾਂ ਦੇ ਚਲਦਿਆਂ ਕੋਲੋਰਾਡੋ ਵਿਚ ਵਪਾਰਕ ਅਤੇ ਘਰੇਲੂ ਬਿਜਲੀ ਸੇਵਾ ਪ੍ਰਭਾਵਤ ਹੋਈ ਹੈ। ਕਰੀਬ ਇੱਕ ਲੱਖ 30 ਹਜ਼ਾਰ ਲੋਕ ਬਗੈਰ ਬਿਜਲੀ ਦੇ ਰਹਿ ਰਹੇ ਹਨ। ਬਿਜਲੀ ਕੰਪਨੀ ਦੇ ਬੁਲਾਰੇ ਨੇ ਦੱਸਿਆ ਕਿ ਕਦੋਂ ਤੱਕ ਬਿਜਲੀ ਦੀ ਬਹਾਲੀ ਹੋ ਸਕੇ। ਉਧਰ, ਡਲਾਸ ਦੇ ਵੀ ਇੱਕ ਲੱਖ ਲੋਕਾਂ ਦੇ ਘਰਾਂ ਵਿਚ ਵੀ ਬਿਜਲੀ ਨਹੀ ਹੈ।

ਮੰਗਲ ‘ਤੇ ਸਭ ਤੋਂ ਪਹਿਲਾਂ ਪੈਰ ਰੱਖੇਗੀ ਔਰਤ-ਨਾਸਾ

ਵਾਸ਼ਿੰਗਟਨ-ਪੁਲਾੜ ਏਜੰਸੀ ਨਾਸਾ ਨੇ ਕਿਹਾ ਹੈ ਕਿ ਮੰਗਲ ਗ੍ਰਹਿ ‘ਤੇ ਸਭ ਤੋਂ ਪਹਿਲਾਂ ਇਕ ਔਰਤ ਕਦਮ ਰੱਖ ਸਕਦੀ ਹੈ | ਨਾਸਾ ਦੇ ਪ੍ਰਸ਼ਾਸਕ ਵਹਾਈਲ ਬ੍ਰਾਈਡੇਨਸਟੀਨ ਨੇ ਕਿਸੇ ਵਿਅਕਤੀ ਦੀ ਪਹਿਚਾਣ ਨਹੀਂ ਕੀਤੀ ਪਰ ਕਿਹਾ ਹੈ ਕਿ ਅਮਰੀਕੀ ਪੁਲਾੜ ਏਜੰਸੀ ਦੀਆਂ ਆਗਾਮੀ ਯੋਜਨਾਵਾਂ ‘ਚ ਔਰਤਾਂ ਨੂੰ ਅੱਗੇ ਰੱਖਿਆ ਗਿਆ ਹੈ | ਇਹ ਪੁੱਛੇ ਜਾਣ ‘ਤੇ ਕਿ ਕੀ ਚੰਨ ‘ਤੇ ਪਹਿਲੀ ਵਾਰ ਇਕ ਔਰਤ ਉਤਰੇਗੀ ਤਾਂ ਬ੍ਰਾਈਡੇਨਸਟੀਨ ਨੇ ਕਿਹਾ ਕਿ ਨਿਸ਼ਚਿਤ ਤੌਰ ‘ਤੇ, ਪਰ ਚੰਨ ‘ਤੇ ਪਹਿਲਾ ਅਗਲਾ ਵਿਅਕਤੀ ਇਕ ਔਰਤ ਹੋ ਸਕਦੀ ਹੈ | ਵਿਗਿਆਨ ਤੇ ਰੇਡੀਓ ਪੋ੍ਰਗਰਾਨ ‘ਸਾਇੰਸ ਫ੍ਰਾਈਡੇ’ ਨੂੰ ਹਾਲ ਹੀ ‘ਚ ਦਿੱਤੇ ਗਏ ਬਿਆਨ ਦੌਰਾਨ ਬ੍ਰਾਈਡੇਨਸਟੀਨ ਨੇ ਕਿਹਾ ਕਿ ਇਹ ਵੀ ਸੱਚ ਹੈ ਕਿ ਮੰਗਲ ‘ਤੇ ਪਹਿਲਾ ਸ਼ਖ਼ਸ ਵੀ ਇਕ ਔਰਤ ਹੋ ਸਕਦੀ ਹੈ | ਨਾਸਾ ਨੇ ਹਾਲ ਹੀ ‘ਚ ਐਲਾਨ ਕੀਤਾ ਸੀ ਕਿ ਇਸ ਮਹੀਨੇ ਦੇ ਅਖ਼ੀਰ ਤਕ ਉਸ ਦਾ ਪਹਿਲਾ ਏਸਾ ਸਪੇਸਵਾਕ ਤਿਆਰ ਹੋ ਜਾਵੇਗਾ ਜਿਸ ‘ਚ ਸਾਰੀਆਂ ਔਰਤਾਂ ਹੀ ਹੋਣਗੀਆਂ ਤੇ ਪੁਲਾੜ ਯਾਤਰੀ ਏਨੇ ਮੈਕਲੇਨ ਤੇ ਕ੍ਰਿਸਟੀਨਾ ਕੋਚ ਨੂੰ ਪੁਲਾੜ ਦੀ ਸੈਰ ਦਾ ਮੌਕਾ ਮਿਲੇਗਾ | ਉਨ੍ਹਾਂ ਨੇ ਕਿਹਾ ਕਿ ਮਾਰਚ ਦੇ ਅਖ਼ੀਰ ਤੱਕ ਸਾਡੇ ਕੋਲ ਸਪੇਸਵਾਕ ਹੋਵੇਗਾ ਜਿਸ ‘ਚ ਸਾਰੀਆਂ ਔਰਤਾਂ ਹੋਣਗੀਆਂ, ਇਹ ਮਹੀਨਾ ਬੇਸ਼ੱਕ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦਾ ਹੈ |

