Home / ਦੇਸ਼ ਵਿਦੇਸ਼ / ਆਸਟ੍ਰੇਲੀਆ : 3.6 ਟਨ ਵਜ਼ਨੀ ਪਾਈਪ ਡਿੱਗੀ, 3 ਜ਼ਖਮੀ

ਆਸਟ੍ਰੇਲੀਆ : 3.6 ਟਨ ਵਜ਼ਨੀ ਪਾਈਪ ਡਿੱਗੀ, 3 ਜ਼ਖਮੀ

Spread the love

ਸਿਡਨੀ — ਆਸਟ੍ਰੇਲੀਆ ਦੇ ਸ਼ਹਿਰ ਗੋਲਡ ਕੋਸਟ ਵਿਚ ਬੁੱਧਵਾਰ ਸਵੇਰੇ ਭਿਆਨਕ ਹਾਦਸਾ ਵਾਪਰਿਆ। ਇੱਥੇ ਲੱਗਭਗ 3 ਟਨ ਵਜ਼ਨੀ ਇਕ ਸਟੀਲ ਪਾਈਪ ਕੰਧ ਤੋਂ ਹੇਠਾਂ ਡਿੱਗ ਪਈ, ਜਿਸ ਕਾਰਨ 3 ਵਰਕਰ ਜ਼ਖਮੀ ਹੋ ਗਏ। ਜਾਣਕਾਰੀ ਮੁਤਾਬਕ ਇਹ ਵਰਕਰ ਬੁੱਧਵਾਰ ਸਵੇਰੇ ਸਰਫਰਜ਼ ਪੈਰਾਡਾਈਜ਼ ਵਿਚ ਜਵੈਲ ਉੱਚ ਪੱਧਰੀ ਇਲਾਕੇ ਦੇ ਹੇਠਲੇ ਕਾਰਪਾਰਕ ਖੇਤਰ ਵਿਚ ਕੰਮ ਕਰ ਰਹੇ ਸਨ। ਇਸ ਦੌਰਾਨ ਬਿਜਲੀ ਕੇਬਲ ਲੱਗੀ ਸਟੀਲ ਦੀ ਪਾਈਪ 3 ਮੀਟਰ ਦੀ ਉੱਚਾਈ ਤੋਂ ਡਿੱਗ ਪਈ।
ਜਿਸ ਸਮੇਂ ਪਾਈਪ ਹੇਠਾਂ ਡਿੱਗੀ ਉਸ ਸਮੇਂ 3 ਵਰਕਰ ਹੇਠਾਂ ਕੰਮ ਕਰ ਰਹੇ ਸਨ। ਇਨ੍ਹਾਂ ਵਿਚੋਂ ਇਕ 27 ਸਾਲਾ ਵਰਕਰ ਇਸ ਦੀ ਚਪੇਟ ਵਿਚ ਆ ਗਿਆ ਭਾਵੇਂਕਿ ਉਸ ਦੇ ਸਾਥੀਆਂ ਨੇ ਜਲਦੀ ਹੀ ਉਸ ਨੂੰ ਬਾਹਰ ਕੱਢ ਲਿਆ। ਫ੍ਰੈਕਚਰ ਹੋਣ ਕਾਰਨ ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਬਾਕੀ ਦੋ 28 ਸਾਲਾ ਵਰਕਰਾਂ ਨੂੰ ਲੱਤਾਂ, ਮੋਢਿਆਂ ਤੇ ਗਰਦਨ ‘ਤੇ ਮਾਮੂਲੀ ਸੱਟਾਂ ਲੱਗੀਆਂ ਸਨ ਇਸ ਲਈ ਉਨ੍ਹਾਂ ਨੂੰ ਵੀ ਹਸਪਤਾਲ ਲਿਜਾਇਆ ਗਿਆ। ਇਲਾਜ ਮਗਰੋਂ ਉਨ੍ਹਾਂ ਦੀ ਹਾਲਤ ਸਥਿਤ ਦੱਸੀ ਜਾ ਰਹੀ ਹੈ। ਕਵੀਨਜ਼ਲੈਂਡ ਐਂਬੂਲੈਂਸ ਸਰਵਿਸ ਸੀਨੀਅਰ ਆਪਰੇਸ਼ਨ ਸੁਪਰਵਾਈਜ਼ਰ ਗੇਵਿਨ ਫੁਲਰ ਨੇ ਕਿਹਾ ਕਿ ਤਿੰਨੇ ਵਿਅਕਤੀ ਖੁਸ਼ਕਿਸਮਤ ਸਨ ਜਿਹੜੇ ਜਿਉਂਦੇ ਬਚ ਗਏ ਕਿਉਂਕਿ ਪਾਈਪ ਲੱਗਭਗ 3.6 ਟਨ ਵਜ਼ਨੀ ਸੀ।

Leave a Reply

Your email address will not be published.