ਬਰਾਜ਼ੀਲ ਦੇ ਸਕੂਲ ਵਿਚ ਗੋਲੀਬਾਰੀ , 5 ਬੱਚਿਆਂ ਸਣੇ 10 ਲੋਕਾਂ ਦੀ ਮੌਤ

ਬਰਾਜ਼ੀਲ-ਬਰਾਜ਼ੀਲ ਦੇ ਸਕੂਲ ਵਿਚ ਹਮਲਵਾਰ ਵਲੋਂ ਕੀਤੀ ਗਈ ਗੋਲੀਬਾਰੀ ਵਿਚ 5 ਬੱਚਿਆਂ ਸਣੇ 10 ਲੋਕਾਂ ਦੀ ਮੌਤ ਹੋ ਗਈ ਤੇ 17 ਜਣੇ ਗੰਭੀਰ ਫੱਟੜ ਹੋ ਗਏ ਹਨ। ਪੁਲਿਸ ਨੇ ਦੱਸਿਆ ਕਿ ਸਾਓ ਪਾਓਲੋ ਦੇ ਨੇੜ੍ਹੇ ਸੁਜਾਨੋ ਵਿਚ ਸਥਿਤ ਸਕੂਲ ਵਿਚ ਅਣਪਛਾਤੇ ਹਮਲਾਵਰ ਨੇ ਵੜ ਕੇ ਅੰਨ੍ਹੇਵਾਹ ਗੋਲੀਆਂ ਚਲਾਈਆਂ। ਬਰਾਜ਼ੀਲ ਦੇ ਟੈਲੀਵਿਜ਼ਨ ਚੈਨਲ ਗਲੋਬੋ ਅਤੇ ਵੈਬਸਾਈਟ ਯੂਓ ਨੇ ਕਿਹਾ ਕਿ ਇਸ ਘਟਨਾ ਵਿਚ ਦੋ ਅੱਲੜਾਂ ਅਤੇ ਪੰਜ ਬੱਚੇ ਅਤੇ ਇੱਕ ਅਧਿਆਪਕ ਤੇ ਦੋ ਹੋਰਾਂ ਦੇ ਮਾਰੇ ਜਾਣ ਦੀ ਗੱਲ ਕਹੀ ਹੈ। ਪੁਲਿਸ ਦੀ ਜਵਾਬੀ ਕਾਰਵਾਈ ਵਿਚ ਬੰਦੂਕਧਾਰੀ ਮਾਰਿਆ ਗਿਆ ਹੈ। ਇਸ ਗੋਲੀਬਾਰੀ ਦੌਰਾਨ 17 ਜਣੇ ਗੰਭੀਰ ਜ਼ਖਮੀ ਵੀ ਹੋਏ ਹਨ। ਹਮਲੇ ਵਿਚ ਜ਼ਖਮੀ ਹੋਏ ਵਿਅਕਤੀਆਂ ਨੂੰ ਹਸਪਪਤਾਲ ਭਰਤੀ ਕਰਵਾ ਦਿੱਤਾ ਗਿਆ ਹੈ। ਇਸ ਘਟਨਾ ਤੋਂ ਬਾਅਦ ਘਟਨਾ ਸਥਾਨ ਰਾਊਲ ਬਰਾਸਿਲ ਸਕੂਲ ਦੇ ਬਾਹਰ ਭਾਰੀ ਗਿਣਤੀ ਲੋਕਾਂ ਦੀ ਭੀੜ ਲੱਗ ਗਈ। ਘਟਨਾ ਤੋਂ ਬਾਅਦ ਉਥੇ ਪਾਰੀ ਸੁਰੱਖਿਆ ਫੋਰਸ ਤੈਨਾਤ ਕਰ ਦਿੱਤੀ ਗਈ ਹੈ।

ਮਸੂਦ ਅਜ਼ਹਰ ਨੂੰ ਅੰਤਰਰਾਸ਼ਟਰੀ ਅੱਤਵਾਦੀ ਐਲਾਨਣ ‘ਚ ਅੜਿੱਕਾ ਪਾ ਸਕਦੈ ਚੀਨ

ਨਵੀਂ ਦਿੱਲੀ-ਭਾਰਤ ਵਿਚ ਬਹੁਤ ਸਾਰੇ ਭਿਆਨਕ ਅੱਤਵਾਦੀ ਹਮਲਿਆਂ ਲਈ ਜ਼ਿੰਮੇਵਾਰ ਮਸੂਦ ਅਜ਼ਹਰ ਨੂੰ ਵਿਸ਼ਵ ਅੱਤਵਾਦੀ ਐਲਾਨ ਕਰਨ ਵਾਲੇ ਮਤੇ ‘ਤੇ ਅੱਜ ਸੰਯੁਕਤ ਰਾਸ਼ਟਰ ਪ੍ਰੀਸ਼ਦ ਦੀ ਬੈਠਕ ‘ਚ ਚਰਚਾ ਹੋਵੇਗੀ। ਅਮਰੀਕਾ, ਫਰਾਂਸ ਤੇ ਬਰਤਾਨੀਆ ਨੇ ਮਸੂਦ ਅਜ਼ਹਰ ਨੂੰ ਵਿਸ਼ਵ ਅੱਤਵਾਦੀ ਐਲਾਨ ਕਰਨ ਦੇ ਮਤੇ ਦਾ ਸਮਰਥਨ ਕੀਤਾ ਹੈ। ਹਾਲਾਂਕਿ ਚੀਨ ਨੇ ਅਜੇ ਵੀ ਇਸ ‘ਤੇ ਆਪਣਾ ਰੁਖ ਸਾਫ਼ ਨਹੀਂ ਕੀਤਾ ਹੈ। ਮਸੂਦ ਨੂੰ ਬਚਾਉਣ ਲਈ ਚੀਨ ਹੁਣ ਤੱਕ ਤਿੰਨ ਵਾਰ ਵੀਟੋ ਲਗਾ ਚੁੱਕਾ ਹੈ।

ਕੈਨੇਡਾ ਰਹਿਣ ਵਾਲੇ ਭਾਰਤੀ ਪਰਿਵਾਰ ਦੇ ਲਈ ਆਖਰੀ ਸਾਬਤ ਹੋਈਆਂ ਸਫਾਰੀ ਦੀ ਛੁੱਟੀਆਂ

ਔਟਵਾ-ਕੈਨੇਡਾ ਵਿਚ ਰਹਿਣ ਵਾਲੇ ਇੱਕ ਭਾਰਤੀ ਪਰਿਵਾਰ ਦੇ ਲਈ ਛੁੱਟੀਆਂ ਬਿਤਾਉਣ ਦੇ ਲਈ ਕੀਤੀ ਜਾਣ ਵਾਲੀ ਹਵਾਈ ਯਾਤਰਾ ਜੀਵਨ ਦੀ ਆਖਰੀ ਯਾਤਰਾ ਬਣ ਗਈ। ਇਸ ਪਰਿਵਾਰ ਨੇ ਪਹਿਲੀ ਵਾਰ ਸਫਾਰੀ ਘੁੰਮਣ ਦੀ ਯੋਜਨਾ ਬਣਾਈ, ਲੇਕਿਨ ਕੀਨੀਅਰ ਵਿਚ ਹੋਏ ਹਾਦਸੇ ਵਿਚ ਇਸ ਪਰਿਵਾਰ ਦੇ ਛੇ ਮੈਂਬਰਾਂ ਦੇ ਲਈ ਆਫਤ ਬਣ ਕੇ ਆਈ ਅਤੇ ਸਭ ਕੁਝ ਖਤਮ ਹੋ ਗਿਆ। ਨੈਰੋਬੀ ਨੂੰ ਜਾਣ ਵਾਲੇ Îਇਥੋਪੀਅਨ ਏਅਰਲਾਈਨਜ਼ ਦਾ ਜਹਾਜ਼ ਟੇਕ ਆਫ਼ ਤੋਂ ਬਾਅਦ ਐਤਵਾਰ ਨੂੰ ਹਾਦਸਾਗ੍ਰਸਤ ਹੋ ਗਿਆ ਸੀ। ਬੋÎਇੰਗ 737 ਨੇ ਬੋਲ ਕੌਮਾਂਤਰੀ ਹਵਾਈ ਅੱਡੇ ਤੋਂ ਉਡਾਣ ਭਰੀ ਅਤੇ ਛੇ ਮਿੰਟ ਬਾਅਦ ਸੰਪਰਕ ਖੋਹ ਦਿੱਤਾ। ਇਥੋਪਿਆਈ ਸ਼ਹਿਰ ਬਿਸ਼ੋਫ ਦੇ ਬਾਹਰ ਜਹਾਜ਼ ਦੇ ਡਿੱਗਣ ਨਾਲ ਸਾਰੇ 149 ਯਾਤਰੀਆਂ ਅਤੇ ਅੱਠ ਚਾਲਕ ਦਲ ਦੇ ਲੋਕਾਂ ਦੀ ਮੌਤ ਹੋ ਗਈ। ਇਨ੍ਹਾਂ ਪੀੜਤਾਂ ਵਿਚ 73 ਸਾਲਾ ਪੰਨਗੇਸ਼ ਵੈਧ ਦੇ ਨਾਲ 67 ਸਾਲਾ ਉਨ੍ਹਾਂ ਦੀ ਪਤਨੀ ਹੰਸਿਨੀ ਵੈਧ, 37 ਸਾਲ ਦੀ ਬੇਟੀ ਕੋਸ਼ਾ ਵੈਧ, 45 ਸਾਲ ਦੇ ਉਨ੍ਹਾਂ ਦੇ ਪਤੀ ਪ੍ਰੇਰਿਤ ਦੀਕਸ਼ਿਤ ਅਤੇ ਉਨ੍ਹਾਂ ਦੇ ਦੋ ਬੱਚੇ ਅਨੁਸ਼ਕਾ ਅਤੇ ਆਸ਼ਕਾ ਸ਼ਾਮਲ ਸੀ। ਵੈਧ ਜੋੜਾ ਸੂਰਤ ਦਾ ਸੀ ਜਦ ਕਿ ਧੀ, ਜਵਾਈ ਅਤੇ ਦੋਵੇਂ ਬੱਚੇ ਭਾਰਤੀ ਮੂਲ ਦੇ ਕੈਨੇਡਾ ਨਾਗਰਿਕ ਸੀ। ਕੈਨੇਡਾ ਵਿਚ ਰਹਿਣ ਵਾਲਾ ਇਹ ਪਰਿਵਾਰ , ਸਫਾਰੀ ਛੁੱਟੀਆਂ ਮਨਾਉਣ ਦੇ ਲਈ ਕੀਨੀਆ ਵਿਚ ਸੀ ਜਦ ਇਹ ਹਾਦਸਾ ਵਾਪਰਿਆ। ਪੰਨਗੇਸ਼ ਦੇ ਬੇਟੇ ਮੰਨਣ ਵੈਧ ਨੇ ਕਿਹਾ ਕਿ ਮੈਂ ਅਪਣੇ ਮਾਤਾ, ਪਿਤਾ, ਭੈਣ ਜੀਜਾ ਅਤੇ ਦੋਵੇਂ ਭਾਣਜੀਆਂ ਨੂੰ ਖੋਹ ਦਿੰਤਾ। ਹੁਣ ਮੇਰੇ ਕੋਲ ਕੁਝ ਨਹੀਂ ਬਚਿਆ। ਮੰਨਤ ਨੇ ਦੱਸਿਆ ਕਿ ਭੈਣ 2003 ਵਿਚ ਕੈਨੇਡਾ ਦੀ ਸਥਾਈ ਨਿਵਾਸੀ ਸੀ। ਉਹ ਬੱਚਿਆਂ ਨੂੰ ਅਪਣਾ ਜਨਮ ਸਥਾਨ ਕੀਨੀਆ ਦਿਖਾਉਣਾ ਚਾਹੁੰਦੀ ਸੀ।